茶屋町 (長沙灣道) (Closed)

之前經過深水埗長沙灣道，見到一間店門充滿日式古建築設計嘅餐廳，令我留底好深刻嘅印象。當時覺得E一間餐廳一定係消費比較高嘅日本餐廳，就冇睇到佢嘅餐牌就走咗。今次再經過E一間鋪頭，鼓起勇氣睇下個菜單，原來價錢都唔算貴，就決定入去食個飯！😂餐廳入邊嘅設計都有心思，係仿照日本鐵路車廂嘅設計。而「車窗」上更有日本動畫嘅海報裝飾，實在非常適合打卡！今次點咗一份鰻魚飯，原條大鰻魚直上比你！😳E個價錢，實屬超值。味道方面都整得幾好味，而佢仲有好多甜品提供，各位去開深水埗可以嚟一試！👍🏼

繁忙嘅深水埗大街竟然有間充滿日式風情又安靜嘅小店，去到剛好過咗午市優惠，不過都唔緊要，依舊覺得好抵食，因為佢哋嘅食物係大件又抵食！首先汁燒鰻魚丼估唔到係有跟味增湯同甜品，大條鰻魚燒得微焦，好厚身又軟熟，加埋燒汁偏鹹送飯就剛剛好喇！值得一提係個甜品白玉，煙煙韌韌加上甜甜黑蜜真係超好味！之後叫咗烏冬，考慮咗好耐到底應唔應該轉咖哩湯因為感覺會同鰻魚唔夾，不過咖哩好似係佢哋秘製所以就試咗！食落就無乜特別喇，而烏冬就可能因為我影相太耐導致有點淋，下次會試返鰹魚湯原汁原味！其實從白玉可見茶屋町應該係出名甜品，不過因為飽同時間尷尬就無機會試到啦，有機會一定會去食甜品！

呢間餐廳係無意中發現嘅，估唔到深水埗都有呢啲好嘢食🤭🤭入到間餐廳已經覺得好日式，坐得好舒服，店員仲好有禮貌。點菜要用QR code。呢間餐廳喺深水埗區來講價錢都偏貴，冇辦法，深水埗實在太多平靚正嘢食😌鰻魚丼啲飯唔算好多，男人食可能啱啱夠飽肚，但係條鰻魚又真係幾好食。雖然餐牌冇寫，其實佢有三粒白玉丸子送，我覺得好食過日本，日本嗰啲成日都冇味，呢幾粒反而甜甜地，綠色嗰粒仲好有抹茶味🤣雞扒烏冬不過不失，有得揀冷或熱烏冬，份量足夠最有驚喜係呢杯雪糕，認真，好耐未食過今次喺日本食到嘅軟雪糕

長沙灣道出現左走中高價路線的日式餐廳。有我最中意的抹茶。第一次去食左個lunch set, 第二次去試埋個甜品。汁燒鰻魚飯 --- 飽滿的珍珠米上鋪左2塊香軟的鰻魚，再澆上甜甜的鰻魚汁，為輕鬆的相聚增添愉快的感覺。lunch set包左麵豉湯同前菜。麵豉湯有豆卜、昆布同紅蘿蔔，清甜同有港式住家飯的感覺😂😂😂前菜有昆布同蟹籽。味度不過不失，價錢同期望相符。（2019年12月中旬）咖喱唐揚雞丼 -- 咖哩辣辣地，都香口，不過不失。炸雞外乾內軟，還可以。講起個甜品就難以啟齒。上面的抹茶軟雪糕出色，茶香濃郁而不膩，淋上抹茶醬。下一層係十勝的罐頭紅豆，好甜。但還算滿意。可惜之後的令人失望。裝飾用的圓餅乾，食落係膠味。紅豆下一層係雪糕筒的餅乾碎 ，再黎係綠色的無味啫喱😣。再低層係綠茶味早餐脆片😅有點口乾😩！好彩有一杯普通的綠茶提供。原來3點後全市正價6折，買單30蚊，心理即刻平衡返😀 建議下次只會叫新地～環境算舒服，牆上有日式的海報，對住嘈吵的街道，可以閒坐一會～

茶屋町舖位不大，我們三人食飯，進入時所有四人桌都已經有客，店員幫我們把兩張二人桌合併，見到我背著一個大袋，還細心地替我多拉一張凳來放行李。我們點了汁燒雞扒烏冬、吉列雞扒丼、汁燒鰻魚丼，再加點了一個小食：炸南瓜薯餅。汁燒雞扒烏冬的烏冬質感不錯，烏冬上面鋪滿木魚，湯底值得一讚，湯清卻味濃，食得出是花功夫餚的湯。汁燒雞扒非煎非炸，是用汁煮熟的，雞扒肉質嫩滑，味道濃沃，好味。吉列雞扒丼配有咖哩、麵豉湯和前菜。這裏的麵豉湯有別於其他日式料理店，湯裏有紅蘿蔔和豆卜，使得整個湯有紅蘿蔔的清香和豆卜的惹味。前菜是醋漬蘿蔔和青瓜，略嫌簡單，但口味清新消滯。吉列雞扒其實是唐揚炸雞，炸得香脆而雞肉美味，飯面還有胡麻醬拌菜絲，拌著飯來吃份外好味。汁燒鰻魚丼也配有麵豉湯和前菜。鰻魚味道香濃口感好，雖不特別大塊，但因為燒汁多，很能下飯。飯面也有胡麻醬拌菜絲，米飯軟硬適中，使得整個鰻魚丼很好吃。炸南瓜薯餅中的南瓜比例很高，炸得很香脆。以這個價位的日式料理店來說，這間茶屋町真的十分美味，值得一再光顧。

心思思想試呢間嘢，見門外有餐牌主食價錢都唔貴，睇落又夠大碟星期六過了lunch時份來，不用等位可直入肚餓可以叫主食，有飯、意粉、烏冬仲有好多日式小食唔肚餓可以叫甜品同三五知己食餐牌有埋食物個樣係吸引啲嘅～～～甜品個樣都幾精美由於未食lunch，我地今次就叫主食汁燒鰻魚丼（$88）見好多人點條鰻魚你睇！！！又厚肉又長，飯量又夠多基本上一個女仔連鰻魚都食唔晒，因為真係又厚又大條另一客係燒豚肉丼跟餐有個海藻前藻，鹹鹹地，幾開胃份量唔多，比你叫做開吓個胃咁個豚肉飯好大碗，起碼有正常1.5碗大飯唔止飯多，肉都多，就咁睇鋪面都10塊8塊下面仲有佢每塊肉都燒過㗎睇落食落都好香口有少少肥，所以好香，一啲都唔un，仲好爽口有油脂特別甘香配埋甜甜地燒汁，送飯一流係有少少肥，不過我大把quota，冇所謂我地坐左2個鐘吹水，都冇被趕勁正

今天經過深水埗，看到大街有一間日式餐廳很吸睛，所以便進去試一試餐廳裝潢簡潔乾淨，坐位不算多，但不會很迫午餐時間，我和老公一人點了一個主食汁燒鰻魚丼 - 賣相非常吸睛，鰻魚又厚又長！機乎把飯都覆蓋！定食附上一碟海帶前菜，海帶吃下微鹹都相當醒胃鰻魚又厚又長，但完全沒有魚骨也不腥。配上濃厚的鰻魚汁，令我一口接一口的吃不停！這個價錢可以吃到原條鰻魚，真是性價比很高和風牛肉湯烏冬 - 湯底是鰹魚湯，上菜時熱辣辣，魚湯十分夠味！烏冬亦十分煙韌！牛肉亦吸收了魚湯的味道！這間餐廳的原條鰻魚飯真是令我吃得難忘！值得推介

之前喺Facebook見到有人介紹，所以見近近地過左黎食，下午三點幾黎到，得一兩枱客，唔洗等位，但午市套餐已經無左😢不過一場黎到，最後都決定左入去試下。汁燒鰻魚丼🍚 $88價錢黎講我覺得都算抵，因為鰻魚都幾厚身多肉，賣相都唔錯，比起以前食過其他小店既鰻魚飯大條同平啲，不過唯一唔好既就係啲汁多得濟❗️❗️而且仲偏鹹，一開頭食都可以，但食多幾啖就會覺得好漏，下次再食應該會叫少汁😂另外仲有一碗小配菜跟，係甜蛋同埋小甜薯，咁啱兩樣都係我至愛👅布丁燒🍮 $30呢個我覺得好好食，本來我就係好鐘意食布丁，所以應該無得彈😋～佢呢個布丁超其實係芝士蛋糕再加焦糖雞蛋布丁，兩樣我都幾鐘意食，夾埋一齊都幾match👍🏻

夏日炎炎，假日下午到深水埗逛街後，便躲到茶屋町。店內的人喝着冰涼的飲品，吃着精緻的甜品，聊聊鎖事，在這裏悠悠地度過炎熱的下午。先點一杯飲品解熱，抹茶牛乳(冷)($22)。來到以抹茶為主打的店，怎能不點一些與抹茶有關的飲品?看見鄰座兩位一人一杯抹茶牛乳，我也跟着她們點了一杯。墨綠的抹茶和奶白的牛奶混和，如雲霧般夢幻。在炎熱的夏天，冰凍的牛奶令人心情舒爽。牛乳增添這杯飲品的軟滑，抹茶味濃郁，卻沒有蓋過軟滑牛乳的味道。汁燒鰻魚丼($88)，比碟更長的鰻魚蓋着飽滿飯粒，碟中心向下凹，盛着更多米飯，又能令整條鰻魚平放在碟上。醬汁在米飯中滲透開來，燒鰻魚香溢滿口，厚肉鰻魚帶嚼勁。旁邊有一小碟伴菜，小甜薯軟稔，厚玉子味甜，還有少量幼海帶，先吃這個伴菜會更開胃。整碟不論飯和鰻魚都非常大份，男士也必定夠吃。北海道牛奶奶凍($22)，簡單的甜品，要做得好實在不容易。用上北海道牛奶，所以奶味比一般的濃郁，更重要的是這個奶凍夠滑，有入口即溶之感，這個甜品做得出色。布丁燒($30)，看到牆上有趣的介紹，便點了這個。與一般布丁不同，除了有香甜脆薄的焦糖在頂層，中間有軟滑的雞蛋布丁，底層還加了鬆軟的芝士蛋糕，三層口