昌記

Open Now

Now Closed

之前一直聽説呢間店的油砂多和雪菜肉絲好好食，但由於所在地方比較吊腳，所以一直都的唔起個心去試，終於今日都去試咗。之前睇食評啲人都話好爆場，所以都係抱住搏一搏嘅心態前往。去到岀奇地唔駛等，即時入坐。由於之前已諗好食乜，所以即叫，唔駛等太耐，食物上枱。先上豬扒雪菜肉絲公仔麵，雪菜唔會死咸，唔錯。塊豬扒味道也可以，但就比較薄，同埋淋到好似冇乜肉嘅質感。另外件油砂多真不錯，雖然我驚食唔晒，所以冇叫加厚油砂多，但都做到表面脆，中間軟，而且個牛油味好香，係食嘅時候啲砂糖有啲跌落黎，小小論盡，但整體不錯。另外杯茶走也不錯，茶味夠濃但不苦，成杯奶茶夠香滑，不錯。

在毫無準備下，男友把我車到來跑馬地吃下午茶。。。究竟男友仔想帶我去食乜東東呢？男友邊走邊說，市政大廈有間昌記，在openrice 得到百幾個笑臉～～～還未説完已經入到熟食中心，有冷氣，環境整潔。我還來不及上網查下究竟出名食乜，老板娘已經走過說朱扒，雞扒，雞翼。。。etc  都賣晒～ 唔係化。。一場黎到乜都賣晒～係咪咁好生意呀，４點幾咋喎。。。男友一早做定功課，所以知道出名食油沙多同雪菜～～呢個情況，我梗係照跟佢嗌啦！油沙多果然好味，多士內軟外脆，牛油既咸香配上粒粒砂糖～ 好美味～想食多件呀因為豬扒賣晒。。。男友叫左雪菜餐肉麵，我就叫左雪菜餐肉通。哎呀，碗野黎到先知通粉有坑紋既，同埋好大粒。。。我個人中意冇坑紋既通粉。冇辦法啦，鬼叫自己落單前冇問清楚。Ｄ雪菜真係同出面茶餐廳既唔一樣，呢到果Ｄ冇咁咸，同埋好香麻油味。

黃泥涌街市實是搵食的好地方，除了有高級鮑魚魚翅供應的銖記和嫦記外，還有提供平民化的美味食物的「昌記」。兩位食友的生日，大家先到昌記吃些東西，然後再往下場。七條友，叫了不少包類食品，當場還有這裡馳名的雪菜肉絲魚片頭米。先講米粉，很幼滑；用上新鮮雪菜，柔軟可口，又不會死咸，肉絲也夠稔身，很好味；魚片頭色澤金黃香口，爽口彈牙，魚味濃郁，又是美味。要了三份油砂多，有走邊有食晒。厚多有成2吋厚，熱呼呼，賣相已很誘人。多士外脆內軟熟，有牛油和砂糖，帶甜味，一定是美味。在座有人喜歡食晒，有人喜歡走邊，而個人則認為有包皮會更可口。另外是魚片蛋治，沒有叫烘底。麵包鬆軟，餡料的魚皮彈牙又味鮮，蛋又是富蛋香，不錯；紅腸蛋治，烘底，真係第一次食，紅腸煎得好香口，水準一致，當然烘底的麵包會更為吸引。咸牛肉蛋治是我認為最好的，喜歡牛肉的咸香，夠熱又是加分的地方，仲要是烘底，必吃！以上的食物，無一不令人讚賞，再加上有食友親手制的超好吃南瓜形曲奇和Brownie，滿足極了。