Video
Read full review
2017-10-03
6455 views
※本文以用餐當日的環境、服務和食物質素為準，口味亦因人而異，文章只作參考之用。-記得元朗Yoho mall新開張的時候都沒什麼興奮感覺，看著水牌中的餐廳名單都是些一式一樣的餐廳和連鎖集團，了無新意，寧願行返去「雞地」搵食，價錢也較經濟。不過隨著二期的開放，除左有期待已久的戲院外，仲有幾間想試的餐廳落戶，好似「Glasshouse」、「URBAN Cafe」、「Tony Wong」和「Mango Tree Cafe」！最重要係戲院就係正對面，可以慢慢食完飯再過對面，超方便的。是晚同男人決定晚餐去食Glasshouse，預先訂位唔使排隊。不過有點後悔的是，餐廳周圍都係落地大玻璃，相信白天黎影相可以盡顯餐廳的舒適悠閒感，起碼招牌都唔會比我影到反光，影食物相都較靚，晚上來影相環境較暗就爭點了，所以相片較少就是。餐牌上有很多選擇，剩係飲品都有數十款；菜式也有部分走新派路線，推薦的大都有附上相片，真係花多眼亂，好多都想試。荔枝玫瑰 $46這杯賣相美美的特飲，飲落係香甜的荔枝果茶，散發出淡淡玫瑰幽香。面頭仲放左兩串玫瑰荔枝肉，裝飾之餘仲可食用，一舉兩得。斑蘭椰子沙冰 $48不得不說這杯子的流線型很美
-
記得元朗Yoho mall新開張的時候都沒什麼興奮感覺，看著水牌中的餐廳名單都是些一式一樣的餐廳和連鎖集團，了無新意，寧願行返去「雞地」搵食，價錢也較經濟。不過隨著二期的開放，除左有期待已久的戲院外，仲有幾間想試的餐廳落戶，好似「Glasshouse」、「URBAN Cafe」、「Tony Wong」和「Mango Tree Cafe」！最重要係戲院就係正對面，可以慢慢食完飯再過對面，超方便的。
是晚同男人決定晚餐去食Glasshouse，預先訂位唔使排隊。不過有點後悔的是，餐廳周圍都係落地大玻璃，相信白天黎影相可以盡顯餐廳的舒適悠閒感，起碼招牌都唔會比我影到反光，影食物相都較靚，晚上來影相環境較暗就爭點了，所以相片較少就是。
餐牌上有很多選擇，剩係飲品都有數十款；菜式也有部分走新派路線，推薦的大都有附上相片，真係花多眼亂，好多都想試。
荔枝玫瑰
$46
74 views
0 likes
0 comments
荔枝玫瑰 $46
這杯賣相美美的特飲，飲落係香甜的荔枝果茶，散發出淡淡玫瑰幽香。面頭仲放左兩串玫瑰荔枝肉，裝飾之餘仲可食用，一舉兩得。
斑蘭椰子沙冰
$48
53 views
0 likes
0 comments
斑蘭椰子沙冰 $48
不得不說這杯子的流線型很美，飲落較重椰子味，斑蘭味道不明顯。
炸薯條配黑松露蛋黃醬
$48
62 views
0 likes
0 comments
炸薯條配黑松露蛋黃醬 $48
熱辣辣的粗身薯條單獨食已經又脆又富惹味鹹香，再蘸上黑松露蛋黃醬，食落陣陣松露香令人食唔停口。
黑松露鮮蝦椰菜花鹹蛋薄餅
$138
49 views
0 likes
0 comments
黑松露鮮蝦椰菜花鹹蛋薄餅 $138
第一次見有黑松露又有鹹蛋既薄餅，呢款新派菜當然要試下。
薄餅上鋪左椰菜花、鮮蝦，加埋松露醬同芝士一齊去焗，而鹹蛋黃原來就係面頭黃色的鹹蛋醬，單獨食佢會嚐到有沙沙的質感，仲帶點鹹香感；黑松露味都唔算好重，無搶晒成何薄餅的味道，配埋無咁飽滯既薄脆餅底，好容易就食到幾塊。
龍蝦鴨肝星洲炒米配西班牙火腿
$168
49 views
0 likes
0 comments
龍蝦鴨肝星洲炒米配西班牙火腿 $168
富貴版的星洲炒米，星米本身炒得不錯，夠咖啡味之餘又不會太乾；用上較貴的龍蝦肉和鴨肝代替蝦仁和叉燒，面頭仲放左數片富鹹香味的西班牙火腿，味道更加豐富。
酥炸富貴鴨伴森巴醬配薯仔沙律
$168
40 views
0 likes
0 comments
酥炸富貴鴨伴森巴醬配薯仔沙律 $168
網上看到這隻話必試的富貴鴨，以木盤上枱還放有小碗森巴醬、薯仔沙律和黑醋蕃茄等。
富貴鴨上枱時已細心的切成數件，仲有鴨比位添。這隻鴨看上去感覺好似炸得有點乾身？那就錯了！一咬下外皮係極為香酥，炸得夠乾身又不油膩，雖然肉質未有想像般幼滑，不過整體是頗為惹味。
法式香蕉焦糖燉蛋
$68
74 views
0 likes
0 comments
法式香蕉焦糖燉蛋 $68
呢個飯後甜品名乎其實睇得又食得，上枱之後店員會立即用火槍噴一噴，面頭淋過酒既焦糖燉蛋會立即著火，火光紅紅既畫面超澎湃，待火熄滅後便可享用。
焦糖燉蛋面頭鋪了滿滿香蕉片，仲有脆脆的焦糖脆面。第一啖入口酒的苦澀味偏重，看來是淋上的酒不太平均所致，因為食其他位置的酒味都恰到好處。另外燉蛋的質感很滑溜，充滿濃郁蛋香和呢拿味，好食。食到一半更加淋上所附的小杯特濃咖啡，入口又是另一番滋味，愛啡人士應該會喜歡。
Post
