長洲冰室

Open Now

Now Closed

① 泰式奶茶三色圓冰 ($55)// 冰底嘅泰奶幾濃烈🤎🍧但冰嘅質感偏水💦雲呢拿雪糕味道都幾香🍦🥄芋圓雖然有口感仍都幾煙韌 不過味道偏弱 唔太食到食材本身嘅味道 夏天食返碗冰都幾消暑☃️不過整體冰嘅份量唔算好多㗎 ʘ‿ʘ//Food：🌕🌕🌕🌕🌗🌑② 多芒三色圓豆花 ($38)// 芒果都幾甜🥭豆花都幾香滑🤍不過就未到話好驚豔同埋唔算好特別//Food：🌕🌕🌕🌕🌗🌑.❄️長洲冰室 (長洲)長洲北社海旁19C號地下🍮#aiiifoodie

耐無去長洲發現左有唔少新開嘅餐廳 上網睇長洲攻略都唔再止係長洲大魚蛋同糯米糍🤣bookmark左幾間出名嘅餐廳諗住食盡全日 點知早到好多都未開🥲好彩行完長洲兩頭 歷經9個字終於入到一間🤣🍧泰式奶茶三色圓冰💰63係ig見到以為好大個一定會食唔晒 其實實物size冇咁驚人！上面有個好大嘅雲呢拿味雪糕球 淋上焦糖醬 再潷一啖清新嘅泰奶刨冰超解暑哦～泰奶冰沙十分入味 融化左之後更加好似飲緊泰式奶茶咁🤣左右兩邊分別係蜜紅豆同三色圓 紅豆好甜 同偏苦嘅泰奶味好搭 而三色圓本身偏細 同埋冇乜特別味 所以撈埋甜甜地嘅雪糕都唔錯～都推介！🍨椰香芋泥三色圓仙草💰36呢碗都分得好明顯 右邊嘅pat淺紫色嘅就係椰香芋泥 齋食有好重嘅cream同芋頭味！下面就係仙草海 撈勻晒之後反而冇乜芋泥味 椰香味會重D！椰香芋圓都唔錯！不過個人更喜歡泰奶口感～大家記得要每人都嗌一個甜品做最低消費！同埋要自己去收銀處買左先 再係座位等！到埠嘅時候佢啱啱開門無耐 但係員工就唔係好熱情 唔知係咪平時都係咁😬

#甜品eatcovery💡長洲必食嘅甜品💯相信好多人同小編一樣好耐都無機會出走，無得去旅行，餓左好耐，今次就由小編帶大家放假黎到長洲止下餓先，頂住檔。相信大家都知長洲有好多好野食，幾大個胃都唔夠裝，但甜品係女仔不可或缺嘅一部分❤，永遠都有另一個胃等緊佢咁，今次終於試到長洲另一代表店-長洲冰室😋😋🍽 仙草黑糖三色圓冰男小編一直都鍾情三色冰，見到一個絕配組合，圓冰有大量薏米、西米同紅豆，再配埋上面好大舊同濃郁既芋泥，隔離仲有芋圓， 真係望到已經流曬口水。而且，圓冰好體貼咁用左黑糖做冰底，咁就唔怕整係得上面有黑糖味，食到最後無啦。 另外三色芋圓非常煙韌，好有咬口。🍽 泰式奶茶三色圓冰熱愛泰國美食嘅小編又點會放過以泰式奶茶做招牌嘅甜品。絕對無令小編失望！冰底係泰式奶茶味，茶味好出，好似飲緊泰奶咁，即使食到一半啲冰溶左， 泰式奶茶味仲好濃郁。而且唔會太甜，甜度啱啱好。仲有大量芋圓同紅豆，芋圓好煙韌，加埋香濃嘅雲呢拿雪糕，比起一般剉冰，口感更豐富！ps. 雖然小編覺得六十幾蚊一個糖水有啲貴， 但難得入到長洲，點都要豪一次。推介度：⭐️⭐️⭐️⭐️⭐️ 📍 長洲冰室長洲北社海旁19C號地下

如果喺長洲食甜品，除咗芒果糯米糍、夜晚嘅宵夜檔，大家仲會諗起咩？原來長洲一早已經有平時大家食開嘅甜品舖。呢間長洲冰室雖然叫冰室，但係絕對唔係茶餐廳，而係一間甜品舖。店主本身係長洲人，同女朋友一齊情侶檔開咗依間手工甜品舖。餐廳最主打係芋圓刨冰甜品，最特別係泰式奶茶口味，另外仲有好似椰皇桃膠三色圓燉奶、日式抹茶蕨餅等特別甜品。上網睇相餐廳非常吸引，因為好明顯睇到餐廳有啲位置特別多日光，而且無論枱定係個盤都係好木系，再加上盤上刻有自己餐廳嘅名，非常之有長洲本土特色。餐廳係行歐陸風格，外面藍白色為主，入邊裝修係工業風，仲會有啲室外位，格外有放假嘅感覺。當日係星期一下晝兩點半，位置喺北社海旁，如果由碼頭出發大概行四、五分鐘就到，係主街同巷仔中間既橫街，近大家食海鮮嘅大排檔，啱啱嚟到嗰時人感覺未算多，但我哋好彩，一嚟到就坐到最後一台唔駛等，而且係坐到我覺得影相最靚嘅室外位，一來有日光，二來係木枱。餐廳係入去counter比錢落單先再出餐，當我地坐低落咗單無耐，出面就開始有人排隊見人龍，到我哋食完走嗰時條人龍已經有至少七八人，高峰時甚至有10幾人，雖然係星期一但都係好多人幫襯，唔知係啲人特登提早請假

講咗幾年 到上一次黎長州又咁啱休息今次去終於去到了😻店舖入口面積都算大 雖然枱比較多 但都唔算好逼夾 因為大多都係卡位都算舒服😚今日獲安排坐佈滿乾花既藍色牆前的長木枱 望住牆上既長州今昔對比照同乾花食甜點都幾寫意🤣而且室內亦有少量座位（不過夏天都係有冷氣比較合適🥵）由於店家要求每人最少消費一款食品/飲品所以另外叫咗個奶凍試下反正主角都係芋圓冰！🤩泰式奶茶三色圓冰 $55呢個係店家招牌之一 寫住奶茶控必叫 另有抹茶同黑糖口味既剉冰 都係熱門之選✨份量算係正常 大概1-2人份 好快就可以ko佢😚賣相亦都算吸引 用嚟打卡都唔錯🤣冰底係泰式奶茶味都算重茶味 唔會話好淡而且芋圓都好煙韌 食得出芋圓/地瓜香味 加上雲呢拿雪糕同泰茶醬 整得都幾好食同消暑 不過就冇話食完好驚艷嘅感覺🤥評分: 8/10🌟酒釀桂花奶凍 $28雖然賣相唔太討好 但食落係好大陣酒香味（都易接受 唔卻喉）而且奶凍面上既桂花食落都有陣陣清香🥰奶凍質感都好細滑 不過多食會膩 始終係奶製品建議share交換食較好 可以試多幾款🤣評分: 7/10🌟——————————————————————————————長洲冰室 (長洲)長洲北社海

🍧泰式奶茶三色圓冰（$𝟻𝟻) ▪️芋圓煙韌有咬口，正常水準💁🏻‍♀️泰奶味刨冰茶味重過奶味，味道唔算濃郁，亦唔會好甜😬紅豆偏硬身，食落粒粒分明～🍨雪糕榴槤飄香奶凍 ($𝟺𝟹)▪️反而覺得奶凍仲好食過芋圓🤣🤣奶凍好滑，奶香味幾濃郁👍榴槤蓉幾大pat😆

去長洲除了要吃馳名的芒果糯米糍外，還有一間大有名氣的甜品店-長洲冰室。🇹🇭【泰式奶茶三色圓冰 $55】實物與圖片相符，賣相十分誘人，上端有一球雲呢拿雪糕，配料有豆味香濃的紅豆、三色圓以及軟綿的泰式奶茶冰底。三色圓分別為紫薯圓、芋頭圓和地瓜圓，各食材與木薯粉的比例調校得不錯，芋圓口感煙韌軟硬適中。如果雪糕球能換上泰式奶茶口味的雪糕，相信整體味道一定會跟上一層樓。🍧【雪糕泰式奶茶紅豆奶凍 $35】所有食材均是我喜歡的，不想吃一整份挫冰的客人可以考慮點選這個奶凍，整體味道不會偏甜。🍠【黑糖三色圓奶凍 $35】黑糖味道香甜，奶凍質感細滑。🥭【雪糕多芒奶凍 $35】這款雖然沒有太大特色，但味道上與外面的甜品店不相伯仲。

又再一次踏遍長洲這個小島，又再一次忍不住一試再試😋😋😋【抹茶蕨餅】價錢: $30好味：😋😋😋😋😋必試：9.5/10中伏：0/10一如以往抹茶粉好濃郁，食落唔會有苦澀味，食得出抹茶粉係日本野，$30來說，性價比好高【泰式奶茶三色圓冰 】價錢: $50好味：😋😋😋😋😋必試：9/10中伏：0/10終於一試泰式奶茶冰😍 本身好鍾意飲泰式奶茶，每次去泰國必飲的，估唔到個冰一上枱，賣相已經好震撼好吸睛😍😍 本身冰底係泰奶，味道剛好唔會非常甜，配上紅豆及我至愛芋圓，我念係香港地都好少甜品店會咁做🙈 紅豆食得出煮出泥，好淋身好似紅豆沙既紅豆感覺，三色圓味道雖則會比泰式醬蓋過少許味道，但仍然食得出食材本身的味道，而且好QQ 😋😋😋一值都好喜歡他們的風格，既簡單又文青，門口拍照一流，感覺似去左台灣咁 😍 小店分室外室內坐位，沒有半點迫促的感覺，播著歐美既慢歌，真係可以坐一個下午，環境、食物、服務好好，我想不出可以挑剔既地方👍🏻👍🏻👍🏻👍🏻👍🏻

今晚約咗朋友食完飯食糖水，未試過呢間長洲冰室，於是就黎試吓。餐牌都好多選擇，有選擇困難症嘅人真係頭痛嘞。我最後揀咗個泰式奶茶三色圓冰($50)，先講個剉冰，佢係用泰式奶茶剉嘅，雖然奶茶味唔係太濃，不過都食得出係泰式奶茶做嘅；配上一個雲呢拿雪糕球，加咗啲紅豆，成個冰已經好正！至於佢個芋圓，初初食嘅時候質感較淋，亦都有芋圓應有嘅味道，唔錯，但食到最後芋圓變得硬身，所以會建議一開始盡快食🤣。＊另外，某付款APP掃描會有個減兩蚊嘅優惠。

同老婆入長洲拍拖，都不外乎食同埋行下，見到依間應該係新開冇耐嘅長洲冰室嘅甜品好似幾吸引所以就一齊入去食。〈 泰式奶茶三色圓冰〉買咗除咗靚之餘仲好好食，大大碗有齊雪餻，紅豆，淋咗奶茶將啲刨冰同埋三色圓圓，真係一次過滿足曬多個願望！味道唔算好甜嘅奶茶醬，茶味幾香濃。三色圓圓整得好煙韌彈牙，配埋雪糕同埋棉棉嘅紅豆真係一絕。另外仲有一個好別緻嘅小碗裝咗一啲淡淡的清茶，小碗入面有立體嘅金魚，喜歡嘅朋友仲可以直接購買，印象中好似係60幾蚊六隻。〈黑糖蕨餅〉亦整得幾好，軟硬度適中，口感煙煙韌韌。點埋黑糖蜜就仲正！