琥酌 (Moved) New Location

我同朋友都想食吉列牛，於是黎到非常有名既琥酌聚舊。餐廳裝潢貼近居酒屋，周圍擺放左唔同品牌既酒，令人賞心悅目。叫左安格斯牛吉列($368)，魚生丼($168)，火龍卷($98)。黎尼到一定要食安格斯牛吉列，廚師將外層炸到金黃色，而內層仍然係未熟透既，旁邊既小爐就係俾客人自行將牛肉煮熟，餐廳建議每邊煎20-30秒，視乎客人既喜好。尼個吉列牛口感一流，外面脆脆既，而肉質非常嫩滑，肉味鮮甜，仲有3款調味料，分別係芥末，海鹽同埋蒜蓉，令肉味更為濃郁。魚生丼有角切魚生飯、沙律、高麗菜豚肉湯、甜品。魚生基本上想食既魚生都有，新鮮得黎每片都非常厚，撈埋軟糯既飯食真係無得輸。而沙律既材料都非常豐富，除左生菜，仲有三文魚、蟹柳絲、蟹子，十分開胃。豚肉湯味道意想唔到咁清甜。仲有甜品士多啤梨慕絲，甜面不膩。火龍卷外層係三文魚，入面卷住炸蝦、青瓜、芝士，搭配得非常合適，食得出每種材料既味道，雖然又有炸物又有芝士，但係一d都唔膩。整體，環境舒服，食物大份，食物味道烹調唔錯，魚生新鮮清甜。

係日本食過一次吉列牛，係好味都返唔到轉頭呢間都叫第一二間引入黎香港所以就慕名而來，佢同日本個個九成似，連個燒爐都一樣首先來一個前菜～海蜇沙律，因為我喜歡食海蜇所以覺得呢個好好味，海蜇份量都唔少啊🔶吉列牛～脆脆的外表，生生的肉質，放上個爐燒10秒就夠，太耐會老，加上秘製醬汁，好味呢由上而下排列：柚子檸醋、七味海鹽、和風芥末🔶海鮮湯～超足料，入面有兩隻蝦、一粒扇貝、蜆仔，所以啲湯好鮮甜！另外仲叫左份海鮮火鍋，好多料有青口、帶子、扇貝、蝦、蜆，令成個餐豐富了不少！仲跟左秘製辣醬，可以倒落湯度，變成辣烏冬！🔶最後個茶碗蒸～不得了！好味到傻，佢用左蟹肉種鮮甜吊起左個味，蛋都蒸得好滑

放工行完海港城，同朋友去食呢間名字特別（叫琥酌）的日式餐廳，之前見到有吉列牛就拍板去食～😋一開始上左兩客沙律，好特別！有海蜇，酸甜既醬汁好開胃～博多明太子玉子燒$48好抵食，有五大件，釀左好多明太子，仲有木魚絲配，食到停唔到之製，好彩上左另一味菜～清酒煮蜆$88係料理長推薦板度見到，更何況係冬天去食日料我都要點既菜式！重頭戲安格斯牛吉列$188有三款醬汁：日本鹽燒汁、玫瑰岩鹽、黃芥末Staff好細心咁提醒我地燒10-12秒就食得，燒完無論點邊隻醬都好好食，我個人最愛點黃芥末，香脆既吉列皮同香滑既醬，必有一番風味！一品琥酌炒飯$148又要贊佢地細心，見兩個人，有事先將大飽魚一開二，炒飯材料好豐富，仲有帶子、黑蟹籽、鰻魚，炸蒜等等差d唔記得講飲品，因為第二日都要返工，我地叫左蘋果同水蜜桃乳酸梳打$28，開胃又降火（配吉列牛岩曬）～

真係估唔到喺香港會食到咁好味嘅和牛！哩度環境好有feel, 好有日本嘅風味咖。而且好cozy ，又唔嘈，同friend 黎 chill就最好。海蜇沙律撈埋胡麻醬夠晒味，菜又新鮮，係一個好好嘅頭盤清清地大嗌左一杯凍檸茶哩度嘅牛真係好正，好軟熟，佢個面炸到好膽，然後擺上佢個爐煎，要分開每面煎10幾秒，半熟就perfect咖la! 真係好佩服哩種咁樣嘅整法，個面脆，個芯係軟，亦都好新鮮哩個鰻魚茶漬飯真係不得了啲鰻魚燒得好香，鰻魚汁份量剛剛好，就咁食又得，撈茶漬嘅汁一齊食都一樣掂，配埋佢另外有嘅紫菜，調味料嗰啲，真係perfect combo! 秋葵山藥配 wasabi 真係第一次試，估唔到咁樣撈黎食會將平時無味嘅山藥都咁好味，真心有heart 明太子王子燒嘅蛋煎到剛剛好，好滑嫩，配埋明太子餡，好惹味