鮨一日本料理 (大壩街)

Open Now

Now Closed

好抵食既日本料理晚餐😋😋 放工去荃灣廣場附近買野，順便覓食， 見到門口招牌寫住激安壽司好吸睛😍😍好彩仲有一張枱，就同朋友去試下， 總結係性價比高，會再encore, 我地點咗以下菜式，全部都好滿意，特別係刺身類好新鮮，價錢仲要唔貴😍1. 特上十貫目 💰318有拖羅，海膽，三文魚籽，池魚，帆立貝，海蝦，等等。。。。 海膽好鮮無臭味，拖羅夠肥美， 其他魚我本身一般，但呢度勝在新鮮，所以我都有食😋2. 膠原鯛薄切 💰98 本身無諗住叫魚生，但店員話是日推介，價錢相宜咁就試下。果然無介紹錯，師父刀功好薄薄一片配埋佢地秘製既柚子蘿白醬油，好fresh ,份量夠大碟，最重要食咗都唔怕肥😜3. 超抵食手握三文魚壽司 💰6 /炙燒三文魚壽司 💰8無睇咗，真係6/8 蚊件🫣, 仲要係新鮮好味，希望佢唔好咁快無咗個優惠😆😆我地每人每款試一件🤩🤩4. 活赤貝刺身 💰52 相對呢個無咁抵食😆但朋友鐘意食，我食咗一片，覺得同賣相一樣夠新鮮 ,好爽👍🏻其他留晒比朋友仔品嘗😂5. 蟹肉牛油果凱撒沙律 💰78 呢個我極力推介，真心無叫錯，足料份量，蟹籽下面仲有一大舊既蟹肉mix 牛油果，同個沙律醬好match , 開

- 荃灣｜鮨一 -▪️鮨一沙律🥗放滿角切魚生、三文魚籽同蟹籽，配埋沙律菜同蕃茄一齊食，口感豐富▪️蜜柑鯛 薄切🐟蜜柑鯛切得晶瑩剔透，食落帶有淡淡嘅蜜柑香，冇魚腥味。另外醬汁帶少少酸，可以提味▪️活赤貝刺身赤貝外層爽脆，入面柔嫩，而且鮮味十足▪️香蔥拖羅反卷🍣面頭有滿滿嘅拖羅蓉，好足料▪️上十貫目🍣壽司即叫即握，有10款，例如海膽、蟹籽、北寄貝、帆立貝、三文魚、深海池魚等，全部都好新鮮，有質素▪️鹽燒牛舌串🐮👅牛舌燒得啱啱好，食落軟腍，肉味香濃，簡單用鹽調味已經足夠▪️免治雞肉串🐔食到一粒粒雞軟骨，好爽脆，配埋生蛋黃，增添蛋香▪️燒鱈魚干🐟鱈魚干超級脆卜卜，有驚喜，再點啲沙律醬，好夾鮨一📍荃灣大壩街79號地舖📍尖沙咀厚福街12-12A號藍馬商業大廈18-20樓📍大埔翠怡街3號翠怡花園B座16號舖

呢間餐廳走日本簡約路線，有刺身、壽司、熱食、佐酒小食可供選擇🏮💗針魚薄切 ($98/ 半條)針魚肉質爽口，魚味略淡但帶優厚油脂，配搭薑蔥醬油一齊食🦈💗蜜柑鯛簿切 ($98)蜜柑鯛最特別係魚肉帶淡淡橘香味，配搭酸汁一齊食🍊💗活赤貝刺身($52)赤貝呈橙紅色帶光澤，味道爽脆鮮味🐚💗鮨一千層海膽飯 ($198/ 小)醋飯放上吞拿魚蓉同四層海膽，用上海苔捲住一齊食，鮮味甘甜係口中爆發🧡💗鹽燒牛舌串 ($45)厚切牛舌脆嫩爽口👅💗鹽燒活白鱔串 ($68)白鱔皮脆厚肉，爽口無泥味🪱💗鹽燒黑豚腩串 （$32）黑豚腩肥美油脂十足🐷💗日本沖繩苦瓜 ($68)炒沖繩苦瓜味道清爽，苦中帶甘🫑

我食日本料理除左在乎食物質素，都會揀啲店面唔大嘅小店，而且鍾意同三五知己一齊去，可以邊食邊傾之餘，亦有身處日本嘅感覺😆 而荃灣呢間日本菜係個好選擇👍🏻一坐低就見到黑板上有我鍾意嘅時令蜜柑鯛刺身😍 呢種肉質較爽身嘅鯛魚係食蜜柑大嘅 (佢地嘅飼料裡面有🍊)，所以會有淡淡嘅「柑」甜，而且無魚腥味。另外仲叫左活赤貝刺身，爽口鮮甜❤️有選擇困難症嘅我地決定食特上十貫目😂 我最鍾意炙燒左口魚裙邊、吞拿魚腩壽司同三文魚籽軍艦☺️當晚清酒煮蜆同燒芝士年糕俾左驚喜我❣️ 雖然清酒煮蜆湯底嘅嗰種海水鹹鮮對我來講稍鹹，但蜆好肥美又鮮味👍🏻 煙韌嘅燒芝士年糕，豐富芝士餡加上其鹹度適中嘅醬汁同紫菜，相當滋味😋最後以濃濃椰子味嘅雪葩作結，開心🥰