蜀府川鍋 (Closed)

蜀府川鍋基本上我一年都食幾次, 原因為平, 任座完全唔會趕你走, 同朋友食飯吹水係一流嘅。是晚我哋一行三人, 叫咗個四人海鮮餐, 乞衣雞, 幾支大啤, 埋單1000有找, 由7點座到12點, 係幾好嘅。綠豆芝麻餅香口, 有濃濃芝麻, 與綠豆味好足, 度適中(不太甜), 同煙韌, 好食。4人份量海鮮 龍蝦兩隻開邊4件,  大蜆, 飽魚, 大元貝, 大刀貝, 沙巴龍躉, 大蜆, 飽魚, 大元貝,  沙巴龍躉全部新鮮貨, 生猛, 食落都鮮甜。龍蝦有2隻, 開邊共4件, 其中有兩件蒸完煤咗, 完全影響用餐感覺。沙巴龍躉新鮮貨, 4人餐比條魚有1斤, 抵食。蟲草雞雞好滑, 有半隻, 有加過味, 食落唔會有一陣雪味。乞衣雞啲肉太鞋, 但驚奇隻雞係有肉汁, 雖然未到JUICY, 但食味幾好, 鹹香味與雞味都出, 好食。叫咗個四人海鮮餐, 乞衣雞, 幾支大啤, 連加一醬油, 埋單1000有找, 由7點座到12點, 係唔錯選擇。

559四人海鮮餐除咗抵食之外, 就係侍應姐姐好好服務喇, 先講講當晚嘅食物先。6人份量海鮮, 龍蝦一人半隻,  大蜆, 飽魚, 大元貝, 大刀貝, 沙巴龍躉, 大蜆, 飽魚, 大元貝,  沙巴龍躉全部新鮮貨, 生猛, 食落都鮮甜。大刀貝蒸唔開口, 同姐姐講佢二話不說就我哋全部換過佢。龍蝦有3隻, 開邊共6件, 其中有兩件蒸完煤咗, 又再同姐姐佢講佢又係二話不說咁同我哋換過隻俾我哋。餐前有個前甜餅, 我覺得幾好食, 味度適中(不太甜), 同煙韌, 加上芝麻香, 係幾好食。蟲草雞正常, 雞都叫滑。炸魚皮, 好食, 即炸, 無油益味, 佢哋嘅魚皮係好薄好薄果種, 食落脆口同鬆化。整體食味正常, 價性比完勝, 同有壞包換依點幾好。

成日留係新界食好西...都會覺得悶悶地...咁岩今日在九龍工作，順道約埋三五知己去食海鮮餐...首先係有大蜆蝦海膽粥....都好多隻蝦同蜆，而粥底好鮮甜對唔太喜歡食粥既我都食在兩碗..！值得推薦.....新鮮活鮑魚...真的活鮑魚...我見到還識郁本地手切牛頸脊...有香濃牛肉味全條龍躉起片都係$188...抵食即炸魚皮....好脆口、食落仲有小小熱熱地..！北海道大元貝：好鮮甜..！呢個黃金糕...友人話好少地方有得食..！工序都比較多...要先蒸後煎...味道都唔會太甜，有煙煙un un 感覺..！平均每人都係3百幾...我地覺得都抵食...！同埋海鮮CP 值頗高....所以值得推薦

一家人外出食飯，去了位於油塘站附近的蜀府川鍋。見openrice的食評不錯，價錢比較便宜，所以一試。見大部網友都推介了海鮮雙層塔，加上我們全家都喜歡食海鮮，而且$499有個4人份量的套餐，確實便宜。店員會推架醬料車仔過來，我們自行配搭醬料，只有基本的款式，辣椒、蒜蓉、葱及芫茜，反而有分甜/咸豉油。我們點了瑤柱排骨粥底，可以一邊蒸海鮮，一邊打邊爐。先送上來的海鮮拼盤，海鮮很有堆頭，擺放精緻，份量十足。之後就送上了蟲草花鮮雞，4人份量有半隻，目測雞肉是有用豉油豆粉醃過，因為顏色有點深。沙巴龍躉則是原條切件，整齊排放成原狀。我們另外再點了一些配料。一邊打邊爐，一邊等上面的海鮮蒸熟。牛脊肉小份色澤鮮紅，切得厚身，雪花紋清晰。牛肉肉味濃郁，肉質比較實淨有咬口，油份不多，所以不會成鍋粥油淋淋。手打墨魚滑及蝦滑，外型精緻，設計方便放落粥底。兩者質感軟腍幼滑，有濃郁的海鮮味及膠質非常彈牙。雲吞味道普通，是急凍貨式，外皮較薄。碌了一陣牛肉後，海鮮開始熟透。先試了蜆肉及蚌，鮮甜無比，不過其中一粒蜆肉有少許沙。扇貝用粉絲墊底，加上蒜蓉一起蒸，扇貝肉質腍滑，連殼內的湯一齊飲，非常鮮甜。鮑魚新鮮爽口彈牙，很有咬

表姐住在油塘附近，知道我喜歡食海鮮，介紹我去油塘巴士總站斜對面的蜀府川鍋，主打食二層鍋，上面蒸海鮮，下面粥底打邊爐，一次過有兩種食法，重點是海鮮新鮮，價錢便宜，在旺角食一個蒸氣鍋，人頭要$350-$400，在這裏只需要$148/位，抵到難以至信，若非表姐介紹我都要諗諗。地方聽落好似好遠，要去到油塘，好似唔多就腳，看完地圖都不知到那裏，其實好近地鐵站，一出油塘站行向759的出口，直行過左X鮮壽司，左轉入巴士總站向停迫VAN仔的方向行，出返大街就會見到，總共不過數分鐘。餐廳門口放有魚缸，有很多新鮮生猛的海鮮，熱情的店員叔叔說他們的海鮮是每天新鮮取貨，全部都活生生，所以客人回頭率極高。我們一行四人點了一個四人海鮮餐，只需要$499，抵到難以至信。除了海鮮餐之外，還有蟹粥、龍蝦粥、川辣鍋底及小菜等，款式眾多，緊有一款啱食。先點了一個小食尖辣皮蛋，皮蛋入口即溶，帶有一點的麻辣香味，但不會太辣，反而尖椒辣到唔夠膽放入口。雙層蒸氣塔，上面是蒸鍋，下面是粥底。我們點了瑤柱排骨粥底，排骨大大舊，很大鍋。海鮮拼盤真是很大份，有蒜蓉粉絲扇貝、貴妃蚌、蜆、鮑魚、龍蝦及粟米，份量十足，絕不欺場。每人分得3-4隻

呢排老公整日要加班，見佢禁勤力決定去食佢最愛的火鍋店之一<蜀府川鍋>，之前去過老公就愛上左呢度，因為店員好親切、好有人情味，加上營業時間到好夜，就算要加班都可以黎食~ 今次店員介紹新推出的“雙層海鮮蒸氣塔套餐”， 每人只須HK$148就可以品嚐到蒸氣塔+粥底海鮮鍋， 有十多種海鮮食材，包括: 龍蝦、鮑魚、扇貝等， 還仲有甜品同粥鍋湯底，非常抵食~ 店員會將火鍋調味盤送上俾客人自行調味， 有鼓油、辣椒、蔥、蒜蓉、炸蒜~ <沙巴龍躉> 魚的大小岩岩好， 放上層的蒸氣鍋蒸大約10分鐘左右， 肉鮮甜嫩滑 <蟲草花蒸雞> 可以蒸或者加入粥湯底，我地就放左入粥湯底， 令粥更鮮味~ 之後的海鮮拼盤非常豐，絕對物超所值!! 首先大大隻新鮮<龍蝦>， 肉質肥美，仲有滿滿的膏，蝦鉗淡淡肉~ 新鮮生猛的<鮑魚> 原隻的鮑魚份量十足，仲會郁郁下，非常新鮮， 蒸完之後不用加任何調味已經非常鮮甜， 爽口彈牙，令人大為滿足~ <扇貝>放左蒜蓉&粉絲， 蒸完好香，鮮甜肥美~ <大蜆皇>大

自從迷上蒸氣火鍋蒸海鮮的那個鮮之後，開始留意各式蒸氣鍋。今天選擇的雙層鍋，底層煮粥或煮海鮮。上層蒸籠，雜蒸煮於一身。8點多，已坐滿食客，非常熱鬧。裝潢屬樸素風格，沒有華麗的裝潢，但價錢親民，雙層海鮮蒸氣塔套餐＄148/位，包括10種食材，令人驚喜的是每位價錢包括龍蝦、沙巴龍躉、鮑魚、蜆皇、元貝等，還附送甜品及湯底。當然為了節省成本，全部蒸煮是由自己撐握和負責，包括自己計時。全程自己話事，所以要小心撑握蒸的時間。龍蝦一點都不輸陣，大大隻，甚至帶有糕添，經過蒸煮後的新鮮的龍蝦食起來肉質鮮美，肉汁豐富，大大只的蝦鉗淡淡肉，令人心滿意足，食一隻龍蝦已經感覺值回票價了。大蜆皇可以蒸，也可以放落粥底煮，兩種食法，各取所好，我兩種都試過，覺得蒸的話就要撐握好時間，蜆肉會更鮮嫩，如果煮就發現蜆売打開後就夾起進食，煮比蒸感覺更juice。食魚其實不需大條，約1斤左右的最好，經過蒸煮的魚肉鮮美十足，肉汁鮮嫩，除了鮮甜還是鮮甜。這個鮑魚的的確是活的，上枱時還再動，可能因為經過運動神經發揮後，肉質特別彈牙爽口。令人食之忘形。與一般雞件一樣，不同的是加了蟲草和木耳，令其營養更豐富更健康。元貝處理得很乾淨，已經去

母親大人就黎生日,梗係要請佢食番餐好啦,聽聞依到嘅海鮮新鮮又抵食,所以就決定帶佢黎試一試。皮蛋顏色同一般食開嘅唔同,係黃色嘅,聽講依個係重慶皮蛋嘅特色,仲要係溏心㖭配埋尖椒非常惹味。雖然蒜泥白肉我就食得多啦,但係依種包住青瓜嘅食法就比較小食。薄薄嘅白肉片包住爽脆青瓜,令蒜泥白肉感覺無甘油膩又清新,口感多左又好味D。一爐兩食嘅雙層蒸氣塔就可以一次過滿足晒我想食蒸海鮮同打邊爐嘅要求啦。上層嘅蒸爐可以用黎蒸海鮮。下層我就擇左瑤柱鮮竹排骨粥底,可以用黎打邊爐之餘,最後仲可以食返碗充滿精華嘅粥。個set好豐富,有龍蝦,大蜆王,沙巴龍躉,鮑魚,蟲草花鮮雞,蒜蓉粉絲大元貝同粟米。D海鮮夠晒新鮮又抵食,特別係鮑魚上枱個陣仲郁緊。仲叫左碟本地手切牛頸脊用黎打邊爐,份量十足。其實無論幾時見到"綠茶"依兩個字就會有種吸引力令我好想試。吾理三七廿一,熱辣辣都即刻擺落口到試。依個抹茶餅嘅抹茶味就食吾太出,但係炸得香脆.而目外面嘅芝麻非常之香口,裏面仲有微甜嘅芋泥餡料㖭。當然如果有埋抹茶香味就當然最好啦。