鳥海山鐵板燒 (Moved) New Location

紀念日食好啲🤣，今日同男朋友過黎撐枱腳。地點都幾就腳。決定食好啲，揀咗個最貴嘅套餐🤣鐵板套餐二人前$1198 加大龍蝦+80🥗沙律一人一份沙律，蕃茄沙律菜，酸酸地，幾開胃。是日新選刺身🍣一共有四款精選刺身，每樣兩塊，店員會講解每一款刺身，亦會食嘅先後次序，由淡到濃。粒貝爽口鮮甜，吞拿魚。活鮑魚鮑魚份量幾多，爽口彈牙，好鮮甜，落咗醬汁個味都唔會太濃，都唔會搶咗鮑魚嘅鮮味。鵝肝多士麵包煎脆卜卜，鵝肝都大塊，煎得啱啱好，一放落口會爆汁，鵝肝配麵包真係絕配。牛肉薄燒🐮一共有四塊，牛味好香，每塊牛肉一面都包咗葱同埋炸蒜，口感層次好豐富。活龍蝦🦞店員話因為最近來貨唔同咗，要加$80轉另一種大隻啲嘅龍蝦。龍蝦大過我隻手掌，超抵食。而且賣相都好吸引，打卡一流。龍蝦份量超級多，好滿足。最特別嘅係佢哋仲將龍蝦膏同龍蝦肉一齊煮，每一舊龍蝦肉都沾滿滿左龍蝦膏。蝦肉鮮甜彈牙，食到停吾到口。野菜🥬個菜炒得啱啱好，充滿牛油香。炒飯🍚每個人一碗炒飯，見到有櫻花蝦。炒飯粒粒分明，乾爽，唔會淋。味噌湯總括嚟講，火候控制得好好，性價比高。記念日食飯拍拖都喺一個幾好選擇。

鳥海山鐵板餐 ($1198/二人前/另加一)前晚同朋友去長沙灣食日式鐵板燒，二人前鐵板餐包括是日精選刺身、沙律、活龍蝦、活鮑魚、鵝肝多士、牛肉薄燒、野菜、炒飯、味噌湯，成個餐2個人食好夠飽🤰🏻一開始頭盤刺身4點，店員逐款介紹兼提示進食次序，順序粒貝、平目、真鯛、油甘魚，先由淡到濃味🤝🏻每款都好新鮮，爽口彈牙，有回甘嘅鮮甜🤩尤其like粒貝，清甜帶淡海水味；活鮑魚好大隻同鮮甜，燒得好香，每一啖都好彈牙👍🏻鵝肝多士鵝肝大大件，入口油香爆炸🔥主角原隻活龍蝦🦞原隻拆肉，份量好多每件好大舊！肉質緊實有嚼勁，新鮮爽甜，唔使太多調味就係要原味，好好食😍🩷牛肉薄燒裏頭包滿香蔥蒜粒再捲埋，肉嫩多汁；鵝肝厚度適中， 煎到外脆內軟；炒飯係鐵板燒嘅靈魂人物，乾身有鑊氣，粒粒分明唔油膩，充滿蛋香；炒椰菜炒得好爽口🌿店裡整潔乾淨坐得舒服，唔會食到一身鐵板燒油煙味；出菜過程流暢，整體食材新鮮高質，廚師烹調水準好，全部above average，非常有驚喜😍服務貼心，話說朋友唔食蔥，手動將牛肉入面啲蔥撩走放碟邊，店員細膩睇到，主動詢問+提點陣間炒飯會有蔥，可以請廚師另外炒一碗走蔥比我地，好細心呀，值得讚賞🫶🏻唯一小挑

今日帶大家嚟到荔枝角同長沙灣交界覓食，餐廳分咗吧台同埋餐廳座位，想同frd傾下計所以我哋就揀咗餐廳座位，好少何見鐵板燒餐廳有得揀，幾得意～🌟鳥海山鐵板餐$1198包括：是日精選刺身、沙律、活龍蝦、活鮑魚、鵝肝多士、牛肉薄燒、野菜、炒飯、味噌湯🌟沙律鐵板燒以沙律作開始，餐廳用黑醋加少少蜜糖整成一個酸酸甜甜嘅醬汁，係一個幾開胃嘅前菜！🌟是日精選刺身呢個有四款刺身，店員細心咁教我哋食嘅順序，由淡味食到濃味，令味道提升至極致😆全部都好新鮮，食落好鮮甜～🌟活鮑魚鮑魚用鐵板燒製法真係無得輸！簡單醬汁調味已經可以帶出食材本身嘅鮮味，爽口彈牙，同平時罐頭嗰啲完全係兩個層次😍🌟活龍蝦呢個上台超吸睛！餐廳將龍蝦拆肉之後再用牛油炒好，好香！鮮甜多汁，仲有龍蝦殼比你咬下～入面好多膏😋🌟鵝肝多士鵝肝多士真係必試！鵝肝嘅肥美加上多士嘅酥脆，食落好有層次！🌟牛肉薄燒好多蔥喺牛肉入邊！蔥係熟咗的～即使咁多蔥食落都唔會好辣，加埋嫩滑嘅牛肉，幾特別！🌟野菜、炒飯、味噌湯簡單嘅炒野菜同埋炒飯都好有鑊氣！炒飯更粒粒分明，食咗咁多嘢都忍唔住一啖接一啖食曬成個飯～味噌湯飲落都不過不失，入邊有啲豆腐同海帶，正常發揮🫶🏻

是晚嚟開長沙灣，發掘到日式隱世餐廳 <鳥海山鐵板燒>，品嘗高質高CP值<鳥海山鐵板燒餐>🤤🤤🤤🤤<沙律>頭盤係新鮮醋沙律，為豐富嘅一餐揭開序幕😃<是日精選刺身><鳥海山>每日都為食客奉上是日最新鮮嘅時令刺身，所以唔同季節嘅 <是日精選刺身> 款式都唔同架😆  今日所有刺身嘅新鮮程度同味道都令人好驚喜😍 特別要向大家介紹嘅係較少食到嘅飯匙鯊同愛女魚😆 飯匙鯊肉味獨特，一食落口就知魚肉帶有滿滿多樣嘅礦物質🤗 配埋醒胃嘅特製醋醬汁同海帶一齊食，味道層次同口感更上一層樓，令人印象深刻✨✨ 愛女魚肉質扎實爽口，味道清甜，特殊口感叫人十分過癮🤩🤩<活鮑魚><鳥海山> 嘅鐵板燒鮑魚，配合簡單鹽同胡椒，嫩口同鮮甜程度無可比擬 *v*<活龍蝦>原隻龍蝦烹煮嘅畫面實在太驚艷😍😍 忍唔住幫烹調中嘅龍蝦先生影張美照📸 炒活龍蝦使得食客可以品嘗龍蝦嘅原汁原味，店家並沒有作多餘嘅調味修飾，香甜嘅龍蝦膏多到可以滿滿包圍所有龍蝦肉，令到龍蝦肉每一啖都無比鮮甜，啖啖幸福感滿瀉🥰

長沙灣都有隱世日本料理,裝修簡約, 有日本風格,  有好多不同的刺身和鐡板餐可以選擇, 今日叫左個比較豐富的二人鐡板餐 ($1198), 已經可以嘆到刺身同鐡板燒, 包括了精選刺身、沙律、活龍蝦、活鮑魚、鵝肝多士、牛肉薄燒、野菜、炒飯、味噌湯。鳥海山鐡板餐是一家以日式料理為主打的餐廳，提供各種新鮮美味的海鮮料理和創意料理，以下是鳥海山鐡板餐的食物介紹：   精選刺身：師傅現場製作精選的刺身，侍應介紹刺身, 逐一跟著次序食。越食越感到鮮味。  沙律：沙律配以自家調製的醬汁，清爽可口，絕對是夏天的最佳選擇。 活龍蝦：活龍蝦可以話是鳥海山鐡板餐的招牌菜, 選用新鮮的活龍蝦。師傅抽出龍蝦的膏,再在鐡板上與龍蝦肉現場燒香，入口鮮嫩、濃而不膩, 口感豐富，美味無比。4.    活鮑魚：活鮑魚也是以新鮮活鮑魚現場燒香，口感鮮甜彈牙,師傅的調味帶出香味。鵝肝多士：鵝肝搭配鬆脆的多士，是絶佳的配搭, 味道濃郁,師傅燒香, 入口香脆, 有鵝肝的香氣。牛肉薄燒：牛肉薄燒選用優質的牛肉，現場薄切燒烤，口感嫩滑，肉質鮮美，非常香口。  野菜：野菜新鮮爽口，菜吸入了鐡板的香味, 食豐富的肉再有菜幫助消化, 食得健

假期先至完咗一星期，已經返工返到枯燥難耐😞雖然返咗嚟香港，但係個心依然係外地。又有排先到暑假，點捱啊😫唯有搵餐廳食好西，扮自己去日本😞於是就搵咗呢一間日式鐵板燒餐廳——鳥海山。一入到餐廳，裝修同佈局都幾似日本嘅鐵板燒餐廳。牆身有一幅日系嘅水墨畫做背景，幾有日本風情！我哋點咗一個「鳥海山鐵板餐」（$1198），包括以下九樣東西：．是日精選刺身🍣．沙律🥗．活龍蝦🦞．活鮑魚🦪．鵝肝多士🦆🍞．牛肉薄燒🥩．野菜🥬．炒飯🍚．味噌湯🥣🍣是日精選刺身有鯡魚、油甘魚配柚子醬油啫喱、以及三文魚腩、同埋蛋黃醬鮮帶子！鯡魚新鮮爽滑彈牙！而啫喱酸酸鹹鹹超級惹味，味道層次感UP!!而家油甘魚稍為炙燒過，逼晒啲油香出嚟食完之後，吞咗嗰吓，都仲係齒頰留香😍好幸福嘅感覺；三文魚腩超值回票價，大大塊，育新肥美，油脂分布均勻！啖啖肉！至於蛋黃醬帶子，味道非常之有驚喜！當你以為都係好普通一濃味一鮮味嘅時候，佢狠狠地打你一巴，因為個蛋黃醬唔係普通好油膩嘅蛋黃醬，而係加咗一啲柑橘類水果，令到成個醬汁酸酸甜甜，將帶子嘅鮮味提升到另一個層次！🤩 唔係店員介紹，我哋都唔知嗰個係蛋黃醬！🦪鐵板燒鮑魚飽食非常新鮮！😋每一嚿都被特製醬汁包裹

長沙灣和荔枝角交界有一間鐵板燒專門店，店裡店外裝修充滿日式居酒屋風格。廚師枱非常搶手，若想有更佳的視覺體驗，盡對建議預先訂座要求。鐵板燒套餐(二人前)鮑魚餐 - $788是日精選刺身每天精選不同日本新鮮空運到港又合時令的刺身。侍應介紹及建議要順序，由淡至濃味，方可嚐出鮮味。雪白的薄目張，肉質嫩滑，魚味好濃郁，有少少蘿蔔蓉調味；厚切的深海池魚和三文魚腩，沾上醬油鮮味更突出；黑松露帶子厚身又彈牙，有陣陣飄香。沙律冰涼又清新的沙律，有少少沙律醋調味，酸甜開胃。活鮑魚每人一隻厚肉爽身的鮮鮑魚，簡單以黑椒和鹽調味，鮑魚味已十分濃郁和鮮甜。牛柳軟嫩又瘦的牛柳粒，油花雖少，但入口軟腍，肉汁又豐富，夾著炸蒜片更惹味。大蝦清甜鮮味的厚厚蝦肉，好爽滑彈牙，打開蝦頭殼，有橙黃的蝦膏十分甘香。野菜芽菜炒椰菜絲十分爽口，又有鑊氣。炒飯脆香的櫻花蝦有陣陣獨有的香氣，夾雜些少蒜香；飯粒炒得乾身又粒粒分明，有很多蛋黃絲，十分有鑊氣。鯛魚湯 +$20/碗鯛魚濃湯鮮甜而毫無魚腥味，入口有淡淡魚香，裡面有豆腐、昆布和蔬菜。