籠太子點心專門店

Open Now

Now Closed

飲茶·一盅兩件🥧好耐冇試過一家人一齊飲茶了今日就去近近地嘅 #龍太子點心飲茶🫖打頭陣嘅梗係妹妹嘅至愛-腸粉·蜜味叉燒腸-皮薄餡靚嘅叉燒腸，腸粉滑脫脫，叉燒又多又好味😋我就鍾意食·黃沙潤腸-內臟腸粉好少人整，都好少人會整到好食。呢度啲黃沙潤腸真係好好食🤤哥哥鍾意食卜卜脆嘅·蒜香蝦春卷-即叫即炸，熱辣辣脆卜卜·海鮮蘿蔔絲煎薄撐-每一件都滿滿的蘿蔔絲 + 蟹柳，兩邊都煎到金黃，脆而不膩💯·鮮蝦腐皮卷-都是香口點心，外皮香脆，入邊仲有好大隻鮮蝦🦐食肉獸爸爸鍾意啖啖肉·鮮竹牛肉球-啖啖肉加馬蹄餡，咬落去超有口感👍·鳳爪排骨飯-大大隻鳳爪、大大件排骨、大大碗飯，夠晒飽肚😆包點之選·流沙奶皇包-又香又軟熟嘅奶皇包，啲奶黃真係多到流晒出嚟㗎🥰簡單又滿足嘅一餐😌

.📍籠太子點心專門店📍 #饅頭去太子 #饅頭食中式菜------------------------------皮蛋牛肉腸 ($23)腸粉剔透，口感軟彈ok滑，可惜皮層有啲厚，而且感覺牛肉好多麵粉，味道有啲淡，不過皮蛋冇異味，淡淡哋同牛肉呢個組合有啲新奇，不過唔試都冇壞。------------------------------籠太子蝦餃皇 ($14/2粒)蝦餃皮晶瑩剔透，皮薄煙韌，蝦肉爽彈但鮮味唔夠，可以一試。------------------------------流沙奶黃包 ($23)包體唔夠鬆軟，而且包皮都幾厚吓😥，勝在內餡流沙，不過都係有啲稀，鹹蛋黃顆粒感唔夠細，不過奶皇同鹹蛋黃味道平衡，冇話食唔出邊種味道唔夠濃郁。------------------------------原隻鮑魚燒賣 ($29)算係當日最好食嘅點心，鮑魚煮到入味唔會好乾，燒賣大粒皮薄，豬肉同蝦都好新鮮，香嫩彈牙，有少少汁😋，值得一試。------------------------------海皇芝士千絲卷 ($24)炸千絲層卜卜脆，不過炸粉絲太厚，鎖住過多嘅油份令小編覺得好膩。好在蝦肉大嚿爽彈有少少

疫情之下，不敢去酒樓飲茶，唯有買點心到外婆家享用。籠太子是在我家附近的新式點心店，之前光顧多次，印象不錯。上午11點左右到逹籠太子，有不少顧客在店內用餐。 客人座位分散，有足夠距離。點心的選擇很多，價錢合理。點心是即叫即蒸，等了15分鐘左右拿到外賣。外賣自取可享九折優惠，價錢非常廉宜。外賣包裝得很整齊，包裝盒亦可循環再用。鳳爪排骨飯微溫，飯蒸得乾身、粒粒分明，飯的份量大，鳳爪排骨味道正常。蝦餃和燒賣個頭大，餡料豐富，味道不錯。皮蛋牛肉腸味道正常，但皮蛋味不突出，比想像中普通。咸水角味道正常，放涼了後不夠脆口，油膩感較重。雪山叉燒包外皮鬆軟，和甜醬叉燒餡非常夾。流沙奶黃包是今天的VIP，微暖下內餡仍然流心。奶黃餡咸香，吃到粒粒蛋黃，很可口。總括而言，配合外賣優惠，CP值非常高，會繼續光顧。

今日放假早餐唔食茶記，去食點心兼慢慢嘆茶，見呢間龍太子點心好評都幾多，咁就去try try啦。雪山叉燒包估唔到最快來的竟然會係雪山叉燒包，一睇個樣就知係伏，食一啖已經放棄，個皮係淋架！好似唔知雪左幾耐，再拎出泥蒸返熱去咁，真係一粒星都唔想俾，男朋友將佢俾返侍應投訴太難食。皮蛋牛肉腸腸粉皮偏厚，完全食唔出皮蛋味，和普通牛肉腸差不多。流沙奶黃包咁多點心之中，流沙奶黃包係最好味嘅！熱辣辣的包，咬開d奶黃真係流沙嘅!薑蔥牛柏葉份量都算多，薑蔥味剛好，爽口唔會韌。原粒瑤柱湯餃呢個係我食過最難食嘅灌湯餃，個湯好淡，隻餃嘅餡包得好結實，但又係食唔出乜味，餃皮又厚，非常失望！蝦餃皇蝦餃皮煙韌，每粒都包住大蝦！原隻鮑魚燒賣Gimmick位係隻鮑魚，味道同平時係茶樓食嘅燒賣差唔多，不過不失。煎蝦膠釀茄子蝦膠入口爽彈，加上厚切的茄子，啖啖肉咁，不過略嫌有點油膩，食完要飲多幾杯茶。講開茶，順帶一提，這裡只有桌上保溫壺的茶提供，沒有任何選擇。店員聽到我們投訴，所以主動替我們更改刪減了雪山叉燒包，服務態度方面加返些分。

早排應承過媽咪得閒帶佢飲茶食一盎兩件, 奈何平日要返工, 假日媽咪又唔想我破費食貴價點心。上網搵到間點心專門店, 唔洗等早茶至下午茶時段, 就連夜晚至凌晨時段都有即叫即蒸點心食。今晚放工就帶媽咪去飲餐茶, 店面不大, 整潔衛生, 打破傳統非一般酒樓格調既裝修。一看menu, 一般平時飲茶食到既點心種類都很齊, 當中更加入了新派款式點心吸引我地呢批年輕一派, 而且更是平民價, 全日仲免收加一tim~!飲茶必叫既當然係蝦餃燒賣, 【籠太子蝦餃皇】 HK$13 (2隻)蝦餃晶瑩剔透, 不會太厚, 接駁位既口感不會太硬, 亦不至於一夾即穿。入面有原隻既蝦肉, 鮮甜爽口。【原隻鮑魚燒賣】 HK$27豪氣一點食點心都要加隻鮑魚, 超迷你鮑魚不只是點驟, 不只是賣相貴氣一點, 迷你鮑魚還是帶點鮮甜味, 更有點點飽汁, 燒賣大大粒又飽滿, 除了豬肉, 同樣都是有鮮甜爽口既蝦肉。不喜歡食鮑魚既亦有傳統燒賣可以order 【鮮蝦燒賣皇】 HK$13 (2隻)【黑椒金錢肚】 HK$23金錢肚帶微辣, 很爽, 而且冇渣, 底下竟然是少量烏冬, 第一次見用烏冬墊底, 烏冬不會過份索油份, 所以食落都唔覺油膩。【

每個假期都必定會飲茶食點心今次就來試試這間幾受歡迎的點心店中午來到已經有很多人在門外等候😳果然人氣旺盛 等了接近半小時才有位我們仨叫了8樣點心 都只是$167😱人均$60都唔使 真係好抵食 質素也不錯選擇亦算多 怪不得那麼多人🍆煎蝦膠釀茄子 | $17要推介這一個點心👍🏻蝦膠彈牙 釀在微微煎過的茄子非常夾口感一流 茄子外脆內軟 芡汁夠惹味🍞流沙奶黃包 | $21奶黃餡真的有加蛋黃做 不是死甜的奶油味有微微蛋黃鹹香 非常滿意🍞雪山叉燒包 | $18上抬時微溫包有煎過所以個包底好像生煎包一樣包面的酥皮微甜香脆不過如果多點餡料會更好🥧香滑反斗糕 | $16形狀夠騎呢 但味道跟一樣蛋糕沒分別很普通而且非常乾身 不夠鬆軟 不合格蝦餃燒賣有半份叫 可以試哂兩種不過沒有驚喜

晚上 8 點幾到，入面都幾多客人不過啱啱好有幾張枱無客所以好快可以有位好快咁劃左 8 款點心香芒沙律盞 ($19) 其實都係雜果沙律，蘋果居多個撻皮係 un 到唔會食嘅應該無下次流沙奶黃包 ($21) 個包大約等左 10 分鐘左右先食入面啲奶黃仲係又多又流沙！好好味籠太子蝦餃皇 ($25)不過不失，皮唔算好薄，但蝦算係新鮮魚肚水餃 ($19)估唔到都幾大件魚肚，有 2 塊魚肚，3粒水餃水餃餡有好多木耳，好爽口黑椒金錢肚 ($23)好多黑椒好香口，有啲類似烏冬嘅粉麵條墊底不是炸兩 ($23)入面唔係油炸鬼，係啲脆皮，都唔錯鮮竹牛肉球 ($18)牛肉球唔係好粉嗰啲，好味但可以俾多少少鮮竹😅原隻鮑魚燒賣 ($27) 以為啲鮑魚仔會無味，都有啲鮑魚味喎！燒賣都好新鮮

朋友約係太子食飯，竟然話去飲茶。夜晚飲茶真係好似都係第一次，而且店鋪重要叫做「籠太子」咁威水，一於睇下有咩咁勁叫到做龍太子~蜜味叉燒腸的腸粉熱辣辣。但係粉漿略為厚了點，叉燒份量唔夠同豉油唔夠，所以味道淡了點，重有少少乾爭爭的感覺。堅流心，蒸的時間同埋配料份量剛剛好，做到流心的感覺。唔會太甜同太膩，味道唔錯。但係流心的量唔夠大，唔夠過癮咸水角熱辣辣，炸得夠脆夠新鮮。入面材料的味道同市面的分別不大，勝左夠新鮮出爐。多醬蒸鳳爪，其實即係鳳爪。醬汁與鳳爪的味道材料都同市面的冇咩分別，醬汁夠濃但唔算話真係好多醬~哈哈小籠包好食既，入面的肉汁的確唔少，可以啜啜聲咁飲湯汁的確唔錯。肉質同皮都唔錯，幾好食。感覺上所有點心中最有驚喜的一道，入面有芝士同埋好鮮味的蝦膠，好多汁。出面用面條包住黎炸，炸卜卜幾好食。不過炸得比較油膩左少少，女仔食小心肥呀！海鮮蘿白絲煎薄餅，其實唔好好食到蘿白的味道同口感，只係一道比較脆身的中式煎薄餅。但味道的確唔錯，都幾好食。

記得已過身的婆婆以前很喜歡到茶樓一盅兩件消磨一個上午，但早前光顧一間連鎖酒樓，漏單想找一個人處理，但見忘碌的侍應走來走去都沒有人理，加上嘈雜的環境，莫說一個清磨上午，只想快快離開。但最近在一間新派點心店竟讓我找回舊式茶樓的人情。＊＊＊＊＊＊＊＊＊＊＊＊＊＊＊＊＊＊＊＊籠太子是一間新派點心店，我們在平日10:00一開門就到，想不到甫坐下不到5分鐘，其他食客就陸逐到來，不消一會食店已經坐至半滿，除了一枱貌似是老pat pat的上班族，其他都應是退了休住附近的街坊客，每一枱都悠閒地進食，絕不會因為吃到慢而被人催趕。而最吸引我注意的是，忘碌的店長包辦了迎客、收點心紙、入單、送點心，所謂迎客其實只是站在收銀台邊入單還邊跟熟客吹水，但這卻不會令人覺得服侍不周，反而有一種像走進了舊式酒樓，侍應跟食客都已是老朋友的感覺。點心選擇不算少，基本上一般茶樓內的點心也有，還有少量創意點心。鮮蝦腐皮卷($20)腐皮卷一碟有六件，腐皮入口薄而香脆，中間都有不少鮮蝦，味道不錯。多汁小籠包($19)小籠包一籠四隻，一口一隻，水籠包內果然湯汁滿載，包皮不厚，非常好吃。皮蛋牛肉腸($21)牛肉腸已預先切成六塊，以長條形碟

周末晚，兩口子沒去買醉，是一如以往的平淡，吃一頓久違了的點心，地點是>>>籠太子點心專門店<<<。以「籠」為名，餐廳內掛了不少鳥籠。裝修比較新派，並非一般茶樓格局，卻保留了酒樓傳統－－搭檯。坐在冰和男友對面的是一家三口，非常可愛的小女孩很懂事，冰不小心掉了餐牌，她搶著幫忙拾起，也令兩檯互不相識的食客開始搭訕，活像茶樓一隅。每位食客前方均有一張墊檯紙，上面印有餐廳食物介紹，讓食客參考。全部點心選擇如下：二人在等候入座期間，早就選好想吃的點心，故極速落了單。先喝老火湯。看材料大概是粉葛豬骨湯，份量可供三至四人飲用。湯料挺多的，但味道略濃，相信添了味精。煎蝦膠釀茄子的熱度十足，蝦膠香脆，唯茄子皮過硬，難以咬開，冰棄掉整塊紫色的皮，只吃了白色茄子。南瓜煎堆仔新鮮熱辣，香脆可口，值得一食。南瓜蓉非常迷你，從煎堆中剔出來淨食的話，會略略吃到南瓜香味；連同煎堆吃的話，其實嚐不出來，即管只當這是純粹的一個煎堆，也會吃得開懷。籠太子蝦餃皇一籠兩粒，蝦餃爽口，鮮蝦味濃，真材實料，滿滿的一口蝦餃喚起不少童年回憶啊。鮮蝦燒賣皇也屬比較巨型，內裡原隻鮮蝦，又一真材

同朋友在太子旺角一帶行街,不知不覺走到太子對太子一帶不太熟識,離遠見這間店鋪很多人在等位相信有番咁上下質素,於是一試先黎一啲傳統啲 多汁小籠包真係好多汁,一夾起,入面啲汁就傾瀉而出肉質鮮嫩,但略嫌皮有少少厚籠太子蝦餃皇蝦幾爽口,彈牙,不過皮都係厚左少少鮮蝦燒賣皇燒賣幾大粒,蝦都幾爽口流沙奶黃包真係好流沙,一咬開流哂出黎糯米雞size好大隻,2個人其實食唔哂,入面仲有鵪鶉蛋這個比較少見煎蝦膠釀茄子茄子皮整到脆脆地,而上面蝦膠都幾爽口,唔錯香芒沙律盞沙律內全是生果,蘋果的數量很多順帶一提,其中有位服務員的態度不太友善,會串客人還會對客人說不滿意的說話但其他服務員的態度很親切

今日心血來潮想食點心，於是就即約朋友到籠太子品嚐一下佳餚。店名叫籠太子而店內既裝修都有鳥籠裝飾，都幾乎合店名，頭頂一個個既籠，而台上就是一籠籠精美既點心。原隻鮑魚燒賣($26)-在燒賣頂上加上一個細小既鮑魚，除了皮薄及肉質軟熟外，在頂上的鮑魚增加了燒賣既口感同埋另味道既層次。多汁小籠包($18) - 另一個值得推介既就係小籠包，估唔到食落口會咁多汁，皮又夠薄，岩岩蒸完就拎上台，食果陣仲十分熱。皮蛋牛肉腸($20) - 皮蛋配合牛肉原來都可以好夾，皮蛋既獨特味道同埋牛肉互相輝映，食完後係口中有殘留既香味。鳳爪排骨飯($22) -味道同好多點心亡餐廳食既都差唔多，但係份量呢到都算幾多，一盅飯如果一個人食都會覺得飽。籠太子蝦餃皇($24) -除左燒埋外食點心一定要點蝦餃，呢到既蝦餃除左皮薄外，蝦亦食得出十分新鮮，沒有半點霉既感覺，蝦肉彈牙夠味。鮮竹牛肉球($17)-牛肉球沒有肉渣，十分淋而且都算幾大個，抵食之選。流沙奶黃包($20)- 一入口已食到咸香既奶黃，流出十分多既奶黃，喜歡食奶黃包既人一定唔可以錯過。店內環境舒適，落單上菜時間都十分快，食完收碟亦十分迅速，服務水準不錯。

有朋自遠方來到，當然要帶他吃點心，上網看到這間創新的點心餐廳，店鋪設計完全和酒樓不一樣，感覺像西式cafe整潔衛生，主要以綠色為主，很摩登很搶眼的顏色。看看餐牌，款式很新穎，傳統的點心加上創新的食材，很有心思的idea 。原隻鮑魚燒賣（$26），創新的燒賣加上鮑魚仔，蒸的時間掌握得很好，鮑魚熟透又不過老，仍然很有口感，燒賣有鮑魚的味道　，十分新穎的配搭。籠太子蝦餃皇2粒（$12），可選2粒或4粒，很細心，即使2 人去飲茶也可以試更多不一樣的款式。外皮晶瑩剔透，煙煙韌韌，內裡包著大大件鮮蝦，爽口鮮味，很棒！多汁小籠包（$18）皮薄但個人認為汁不是很多，肉餡也不錯，但唯獨這籠點心是不太夠熱的，相信熱騰騰又爆多汁一定會很美味，唯有下次再試吧。原隻鮮蝦腸（$22），長長的一碟腸粉，這個價錢真的十分化算，又是大大隻的鮮蝦，腸粉很軟滑，加點辣醬的確會吃過不停。流沙奶黃包（$20），一上桌已經新鮮打開吃，流沙奶黃像熔岩般流出，熱熱的奶黃很香很滑，而包子也很軟熟，這個真心很好吃，我吃了兩大個，味道一流。

今晚陪媽咪食飯，唔想佢行太遠，決定起佢公司附近食，食完可以返屋企．媽咪夜晚唔食太多嘢，所以就話去食點心．由於我哋都叫早，所以唔駛點等就入得．入一去就會比天花上面嘅鳥籠裝飾吸引，而且牆身掃上青綠色，有少少大自然FEEL.原隻飽魚燒賣估唔到平民食店都可以享用到原隻鮑魚，鮑魚份量都ok，口感好淋，唔韌又唔乾身，配埋粒燒賣，鮑魚的香加肉嘅鮮，好夾． 藥膳雞腳雞腳唔係重點，果個湯先係，好濃藥材味，我飲到一滴都冇先罷休．海皇芝士千絲卷呢個好好食，比較特別，外面炸到脆卜卜，入面嘅蝦膠好彈牙，不過芝士少咗尐，唔覺有芝士味不是炸兩原來真係〔不是炸両〕，入面唔係油炸鬼，口感好似炸脆左既米通，仲有西芹粒，口感特別而且新穎流沙奶黃包一搣開，奶黃已經急不及待流出黎，真係見意要搣開先好放入口，熱辣辣，奶黃味又香又濃．