婆婆珈琲屋

Open Now

Now Closed

🍱北海道三文魚奶油燉菜定食💰148📝三文魚浸落奶油到好邪惡，有啲西蘭花、薯仔係入面，撈飯👍🏻🍱沖繩黑糖豬軟骨定食 💰148📝甜嘅黑糖豬軟骨同白蘿蔔都好入味，蘿蔔冇渣可惜得一嚿，豬軟骨炆得幾腍‼️唔要梅子飯可加錢轉配其他拌飯‼️🍚蟹肉味噌飯 （+💰20）🍚蜜汁櫻花蝦飯 （+💰14）📝蟹肉蟹膏加味噌份量都唔少，連嗰塊紫蘇葉都可以食埋，櫻花蝦好脆口帶啲甜味，同朋友share可以再將啲配料分一半🫶🏻🤣，日本米配簡單嘅餸同配菜好滿足！定食跟嘅配菜係下面4️⃣款，唔夠仲可以追加其他小食e.g.雞軟骨、流心芝士薯餅，不過如果叫甜品其實都好夠🤰🏻1️⃣自家製啤酒柚子蘿蔔漬📝蘿蔔切到細細粒，幾爽口，酸甜開胃2️⃣清酒溏心蛋📝做到流心熟度啱啱好 3️⃣油揚拌菠菜📝用咗麻油有啲蔬菜食無咁heavy4️⃣味噌蜆肉昆布湯📝偏濃味飲到淡淡嘅蜆肉味✨昭和紅日富士牛乳布丁💰68📝富士山主題甜品，布甸滑溜，食落唔會好甜，加粒士多啤梨喺面🍓，以藍白色為主，打卡一流✨香港奶茶獅子山 💰98📝蛋糕係伯爵茶味既戚風蛋糕，上面有奶蓋，散落係碟嘅焦糖脆脆，配港式奶茶味雪糕，同樣唔會好甜，好有香港特色！✨蘋果 Kombucha 💰39📝飲品都有好多選擇，我

我絕對是為富士山飯團慕名而來，提早幾日訂座，可惜我晚市首輪入座，店員已告知飯團售罄，她說通常午市才有供應，實在令人失望。望著餐牌，五款主菜中有一款未能供應，另外有兩款只限量供應各六份，呃，真的有點誇！蜂蜜蘋果咖喱雞肉烏冬 $128沖繩黑糖豬軟骨定食 $148 （限量最後一份！）兩份晚餐賣相唔錯，前菜豆皮菠菜無咩味不過都幾多，柚子蘿蔔味道我麻麻，溏心蛋好食，味噌湯有蜆肉都唔錯。咖喱撈烏冬好食，每條烏冬都被日式甜咖喱包住，薯仔粒蘿蔔粒同雞肉粒大小相若，不同口感，成件事幾豐富。豬軟骨好入味，部份膠質入口溶化，但有部份比較柴，實在美中不足。跟餐配蘋果婆婆杯茶 加$28，富士山限定特飲加$58。前者味道有點酸，後者根本是杯打滿奶泡的鮮奶，適合打卡但味道普通。最後甜品點了一份沖繩海鹽富士山 $98 賣相好靚，個海鹽雪糕非常鹹，配無咩味既蛋糕同奶油食都可以中和返。.總括來說，店家屬打卡餐廳，賣相精緻，味道普通。主菜唔算貴，但加埋特飲，加埋甜品，計返性價比唔太高。

一間屬於年青人打卡嘅餐廳，食物的造型適合影相打卡，味道就一般般。沖繩黑糖豬軟骨定食 - 先講豬軟骨，非常出色！煮得好夠味，而且仲要好淋，送飯一流，不過佢裏面有一舊蘿蔔，就爭少少，唔屬於好淋，又唔屬於好甜嗰種蘿蔔，所以就比豬軟骨失色啲。我開頭以為係碗白飯，原來係一碗栗子飯，好驚喜！當配埋豬軟骨一齊食嘅時候，有一種食緊栗子炆雞嘅感覺（正確啲來講可能係栗子炆豬軟骨😅）好食👍🏻另外仲有一啲配菜，有一碟應該係屬於泡菜，就係醃蘿蔔，不過喺面頭再加咗少少柚子蜜，幾清新。另外一碟係菠菜腐皮？應該係咁嘅名，呢碟又係好好食，我開頭以為佢冇乜味，原來唔係，佢係有調教左一啲味，我唔係好肯定，不過可能係類似堅魚汁之類，幾好食真係。麵豉湯佢有蜆肉喺裏面，亦都屬於好飲。至於隻糖心蛋就普普通通，有做到糖心蛋黃，不過蛋白部份就冇乜味，因為應該係用豉油味琳去浸，但係就食唔到呢啲味。三文魚富士山飯團 - 飯本身比較粘，唔算好食，又唔係難食，可以叫嚟為咗影相。限定特飲「「富士山」」- 其實呢杯飲品唔算好靚，不過我見佢寫住限定就試下，同埋跟餐叫飲品好多都有半價，不過呢杯就無，呢杯原價要$78，跟餐叫可以減$20。呢杯基本上是一