新惠和

Open Now

Now Closed

🌻推薦指數：蝦醬鮮魷炒麵：7/10海膽炒飯︰7/10薑汁無冰凍奶茶︰7/10環境整潔：6/10服務態度：6/10整體評分：7/10午餐︰1. 蝦醬鮮魷炒麵︰本身以為係普通豉油皇炒麵加埋幾塊鮮魷炒埋一齊，但食落每條麵都有淡淡蝦醬味，都幾驚喜，另外魷魚係塊上，份量大滿足，魷魚食落幾有咬口但唔算韌，仲散發住濃郁蝦醬嘅咸香。2. 海膽炒飯︰味道唔錯但油份偏多，海膽份量比之前幫襯過塔門其他茶餐廳嘅多，但食落海膽味唔算太明顯。3. 薑汁無冰凍奶茶︰無落冰所以味道幾濃郁，甜度適中，薑味足夠，唔會勁到嗆喉嚨，同奶茶味都算夾。

立春之日，春回大地萬物生長，和家人去塔門游玩。今日坐8:30am 第一班船嚟到塔門，初頭毛毛細雨，到慢慢雨停，離開小島時，中間太陽還害羞地露了幾面，天公造美。來到塔門，打開帳篷吃下零食欣賞風景無耐，有隻不速之客公牛嚟圍爐，佢真係老實不客氣，清曬我哋嘅零食，走之前仲痾督肥料。我哋見肚餓就行咗嚟新惠和，見阿婆喺門口個爐頭炒飯架勢十足，就決定揀咗呢間食嚟塔門必食嘅海膽炒飯。海膽炒飯炒得幾乾身粒粒分明，好夠鑊氣，食落有海膽鮮味，138蚊算係咁冇孤寒馳名無冰凍奶茶，奶香茶濃，一人一支

今日去外遊一天，選擇左去塔門上網搵左唔少塔門嘅介紹，最後決定去呢間「新惠和」餐廳🍴有主菜有甜品難得嚟到，梗係叫佢嘅招牌菜喇海膽炒飯每一啖都有海膽味，唔會over左加埋蔥花，錦上添花另外在叫咗蝦醬魷魚炒烏冬蝦醬嘅味道適宜，唔會好鹹好鮮味再試埋佢嘅無冰凍奶茶味道調配10分適合最後仲叫咗薑汁豆腐花豆味濃郁同埋係門口嘅炒嘢姐姐好有禮貌😊大熱天時keep住係咁炒嘢，都會對客人有好好嘅態度👍🏻👍🏻👍🏻

星期日人多，入唔到東平洲，臨時改左入塔門轉彎角見到呢間新惠和幾有鑊氣&都有啲人龍，就去試一試啦⋯當然人龍多，入完座等上菜都需要啲時間，千祈唔好期望好快海膽炒飯比起我早前陪媽媽係長洲食嘅價錢差唔多，但味道超級唔同！長洲嘅比較鮮甜淡味，呢個就有鑊氣&比較乾身而炸墨魚丸有菜墊底吸吸油，尚算乾爽，咬落去好香仲有炒蕃薯苗，第一次食，覺得都唔錯

塔門係最近一個比較熱門嘅郊遊地，更加有好多人喺嗰度露營🏕添！雖然佢無長洲、南丫島咁熱鬧，但就係佢嘅寧靜吸引到一班住喺市區嘅人黎～當然，無咁熱鬧就自然鋪頭、餐廳都少啲啦！塔門餐廳🍽只有幾間，而呢幾間都話自己嘅招牌係海膽炒飯🥘😹不過上網睇 新惠和 嘅嘢食係相對多啲海膽，所以今次黎到就試呢間！睇門面都知道開咗好耐下👇🏻呢度無正式嘅廚房，門面右手邊(下圖右)就係用黎煮嘢食👩‍🍳👩‍🍳中午時間黎醫肚，我地算黎得早，所以未有人😹揀咗個角落頭位無咁凍😹👇🏻再睇下👆🏻嘢飲牌同👇🏻狗仔招牌海報更加肯定佢開咗好耐啦～餐牌👆🏻👇🏻部分招牌嘢食就會有埋相😹唔洗多講，都係嗰幾樣，海膽炒飯、無冰凍奶茶、薑汁豆腐花～就係比佢個相吸引到，首先叫咗碗👇🏻薑汁豆腐花🥣同奶茶☕呢個豆腐花算係幾滑，凍得黎都幾軟幾棉🥰雖然未必及市區嗰啲老字號鋪，但呢度黎講係幾好架啦～不過個奶茶就比想像中甜，如果唔落咁多糖應該會好啲～而茶味都有嘅，但個人覺得甜味重過茶味～👇🏻招牌海膽炒飯🥘呢個就真係要比個讚佢👍🏻😹110蚊，真材實料幾多海膽，啖啖都多😹圖下深黃色嗰啲都係海膽！由於海膽係熟咗嘅，所以唔會好似平時咁咁淋，食落係會實啲，有咬口，啖啖都

假期多人去塔門呼吸新鮮空氣，當然行完一大輪，個個都要揾好野食，雖然要排長龍先食到好野，但都好多人同我一樣唔介意排隊為求食好西叫左支無冰凍奶茶下火就耐心地等野食黎，雖然叫得兩款野食，其中墨魚丸好彈牙新鮮，而個炒飯炒成金黃色，十分香口，食飽飽就搭船出市區啦～

環境餐廳幾近塔門碼頭，係由碼頭行過黎的第二間餐廳。星期六午飯時間都幾多人，坐滿晒，有啲人要係餐廳出面等位。但餐廳入面都乾淨，不過通常都要搭枱。 食物話說星期六食晏時間太多人，但係煮野食的人就得一個人，所以我地等左成一個鐘先有野食⋯ 所以週末去的話，唔想等嘅朋友真係要諗清楚呀！1）海膽炒飯 $100（評分：8.5/10）等到好肚餓，唔知係咪因爲咁，覺得碟炒飯好好食😂 炒得幾香口，個人認為海膽味都足夠，一上菜都聞到海膽味。不過海膽已經炒到散左，所以就唔會食到一舊大海膽。但炒飯都幾乾身，又唔咸，食落覺得味道控制得剛剛好！2）無冷凍奶茶 $28/支（評分：7/10）依間其中一個賣點係全港首個無冷凍奶茶😂 奶茶都幾滑，奶茶味都幾香，香味會停留喺口中一段時間，但係略嫌有點太甜。 服務服務普通，店主係一個婆婆和姨姨，小本生意，不能要求他們很快上菜。週末去光顧的朋友要有心理準備，等候時間可能很長。

香港郊遊地方多的是，但一生人點都要去塔門逛逛，吸收新鲜空氣、欣赏大自然美景和品赏美食。相信好多人一提到塔門，必定想起這裏的海膽炒飯。所以今次我入塔門其中一個原因也是她--新惠和。這裏的海膽炒飯，非常出名，所以成百分一碟都要試下。海膽份量果然多，膽汁滲透飯內，香、鲜、甜三種感覺完全feel到了，食落口口感一流，飯是即炒，做到非常乾身，炒到粒粒分開，賣相一流。而且，份量挺大，我們一家四口每人才分可碗半，食完大滿足，值得推介给朋友們。下次有機會再來塔門，我一定encore.😄

去塔門已經差唔多成個月時間，而家先有時間寫兩句。落左山之後，打算試下塔門名物，見呢間比較多好評，所以排下隊，週日等了大概15分鐘，尚算合理。海膽炒飯 $100天啊…成舊水個炒飯…海膽味道冇想像中濃烈，因為連唔太喜好海膽嘅我都食得落，可想而知。雖然係名物，但卻有啲一般，所以試過就好，而且真係太貴。不過我最欣賞係佢地嘅炒飯，炒得乾身，一粒一粒咁，而且唔會油膩。因為一行9人，所以一瞬間就清碟。蝦醬鮮魷炒麵 $50（忘記影相）呢個本來唔打算點嘅，但見到店員問黎問去，都冇人認領，所以我地就要左，反正都炒起左。可能我們都餓啦，所以好快就食哂，而且呢個味道唔錯，蝦醬味唔會太搶，麵條亦都同飯一樣，炒得乾身，不錯吃。蝦醬鮮魷炒飯 $50如果護性價比，比較高嘅係呢碟炒飯。蝦醬味道突出，雖然稍鹹。但價錢係海膽炒飯嘅一半…可能係輸在起跑線，因為唔係名物。但朋友們都一致認為呢個炒飯好食啲。海膽煎蛋 $95…好貴…其實都係個煎蛋…煎蛋色澤因為海膽而澄橙黃色，加上蔥花不錯吃。但比起炒飯，煎蛋當中嘅海膽味更濃烈，而且朋友話食得出有海膽。墨魚丸 $40/12粒墨魚丸都係有啲貴…因為9個人食，點左兩份。口感有啲似炸魚蛋，

趁著long weekend及天朗氣清，跟朋友們臨時決定一起出去到塔門走一走。雖然塔門有一片大草地，但每次去都會看到塔門牛很兇，主動走近人的袋子覓食。加上塔門也有一些餐廳，在遊玩過後到島上餐廳醫肚。島上有好幾間餐廳，每一家都在門口寫上島的著名食物「海膽炒飯」。沒想太多的我們就隨意走到其中一間，就是「新惠和」。這種的地道小店的裝潢也當然是較簡樸，但卻充滿港式小店的味道。小店人手不足的緣故，很多事情都需要自己來，就好像自己寫下菜單、自己拿飲品等。先點了兩個飲品來解渴，分別是無冰凍奶茶及秘裝咸檸茶。一枝奶茶可以倒出約四小杯的份量，不過喝下去沒有很特別的感覺，但沒有加冰也是凍的也是不錯，放一會兒都不怕味道變淡。咸檸茶是第一次喝，平常都是咸檸七，但咸檸茶的味道比想像中好，咸度跟酸度都不錯，值得一試。食身方面，先點了小食炸墨魚丸。即叫即炸，雖然是油了一點，但炸得香口，而且墨魚片彈牙，不消一會兒就我們清得乾乾淨淨。然後是島上馳名的海膽炒飯。一上菜就已經嗅得到海膽味，而吃下去也同樣很重海膽味，在炒飯中也會找到海膽肉，份量還不少。而且炒得乾身夠鑊氣，難怪這一道炒飯在島中是那麼的有名！再來的是蝦醬鮮魷炒烏

同大學同學相約嚟塔門島遠足，同學負責路線，我負責食物。一早就聽同事講呢一間嘅海膽炒飯好好食，我哋行完山雖然飽飽哋，都系即刻落嚟食。海膽炒飯果然名不虛傳，料足，咸淡都啱啱好。不過薑汁豆腐花令我大開眼界，我從嚟都未食到過咁滑嘅豆腐花，入口即化，行山嘅疲憊一掃而光！姨姨仲幫我哋叫咗快艇添！

今天本計劃塔門一天遊,打算從馬料水塔8:30船, 海邊行下食完午餐後,下午再上山, 下午四時左右回程,,,可惜到中午已經落大雨, 要提早中午回程...出發前先係中大Canteen食早餐, 再行去碼頭塔船,到達後天色陰暗, 不過正因為咁,成程都唔晒, 幾舒服附近行左一轉, 冇上山, 好快又番番碼頭, 附近有3,4間餐廳, 菜式都差唔多, 想食海膽炒飯, 於是試下呢間~先叫一杯無冰凍奶茶同姜汁無冰凍奶茶, 奶茶同出面茶餐廳差唔多, 姜汁味奶茶比較好飲海膽炒飯份量夠2人食, 好香口唔錯, 但我未食過海膽, 唔係好食得出海膽係咩味XD仲有叫左個姜汁豆腐花, 姜汁味濃, 豆腐花夠滑, 十分推介

見天氣不錯，突登坐船來到塔門，一落船就見到幾間食店，諗住上完山返黎先食野，差不多行左兩個鐘，我地就出返去搵食啦！經過見到新惠和好似好多人幫襯，咁就入去試下啦！見到餐牌推介海膽炒飯，又聽到隔離枱order左，我地又叫一碟試下啦～另外叫左支奶茶邊行邊飲，忘了影相，奶茶唔太甜，都幾滑幾好飲

第１次寫食評輾轉坐車坐船來到了充滿大自然與寧靜的塔門，經Openrice知道有家得去吃吃的食店。一下船就到了岸邊的新惠和，外面擺滿小食雪糕等等，是因為星期５，沒有人排隊，只有準備上船前來吃的客人在用餐。塔門的招牌狗狗真的會跟著人群走～在門口就看到了跟著人走的狗狗。眼看裡面放了幾個鐵圓檯子，尚算闊落，地上有一點點食物碎屑，沒傷大雅，這是漁村。店內海報，是剛才外面看見的狗狗的年輕照嗎？看看餐牌，一眼就能看得到店家的招牌「海膽炒飯」，還點了其他食物試試。跟食評一樣，老闆娘也是叫我們把要點的食物寫在紙上，因為兩個人忙東忙西顧不了，有時更要走出店外和應付買外食小食的客人。老闆娘空餘時間也會來「偷看」一下我們點什麼，先去做，所以沒有等很久食物就上檯嚕！先來了魚片麵和海膽炒飯以為是茶餐廳用的蛋麵，原來是出前一丁雞容味很家庭式的味道！麵沒有煮至發脹，剛好的軟硬度；魚片一般，略厭有吃到冷藏味。另外友人點了最基本的餐蛋麵，沒什麼特別。對我而言滿大碟的！老闆娘在上炒飯時還給我們三個小碗呢！但是對於男友來說可以吃完一整碟啊！！！（驚）大概女生覺得很大碟就是…平常沒事不會吃海鮮的我…看見聞著忍不住吃了人生第一口

今日晨咁早就搭船入去塔門, 好舒服的一天行完一個圈之後大約12點我地就到達新惠和喇姐姐先問我地飲咩, 之後放低疉紙比我地自己寫要咩食物, 然後就轉身去拎野飲比我地我叫左無冰薑味奶茶, $14。而友人就叫左咸檸檬茶第一啖飲落去係有淡淡既薑味既, 可惜茶味唔夠濃, 係特別但無左應有既茶香奶滑一場黎到, 又點可以唔叫個海膽炒飯先! 成個MENU最貴係佢, $80 一碟, 而其他炒飯只需$40如果唔係好肚餓其實可以叫佢個海膽煎蛋麵, $35。即叫即炒, 所以都等左約10分鐘到先上枱鑊氣十足, 海膽既份量都唔少, 每一啖都會有!除左海膽之外, 佢亦加入蛋同魚春落去一齊炒, 令到佢更香同有口感之不過我覺得個飯唔夠硬身, 所以無食落去一粒粒飯既感覺食完出到去發現外面已經大排長龍, 仲落起毛毛雨添, 好在我地早到咋