鐵板燒和菊 (Closed)

上星期一公眾假期，想發掘吓啲唔使咁遠嘅餐廳同屋企人去試吓。呢間離屋企只需約10分鐘路程，我哋叫兩種Lunch set share, 再Upgrade一份薄燒牛肉做和牛。整體上全部都好食。其中最值得推介嘅係「和菊煙燻北海道帆立貝」，原本Lunch set只係「日本清酒煮大蜆」但因為大蜆貨唔夠靚，所以免費Upgrade做呢個餐廳撚手菜，好似係先輕煎隻帶子再用三種菊花焗至8成熟，個面感覺有啲Caramelised咁，裏面醣心，好食，果然唔係浪得虛名。炒飯功夫好但咸咗啲少少。網上有知名食評家話和菊可以同鑄，山下鼎足而三。食品同服務方面係非常唔錯，唯一係地方比較迫些少。除咗呢三間大家有興趣亦可以試下Marble，鐵板燒+French Fusion，個人覺得幾好。人均連加一約$400。我同家人都好滿意。