漁匠料理 (Closed)

朋友又吹雞黎漁匠食飯，仲夾到四個人，當然好啦，可以食多幾款野! 因為上水唔多日本野食，漁匠喺上水都算出名。地點就腳，我返大陸前或後都間唔中會黎食飯，原來我午餐同晚餐都已經寫過三次食評，今次係第四次，每次都盡量叫啲唔同嘅野食。今次要首先介紹嘅係飯後甜品  -  溫室蜜瓜紅豆芭菲，以前店員解釋過話要當造時節先有，又要睇有冇返貨，又要睇賣晒未。今日問左店員，今日仲有一兩個，即刻叫!! 我黎左咁多次都食唔到，呢個就係緣份，今日終於食到好開心半個溫室蜜瓜，用一大個木架上，好有睇頭。但呢個設計，個蜜瓜會向左走向右走，最後我用個碗固定佢。上面放左一大球雪糕同埋大大粒嘅紅豆，呍呢嗱雪糕唔太甜，更加帶出蜜瓜本身嘅清甜，正，今日個蜜瓜真係好甜好爽脆。如果多人嘅，呢個好抵食:珍寶桶裝刺身丼（二人前），話就話二人前咋，但得兩個人真係唔好叫呀，真係食唔晒架。成個木桶仲大過我塊面好多，面頭鋪滿晒吞拿魚、鯛魚、赤海蝦、三文魚、油甘魚、三文魚子、北海道帆立貝、墨魚刺身，每款仲要有四至五件，好驚人。之前食過什錦刺身8點，八款刺身每款三件就$308，呢度多咁多倍，只係$398，梗係食呢個! 底下仲要係好深厚嘅蛋絲、青瓜絲

今日出差經羅湖回港，一早已經約定朋友又黎上水漁匠食。離遠望見門口多左三支日本字嘅旗仔，就知道距離餐廳不遠！ 餐內佈置依舊， 掛上很多畫，好有和風feel，感覺舒適！《芒果大蝦飛魚子野菜沙律，＄68》我叫了一個沙律做頭盤， 有芒果、大蝦 和 魚子等， 沙律醬酸酸甜甜， 使我食量大增 。之後點了一些小食，《鐵板豆腐四件，＄38 》和《海蝦天婦羅六件，＄72 》。雖然天氣炎熱， 在餐廳叫鐵板豆腐和天婦羅就不用怕了， 有人煮，梗好啦 ！梗喺要叫啦 ！《海蝦天婦羅六件，＄72 》熱辣辣，脆卜卜的海蝦天婦羅，味道好，炸得好脆口。鐵板豆腐，外表香脆，內裡鬆軟香滑， 味道美味， 值得推介! 《珍寶桶裝刺身丼，二人前，＄398》  我見到個刺身丼， 嚇了一跳，說是二人前，但份量像四人前，十分抵食，多片的魚生整整蓋滿整個木桶， 魚生肥美可口，抵食之作 ！因為這個刺身丼實在太大份了， 幾個人也吃不完，不想太浪費食物，我打包了。 店員好細心幫忙打包，餐廳也沒有額外收取飯盒費用，下次要再約多幾個朋友一齊食先得。《日式炭燒西冷牛扒，＄108》我喜歡食牛扒， 炭燒牛扒是不錯的選擇。牛扒有牛味，七成熟的牛扒亦相當香滑

近日腎上腺素極高，極之需要大吃大喝去慰勞一下自己！晚上來到上水區找吃的，正所謂近朱者赤，跟喜歡找不同特色餐廳的朋友一起時，總會少不了張羅一些餐廳一試龍與鳳，好吧，反正有好吃的就要試。這間餐廳之前已經聽其他朋友介紹過，落戶上水區的漁匠由上水火車站到餐廳大約7-8分鐘，一條直路，很容易找。正值晚市旺場時間，幸朋友比我預先到達，由她等位吧 餐廳門面看上去很簡約，但內裡的陳設其實蠻精心的，牆邊一支支清酒及日本啤酒並列在一起，很有霸氣，亦令我忍不住來一支熱清酒 - 南部美人。先來的是壽司，散叫了好幾款包括三文魚、油甘魚、珍寶赤海蝦、劍魚壽司等。 劍魚壽司($10/件): 口感嫩滑肥美，這裡的劍魚壽司配紅柚子、青柚子，前者帶一點點刺激的辣味，後者酸酸甜甜的，兩種截然不同不感覺。珍寶赤海蝦($15/件): 因為價錢太吸引所以小試一件，赤海蝦非常大件頭，看上去晶瑩剔透，味道很清甜。燒煙肉蕃茄串($28)、燒黑豚露筍串($24): 有少少"隔離飯香"，見鄰座食客在檯上bbq食串燒，就忍不住點串燒試一下了！日本很多正宗的爐端燒，是燒物跟炭爐一起呈上的，令串燒可以保持溫度，現在竟然在這裡找到傳統的炭燒燒物