Morton's of Chicago

今次為咗慶祝同個姊妹18週年 通過朋友嘅介紹試咗呢間餐廳 真係唔錯 食物水平稱得上係高上 服務態度都好好 俾咗個窗口位我哋望到K11個夜景好貼心🫶🏻 因為係慶祝嘅關係佢哋都幫我哋影咗張相送俾我哋當係紀念 講到食物我哋叫咗兩個餐 有幾樣真得推介 龍蝦湯必試好濃郁仲有舊龍蝦肉好大舊 主菜我就揀咗燒龍蝦 好鮮甜彈牙 ，另外單獨叫咗一份蒜蓉焗生蠔 時間焗得啱啱 ，另外個餐就叫咗crab cakes都好好味真材實料淡淡都係蟹肉牛扒都唔錯叫咗五成熟啱啱好 最後甜品揀咗檸檬cake就甜到不得了 食咗一啖已經放棄 好似食咗成啖砂糖咁 好彩個cream brulee好滑好香甜度都OK 我哋成餐飯食得好滿足好開心🥂下次同老公週年都會再嚟👍🏻

說到食物，全部都好味冇伏，但未算驚艷。最令人稱心的，係服務態度💖問一句廁所喺邊，經理由我起身一路帶到我去女廁門口，第二次再去廁所全程每遇上一位店員都會遞起隻手讓你行先。食到中間我哋問可唔可以轉window side，經理冇態度不耐煩仲火速幫我哋安排，店員一執好張枱第一時間幫我哋加返滿杯水🥂食物揀好後店員為我哋送上隨餐必備嘅煙肉洋蔥包，從圖中可見個包size仲大過人嘅頭配上佢哋自己整嘅牛油，個包洋蔥味好香，但就咁食就有啲乾😅配餐湯就幾合適嘅。我哋因為驚就咁食個包都飽咗，所以都係食咗少少，剩餘嘅店員可以為我哋打包拎走。我哋order咗兩個set:首先係佢哋嘅免翁牛柳6oz 配 蟹餅 $688配菜選炒蘑菇好老實講女士食呢個size已經好夠飽牛柳好厚實濃味，但略嫌有少少韌蟹餅獲得好高讚賞，老公直頭話係佢呢幾年食過最好味嘅蟹餅第二個set加咗$400Upgrade 揀咗肉眼牛扒16oz 配 深海龍蝦尾呢塊牛扒我地都食得好開心，好濃牛味，上枱嘅時候焦香嘅味道令到我哋都急不及待想食。生熟程度拿捏得好好，我哋叫五成熟，切開係prefect pink，仲有肉汁流出！好鍾意食龍蝦嘅我表示呢個龍蝦尾好值得嗌

老公生日當然要食餐好，某日行經對面嘅K11 MUSEA抬頭一望就見到Morton’s，就靈機一觸決定嚟呢度慶生。之前上網睇comments見個個都係叫Steak & Lobster Menu，所以就叫3份呢個set。店員首先奉上餐包，餐包充滿洋葱香味而且熱辣辣好新鮮。龍蝦湯(Lobster Bisque)非常濃郁，而且仲有不少龍蝦肉係入面。凱撒沙律(Caesar Salad)沙律菜夠新鮮，而且仲有一片片芝士同一塊蒜蓉包喺面，非常開胃。嚟呢度就係為咗食佢嘅牛扒，叫三個set就可以試其中三款唔同嘅牛扒。以下呢款係肉眼牛扒(Centre-cut Prime Ribeye) 16oz，肉質較林身亦不失肉味，小朋友最愛呢款牛扒。另一份就揀咗紐約西冷牛扒(Signature Cut Prime New York Strip) 20oz，西冷嘅肉味就比較濃郁，外層仲帶一點點炭燒嘅味道，我就比較喜歡呢個西冷。第三份就當然試返呢度嘅signature免翁牛柳(Center-cut Filet Mignon) 6oz，免翁牛柳係牛肉中最嫩滑嘅部位，脂肪較少，6安士牛柳份量最適中，呢個真係必食推介！除牛扒外

環境有情調，窗邊位可以望海，生日著數: menu印壽星名，送即場合照生日卡，送梳乎厘+賀句,蠟燭，外帶蛋糕免收切餅費。✨味道82分，總體食物味道幾好味。💰每個餐 $668+10% service charge4個女仔，嗌兩個餐已經食到好好好飽。.一開始會送一個好大嘅洋蔥包包，微熱，外脆內軟，配埋牛油一齊食，好香。.🔷前菜🔸龍蝦湯味道十分濃郁，仲有一細舊龍蝦肉，咬落爽口彈牙。. 🔷主菜🔸免翁牛柳 6oz🔸肉眼牛扒16oz (+$400)兩隻牛都好軟熟，肉質嫩，切開粉紅色，肉眼牛扒味道較好，牛味較濃郁。.🔸珍寶蟹餅外面炸得脆，入面有一絲絲蟹肉。🔸深海龍蝦尾龍蝦好厚肉，肉質鮮嫩彈牙，少少調味，好正。.🔷配菜🔸芝士松露炸薯條松露味香，芝士味濃郁，香脆惹味，薯條乾身，似shakeshake，唔係用芝士醬/松露醬。🔸酸忌廉薯蓉薯蓉撈左sour cream同埋煙肉調味，減低左薯蓉飽滯感。.🔷甜品🔸莫爾頓經典焗軟心朱古力餅中間少許流心，朱古力味十分濃郁，唔會太甜。🔸法式焦糖布甸表面啲焦糖燒到脆卜卜，布甸都好香蛋味。