Little Fresh Cafe & Bar

Open Now

Now Closed

星期日夜晚係銅鑼灣一間樓上cafe食飯。餐廳座位不多, 但位於18樓, 視野開揚, 用餐環境舒服。首先洋蔥湯湯底濃郁，散發洋蔥嘅甘甜，入口順滑，帶有淡淡嘅香草味, 配上烤過蒜蓉包好鬆脆。我哋叫左黑松露蠔肉意大利飯，黑松露味好香, 意大利飯煮得好creamy, 口感煙煙韌韌, 蠔肉十分新鮮, 飽滿肥美。日本和牛飛驒漢堡, 麵包外軟內脆, 牛肉味濃咬落去好juicy, 配上蕃茄, 洋蔥, 拉絲芝士和生菜, 味道好夾, 薯條新鮮即炸, 金黃鬆脆。餐廳食物質素幾好, 好啱朋友黎聚會傾計。

和朋友齊齊遲了放工，迅速的見個面食個晚餐。沒什麼頭緒，又走到銅鑼灣這橦大廈，每層都有好野食，今次随便找了間未食過的餐廳來試。•餐廳地方不大，平日的夜晚食客不多。不多想點個dinner set就算。•是日餐湯洋蔥湯 經典的法式湯。看上去平平無奇，用匙羹一拌才發現裡面是滿滿的洋蔥塊。邊拌邊散發著濃郁的洋蔥香氣。湯的口感不算濃稠，滿滿洋蔥的甜味，不錯。•Main: 11小時慢煮油封鴨髀 $238 鴨肉經過長時間的慢煮，皮質酥脆，肉質嫩滑。慢煮的過程使得鴨肉充分吸收了香料的風味，每一口都非常濃郁。薯蓉充滿牛油香，好食。伴菜也煮得十分入味，十分搶風頭😍 •Main: 墨魚汁海鮮意大利麵 $188 和熟悉的朋友仔才會點的墨魚汁意粉，不介意吃到滿口黑漆漆互相取笑😂 材料豐富: 蜆、青口、蝦、帶子和魷魚通通都有，略嫌墨魚汁不夠濃郁，麵條亦略嫌乾身。•又試了一間新餐廳，最喜歡和朋友仔一齊去試未食過的餐廳😝 •As usual, menu for ref :

今晚同朋友黎左試呢間法國餐，兩個人叫左個2個set Dinner share再加左個蜆。我地叫左一個沙律同一個湯share, 雖然係頭盤, 但個沙律一啲都唔細，個洋蔥湯入面仲好足料，佢個味係好似韓國嗰種牛肉湯既味~之後上左呢個火魔碎蜆，睇menu嗰陣已經好想試，因為可以打卡 LOL, 不過佢唔止打卡able, 仲好好食, 點完個火燒完之後無論個蜆同啲配菜都有啲燒野食既焦香，而且個蜆滲出好想香既牛油味，呢個真係highly recommend~之後就到呢個24小時法式慢煮Baby Pork Rib, 個rib上面係一層好厚既醬，仲有菇同番茄，個rib好腍好入味, 入口即溶。 同埋我好鍾意佢個薯蓉，好滑同有好香既牛油味。最後係紅酒慢燉牛面肉燴意大利飯，呢個飯好好味, 個汁好濃。而且佢唔會太硬, 太硬我反而麻麻，但係要讚既係個牛面肉, 好厚好腍滑。 其實個檸檬茶本身都無咩可以講, 但呢度既檸檬茶係無檸檬架, 亦都無核，但佢唔係現繩既檸檬茶，佢應該係細心到另加檸檬汁，等你唔洗自己篤又有核~同埋呢度既service好好，個個都勁有禮貌，餐廳入面既哥哥會好細心介紹啲食物，食物上枱時又會叫你小心熱。