Thailand King

Open Now

Now Closed

喺尖沙咀嘅一條小巷子入邊，搵到呢一間隱世泰國料理！餐廳裝修別緻，充滿度假嘅風情～泰式肉碎生菜包(豬肉)💰HK$98爽脆嘅生菜包住充滿泰式風味嘅豬肉碎，營造出一種清爽嘅反差感！而且味道辣辣哋，令人食慾大增～泰式香茅椰汁雞湯💰HK$68每一啖飲落去都係椰汁嘅芳香，雞肉份量多，肉質非常嫩滑～四色拼盤💰HK$208呢個拼盤相當豐盛，有蟹餅、蝦餅、墨魚餅同埋春卷！每一樣都係即叫即炸，蟹餅有濃郁嘅忌廉香味，蝦餅同埋墨魚餅都爽口彈牙，春卷酥脆可口～青咖喱豬頸肉💰HK$98青咖喱有醇厚嘅椰子香氣，咖喱質地濃郁而且微微辣，豬頸肉肉質軟嫩彈牙，掛汁能力高～蒜蓉牛油法包💰+HK$25好香蒜蓉味同埋牛油味，法包烘到外脆內軟，點埋青咖喱，將味道再昇華到去另一個更高嘅層次～芒果糯米飯伴椰子雪芭💰HK$108芒果相同香甜，配埋暖笠笠嘅糯米飯同椰汁，味道正宗！旁邊嘅椰子雪芭味道有驚喜，富有濃郁嘅椰香味，入口質地幼滑，令人流連忘返～芒果沙冰💰HK$58超級大杯，係清甜嘅芒果香味，仲有粒粒芒果肉增添口感～不得不說，兩位廚師都非常之認真講究，店員又態度親切，唔怪之得餐廳充滿人氣啦～

呢間其實我幫襯第二次了，由於上次真係飲住野，吉下豬頸肉咁輕輕鬆鬆吹水又一晚所以唔記得俾個正皮佢間野同尖咀好多吧一樣，都好似咁半露天式咁你可以飲住杯野望出街，而因為其實佢位置都唔算好旺所以行人不多，唔會話太嘈我最愛既pina colada前菜係三文魚他他柚子沙律佢個擺盤是好靚的，但我想影到佢真係落足料既模樣～三文魚好夠份量！但泰式沙律是有點辣度的，唔食得辣既要留意佢柚子好多，叫中和左下辣味，係款開胃前菜菠蘿海蝦炒飯因為想食菠蘿，就叫左佢呢個飯炒得勁好，粒粒分明，乾身度剛剛好，調味足夠，海蝦大隻，咬落鮮甜唔似雪藏最值得讚係佢菠蘿超～級多，啖啖都有咁濟，超滿足泰式羊架呢兩支架超好食，有滿滿既羊so味尤其食到入骨個到，d羊膏真係，成個口腔都滿佈呢陣羊脂味係件好幸福既事肉色仲呈些少粉紅，燒得剛剛好唔會過熟，非常嫩滑泰色生菜包（佢仲有個素食版）生菜包最著重香料調味香茅、指天椒、檸檬菜乜乜乜，每一種香料都好惹味包埋塊葉食，又脆又滋味泰式香茅椰汁雞湯超鍾意飲椰汁乜乜湯佢椰奶味愈出我就愈鍾意雞肉好多，又大件，食到咁多野都真係飽飽地但飲返啖湯，又覺得開胃返d未食過咁厚切既豬頸肉，無論送酒，抑或送飯食都好正

泰式去骨海南雞半隻配油味飯，油味飯飄著輕煙，老遠已聞到香噴噴，索一索舒筋活絡，吸一吸精神爽利﹗先來口原味淺嚐，溫柔地細味，雞油齒頰留香，還散發陣陣香料及蒜味，飯粒飽滿嚥韌，食慾大增﹗去骨海南雞啖啖肉食得舒暢方便，外觀水潤閃令令，皮光肉滑，雞有雞味，飯有飯味，不得了﹗髀肉結實彈滑，胸肉綿綿多汁﹗識食梗係混著三色汁品嚐，薑蓉、甜酸汁、黑醬油撈埋油味飯搭件靚雞，大大啖塞入嘴仔填得滿滿，滋味無窮搶住食，食到一粒飯都無剩﹗泰式燒豬頸肉，即叫即燒請耐心等候，苦候15分鐘隆重登場﹗見得到的騰騰，還有氣泡在表面翻滾著﹗刀功細膩，片片厚薄均稱白裡透紅，燒到9成半熟最爆汁最油潤，外脆內嫩肥而不膩，焦香爽口彈牙，味道及質地發揮得淋漓盡致﹗泰式炸墨魚餅，細細圓塊像極曲奇餅，其貌不揚炸得立立令，心諗都唔會好食得去邊呢﹗竟然一咬發現香口彈彈，油香加墨魚咸香，食得下喎。泰式燒香茅雞球，無骨啖啖雞髀肉大大舊十分滿足，厚身能鎖住更多肉汁及鳳脂﹗肉質鬆化帶滑，外層微燶焦香，醃味清新開胃，越食越肚餓就越想食，多兩串都不膩啊﹗燒煙肉京蔥，食京蔥會反胃的我居然對這串免疫無事呢﹗可能京蔥夠熟，索盡蒜油及煙肉汁，只食到爽脆鮮甜多汁