鐵板燒和菊 (Closed)

上次做冬飯中伏地揀咗西餐廳, 今次團年揀番日式嘢😛 座落係雞地唔起眼既角落頭, 和菊有一個沉實到過頭既門口,😯基本上行過都唔會無端端貢入去, 呢份潛實對比舖頭既心思創意, 有住南轅北轍既對比🥰 必須事先聲明, 佢係走高端路線, 我亦建議各位去食前必定要訂枱留位🤭 舖仔有個8個位, 圍住兩個鐵板爐, 另外有間房仔, 問起先知和菊係元朗開咗兩年, 名氣無元朗三大OMAKASE咁響, 但同樣係高端日式料理, 同鐵皇唔一樣, 客座同爐既距離唔太遠, 伸隻手出去已經可以掂到爐面, 一黎已經有溫馨提呼送上熱茶, 然後開著抽風同鐵板爐既轟隆聲為完美西日FUSION馬拉松拉開序幕😎 第一道上台既刺身, 海老 🦐同甘鯛魚🐟裙邊上枱; 店員解釋番甘鯛魚油份較重, 其他舖頭將魚身部份做刺身, 呢啲邊邊位就炸起黎做開胃菜; 魚油香滲出黎混埋WASABI, 仲有鮮嫩蝦肉, 暖身感覺開始🔥 然後端上清酒煮白貝湯, 輕淡既清湯, 加埋紅綠色海藻將溫度慢慢調升, 熱量慢慢傳到全身肌肉, 能量起動中🌡️ 爐頭溫度上升, 師傅將一個個銅鍋仔放係爐面加熱, 另一邊箱將啲凡立貝煎香; 解說員話你知, 呢味係和菊既重點菜, 和菊

上星期一公眾假期，想發掘吓啲唔使咁遠嘅餐廳同屋企人去試吓。呢間離屋企只需約10分鐘路程，我哋叫兩種Lunch set share, 再Upgrade一份薄燒牛肉做和牛。整體上全部都好食。其中最值得推介嘅係「和菊煙燻北海道帆立貝」，原本Lunch set只係「日本清酒煮大蜆」但因為大蜆貨唔夠靚，所以免費Upgrade做呢個餐廳撚手菜，好似係先輕煎隻帶子再用三種菊花焗至8成熟，個面感覺有啲Caramelised咁，裏面醣心，好食，果然唔係浪得虛名。炒飯功夫好但咸咗啲少少。網上有知名食評家話和菊可以同鑄，山下鼎足而三。食品同服務方面係非常唔錯，唯一係地方比較迫些少。除咗呢三間大家有興趣亦可以試下Marble，鐵板燒+French Fusion，個人覺得幾好。人均連加一約$400。我同家人都好滿意。

元朗出色的食肆愈黎愈多，都以日本菜為主，價錢當然不比中上環區便宜，但味道也是出色的！與友人E先生很久無見，由於小妹是個大懶人，假日都唔想出街，所以佢就我入黎元朗區覓食，就黎左呢間開業不到一個月的餐廳，專食鐵板燒的「和菊」。餐廳內只有13個座位，座位不多記得預先打黎訂位較穩陣。上網睇過「和菊」既鐵板燒係加入左歐洲菜既特色，由有三十多年經驗的日本師傅主理，可以一面欣賞每道菜的製作過程，以致每道菜最後的伴碟點綴，也是一種樂趣和體驗。而且這裡的抽風系統做得不錯，食完唔會成身油煙味，這點很重要的。這次挑選了和菊特盛晚餐 $1590 (+10%)/位。第一道菜先黎個野菜沙律，沙律夠新鮮之餘，特別在於裡頭加了紫薯片和白飯魚脆片，令平實的沙律豐富了口感。會因應時令而安排的三款前菜，分別係由左起的醋鯖魚刺身、紫蘇葉伊良天婦羅和法國生蠔杯。紫蘇葉伊良天婦羅的炸粉薄身，咬落啖啖肉的伊良，其魚味較淡，配搭氣味濃郁的紫蘇葉能突顯其味道。用上高腳杯子呈現的法國生蠔杯，裡頭係三文魚籽檸檬醋鵪春蛋，光睇材料都知道相當補身，由於自身問題唔太敢食生蛋，所以將佢交比友人E先生再次進補，據說這生蠔杯十分鮮味！食完前菜就開始鐵