熊貓小雲吞 (愛民廣場)

Open Now

Now Closed

嚟咗何文田先知道有間唔錯嘅四川餐廳，仲要原來有好多分店，咁鍾意食辣嘅我竟然唔知🫠呢度係先揀咗嘢食，跟住坐低等，然後再出去拎嘢食嘅。我揀咗個二人餐，兩個主食，兩個小食同埋兩支飲品，先$128😳所以我再加多兩樣🤣🤣食咗下面咁多嘢👇🏻 $200有找，抵到不得了！二人餐$128✨一口鮮蝦豚肉雲吞（爆汗麻辣湯）小辣✨油蔥酥肉燥熱撈麵（小辣）✨兩支飲品（香桃茶，洛神花茶）✨孜然椒麻炸雞翼✨軟糯香甜紅糖糍粑✨涼拌豬耳朵$38✨傷心重慶酸辣粉$33呢度嘅一口小雲吞好食😋手工自家製，新鮮足料，個雲吞皮仲要好薄好滑，湯底揀咗麻辣湯，第一次食所以揀咗小辣🌶️又唔算好辣喎，下次可以食中辣🌶️ 🌶️油蔥酥肉燥熱撈麵呢個又好食，好香蔥油味，又有花椒味，仲有好多配料，有肉燥、花生、青瓜、菜脯、脆脆豆，口感超豐富，而且份量重要唔少🤤～～～～～～～～～～～～～～～～～～傷心重慶酸辣粉爽口彈牙，酸同辣個比例啱啱好👍🏻「麻、辣、鮮、香、酸」有齊晒，極之惹味～～～～～～～～～～～～～～～～～～食熱撈麵覺得個菜脯同脆脆豆都好食，所以兩樣都買咗一樽返屋企😽諗住食粥或者撈麵嘅時候可以加落去🤭呢間唔錯可以encore🙌🏻～～～～～～～～～

今日經過何文田愛民廣場見到一間，餐廳個名好得意，叫做熊貓小雲吞，地方雖然唔大，但環境明亮而簡潔，加上一向好鐘意小雲吞嘅我，就決定試下佢啦！餐牌選擇非常多，不過我地就揀左二人餐，有主菜、小食、甜品、飲品，咁豐富都只係$128。然後，又見到餐牌上有個串串香鍋都好似好好食，同一直好鐘意嘅冰粉，於是乎好貪心咁2樣都點哂。小棠菜豚肉雲吞小雲吞餡入面包左豬肉同小棠菜，肉餡調味恰到好處，不過就唔係太食到小棠菜嘅口感，細細粒啱啱好 皮薄如紙滑溜溜 一啖一粒 。湯底揀咗紫菜蝦米湯，味道清淡但好美味。好鐘意佢多蔥花，飲上來好清新。油蔥酥肉燥熱撈麵撈麵即叫即整，上枱時熱辣辣，油蔥酥肉好香，好惹味，叫左小辣都幾辣下。配料有辣菜圃、黃金豆，青瓜絲，增加口感，麵更可選粗或幼麵，不過撈麵醬汁味道有點小鹹，份量可更多就好，不過配上雲吞湯就啱啱好。芝麻鹽焗手撕雞調味啱啱好，唔會過咸，雞肉嫩滑得呢，好有有雞味，個底有爽口青瓜絲，夾住食好清爽、好味，不過小小不足係唔太食到芝麻嘅香味。串串香鍋$40有少少似麻辣湯底嘅打邊爐。配料豐富，有長洲大魚蛋、牛丸、貢丸、豆腐串、台灣香腸、白蘿蔔、海帶。最好食就緊係豆腐串，因為可以嗦哂D

朋友仔係何文田學完車，肚餓想揾地方食下野，見到呢間 #熊貓小雲吞 就入左去試🤪因為朋友仔鐘意辣野同埋fafafoodie 對 "熊貓🐼" 特別💖見到一路都有唔少人買外賣，餐廳入面都有少量堂食位。落完單再等叫號取餐，有啲小食同飲品就係雪櫃自取🙂自助形式既二人餐👯‍♀️ 2個主食＋1個小食＋1個甜品＋2個飲品🔽主食（選2款）1️⃣ #一口豚肉雲吞（鮮蝦）🥟雲吞可以任揀口味同湯，揀左 #鮮蝦雲吞 配 #老壇酸菜湯 BB辣😁酸菜湯唔知點解第一啖飲落有啲泰國風味🤣幾開胃，一口size 雲吞都食得出有蝦粒係入面👍🏻仲有啲生菜。如果食得辣既可以挑戰佢個重慶辣湯🤪2️⃣ #油蔥酥肉燥熱撈麵 （幼/粗麵）🍜揀左幼麵BB辣，有肉燥花生菜脯脆豆蔥芫茜，冇乜花巧野，但醬汁調得夠惹味，令人不禁一口接一口食，好快KO成碗😋🔽小食（選1款）#芝麻鹽焗手撕雞 🐥落完單係雪櫃自取，雞肉入味唔柴，帶芝麻麻油味幾香，鹹鹹地又唔會蓋過雞味😙🔽甜品（選1款）#紅糖糍粑 🍡糍粑外脆內軟少少煙韌，甜甜地，作為食完辣野後既甜品幾滿足🤗🔽飲品（選2款）1️⃣ #雪梨茶 🥤茶底帶點茉莉味好香，微甜岩晒講求健康既小妹。不過飲到最底發現有啲甜味聚左係底，

近排天氣熱，唔想煮飯，晚餐就去熊貓小雲吞買左二人餐+蜜汁🍯芥末炸雞翼🐥+串串鍋🍢～😄～二人餐$128，包兩款主食同一甜一咸嘅小食：主菜一：一口鮮蝦豚肉雲吞雲吞皮好滑好薄😋，每粒都食到鮮蝦🦐同豚肉🐖，揀左蝦米紫菜湯，湯底鮮味十足，食完雲吞仲忍唔住要飲埋啲湯😂主菜二：油蔥酥肉燥熱撈麵熱撈麵好香蒜味，配埋清新嘅青瓜絲一齊食，唔會有油膩嘅感覺👍🏻小食一：孜然椒麻炸雞翼雞翼炸得香脆、惹味，裡面雞肉仍然好juicy😍小食二：軟糯香甜紅糖糍粑紅糖糍粑甜中帶咸，夠晒軟糯～😙跟餐包兩支茶飲🍵🫖，我哋揀咗冷泡御翠烏龍茶同氮氣茉莉花茶，一邊食野一邊飲茶，幫助消化～佢哋出左好多款自家製嘅醬料，仲要係香港製造，即係買咗樽「五仁菜脯丁」（$22）返屋企🤭串串鍋（$38）佢哋嘅招牌菜之一，配料沾滿香濃嘅辣汁，充滿川菜風味😋蜜汁芥末炸雞翼（$35）雞翼大大隻、炸到金黃色，外面被蜜糖芥末汁包住，甜甜地～🐥