紅葉茶屋 (T.O.P This is Our Place) (Closed)

行開旺角見呢間舖頭成日都排滿好多人，見大家都唔知食乜就決定試吓，今次我哋都等咗半個幾鐘先入到去。餐牌選擇唔少，我哋四個一致決定叫左：海鮮四色茶漬飯。刺身分別有三文魚、吞拿魚、甜蝦同魚子，色澤鮮艷，但食落普通，刺身質地為薄片，冇乜口感，新鮮程度同質素都好嘛嘛，好難餸到成碗飯，附有涼菜同茶製成茶漬飯，但味道一般。溫泉蛋卡邦尼烏冬。味道如賣相可見都係普普通通，卡邦尼醬汁來來去去味道分別不大，依間係我食過最奇怪嘅勁重奶味，嗰種奶味完全唔似卡邦尼，撈埋煙肉、蛋同烏冬感覺好膩，呢種奶味一啲都唔夾......牛肉壽喜燒定食。呢個係咁多樣入面最好味，牛肉肥瘦適中，牛味濃郁，配埋日式醬汁非常送飯，配菜有唔同嘅蔬菜、冬菇、豆腐、洋蔥、菇類等等，再配埋溫泉蛋好好味。特盛黑麻油濃厚豚骨湯拉麵。個名睇落好吸引，但一上到黎就覺得非常普通，湯底可見一啲都唔濃厚-_-只有面頭嗰啲黑色嘅麻油，食落冇乜黑麻油味，豚肉片見到都知係瘦肉，拉麵又係普通貨色，唯獨係隻蛋係糖心蛋好味啲，$89呢個價錢喺出面都可以食到好好味嘅拉麵，食完真係好失望。食完主食對甜品都冇乜期望，但見排咗咁耐又咁夜就唯有叫少少甜品頂下肚，上面呢個係綠茶豆腐

經過呢間餐廳好多次，每次望入去人流都唔多，所以我都無咩想試既意欲😳不過朋友話係度食過幾次算正常，同埋勝在人唔會好多，係梳化位度坐幾粒鐘吹水都無人趕😂▪️ 海鮮四色茶漬飯（6/10）💲109前菜係凍蔬菜同埋腐皮粒，四色海鮮入面既三文魚籽最好，食落幾有鹹鮮，而三文魚唔算肥美，甜蝦亦未唔算好鮮甜，但起碼入到口尚可接受🤔可惜吞拿魚真係唔掂，食落有大筋 之餘，仲有啲腥味咁😖派左張說明圖話可以就咁食或者加茶食，可能預左大部分人加茶既關係，飯底係暖既普通白飯，而非正宗壽司醋飯，我就咁食既難免會覺得個飯底一般般▪️ 鰻魚滑蛋丼💲94朋友話佢次次都食鰻魚，我就試左佢既一舊仔，但個人覺得會係過於軟身欠缺彈性嗰種，略嫌已經無左鰻魚應有既質感，唔好意思地唔太係我杯茶😳但係滑蛋好似質素還好既▪️ 芒果西柚紅茶（7/10）💲29 (凍)西柚味較為重，酸酸地咁幾解渴既▪️ 芒果焦糖窩夫（6/10）💲69甜品既款式都唔少，有窩夫、芭菲等等，芒果粒唔係特別既新鮮，反而個焦糖香做得幾好，可惜個窩夫比較似係薄片既窩夫餅，無咩暖笠笠外脆內軟既口感，亦無飽肚感👉🏻👈🏻🔎 整體評分（6/10）

六點時分，來到這個在旺角區算比較新的商場裡，想找點東西吃，毫無頭緒，看見了清新的紅葉茶屋決定一試。亂試之中卻帶給我驚喜，看似門面其貌不揚，裝修以簡單為主，但食物堆砌/ 器皿 ，總之食物的顏值算幾高。首先，這個飯的食物顏色配搭得十分好看，像是春夏秋冬的顏色，不是虛有其表，刺生也很新鮮，另外配菜也十分精緻；一口的份量令你很想再吃這個丼的賣相也十分精美，伴蔥的小碟也是招牌紅葉🍁，很有心思；講講主菜，滑蛋不是浪得虛名，真是很滑，不會太熟，很creamy , 洋蔥鮮甜 ，而蝦也算大，粉不算太厚剛剛好，食到蝦肉；整體份量不算太大。這是一家色香味俱全的紅葉屋 🍁

尼間日式餐廳除左有主食外，仲有甜品特色飲品。環境大而舒服。晚市6點半左右到，大約有4至5枱食客。7點開始就坐滿人。叫左鰻魚滑蛋飯($89)，海鮮四色茶漬飯($99)。鰻魚肥美厚肉，個皮好彈牙厚身，而且細骨都冇。燒汁味唔濃，剛剛好，甜甜地。滑蛋嫩而且冇煮過熟，半生半熟，送飯一流。跟餐有個湯，胡椒味重，飲完幾保最，湯入面仲有片雞肉，清淡之選。四色茶漬飯既四色來自三文魚，吞拿魚，大大粒三文魚魚子，藻(?)。三文魚新鮮人口甜，而且厚切後非常有口感。三文魚魚子既口感最得意，就好似爆爆珠，一咬d海水鹹味出哂黎。茶漬飯既味有d似麵豉湯，第一次食，有湯有飯一齊配，嘗試下都幾過癮。2個餐都配有2款配菜，分別係南瓜，菜。南瓜非常甜，不過如果煮得硬少少會更有口感。整體，用托盤裝哂所有食物，感覺好靚。份量可能對於男仔黎講唔夠食，但食物水準及選擇多元化。

又一間過江龍，日本鎌倉的紅葉茶屋，以抹茶提拉米蘇出名，之前係T.O.P商場經過以想試好耐，相約食之戰友一齊試下。 平日的7點多，不太多人。 Menu，有不少定食，本身想食壽喜燒，但見到茶漬飯又好吸引呀。 茶漬飯有兩款食法： 1.先食刺身和飯，配山葵及醬油。 2.再把熱湯倒進碗內，加入少量山葵。 海鮮四色茶漬飯，$99。 有四款刺身，份量適中，刺身尚算新鮮，茶漬飯，加入高湯，更易入口，有清香的味道，不俗呀。 黑蜜牛奶抹茶，$39，豐厚的忌廉，味道香甜，抹茶味道濃郁，甘苦，都不俗呀。 鎌倉紅葉茶屋抹茶提拉米蘇，$49，用木盒盛載，甚有和風之感，面層抹茶粉味道濃郁，提拉米蘇口感軟滑，味道不俗。 食物味道不俗，下次可試其他甜品。

旺角開咗新商場，仲有韓國ge 搞鬼設計插/動畫人物公仔展覽，咁就約friend一齊去睇。睇exhibition之前我去搵野食醫醫肚。可能商場太新，其實眼見都有好多鋪仲係裝修階段未開，食肆亦然。但我又唔想出出入入，所以係較高樓層見到呢間已開ge日式餐廳就入去試試。其實menu都有唔同拉麵烏冬、丼、定食同甜點選擇，而我最後揀咗四色茶漬飯，貪佢一飯二食，啱晒貪食貪玩的(小)朋友😜第一食當然就係加wasabi同豉油當普通刺身飯咁，而第二食就係將飯，刺身放入碗度再加茶壺入面嘅熱湯，同依個人口味加wasabi。一飯幾食係日本我試過好幾次，其實做埋第三食都好簡單（去日本發掘下啦），但有好多食肆一味只求開店缺少新意，所以見到呢度做二食加上menu有清晰指示讓顧客可以好好享受食物同過程已很不錯。而且佢D刺身雖然唔算厚大，但都OK新鮮，湯味道煮得淡，不過足夠突出到刺身的鮮！但唯一爭D ge就是店內其實人客不多，侍應人數都3、4個，但有一個女侍應長期黏係出菜位但唔係幫手出菜，齋企⋯⋯我試過幾次，明明見到我舉手想order，問野或者攞湯匙，佢都扮睇唔到，好彩有另一男店員比較主動回應，見佢行來行去做野，感覺難爲