Mango Tree Kitchen (形點) (Closed)

Mango Tree嘅泰菜一向好評，令人不禁回味泰國旅行時光🇹🇭薄荷荔枝冰（$32）講起泰式飲品，除左泰式奶茶，荔枝冰都係代表之一。清涼薄荷配搭甜甜的荔枝冰，清新又解渴😋海鮮柚子沙律海鮮分別有大蝦、魷魚、青口等等，柚子沙律開胃！泰式雜錦拼盤（$228）難以選擇小食？雜錦拼盤啱晒眼闊肚窄嘅我😂最愛嘅蝦餅同春卷都有，蝦餅外脆內熱，啖啖蝦糕好滿足😂每款有四件，同朋友share啱啱好。泰式飛天通菜（$88）炒通菜都係必點，微辣好惹味。泰式去骨鹵水豬手（$98）第一次食泰式豬手，煮得超軟，用叉簡單地切得開，好有驚喜。泰式大蝦炒金邊粉（$108）金邊粉又係必點之一，味道不過不失，但份量可以再多少少。椰子雪糕薄餅類似印度薄餅加上朱古力醬，好脆好食！椰子雪糕好香椰子味，夾埋食好有趣😋斑蘭千層糕（$38）好重斑蘭味，甜度適中，鐘意斑蘭嘅朋友可以一試！

媽咪中意食泰菜，呢日就帶佢去試形點嘅mango tree，優點係屬於商場舖，坐得舒服又就腳易搵，唔洗行咁遠～價錢中等，但份量較細，性價比一般般，服務態度幾好，上菜算快、但有個別漏單情況。泰菜必吃嘅無骨鳳爪，夠爽口，易食唔洗𠹹骨；酸酸甜甜，入口好香魚露味，同時又辣辣地，天熱食尤其開胃；可惜鳳爪件頭細，份量少。同樣細份嘅pad thai，味道好一般，又唔夠鑊氣；蝦碌得兩隻，但算幾新鮮大隻。飽肚之選🌟無諗過多士盒烘得幾酥脆，一啲都唔硬，裡層吸滿哂香甜濃郁嘅黃咖喱，令平平無奇嘅麵包生色不少，食落份外滿足。裡面有唔少配料，蝦碌、青口、魷魚、魚柳等海鮮打孖上，比雞牛豬食起嚟輕盈啲，無咁膩，平衡返本身口感濃厚嘅咖哩。漏單嘅小食拼盤追單後先送到。先講好食嘅，斑蘭嫩雞卷（中間）帶近似香茅味嘅香氣，肉質嫩實有咬口；蝦餅大大粒，飽滿爽口。反而炸魚餅好乾，外觀望落好燶，唔吸引；烤鴨米紙卷食唔到鴨肉，青瓜生菜唔太新鮮，食落無清新感。生日蛋糕堂食要+$100，感覺貴咗啲，唔係睇在環境份上應該唔會選擇

媽媽唔鍾意食生冷嘢，所以又帶佢嚟食泰國菜，Mango Tree Kitchen 前身係 Mango Tree Cafe。其實我本來想叫套餐，見佢個二人餐4百幾蚊又多嘢食，但媽媽話想食泰式拼盤，所以最後選擇散叫。個泰式雜錦拼盤各款有3件：炸蝦餅、炸魚餅、素菜春卷都好好味、彈牙又夾口，但個燒鴨米紙卷就冇乜味，斑蘭雞卷就過得去啦！又點了炸軟殼蟹紅咖喱，有咖喱就梗係要配埋薄餅（2片）啦！咖喱好香，有微微辣味，所以好快清晒最後叫埋個飛天通菜同一杯Cranberry凍飲, 呢杯叫tropical sangria嘅飲品有豐富嘅果肉，又唔太甜，都幾啱我口味下次想試埋下椰汁冰同三色冰（ps.拼盤三個人食最啱啱好）因媽媽細食，最後我哋要打包拎走