喜來稀肉 (金巴利道)

Open Now

Now Closed

如果食韓燒，第一間會諗起喜來稀肉。已食了好幾年，都維持都質素，另一個原因係有爐邊蛋。所以今日同honey 講想食韓燒，佢即刻做到野，即刻上網訂枱。今晚一如以往叫了兩款肉，加個海鮮煎餅，再有少少配菜，兩個人都可以食飽飽。最鐘意食爐邊蛋，不用加錢，有芝士同泡菜口味。另外，值得欣賞的係有個自助區，可以任攞自己鐘意的配菜和調味，食邊款食幾多自己話事，唔會浪費，必攞生菜同蒜片，配燒肉食一流。海鮮煎餅 - 夠熱，外脆內軟，夠足料。燒肉方面，一個豬的護心肉同真雪花牛肉。超推護心肉，一來價錢ok, 二來很柔軟，又唔會滿口肥肉。真雪花牛肉，價格比較高，有少少厚度，真係有雪花，帶均衡牛脂，適合燒烤。服務不錯，職員會主動不時留意有冇需要換燒板。是晚2人用餐費用大約$500.

🫓好耐冇食韓燒 喜來稀肉都算係韓燒始祖 而水準一直都維持到🫓一坐低 枱上面已經有3款前菜 我好鍾意食佢地個泡菜 夠辣 食完refill 俾左滿滿一兜我 🫓爐邊蛋一邊係泡菜 一邊係芝士 第一轉嘅時候配料有d少 但refill 嘅時候店員落左勁多😂多芝士同多泡菜會好好食😋🐮喜來烤肉 $158招牌喜來烤肉係以玫瑰花形狀上菜 感覺高級左😥肉質薄身 燒幾秒就食得🐷護心肉 $168護心肉係比較少有嘅部位 雖然豬要燒得比較耐 但肉質都仲係好諗 調味適中 大推夾埋生菜同泡菜食❣️口感豐富又可以解解燒肉嘅油膩感🐙海鮮煎餅 $90海鮮煎餅煎去好香口 用料好足 食到有不少八爪魚 紅青椒 葱 兩個人食真係食唔晒 拎走左三分之一件🫓座位好寬敞 枱同枱之間距離好足夠 可進步嘅位係抽風普通 食完都係會變左燒肉人 不過唔緊要啦 好食最緊要🤩

Korean BBQ 🍖,喜來稀肉既豬護心肉第一次食完已經覺得好嫩好正， 上個禮拜食完佢個豬肉set +嫩豆腐湯，發覺原來佢個豆腐湯都超正被我食返以前美國讀書成日去食豆腐湯既味道，味道濃但飲落唔會油，完全係我既comfort food ，係香港基本上食唔到，就是因為太懷念，所以琴晚再encore, 一黎就叫左嫩豆腐湯🥘，當然要試埋佢個海鮮煎餅，個煎餅食落邊位都夠脆，但仲係做唔到煎身夠厚而又唔油既質地，但係香港都已經算有80分，而且比起成條街其他韓國餐廳，佢呢兩樣價錢竟然每樣都只係$80左右，附近我起碼食過超過10間韓國餐廳都$100起跳！另一燒肉必點既就一定係豬護心肉，但琴晚試左牛護心肉反而韌好多，當然個人燒烤技術都有影響, 牛護心肉比豬容易燒過龍，所以一定要⚠️注意燒既時間

其實之前食左幾次, 不過等位等好耐 今次約埋朋友J一家有大有小,所以一早book定枱,book左8:30準時到, 都要等一陣先有枱,而且一樣係有time limit,90分鐘座位可打開放手袋同褸,建議著普通T-shirt就最好, 食果時輕鬆D,而且唔會吸好勁油煙味。一坐低, 店員已經準備好杯同水,仲有各種配菜, 有泡菜, 生洋蔥,同埋各種唔同既醬..而且大部分都可以refill我地不停refill左好多生菜 由於朋友H同朋友I 唔食牛，所以比較集中試各類豬肉,燒肉叫左喜來既招牌護心肉,五花肉,豬頸肉,豬腸 牛肉就只係叫左雪花牛肉, 護心肉既肉質比一般既五花肉有彈性，用韓式豆醬加生菜包住好好味,仲唔會咁油膩 朋友R唔太食得辣熟食方面就叫左冷面，石窩飯，海鮮煎餅海鮮煎餅幾好食, 唔會太厚粉,而且好足料