18樓雞煲火鍋專門店

Open Now

Now Closed

來到荃灣沙咀道，咁就搭𨋢上咗18樓去試一試18樓雞煲，叫咗個小辣，跟住好快趣咁帶咗我哋去個卡位了，卡位相當闊落，咁當然就出去攞雪糕食啦，同埋攞飲品呀，飲品都有好多種，各適其適有罐裝有樽裝，我哋首先試咗個烏龍茶先清清喉嚨，好快脆個雞煲就嚟到喇，開咗個爐，咋咋聲咁就滾起啦，啲雞都好入味而冇乜雪味，幾好食嘅，份量唔多啱啱好，當然我哋都出去開始攞一啲打邊爐嘅菜呀餸呀噤啦，同時叫咗個海鮮拼盤同埋一啲雪花肥牛等等，當雞煲食到咁上下嘅時間，咁就倒咗啲奶白色嘅湯落去，開始煮海鮮了，有蝦和蟶子等等，蝦滑就真係唔錯，雪花肥牛都爽口，蝦同蟶子都好新鮮，雖然預咗120分鐘比我哋任食，但係其實食到個零鐘已經飽曬，當然最後都要整多杯雪糕啦，啲雪糕真係超好食和嘆杯熱茶嚟消滯。

平平哋相打邊爐，又怕將貨就價嘅火鍋店。朋友介紹嚟呢間又食雞煲又可以食火鍋嘅人氣火鍋店。叫咗個小辣雞煲，店員幫手炒兩炒超香味撲鼻！雞件份量都幾多，雞煲醬夠晒惹味！老實講，呢個價錢呢種啦材料確實係我意料之外。主要係各類食物都好新鮮，新鮮嘅嘢火鍋就算唔點醬料都好味。食到回本咁滯嘅鯇魚片、鯇魚腩，係真正嘅脆肉鯇，好脆口！鮮美海蝦亦係encore自選。呢度咖喱魚蛋係將咖喱包心喺魚蛋裏面，夠晒特別。鮮肉除咗有羊肉片之外，美國肥牛同鮮滑牛都好鮮嫩，而有益之選嘅我會揀鮮淮山、蓮藕片、萵筍、鮮菜籃、自家製冬瓜茶。其他食過好味嘅仲有自家製響鈴、墨魚滑、蜂巢豆腐等等。食得落甜品嘅可以食埋乳酪雪糕！中國茶、各式罐裝汽水等等都係飲唔飲。自助QR code落單夠晒方便，種類算多，兩小時任食百幾蚊食到好味嘅雞煲同新鮮火鍋，抵！

好耐無黎十八樓食雞煲啦，呢個weekend見交通無咁亂，就決定同朋友出黎應下季圍下爐用QR CODE落單既環保又方便，仲可以睇返自己嗌左咩，減少落錯單/漏單情況～雞煲坐低即煮，上枱熱辣辣保溫食得真材實料，濃郁惹味，唔係街邊味精醬煮成。溫馨提示，呢度既辣真係有辣味，上次嗌左中辣辣到朋友半死，今日陪佢食返次唔辣～雞件肉厚鮮嫩，帶少少肥膏，食落幾滑，唔辣反而食到柱候醬既鹹香品完雞加湯就可以打邊爐，湯底味道恰到好處。火鍋料一淥熟就食得，唔洗再額外蘸調味都夠哂味！呢度既金菇特別粗身，口感一流，索汁力強又爽脆萵荀片必點，脆嫩清甜，點左四份！！羊肉片偏肥，但好香羊肉羶味，愛羊人士實中意。蝦有啲痴殼，唔算非常新鮮，但食落都幾結實爽口。白膳片入口即融，中間既骨刺一咬就碎，嫩身易食唔怕噎骨同樣必點既滑牛肉，正正係平時越南野果款，厚切肉嫩牛如其名超超超超超滑，肉味仲好濃郁添，比肥牛瘦但口感有過之而無不及，正呀

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！呢排唔知乜事，明明話節食但又係咁食食唔停，無計啦，打邊爐真係好吸引，而今晚又係去邊爐食肆林立嘅荃灣大鴻輝，上18樓試試個雞煲火鍋！雞煲曾經都風靡一時，無他嘅，雞煲特別嘛，就連我d新加坡朋友黎親香港都叫我帶佢地去食雞煲！當日係平日夜晚九點幾食特價個輪，唔洗點排隊就上到去，如果食早段嘅朋友要有心理準備排起碼5分鐘lift先上到去！由於係心血來潮想食所以無book檯，上到去拎飛仔，等左15分鐘左右就入得！牆上有收費指引，十分清晰，價錢同一般差唔多！餐廳佔地幾大，樓面設計適宜，用紅色櫈做主調，幾搶眼醒神！坐低叫過雞煲後就出去巡視一下，每個區都分得幾好，一目了然好方便，衛生環境亦理想！等上雞煲期間亦發覺碗碟都印有餐廳logo，都幾特別，而個碗亦要讚一讚，就係讚佢夠