Video
Read full review
2020-06-14
601 views
媽咪中意食泰菜，呢日就帶佢去試形點嘅mango tree，優點係屬於商場舖，坐得舒服又就腳易搵，唔洗行咁遠～價錢中等，但份量較細，性價比一般般，服務態度幾好，上菜算快、但有個別漏單情況。泰菜必吃嘅無骨鳳爪，夠爽口，易食唔洗𠹹骨；酸酸甜甜，入口好香魚露味，同時又辣辣地，天熱食尤其開胃；可惜鳳爪件頭細，份量少。同樣細份嘅pad thai，味道好一般，又唔夠鑊氣；蝦碌得兩隻，但算幾新鮮大隻。飽肚之選🌟無諗過多士盒烘得幾酥脆，一啲都唔硬，裡層吸滿哂香甜濃郁嘅黃咖喱，令平平無奇嘅麵包生色不少，食落份外滿足。裡面有唔少配料，蝦碌、青口、魷魚、魚柳等海鮮打孖上，比雞牛豬食起嚟輕盈啲，無咁膩，平衡返本身口感濃厚嘅咖哩。漏單嘅小食拼盤追單後先送到。先講好食嘅，斑蘭嫩雞卷（中間）帶近似香茅味嘅香氣，肉質嫩實有咬口；蝦餅大大粒，飽滿爽口。反而炸魚餅好乾，外觀望落好燶，唔吸引；烤鴨米紙卷食唔到鴨肉，青瓜生菜唔太新鮮，食落無清新感。生日蛋糕堂食要+$100，感覺貴咗啲，唔係睇在環境份上應該唔會選擇
價錢中等，但份量較細，性價比一般般，服務態度幾好，上菜算快、但有個別漏單情況。
泰式無骨鳳爪沙律
$68
6 views
0 likes
0 comments
泰菜必吃嘅無骨鳳爪，夠爽口，易食唔洗𠹹骨；
酸酸甜甜，入口好香魚露味，同時又辣辣地，天熱食尤其開胃；
可惜鳳爪件頭細，份量少。
泰式大蝦炒金邊粉
$98
35 views
0 likes
0 comments
同樣細份嘅pad thai，味道好一般，又唔夠鑊氣；
蝦碌得兩隻，但算幾新鮮大隻。
芒果樹黃咖喱海鮮多士盒
$168
8 views
0 likes
0 comments
飽肚之選🌟
無諗過多士盒烘得幾酥脆，一啲都唔硬，裡層吸滿哂香甜濃郁嘅黃咖喱，令平平無奇嘅麵包生色不少，食落份外滿足。
芒果樹黃咖喱海鮮多士盒
9 views
0 likes
0 comments
泰式雜錦拼盤
$198
18 views
0 likes
0 comments
先講好食嘅，
斑蘭嫩雞卷（中間）帶近似香茅味嘅香氣，肉質嫩實有咬口；
蝦餅大大粒，飽滿爽口。
反而炸魚餅好乾，外觀望落好燶，唔吸引；
烤鴨米紙卷食唔到鴨肉，青瓜生菜唔太新鮮，食落無清新感。
生日蛋糕堂食要+$100，感覺貴咗啲，唔係睇在環境份上應該唔會選擇
Post
