大本瀛日式放題

Open Now

Now Closed

今天一行3人第一次來到大本瀛，先不說食物，畢竟看到很多食評都說過裡服務很好，上菜快、收碟快，果真名不虛傳！侍應很主動又快手幫我們收下已寫好並放在桌角的單，吃完的碟子很快就有人收走，特別值得一讚是有一位紅頭髮的侍應哥哥非常好禮貌，上菜後常會說一句「感激」，服務滿分！其他侍應態度也很好並十分helpful。服務好食材也很不錯，刺身都很鮮味，每次點刺身師傅都會把刺身放在冰上又排得很美，刺身款式也多；壽司質素都很高，夾起不會散，用料又很足；炸物、天婦羅等應該都是即點即製，咬下去都冒煙來，香脆可口而不油膩；熟食如牛柳粒、羊架等，味道濃郁而不會太肥，網上訂位每人可送一份精選食材，我們各自選了海膽、鮑魚和生蠔，海膽鮮味十足又濃郁，生蠔又鮮又大又肥，鮑魚相對普通一些。在尾段侍應會主動送上甜品紙，椰汁奶凍好好吃，椰汁味濃並有椰肉在裡面，木糠布丁則相對普通，表面一層粉有點厚，可以不選；餐廳有100多款食物可點，可滿足不同人的口味。放題時間為3小時，吃到1小時30分已差不多飽，畢竟上菜快又齊，很快吃得很滿足。當然也有一些美中不足的地方，可能受樓宇佈局限制，餐廳的空間比較擠逼；點餐紙厚厚一疊，每次要看要填都有

有一段時間沒有到兆萬食放題，今晚就相約朋友去旺角，來到兆萬中心有好多間選擇，這間正好有店員在宣傳，後來我們便來到10樓的"大本瀛"試試，今日我們來得早所以不用等位，直接入得添。餐廳分段時間收費也有不同，按時段入座起計120分鐘，分段時間都有幾多。每位預定的客人都可選擇，即開空運生蠔/海膽刺身/特色雪條，其中一款。而我選擇了海膽，鮮甜Creamy，海膽味濃郁。店員十分有禮，提示我們，點完曬點餐紙的食物後，他會幫分開次序上菜，十分細心。先來點刺身：挪威三文魚、章紅魚、有頭甜蝦、泰式生蝦、赤貝、珍寶帶子。師傅的擺盤十分精緻，像冰雕一樣，珍寶帶子清甜細嫩，挪威三文魚章紅魚厚身肥美，有頭甜蝦粉嫩鮮甜吸引，泰式生蝦蘸上香茅汁更美味。餐前小食：胡麻豆腐、手拍黃瓜、芝麻八爪魚。壽司也有多款選擇，我喜歡火炙系列壽司：我點了火炙京蔥三文魚、火炙香蔥左口魚邊壽司和蒲燒鰻魚壽司。卷物手卷我點了： 香蔥和牛卷、黑松露三文魚拖羅蓉卷、海膽花之戀、軟殼蟹手捲。黑松露系列壽司不容錯過。泰國風味：我點了飛天通菜，還有多款想試，眼寬肚窄要留待下次再試。和風料理：清酒煮蜆，蜆肉肥厚帶清甜酒香，加點青蔥調味，清新香口。壽喜燒

同老公出旺角拎信用卡禮品，喺呢頭搵食，有緣上到兆萬10樓呢間日式放題餐廳，喺接待處負責安排座位嘅店員很友善，臨走時還會打聽食客對食物的滿意度，欣賞這位哥哥敬業樂業的精神。店內環境以木製為主，感覺很舒服。當然先來一round刺身，魚類、貝類都好正，最喜歡帶子，鮮甜肥美，我們一向不吃生蝦，但見其他的客人都叫了好多蝦，魚生很新鮮沒有雪味。落咗單好快就已經有食物送來，清酒煮蜆好香酒味，不錯呢。這裏還有一些餐前小吃，尖椒皮蛋，辣青瓜，辣雲耳等等，非常可口。叫咗份飛天通菜，炒得卜卜脆，好爽口，也有泰式冬陰功湯，大大隻蝦，夠酸夠辣，掛住飲唔記得影相，好味，仲叫咗碟炒蜆，好惹味。鹽燒大蝦真係好大隻，新鮮。一口牛夠淋，牛仔骨夠香，羊架燒得啱啱熟，唔韌，非常好吃。香煎鯖魚同蟹粥，老公都喜歡。另外點了一個壽喜燒，有牛肉、鮮冬菇、金菇同菜，好喜歡甜甜地嘅汁食肥牛。越式蒜蓉牛油雞翼，新鮮炸起熱辣辣，勁香口，回味無窮。炸物叫了一些天婦羅，也有泰式蝦餅、炸蠔、芋頭丸子、芝士年糕等，這裏有我最喜歡的榴槤炸球，同出面食到嘅唔同，係貓山王嗰種，咬落去即刻有榴槤蓉流出嚟，超鍾意。最後嘅甜品揀咗3.6牛乳布甸及木糠布甸，老公

今晚媽媽接我放工，超難得，見她咁乖，帶她食佢喜歡的日本放題，選了樓上鋪，嘩，超多人排隊，應該好愛歡迎開始點餐啦，快快點先來一盆剌身：三文魚，甜蝦，珍寶赤蝦，泰式生蝦，帶子，希靈魚，鮑片，赤貝等等，超多選擇，新鮮好味，塞滿口腔，食不停原來壽司上面放少少黑松露，可以帶出不同感覺，我好喜歡食黑松露，好好食一口手卷超得意，好吃，蟹籽和海膽都超新鮮好香酒味，食落蜆肉爽口彈牙炸蝦，炸甜薯，炸蟹柳，炸茄子，全部都酥脆可口蠔和帶子炸得酥脆外皮內嫩食完炸就食下焗：超香，食慾大增燒蝦都勁讚，大大隻，肉質鮮美滋味食塊羊架先，鐵板燒得好香，羊肉好棒鯖魚啖啖肉，加少少檸檬汁，清香撲鼻，食得開胃，魚肉嫩滑燒得好，仍保持菠蘿內裹水份甜品好豐富，各有特式，非常滿足飲品多款選擇，任飲

本太子又要出動了！今次係本太子最最最愛的日本料理，要食到最多的刺身，當然要選擇放題!!事不宜遲，馬上看看有什麼好吃的。首先的是這個刺身拼盤啊!無論味道還是賣相都是一級棒!多叫一點啊之後來到壽司拼盤，這裡的花之戀比一般壽司店的都要小一點，多叫一點也不用怕這裡的料理都是即叫即做的，因此像上圖這塊羊架是新鮮滾熱辣的帆立貝和蠔也是本太子的所愛啊天婦羅來了至於這個清酒煮蜆，酒的味道是很淡是了，但是蜆肉卻是份量十足的~雞肉串也是新鮮美味的~來個沙律可以清清腸胃~(?)這裡的食物份量不會太多，務求大家可以叫多一點不同的東西，減少浪費。還有不少"一口"的選擇，例如上圖這個一口豆腐。不過我覺得要小心點好，這個新鮮得來真的很盪!哈 最後少不了甜品的(不知為何一開始枱上沒有的...) 點了奶涷和木槺布丁好味的~整體來說，食物味道都沒問題。店員態度也不會差。至於環境方面，就有種舊式日本食堂的感覺。桌子不知怎麼是黏的...而最有趣的是，當晚好像有不少人來慶生，餐廳不斷播起生日歌，店員捧起生日蛋糕來。下次有朋友生日，不妨考慮來這裡慶祝。

今次黎個lunch放題。同朋友黎左呢間到食。午餐時間以為冇咁多人，但其實都好多人 ，因為真係好食。同埋已經第二次黎，可見係幾咁好。呢到飲品甜品自行任攞。我就必叫烏龍茶。冇糖冇汽消濟呀！佢哋嘅選擇都幾多嫁！我地一黎到，佢俾左啲前菜我地先。酸酸地好好食！最好食係木耳，酸酸地又好爽口，好入味。而鳳爪我都覺得唔錯。其餘兩款因為本身麻麻地呢種食物就覺得不過不失。不過呢啲都好開胃好好。清酒煮蜆嘅清酒味唔算好重，但蜆肉好新鮮，成個湯都好香，蜆肉好多。冇乜沙。豬頸肉都係我地最愛。我平時唔食豬肉嫁，但呢個太好食了。佢好滑好香。配埋泰式辣醬好好食。我地encore左勁多次。呢到嘅燒羊架同牛仔骨做得幾岀色。肉質唔鞋，冇羊騷味，肉質嫩滑，有汁亦唔會搶左肉嘅味道。火侯控制得好，唔會過生唔會過熟。encore 之選。作為一個牛魔王，點會唔叫牛栁粒。炒得好香，但可能熟左啲，唔夠滑。但味道勝出，唔會好鹹，配埋蔥食，多重口感。呢到嘅雞翼亦係我encore 之選。因為燒得好香好滑，外脆內滑就係呢種啦！蝦燒完竟然會覺得好鮮甜，而且唔嚡好滑😰🤤朋友不斷提醒我記得要講呢個。我地估係恰熟左後再燒。因為好軟，食落仲有啲汁吱岀黎。瓜

旺角兆萬向來是日式放題集中地，由中學年代到職場工作，總係鐘意約埋一大班朋友去吹水食野。不過放題也者，真係好講求食物質素同服務態度，有D餐廳好好食，但食物總係上唔足；有D服務好，但味道就麻麻地。咁岩今次黎到呢間係兆萬ge「大本瀛日式放題」，唔單止野食正，服務質素亦十分之高！今次食放題，係因為慶祝朋友生日，所以黎之前已經問定會唔會有生日蛋糕送，店家亦好客氣咁話無問題！我地9點左右黎到，夜晚價錢係$188/位。呢度ge野食應有盡有，冷盤如前菜、壽司、刺身；熱食如羊架、牛舌、鍋物等一應俱全，而野飲就自助。大本瀛呢度用唔同ge單張將食物分門別類，方便晒客人去點野食。餐廳上菜好有效率，由落單到有野食，基本上都唔駛點等，而且野食上得好足，整體服務質素可說係非常之高。食到咁上下，我就叫待應姐姐拎個Cake比我地喇，送上黎果陣仲有蠟燭同埋播住生日歌添。總括黎講，呢間放題非常唔錯，下次會再黎試呢！

今日同男朋友一齊Day off又系我地嘅紀念日，又到左周圍搵野食嘅時候啦！今個月承繼上個月嘅活動 - 放題。我地好似對兆萬有一種情意結，今次又系兆萬啦haha😝我地今次揀左大本瀛日式放題。覺得有個瀛字都好pro咁，一於去試下！我地今次系平日嘅中午時段去嘅，所以比較少人。但呢種人少少，好靜好舒服嘅感覺真係好正！傾計時都傾得舒服啲！而且座位寬闊度適中，非常適合滿意。我地第一round叫左刺身、壽司同天婦羅。刺身方面，我地叫左鮑魚片、三文魚、螺片、玉子、馬刀背、北寄貝同埋帶子。因為我地極愛玉子，冇可能唔叫嫁啦！另外，三文魚用左厚切嘅方式，我覺得都ok wo..因為平時試開薄切，驚厚切個種感覺似食肥豬肉，但原來系接受到嫁！我幾欣賞螺肉，我覺得食起來好有口感。而其他就不過不失啦！系宏宏壽司當中，我覺得蒲燒鰻魚同蟹棒系依然能夠保持水準。而最令我欣賞嘅一定系象拔蚌壽司，因為佢嘅口感太爽脆，好新鮮好好味。壽司飯我覺得可以再少啲，不過都系可接受嘅範圍。而八爪魚壽司可能因為芥末味太嗆，我覺得難以入口。但男朋友話好好味，特別系雖然佢多醬汁，但紫菜依然好脆，非常抵讚！天婦羅嘅花枝丸同榴蓮炸彈真係我嘅大愛。榴蓮

今日公司lunch meeting，由於我負責present，所以緊張到冇乜胃口，只係咬左件三文治。晏晝又忙到飲水都冇時間。O完T差不多8點就決定同戰友出旺角食放題，補償吓我個可憐嘅胃。Blue Monday嘅八點半都人頭湧湧，等左廿分鐘終於有位，即刻神速落order。刺身 - 都算大件同埋幾厚。鮑片刺身 - 好鮮甜，咬落仲出水，質素不錯。【必食推介】馬刀貝刺身 - 其貌不揚，但原來鮮甜之餘仲要係超級爽，食到「嗦嗦」聲，以為食緊黃芽白咁爽。黑松露壽司 - 放題有黑松露壽司食係比較少見。黑松露唔多但咁先唔會遮到壽司嘅鮮味。特別推介黑松露甜蝦壽司 - 爽甜嘅蝦配黑松露味道幾特別。火山溫泉蛋 - 滑溜溜嘅溫泉蛋配上濃濃嘅日本甜醬油，味道同口感都幾match。岩鹽燒牛舌 - 牛舌幾有咬口，燒得幾香，再鹹多少少就Perfect。香茅燒豬頸肉 – 泰國嘢都有得食～香茅味唔夠重，不過勝在夠肥美夠熱，食落有少少油脂，正。【必食推介】鹽燒活海蝦 – 一上枱就好驚喜，放題都食到咁大隻蝦~ 鹽燒燒到好惹味，最緊要係夠熱。Encore咗幾次。【必食推介】海老天婦羅 – 出晒煙嗰隻熱，蝦比較細條，不過唔怕，任食

日式放題食得多，款式大多是大同小異，今次就來到放題集中地旺角兆萬中心的大本瀛，試試日泰混合的午市放題~今次被安排坐於卡位，環境不會太窄，有足夠空間，地方光猛潔淨。食物選擇繁多，除了常見的如刺身、天婦羅等日式放題例牌菜之外，最特別的是還有經典泰菜菜式。這裡服務不錯，點菜後很快就上枱，而且侍應很勤快地執拾收碟，不怕一枱都是一大堆吉碟 XD 亦沒有出現漏單或點錯單的問題。壽司的飯size不會太大，而且沒有出現一夾起就散的問題。就算手卷都是一口迷你size，淺嚐完也不會過飽。清酒煮蜆裡面也沒夾雜沙粒，帶有微醺酒香。天婦羅還可以，粉漿不會過厚，剛上枱時新鮮熱辣。可見薄薄的一層炸漿包裹著紫薯，入口未至於太油膩。作為蕃薯控，最推介的是日式一口甜薯 XD 一口一粒，可以食到不停口，板燒牛肉骨和鐵板燒紐西蘭羊架調味不重，不會過鹹，燒完仍可保留肉汁，相反馬來沙嗲燒雞肉串的肉質就燒得有點乾。炭燒雞翼稍嫌燒得未夠香口，不過就無咁熱氣 牛油炒雜菌散發著濃濃的牛油香，帶出菇菌類獨有的鮮味。豉椒炒花蜆味道鮮香帶辣，不過還有個別兩三隻蜆未開殼。飛天通菜也是心水之選，炒得夠鑊氣，我自己不太吃得到辣，但這碟惹味之餘亦不會

今日約了朋友去旺角行街買嘢,大出血後,朋友提意去食放題補充體力。我們去了兆萬的大本瀛.。我們6點前去到都是168元一位,好抵食。餐廳內主要以卡位為主,讓客人坐得舒服,地方都算濶落。在枱面就見到一本File 似的點菜紙,這樣比較整潔,比起只用一個圈圈著好。這裏有很10張之多的選擇,有刺 身,火炙壽司,炸物,一品料理,和風料理,鍋物.....等。而飲料和雪糕都有多款,自取的,這樣更方便。我們不是太吃魚生,只是叫了一點刺身,帶子,赤蝦,鱆紅魚雖不是太大件，但都很鮮味。清酒煮蜆,很香的清酒味,蜆肉都很多,很鮮甜牛油炒雜菌,很入味,不會太咸,份量很適中,食咗咁多羊,食返啲菜就啱晒。羊架的味道很入味,只是有一點點的羶,但唔靭,我們還點了兩次。燒翠玉瓜,可能瓜類比較難燒,所以食落還有點硬身。我們還叫了個鍋物~壽喜燒牛肉鍋。份量很多啊。有雞蛋,菜,牛肉和冬菰,很豐富。最後我們沒有食雪糕,食了木槺布甸和燉鮮奶。估唔到好好味喎,木槺布甸不會太甜,而且層次分明。燉鮮奶都做到好滑。期間職員都不斷斟水,態度友善。埋單連加一都是370元,抵食。