Video
Read full review
2022-01-03
59 views
一間屬於年青人打卡嘅餐廳，食物的造型適合影相打卡，味道就一般般。沖繩黑糖豬軟骨定食 - 先講豬軟骨，非常出色！煮得好夠味，而且仲要好淋，送飯一流，不過佢裏面有一舊蘿蔔，就爭少少，唔屬於好淋，又唔屬於好甜嗰種蘿蔔，所以就比豬軟骨失色啲。我開頭以為係碗白飯，原來係一碗栗子飯，好驚喜！當配埋豬軟骨一齊食嘅時候，有一種食緊栗子炆雞嘅感覺（正確啲來講可能係栗子炆豬軟骨😅）好食👍🏻另外仲有一啲配菜，有一碟應該係屬於泡菜，就係醃蘿蔔，不過喺面頭再加咗少少柚子蜜，幾清新。另外一碟係菠菜腐皮？應該係咁嘅名，呢碟又係好好食，我開頭以為佢冇乜味，原來唔係，佢係有調教左一啲味，我唔係好肯定，不過可能係類似堅魚汁之類，幾好食真係。麵豉湯佢有蜆肉喺裏面，亦都屬於好飲。至於隻糖心蛋就普普通通，有做到糖心蛋黃，不過蛋白部份就冇乜味，因為應該係用豉油味琳去浸，但係就食唔到呢啲味。三文魚富士山飯團 - 飯本身比較粘，唔算好食，又唔係難食，可以叫嚟為咗影相。限定特飲「「富士山」」- 其實呢杯飲品唔算好靚，不過我見佢寫住限定就試下，同埋跟餐叫飲品好多都有半價，不過呢杯就無，呢杯原價要$78，跟餐叫可以減$20。呢杯基本上是一
沖繩黑糖豬軟骨定食 - 先講豬軟骨，非常出色！煮得好夠味，而且仲要好淋，送飯一流，不過佢裏面有一舊蘿蔔，就爭少少，唔屬於好淋，又唔屬於好甜嗰種蘿蔔，所以就比豬軟骨失色啲。我開頭以為係碗白飯，原來係一碗栗子飯，好驚喜！當配埋豬軟骨一齊食嘅時候，有一種食緊栗子炆雞嘅感覺（正確啲來講可能係栗子炆豬軟骨😅）好食👍🏻另外仲有一啲配菜，有一碟應該係屬於泡菜，就係醃蘿蔔，不過喺面頭再加咗少少柚子蜜，幾清新。另外一碟係菠菜腐皮？應該係咁嘅名，呢碟又係好好食，我開頭以為佢冇乜味，原來唔係，佢係有調教左一啲味，我唔係好肯定，不過可能係類似堅魚汁之類，幾好食真係。麵豉湯佢有蜆肉喺裏面，亦都屬於好飲。至於隻糖心蛋就普普通通，有做到糖心蛋黃，不過蛋白部份就冇乜味，因為應該係用豉油味琳去浸，但係就食唔到呢啲味。
三文魚富士山飯團 - 飯本身比較粘，唔算好食，又唔係難食，可以叫嚟為咗影相。
限定特飲「「富士山」」- 其實呢杯飲品唔算好靚，不過我見佢寫住限定就試下，同埋跟餐叫飲品好多都有半價，不過呢杯就無，呢杯原價要$78，跟餐叫可以減$20。呢杯基本上是一杯甜甜地嘅奶水，就係咁，所以要$58嘅話，我會建議大家唔好叫，除非你好想影依張相。
昭和紅日富士牛乳布丁- 呢款布丁賣相真係好靚（我覺得）開頭抱着心態牛乳布丁好難唔好食啫？加上我好鍾意佢嘅外表，所以就叫咗……佢係我人生食過最實嘅布甸，偏硬，一啲都唔滑！牛乳布甸？冇牛奶味？點解？似食緊一件無味嘅硬嘢，細心啲食下，哦原來有少少奶味，少少囉！真係得少少！絕對唔值$68。
沖繩黑糖豬軟骨定食
8 views
0 likes
0 comments
富士山
13 views
0 likes
0 comments
昭和紅日富士牛乳布丁
20 views
0 likes
0 comments
Post
