Video
5-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
56966253
Introduction
This Thai restaurant offers an open view; and uses wine bottles to decorate the chandelier, which is special and brings out a relaxing vibe. Besides, some dishes plating are IG-able to level up the dining experience.
continue reading
Additional Information
Wi-Fi
足球
賽馬
Opening Hours
Today
16:00 - 04:00
Mon - Sun
16:00 - 04:00
Above information is for reference only. Please check details with the restaurant.
About Reward Scheme
Video
Photos
帶子他他柚子沙律
烤魷魚筒
帶子他他柚子沙律
+3.1K
+292
Recommended Dishes
-
芒果沙冰
-
芒果蟹肉炒飯
-
帶子他他柚子沙律
-
芒果糯米飯伴椰子雪芭
-
四式拼盤+15
尖沙咀向來多美食, 今次黎左呢間泰國酒吧試下~咖哩海蜆 蜆肉新鮮彈牙, 唔會有任何沙粒, 咖哩內放上少量蛋花, 口感挺creamy, 而且也不會太辣~泰式薄餅薄餅口感酥脆, 而且不會太油膩, 蘸上咖哩汁一起吃, 絕對是滿滿的幸福感!泰式炸雞全翼雞全翼啖啖肉, 炸得好香脆, 雖然的確有D邪惡, 但味道絕對不遜色於平時的燒雞翼!泰式肉碎生菜包 (豬肉)生菜新鮮翠綠, 將免治豬肉包裹在一起, 口感更為豐富, 而且放上少少辣汁, 惹味得黎更加開胃~泰式雞肉炒河粉想不到份量會如此大份! 河粉質感彈牙, 而雞肉口感也不會太粗糙, 配上自家製醬汁, 師傅炒得很有穫氣!炒西蘭花西蘭花翠綠爽脆, 前面食得油膩的話, 當然要食返D蔬菜中和一下腸胃!芒果糯米飯伴椰子🥥雪芭糯米飯的份量估唔到超多, 熱辣辣的糯米飯, 再附上原隻芒果 及 冰凍的椰子🥥雪芭絕對係冰火二重奏的享受!Young coconut椰青很清甜! 也不會飲到酸味, 代表餐廳選材是新鮮的!Green Apple smoothie青蘋果味好清新好fresh, 再加入大量沙冰一起喝, 絕對有透心涼的效果!
continue reading
最近同朋友去咗喺尖沙咀嘅Thailand食泰菜，個餐廳環境算幾企理，啲侍應態度都好好。我哋一行四個人，叫咗八道菜，份量啱啱好，價錢都唔算貴。青木瓜沙律做得好有水準，酸甜開胃，木瓜爽口清甜，味道偏酸辣，好開胃。芒果蟹肉炒飯係主打之一，芒果夠甜，蟹肉份量都幾足，飯粒粒粒分明，唔會太乾身，蛋香味濃郁，芒果香甜同蟹肉鮮味混埋一齊，好開胃。火山排骨真係勁正，一次過上咗10支，呢個仲已經係半份嘅份量，超級抵食，肉質鮮嫩多汁，醬汁香甜惹味，食落好過癮。炒椰菜苗爽口清甜，夠翠綠，炒得啱火候，唔會太軟，仲保持住陣陣嘅甜味，蒜香夠勁。一口牛西冷賣相靚，牛肉夠鮮嫩，調味適中，配埋特製辣醬，香辣惹味。魷魚桶係我最鍾意嘅一味，魷魚新鮮彈牙，調味夠晒香辣，配埋特製醬汁，非常開胃。大啡菇好厚身，食落去啖啖汁豬肉生菜包都幾出色，豬肉碎炒得香噴噴，配料豐富，仲有個爐熱住啲肉，包埋新鮮爽脆嘅生菜食，層次感豐富。整體嚟講，嘢食味道夠晒重，價錢又平，啲嘢食份量足，絕對係抵食推介。
continue reading
尖沙咀有幾條大街都好旺，不過，一講到「嘉蘭圍」就未必人人識，因為佢喺「加連威老道」內嘅一條小弧巷，巷內有唔少餐廳，今晚就同老友嚟到主打泰菜，加上以酒吧形式經營嘅「Thailand King」。雖然舖內環境唔算好大，開放式廚房都佔咗近一半空間，但睇到佈置都幾有心思，就好似天花掛咗唔少特別裝飾，感覺都蠻有氣氛。由於安排做咗晌吧枱位，近距離睇到廚師們做廿菜及沖泡飲品。但咪睇佢舖仔細細，廚房亦唔喺好大，但翻一翻餐牌提供嘅菜式種類都非常之多，由刺身、沙律、咖喱、湯品、燒烤、主菜、飯麵、炸物、蔬菜，到甜品，可謂一應俱全。而飲品方面 ，啡茶、果汁、梳打、沙冰就唔在講 ，更提供好多啤酒、雞尾酒同烈酒。鮮青檸梳打 $48我同老友都唔喺好酒之徒，所以，都揀啲非酒精飲品。因為泰菜濃味嘢多，故此，佢就揀咗杯青檸梳打，因為貪佢口感清爽，味道清新。芒果沙冰 $58小弟就鍾意芒果嘢，所以，見芒果沙冰就捧一捧場，杯沙冰嚟到真喺嚇一嚇，超級大杯，可以講差啲飲唔晒。沙冰嘅質感好綿密，冰粒感唔多，芒果味都好夠。帶子他他柚子沙律 $98泰式嘅沙律一向都好有特色，因為通常加咗好多香料，而呢一個柚子沙律確實唔錯，刺身級帶子好新鮮，柚子味道清甜，而沙律裡邊混雜咗好多香料，味道豐富，不過，意料之外喺辣勁頗強。烤魷魚筒 $88泰式燒烤都向來別有特色，所以，都點咗一客嚟試試，魷筒已切成細細一小件，方便拮嚟食，當喺小食嚟送啤酒，喺幾唔錯嘅選項。火山排骨（半份） $124侍應話火山排骨一份有成12支骨，份量都幾大，兩個人食可能太多，不過，佢補充一句可以嗌半份，咁我哋兩個人就啱啱好啦。其實啲排骨就喺平時食開嘅豬肋骨，但就用咗泰式做法，帶少少酸香味，食落會感覺清爽少少，唔油膩，肉質亦都幾鬆化。芒果蟹肉炒飯 $108兩個麻甩佬怕唔飽，當然嗌返個炒飯墊肚。芒果搭蟹肉就最啱我心水喇。估唔到個炒飯落咗幾多芒果，所以，味道帶甜，相反，蟹肉就唔太多，但勝在個炒飯就炒得幾爽身，飯粒分明。後尾客人越嚟越多，氣氛都變得熱鬧咗。因為店家供應好多炸嘢、燒烤，所以，後嚟見好多客人嚟都喺飲吓啤酒，食吓燒物、炸物，好有一種悠閒感。
continue reading
這間餐廳位於尖沙咀的嘉蘭圍小巷內，我望住Google Maps都繞了一個大圈先搵到，名副其實是間隱世泰菜酒吧。店舖空間不算太大座位不多，不過就好開揚唔焗促，而且佈置幾有泰式風格，重點是泰國菜餚確係幾好食，價錢亦唔算貴。生蝦刺身6隻 $148食泰國菜當然要食生蝦啦，大大隻的生蝦配上傳統泰式醬汁、蒜頭及辣椒，將蝦的鮮味帶到更高層次，醒胃又好食，還貼心地伴有炸得香口的蝦頭。豬肉生菜包 $98豬肉碎不算太辣，偏咸但卻好惹味，用新鮮爽脆的生菜包著一齊食，正好中和了咸味平衡返，正。花膠冬陰公湯 $78第一次食冬陰公湯竟然有花膠，而且花膠算大塊，還有三隻大蝦及多種菇類配料，一大碗兩個人share好足夠，這個價錢真係超值。燒豬頸肉 $88豬頸肉份量好多，肉質肥瘦均勻，燒至微焦香，嫩滑有咬口又有少許油脂，即使不醮泰式醬汁都已經好好食，醮上酸酸辣辣的醬汁當然就更惹味。魷魚桶2隻 $88原隻魷魚上陣，切成一條條好均稱，肉質爽口富彈性，配埋酸辣汁，微辣惹味！ 太陽蛋配酸辣肉碎意粉（轉炒飯) $108本身此道菜應是配意粉，但我們又想食炒飯，店家竟然肯配合，哈。酸辣肉碎配帶點菠蘿香甜的炒飯，又幾好味喎。雜果汁 $48原本都想啤一啤，餐廳做緊泰國勝獅啤酒Happy Hour(4pm-8pm)$38但可惜剛過了時間，那就乖乖的點杯雜果汁飲，同樣清爽解渴。
continue reading
喺加連威老道轉入一條橫巷，小巷入口已經即刻見到一間門口搭建了bar 枱嘅 Thailand King ⭐️⭐️泰式餐廳x 酒吧啱哂星期五返工嚟放鬆😎 chill 返晚🥂🍻🍸唔好睇小小店，餐廳內有不少大台啱哂一大班朋友嚟gathering ，開放式廚房仲有一條長長吧枱，大廚亦相當friendly ，喜歡邊煮邊同客人交流🤭🤭打開厚厚一本餐牌見到美食種類繁多，咖喱、燒物、泰式小食、主食、甜品應有盡有，連drink list 都有5-6頁🤭🤭燒原隻大啡菇🍄🟫一客有兩粒原隻大啡菇，上枱時已經幫忙切開一件件👍🏻大啡菇燒完之後完全係爆汁💦💦唔需要特別調味都相當好食燒焦糖鮮菠蘿🍍必點推薦，一客有兩串，每串三件，性價比高👍🏻有別其他燒菠蘿，Thailand king 仲會係菠蘿面上放上砂糖再燒成薄脆嘅焦糖片，雙重口感👍🏻泰式豬頸肉🐷份量相當大份🤣豬頸肉燒得好香但唔會乾身，沾上泰式酸辣醬一齊食好開胃🤤？泰式香茅椰汁🥥雞湯清甜creamy 椰汁雞湯好足料，椰汁🥥甜而不膩，雞髀肉啖啖肉，肉質又相當嫩滑❤️😋青咖哩軟殼蟹 + 薄餅🦀咖哩軟殼蟹可以揀黃、紅、青咖哩，我地揀咗青咖哩😆軟殼蟹有兩大隻🦀🥰即叫即炸，仲脆卜卜嫁😋另外加配印度薄餅沾上青咖哩醬汁一齊食👍🏻👍🏻泰式肉碎生菜包🥬生菜包可以揀豬肉或者雞肉，我哋揀咗豬肉🐷味道好似打拋豬肉咁，都有一定辣度㗎，用新鮮爽脆嘅生菜包住就💯💯Mango smoothie 🥭Green Apple smoothie 🍏以新鮮水果製成嘅smoothie 超級大一杯😲😲芒果smoothie 面頭仲有新鮮芒果肉添🤭
continue reading