Orange Elephant Thai Restaurant (啟德道)

Open Now

Now Closed

👨🏻‍🍳Orange Elephant Thai Restaurant (啟德道) (九龍城)📍九龍城啟德道31-33號地舖 「九龍城另一泰菜選擇😋」 泰金國要等位、金泰小食同沙冰串燒要等，黎試試呢間近巴士站既橙象😝Orange Elephant!! 👍🏻🍽️泰式蝦球炒金邊粉系泰國地道正宗口味😻有青檸、花生碎系側邊。 👍🏻🍽️🌶️生菜包 (豬肉)暫時食過最辣既生菜包😝除左香料惹味，仲辣得好滋味，雖然平時食開小辣🤣成份都好好食🥹醃得好夠味👍🏻👍🏻 👍🏻🍽️芒果沙冰香甜芒果味，夠甜😝👍🏻 店員大多都系泰國人😝好nice！！💬隨便坐隨便坐，想食咩💬

炎熱的夏天🌞，真係特別鍾意食泰國🇹🇭菜，所以呢排真係四出去唔同地方試下!食泰國菜，當然諗起九龍城!💡呢日剛好又經過九龍城，見到橙象就試下先!🧡-呢一間Orange elephant🧡🐘，有唔同的分店，九龍城也有一間呢!📍原來現在仲會有每一天的$1優惠🔥真係好抵食!而我剛好去的呢一日係星期一，$1優惠係泰式明爐烏頭魚🔥🐟當然要立即點來試下呀!😍-泰式明爐烏頭魚今日用$1 就可以食到，真係好開心😘😘而且質素一樣以往的好‼️絕對唔會因為優惠而欺場! 💯魚身的肉感好滑，好嫩，而且是滿滿的魚肉❤️好鮮甜好好食，好新鮮!😋而且仲有好多配料，真係正中我紅心!佢D湯都係好惹味，配上魚肉食一樣好食!🥄真係一定要試呀!🥢-當然也要點一些主食的，這次也必點了泰式蝦球炒金邊粉🍝是每次必點，而且一樣好食! 喜歡不乾身😙有點水份，而且好香口! 又開胃!--另外要推薦馬拉盞炒通菜🥬🥒炒的程度剛剛好，唔會太熟，新鮮翠綠!💚而且配料滿滿，但唔會過份重味精，我覺得一定要食! 好有驚喜!💖❣️-飲品方面點了椰青同鹹檸雪碧🧋🥤椰青新鮮又甜，好好飲呀! -食頓晚飯價錢比平日更相宜，食得好味又開心!😍大家都一定要去呀! 同埋可以留意下

食呢間嘅原因好大部分都係衝住「一蚊一條泰式明爐烏頭魚」而去！！！一蚊！係一蚊！一蚊一條！呢間餐廳星期一至五每日都有一樣一蚊嘅item~星期一係泰式明爐烏頭魚，其他日子有蝦餅、有炒菜、有啤酒～點睇都係一蚊一條泰式明爐烏頭魚最抵啦！🤣🤣講咗咁多次抵，就緊係要講吓味道如何啦！！！我哋5個女仔，叫咗：豬肉碎生菜包、咖喱海鮮脆包盅、馬拉盞炒通菜、泰式蝦球炒金邊粉、椰青焗海鮮飯、泰式明爐烏頭魚、原隻芒果椰汁糯米飯、泰式千層糕、一杯芒果冰特飲、兩杯椰汁冰、一杯青檸疏打、一杯椰汁珍多冰。（叫咗1X樣嘢，先每人$16X，會唔會太抵！！！！）咖喱海鮮脆包盅 --> 超好食！！！個包包外邊係脆脆的，入面浸咗咖喱好入味，包感係軟軟的，但又唔係一咬就散晒／腍滋滋唔知做咩咁！呢個脆包盅會再翻食！！！！！馬拉盞炒通菜 --> 好鍾意！去親食泰國嘢都會叫呢個，好鍾意食！泰式蝦球炒金邊炒 -->正！唔會炒到成碟油淋淋，但又冇炒到痴埋成碟咁，啱啱好，炒得乾身又好食！椰青焗海鮮飯 --> 覺得可以再加多啲椰汁！！！芒果糯米飯 --> 可唔可以叫多一碟畀我自己🤣點鮮個芒果可以咁甜又冇渣

星期日我們一家四口到九龍城附近遊玩，順便到九龍城食晚飯。見到OpenRice嘅comment最高分，就入來試吓，沒有預約情況下， 七點半餐廳已經坐滿了，我們需要到餐廳門口排隊，等了大概10分鐘就安排座位了。而且現時正進行推廣，一個禮拜每日有不同嘅一蚊優惠，今日係黃咖喱。先來一個泰國生蝦刺身，生蝦用杯裝，冰涼爽脆的苦瓜及紅辣椒，配上特製醬料，一食下立刻有沖鼻的感覺，但味道獨特，10分好味，最值得推介。再來一碟沙嗲雜錦串燒，雞、牛、羊各兩串，燒雞是最好味的，牛就有一點乾，但味道不錯，配上沙嗲就剛剛好。爆炸大蝦-即係今日嘅重點，炸蝦好脆，好惹味，有泰國風味，必食推介。泰式蝦球炒金邊粉-主食我揀了金邊粉，味道還不錯泰式黃咖喱-黃咖喱是一蚊優惠，味道還可以牛油薄餅-食咖喱當然叫配送薄餅，好味粉絲什菜煲-保持水準好，味道不錯芒果椰汁糯米飯-最後甜品加一個充滿泰國風味的甜品，芒果椰汁糯米飯，今日泰國餐就最完美了

其實泰國野好難唔好食，orange elephant都算係九龍城數一數二泰國野，成日排晒長龍，閒閒地都半個鐘，我地七人有圓枱坐，都好闊。因為太多人佢上菜好慢，先黎碟菜醫下肚，香口。蒜蓉包又黎先過個咖哩，搞到餓得濟食左個包先，最後仲叫多左個包 😂豬頸肉份量幾多，好香口好脆。其他食物都係正常口味，人均$126。特別想講下啲野飲，菠蘿冰好味好清，椰汁還好，番石榴見佢咁特別一心諗住試下，但係係冇乜味的，甜又唔甜，果又唔果。少少失望。

今日朋友話車我去九龍城食泰國野，佢話好好食，果然無介紹錯。呢間食店既特式係有每日$1優惠，菜式日日唔同，今日係星期一係泰式明爐烏頭，一上菜已經聞到好香，魚質唔算太嫩滑但勝在調味出色，魚肉清甜又帶一點酸既味道，各樣配菜都好入味，令人好開胃。我朋友好鐘意食泰式蝦球炒金邊粉，所以就叫左黎share食，啲蝦都幾新鮮爽口，個粉唔會太濕，醬汁味道適中，幾岩我地口味。我地仲叫左辣椒膏炒蜆，啲蜆大大隻都算新鮮，而個醬汁整得超好食！將蜆既風味帶左出黎，呢個醬汁令人回味，有機會會再黎食。平均一人唔洗$100就可以食到咁好食既泰國菜，個人覺得值得一試！

今日想食泰國野，諗起之前揸車去九龍城有間幾好食，而且有$1優惠，就去翻呢間。今日係星期一所以$1優惠係泰式明爐烏頭魚，無食咁耐依然好足料，未食已經聞到好香，魚質唔算好嫩滑但勝在味道出色，食落清甜又帶一點酸既味道，配菜有菇、酸菜、肉碎等都好入味，真係令人停唔到口。如果嫌唔夠味仲有泰式辣醬同隔離個湯比你調配自己口味。之係上辣椒膏炒蜆，賣相唔算好吸引，但啲蜆大大隻幾新鮮，重點係個汁整得超好食！唔算辣但好有泰式風味，可以撈飯食一流！呢個汁包你食完仲想再食。最後上泰式蝦球炒金邊粉，唔知幾時開始鍾意食，但都唔係間間可以整得好食，以後可以黎呢度食了，啲蝦望落已經覺得新鮮，食落爽口，個粉唔會太濕，有啲芽菜令到口感唔錯，味道岩岩好唔算好濃，好岩我口味。每次黎都會叫椰汁冰，而朋友就叫咗椰汁珍多冰，會感覺到無溝水，椰汁味好正，珍多冰個杯就會有啲椰果絲等配料比你過下癮，不過我個人就喜歡就咁飲椰汁冰多啲。總括嚟講，今次比上次更加滿足，今餐所有野都好想再食多次，會有想再黎食既衝動，而且餐廳幾大下，7點幾去就算見到好多人都有位可以即刻入。

今日男朋友接我收工，我哋都心血來潮想食泰國菜，就行咗去九龍城。之前同朋友食過呢間orange elephant，印象都唔錯。加上佢今日都有$1優惠，今日係星期三嘅酸辣去骨鳳爪沙律，岩哂男朋友心意！呢間都算係九龍城入邊裝潢比較新式嘅泰國餐廳，無論外面嘅設計定係入面嘅環境，都令人有種有別於傳統泰國餐廳嘅風格，但係同時之間亦蘊藏左泰式風味。<酸辣去骨鳳爪沙律，$1>男朋友鐘意食嘅酸辣鳳爪，1蚊優惠真係無唔食嘅理由！雖然佢係做緊1蚊優惠，不過份量一啲都唔少，質素都係水準之上，整得好入味又唔會太辣。<泰式拼盤，$139>泰式拼盤包括有蝦餅，春卷，魚餅，香葉包雞。本身自己幾好炸野，所以呢個拼盤簡直無得輸。全部都炸得好香口，又唔會太油，個蝦餅要特別一讚，食到啖啖蝦肉。另外個香葉包雞幾有趣，我第一次食覺得好有新鮮感，成舊雞都無骨啖啖肉。<泰式蝦球炒金邊粉，$78>酸酸甜甜好開胃，唔會太酸又好大碟，不過味道好好所以都全碟食哂。<芒果冰特飲，$34>又係男朋友最愛既芒果，其實好多泰國餐廳都會有芒果冰，不過而呢間比我地既感覺就係唔會有假芒果味，

1）今日係星期三有$1泰式鳳爪（味道好味，但鳳爪唔多）2）生蝦刺生（新鮮嘅）3）泰式拼盤 （蝦餅腥咗少少，魚餅好香，春卷同包雞都好味）4）泰式滷水豬髀（好味，肥膏較多）5）牛肋骨 （牛肉味香濃，軟硬度適中）6）牛油薄餅（比較細塊，唔香口，唔夠酥）7）蒜蓉包（唔夠蒜蓉味）8）椰汁青咖喱雞 （咖喱唔夠香, 雞肉軟少，雞肉唔夠滑）9）鹹肉椰菜苗（鹹肉太硬，椰菜苗唔夠新鮮）10）蝦球金邊粉 （味道一盤，唔夠鑊氣）11）椰青焗海鮮飯 （睇佢Menu張相好cream咁, 掙扎咗一陣，最後嚟到都唔算好Cream, 飯有椰香味）12）椰汁千層糕 （有椰香味，過份煙韌，暖暖地食幾得意）總括所有菜式味道可以，冇咩特別要讚揚，味道感覺有d變咗香港口味，唔係好傳統嘅泰國味道咁。*所有咕𠱸套都非常污糟，全部發黃，有黃點，仲有d係發咗霉嘅。之前睇其他人嘅評語話服務好差，但我就冇呢個感覺，只有一位待應比較目無表情d, 其他待應都幾好