七福神和食亭

Open Now

Now Closed

今日朋友升職，於是搵左一間居酒屋打算好好暢快慶祝一下，見到依間餐廳評分好高，於是決定試一試！餐廳位置方便，佐敦站一出3分鐘路程就到，位於樓上關係所以冇被街上的車聲騷擾，可以專心食野同傾計。店員亦熱切歡迎我地光臨，有少少置身日本嘅感覺。三交魚腩刺身 (⭐️⭐️⭐️⭐️⭐️)雖然價錢唔吸引，但一上菜我地都譁然，4塊超厚切三文魚腩，最厚嘅部分足足有4cm厚！切割後將魚身嘅油脂部位盡現出來，點上少少wasabi同豉油更食得出魚嘅油香味。欣賞餐廳解冰唔馬虎，凍凍地食落好爽口，必食！海老天婦羅( ⭐️⭐️⭐️⭐️)6隻大大蝦天婦羅炸得好鬆脆，炸粉同蝦身冇分離，蝦肉重保持到濕潤嘅口感，炸衣薄薄一層，唔會食到成嘴油，值得一試。牛舌串( ⭐️⭐️⭐️⭐️⭐️)從未見過咁大塊嘅牛舌直接上，真係對得起價錢！牛舌身厚肉油脂感重，點少許鹽已經食到好重牛味，牛舌好彈牙無渣，檸檬汁好解肥膩感，讚！玉子燒 (⭐️⭐️⭐️⭐️⭐️)4大舊玉子，金黃色好鮮豔吸引眼球，每一件大小均勻，食落軟熟滑口，帶少許甜味，入口舒服，平衡一下其他油膩菜式。海膽蟹肉茶碗蒸 (⭐️⭐️⭐️⭐️💢)蒸水蛋好滑，上湯夠濃，令雞蛋入味，海膽蒸煮後依然creamy冇腥味，蟹肉份量不少，增加唔同

今晚同爸爸來食七福神，上次來食都應該上年了，都成年冇來食，餐廳質素依然保持到水準，而且仲有勁多唔同食物可以揀，刺身、壽司、小食、炸物、拉麵、飯⋯⋯今晚同爸爸主打壽司刺身晚餐。因為見到menu上好多刺身set或壽司set…十分方便又有唔同組合，方便可以點選，冇煩惱。我地仲點了一客炸蝦天婦羅，有六隻，份量好足，每隻炸蝦天婦羅都炸得金黃香脆，賣相好靚。吃起來外皮的炸粉好香脆，中間的炸蝦肥美肉厚，咬起來口感好厚實，外脆內爽，唔錯唔錯。我們都很喜歡這道天婦羅。另外點了一份刺身set…menu上有幾款唔同組合既刺身拼盤，有唔同既魚生，可因應自己的口味點選。我們是次點的是有半板海膽、三文魚、深海池魚、赤身吞拿魚、甘蝦。整個刺身拼盤賣相好靚，魚生鋪得滿滿的，魚身帶鮮紅，看起來都相當新鮮。而且仲有半板海膽，海膽十分鮮甜，可以就咁食，或者以紫菜包著來吃，都是各有特色，十分好味。魚生都相當鮮甜、肉厚，十分好味。甘蝦又大又爽又鮮甜，啖啖肉，好好味。除了魚生外，拼盤仲有一件飯團，唔錯，可以包著紫菜吃，好好味。除了美味的刺身外，仲點了壽司拼盤，壽司其實都可以散叫，但我跟爸爸為免苦惱揀咩壽司食好，所以便點了18件的

朋友聚會又再黎食日本菜。首先講句，呢度真係好高，我哋三個男人食558蚊就食到飽晒。我哋今餐叫咗海老天婦羅、芝士焗蠔、冷麵、大板燒豚肉炒麵、炸雞、同埋壽司。海老天婦羅隻蝦夠大又彈牙，唔係炸到成舊粉咁，食完都唔會覺得油膩。芝士焗蠔恰當地調味，蠔嘅水份仲喺度，而家焗得好香。蕎麥冷麵好適合夏天食，但無乜特別驚喜。大板燒豚肉炒麵我嘅最愛，上枱夠熱，豚肉有肉香，醬味比例合適。炸雞夠乾身，個略為少咗d調味粉。壽司真係有驚喜，呢個價位可以食到咁有質素嘅壽司真係好難得，特別係三文魚腩，真係特長！好足料，值回票價。

最近疫情略為緩和，趁有機會決定外出吃點好西，今次來到在佐敦的日本料理餐廳『七福神和食亭』～星期六的晚上來到，餐廳人頭湧湧，還好有預約，不用等就可以入座了……不過一心掛住吃的小女子忘了拍餐廳內裝的照片LOL餐牌內容超豐富，刺身、沙律、燒物、炸物、丼飯等都有不少選擇，樣樣都想試，二人好不容易選了8道料理：「油甘魚刺身」大大片厚切，新鮮又肥美，刺身愛好者必點～「海膽壽司」夠鮮甜美味，而且份量足，值得點～「灸五味」大件夾抵食，性價比超高，是另一必點之選！「燒明太子」燒得剛剛好，咸香四溢，佐酒一流。「海老天婦羅」蝦肉新鮮彈牙，不過炸皮略嫌過厚，再薄脆一點會更好。「豆腐風野菜湯」香滑且豆味濃郁，加入大量蔬菜和菇類，每一啖都是滿滿幸福，大推！「忌廉蟹肉薯餅」有四大件，外層夠薄身，且炸得很香脆，忌廉薯仔內餡十足，唯蟹肉量不多。「鰻魚炒飯」非常足料，每一口都有惹味的鰻魚粒，且飯粒分明，加上芝麻和紫菜絲等配料，令每一口更有層次感。總括來說，『七福神』的性價比蠻高的，二人叫了一共8道菜也不用$600，食物也有質素，去不了日本旅行，來這兒止止渴也是不錯的選擇啦！------------------------

充滿驚喜嘅一餐 店舖裝修一般 但食物質素不錯 欣賞佢嘅炸物 全新都即叫即整 上菜又快 當中最鐘意🦀蟹味噌甲羅燒 滿滿嘅香濃蟹膏蟹肉絲蟹籽 再配上烤香脆魷魚餅 口感豐富 好有層次✨ 🍤海老天婦羅炸粉好薄又脆口👍🏻牛舌好嫩又爽口😋其他炸物都出色 炸得啱啱好又唔油 免治雞肉串肉質可以再嫩滑一點 油甘魚刺身唔夠鮮甜 🍍菠蘿雪芭好好食又健康～ 蟹味噌甲羅燒$68 海老天婦羅$78牛舌串$38 雞軟骨$48 免治雞肉串$55 芝麻雞翼$62 油甘魚刺身$70 菠蘿雪芭$58 芒果活乳酸$48

我同女友喺旺角行完街又到食晚飯時間，但唔想食得太飽，所以嚟到七神福和食亭，食下串燒、壽司等冇咁飽肚嘅食物。我同女友坐喺八人枱，餐廳用日式屏風形狀既隔板分隔兩枱人，散發日本文化氣息之外，又可以達致安全。- 自選壽司🍣自己對居酒屋既壽司無乜期望，吞拿魚普普通通，火灸和牛壽司唔係太多油脂，但肉質幾細嫩，油甘魚壽司最喜出望外，味道非常甘甜。- 芝士燒天婦羅蟹腳卷芝士、沙律醬加三文魚籽非常邪惡，中間係脆口天婦羅蟹腳，鹹、甜、脆集於一身。- 芝麻鰻魚卷壽司卷切成六件，size啱啱好可以一件放曬入口，而且唔會太狼狽。鰻魚燒到香噴噴，加左芝麻更香，同時青瓜中和濃味既鰻魚。- 免治雞肉串外皮幾焦香，軟骨添加少少嚼勁，肉質結實，塗上表皮既燒汁唔會太甜。- 燒肉帶子串帶子唔係太大粒，但燒得啱啱好。- 海老天婦羅天婦羅炸粉略嫌有啲厚，但係夠脆身同唔油膩，同時嘗到蝦嘅鮮甜。- 黑松露海膽茶碗蒸茶碗蒸果然真材實料，蒸蛋上面放咗海膽，口感滑溜兼味道豐富，同時滲透黑松露清香。- 柚子乳酸波子汽水大杯到難以置信，兩個人都飲唔晒🤣- 富士蘋果雪葩蘋果雪葩以原個水果呈上，雪葩口感綿滑，水果味道天然。價錢非常親民，所以叫咗好

與友人邊行邊傾已去到佐敦，見到前面有間日本料理就八掛望一望；豈料門口有位服務員熱情地招呼向我們推介，於是就上去試試。內裏裝修普通，但座位亦算闊落。飧牌上的食物都有很多選擇，而價錢亦算合理。荔枝青蘋果梳打荔枝雖然係用罐頭，但大大粒肉加埋青蘋果汁混入梳打水，甜甜酸酸開胃非常。牛油果鮮奶沙冰以牛油果做飲品都係初次品嚐。將果肉加上鲜奶 和冰攪勻，更顯幼滑清新。海老天婦羅薄薄的粉漿炸得金黃鬆脆，蝦肉新鮮爽口。燒肉帶子串帶子配上煙肉一齊燒，將清甜f和濃郁兩種極端味道混合；味蕾增加不少。鹽燒油甘魚鮫魚皮燒得香口惹味，肉質鮮甜嫩滑； 洒上檸檬汁可減肥膩，熱辣辣食到不停口。火炙三文魚腩壽司三文魚腩新鮮肥美，火炙後把豐富魚油迫出，魚脂甘香，肉質細嫩。神戶野菜炒與一般炒雜菜沒太分別，只是加了些日式醬油；沒有驚喜。菠蘿雪葩和山形香桃雪葩兩種甜品賣相趣緻。菠蘿仔和香桃中間刮空藏上各自味道雪葩，清甜中亦帶微酸，可中和之前肥膩感。

早前食過佐敦七福神和食亭, 正好同事們搞飯聚, 建議下今晚又再次去七福神食正野!餐廳環境唔算好大, 但乾淨企理。如果一大班朋友想暢所欲談, 可以預先Book位, 設有VIP房, 多少少私隱度。七福神和食亭當然主打日本料理, 刺身、壽司、炸物、丼飯、串燒等等...款式多多, 價錢亦很合理。寫no. Click紙仔點餐, 慢慢揀唔怕落錯單。【青蘋果雲妮拿奶昔】HK$44奶昔極為幼滑, 青蘋果跟雲妮拿味很平均, 奶味很重, 青蘋果果甜中帶微酸, 整體唔會太甜。【三文魚腩】HK$68超厚切三文魚腩, 極之慷慨, 魚油很澎湃, 超正! 【芥末八爪魚壽司】HK$22軍艦紫菜上檯即食還是脆的, 八爪魚碎粒份量不少, 配上芥末, 有少少攻鼻, 過癮又好食【油甘魚壽司】HK$32油甘魚頗為厚切, 油甘魚帶甘香【金龍蝦反卷】HK$46飯卷包住吉列蝦, 脆脆炸皮包住鮮甜爽口既蝦, 口感豐富【雞軟骨粒】HK$38外皮炸得乾身, 一d都唔油膩, 軟骨位爽脆, 口感一流~【海老天婦羅】HK$75炸皮很薄而且鬆脆, 入面隻蝦鮮甜爽口, 推介!【雞翼串】HK$38雞翼外皮有炭燒香味, 香脆可口, 內裡keep到些少肉

忙碌的星期日，只是早餐午餐當一餐吃，非常肚餓，相約好朋友吃日本料理，朋友帶我到佐敦七福神和食亭吃晚餐，店舖非常接近地鐵站，步行2分鐘便到達，店内裝潢帶日式風格，而且服務員的態度亦很親善，上菜速度快而且有效率，一切也不錯，而且食物份量大，價錢合理！火焰三文魚腩壽司火焰三文魚腩壽司兩件，長長的三文魚腩非常肥美，而且表面微微燒過，帶有少少魚油香芝麻鰻魚卷，芝麻鰻魚卷有六件，鰻魚肥美而且配上香香的芝麻及新鮮的火箭菜，感覺新鮮而且不會有膩的感覺石鍋香辣海鮮手打烏冬，石鍋熱辣辣上菜，海鮮有海蝦非常大隻而且彈牙、大青口、大帶子，日本魚蛋，娃娃菜，材料非常豐富，而且烏冬彈牙無比，配合少少香辣的湯底，惹味無窮，冬天吃更加一流三文魚親子丼（大），有非常新鮮大大片的三文魚及非常爆滿的魚子，一啖一口，滿足！魷魚鬚唐，炸魷魚鬚炸得香脆，魷魚彈牙，炸粉薄身墨魚咀唐揚，細細粒墨魚咀好可愛而且好彈牙，送酒一流風味花魚燒，燒魚魚味重，不會有魚腥味，魚質滑，不會很多骨及火喉程度剛好海老天婦羅，有六隻天婦羅炸蝦，蝦彈牙，份量足料油甘魚刺身，油甘魚厚身，啖啖鮮甜油香，正

上次光顧後，一直對這裡念念不忘，好不容易終於有機會重臨此店。很喜歡這裡份量剛好，可以試過口味後，又不會影響胃口以致嚐不到別的菜色。今天各種菜色都有點到：壽司、刺身、卷物、炸物、燒物、炒飯、蔬菜、飲料。請容我「老土」地說一句：真的各有千秋。壽司的代表有炙燒和牛壽司和海膽壽司；刺身就有超肥美的三文魚腩和超新鮮的海膽；卷物的炸軟殻蟹飯卷，市面普遍的軟殻蟹飯卷一般都是預先炸好，冰冷狀態上枱，此卷卻是即炸即包，內暖外冷，非常有誠意；海老天婦羅、燒雞翼、燒雞軟骨通通都是水準之上；海膽海鮮炒飯更令我喜出望外，除了海膽外，他還有墨魚、帶子粒、蝦仁和魚子，加上十足鑊氣，絕對不能錯過。

日本野真係百食不厭，今次同男朋友黎到佐敦覓食！ 叫左3號刺身拼盤 好抵食 $128 咋3號拼盤...揀左劍魚腩 魚生海膽好新鮮..唔會腥... 配埋紫菜..仲可以有個飯團配食 👍🏻 $128 so nice! 成半版海膽小菜點左中華沙津同芥末八爪魚好好味..唔會油..配埋車厘茄 同埋倒埋啲七味粉係沙津醬到 好特別唔算好濃味.. 岩岩好炸軟殻蟹卷 好好吃..仲有好多件..好抵食炸天婦羅.. 炸粉唔會太厚 好肥美既帶子牛舌同雞軟骨 唔少得既 當然梅酒！ 平到呀 78蚊 300ml 甜甜地 唔重酒味今次我地叫左好多小食..見到隔離叫饅魚飯...好似好吸引咁...呢間餐廳啲食物好多選擇... .下次要返黎encore 試下啲主食！

日式團年飯可說是我近年來最出位的聚餐，由於時近歲晚，各餐點先人來人往。或許大家都是吃過團年飯便上花市走走年消市場吧。由於我們都喜歡日式食品，因此我們選了這位於佐敦的”七福神和食亭”。 七福神和食亭位於一樓的餐店，門面及招牌充滿日式的風味，言而店外有棵大樹遮掩著食店的呼喚。七福神的菜單清晰，客人很容易地從餐牌上的照片中選出喜歡的食品。個人而言比較喜歡香口食品，在這推介些可以一試菜色。先是”廣島吉列炸蠔”。一客四件的吉列炸蠔，外表香脆，內裡生蠔亦算肥美，雖然油膩程度有點超標，每人一件還是可以的。“海老天婦羅”是天婦羅蝦的傳統日式食品，七福神的海老天婦羅的品質尚算高質，蝦肉與炸槳互相扣在一起不容易脫落，與別的一般日式餐店相比，技巧略勝一籌。“魷魚鬚唐掦”是香港大眾食品的炸魷魚鬚，可是今是今日的香港漸漸消失了它的影踪，可能品質分野下，煎讓三寶的小食店寧取材較方便的食材而逐漸失去了平民小食的地位。而七福神的魷魚鬚唐掦正好令我回憶起它的美味，魷魚鬚唐掦的魷魚鬚夠粗身，口感十足，香脆乾身有質量。"牛油焗帶子”是是晚較為高質的菜色，老的火喉十足，牛油充分配合帶子的鮮香，但務必注意是要趁熱品嚐。“一口芝

上次食過覺得佢啲質素唔錯,今次再黎,質素好似比上一次好左蟹籽沙律 (大)因為諗住4個人食,叫個大既,點知大既大到起碼可以比5-6個人食份量多到嚇死人,但食落又ok咼蟹籽超多,食落夠爽口,而芒果又夠甜不過略嫌沙律醬過多三文魚腩呢度啲刺身認真唔錯,相當有驚喜三文魚超厚切,超肥美但唔會淨係油淋淋咁有油脂得黎又有少少爽口鮮味十足,可惜得5舊少左啲炙五味有五件不同味道既壽司,食左炙魚腩,燒得唔錯既有豐富魚脂,又夠爽口蒲燒饅魚好大條,好肥美,又夠厚身,入面啲細刺都食到配上饅魚汁令佢更加香口雞軟骨粒份量都好多,粒粒都好脆身有咬口粒粒size都大,但唔會淨係食到炸粉海老天婦羅炸粉唔太厚,蝦肉爽口,帶有少許鮮味而且炸得幾脆身鐵板牛柳粒粒燒幾有驚喜既一味,牛柳超級腍,而且好juicy起初以為中間係蘿蔔蓉,點知係薯蓉而且味道唔錯,薯味十足雞翼串雞翼都好多隻,燒得幾香口,雖不算太厚肉,但整體味道係好食七味軟殼蟹手卷軟殼蟹炸得脆脆,唯獨入面有wasabi,唔食wasabi既要注意因為我被這個wasabi破壞左對佢既感覺芝士鐵板燒豆腐比較遜色既一味,芝士味唔夠濃,豆腐係用中式既紅燒豆腐唔太match,味道亦唔突出