URBAN Cafe (彌敦道)

Open Now

Now Closed

URBAN CAFE 出哂名係同路人，高質素嘅貓CAFE！令我想去完再去～點解呢？😽貓貓真係好可愛、好友善、活潑～目測都有過40隻貓貓，周圍都係貓呀！呢隻小貓咪咁樣對住你，個心真係溶哂啦同貓貓零距離接觸，一齊睇餐牌！CUTE!有個小小的休息區，俾貓貓休息，俾人類觀賞咁多貓加埋都無臭味，地方乾淨企理舒服！店員對貓貓們好了解，好溫柔。可以放心幫襯～話哂呢間係餐廳，都要講下食物兩個人來，就嗌個二人餐唔洗點諗～$328洛神紅莓荔枝梳打（加$5）；蜂蜜百香果梳打（加$5）；是日餐湯（南瓜湯）；是日沙律最重要係特飲都有得揀小甜，口味清新，夠哂凍！餐湯係南瓜湯，有一條條南瓜絲，超CREAMY 超足料，好正～沙律都好新鮮，加埋芝麻醬好好味～溫泉蛋煙肉野菌黃金卡邦尼扁意粉勁香濃卡邦尼汁～加埋煮得岩岩好嘅扁意粉，仲有勁多蘑菇煙肉，撈埋隻蛋落去，真係連汁都撈埋呀。巴馬火腿拉絲水牛芝士手工薄餅真係無厄人，真係芝士拉絲，滿滿都係水牛芝士，加上鬆化嘅底，上面的巴馬火腿，最重要係岩岩出爐熱辣辣呀！勁好味！最後食個　朱古力心太軟 (加$25)心太軟真係做到流心的效果。濃澴朱古力流出來，好甜呀，但好好味～加埋個忌廉同雪

之前係觀塘食過覺得唔錯 咁岩同男朋友係旺角行街 諗唔到食咩 就去左試一試呢間旺角分店入到去 整體環境都ok 不過比起觀塘就細d 但都坐得幾舒服 我地都係嗌左一個二人餐前菜係忌廉南瓜湯同胡麻沙律 兩樣野都好好食 由其是南瓜湯 奶味香濃 好正 我地仲加左個小食拼盤 有三款熱辣辣的炸物 好惹味主菜我地就揀左溫泉蛋煙肉野菌黃金卡邦尼扁意粉&安格斯牛肉手工竹炭漢堡配薯角 兩樣主菜都份量十足 意粉就比較港式卡邦尼 重忌廉味 而漢堡的牛肉十分juicy 肉味亦好濃 配埋爽脆蕃茄 真係好好味最後我地加左一客抹茶心太軟做甜品 呢個真係有驚喜 中間流出濃濃的抹茶醬 食落去又唔會太甜 配埋曲奇味雪糕 認真一絕

一直想到「Urban Cafe」玩樂，今晚終於得到這個機會了，未出發已經興奮。進入去前先要穿上鞋套，以及消毒。首先有餐湯和沙律為這個2人套餐打頭陣。當天供應的是忌廉南瓜湯，creamy質感帶著啖啖南瓜蓉。而沙律就分別有雜菜、車厘茄和菠蘿粒，拌上日式芝麻醬。意粉掛上忌廉醬汁，混合溫泉蛋的蛋漿，有著濃郁的奶油和蛋香。意粉質感屬於偏硬，再配上煙肉片和野菌增添一點口感。薄餅就有一點遜色。餅底是薄身，口感不腍也不脆，有點說不出的奇怪；入口更是乏味。上面舖著的巴馬火腿和水牛芝士就正常發揮，唯可能放了一會才開動，拉絲效果不怎明顯。來一杯暖暖朱古力，可以選擇少甜。賣相吸引的炸雞翼，入口香脆。上面灑上大量炸蒜粒，令雞翼更惹味。最後送上幾張可愛貓咪照片。

小編尼到貓咪cafe, 就系為左可以同得意既貓咪尼一場speed dating。不過小編今次被安排坐左系一個結界，就系門口隔離既第一張枱。因為門口隔離系貓貓既訓教地方，而且小編系角落又無咩特別，所以主子們真系得好小機會會尼寵幸小編。雖然主子唔尼寵幸奴才們，奴才都會自己走埋去搵主子的！關於urban cafe 既食物，佢地都無得挑剔。意大利飯系平均線上，每粒飯都粒粒分明同沾滿左醬汁，好香芝士味，但食多幾多可能會有飽滿感。個pizza 質感好紥實，批邊比較脆卜卜，上面既醬汁都幾香，有滿滿既芝士香，但嫌太少辣肉腸。卡邦尼意粉超好食，意粉煮得啱啱好，醬汁份量都好足夠，每條意粉掛滿曬醬汁，超惹味！

油尖旺有不少良心小店，大部分都是樓上cafe，要試勻全部都要一排。這次來到近油麻地的urban cafe。來到門口，見到感覺熟悉的牆身。進店前，先套上鞋套，避免把外面的污糟/細菌帶進cafe，超細心。甫進門，見到可愛的貓咪們。有al la carte和套餐可選，二人餐有沙律、湯、意粉、主菜加嘢飲，才$300有找，價錢吸引得非叫二人餐莫屬。cafe人不少，但出餐速度没因此而慢呑吞。沙律菜蠻爽脆。忌廉湯夠香夠順滑，入口不算太厚身但也不錯。滋味2人小食拼盤加$28的小食拼盤份量並不小，腸仔、炸雞塊加薯角，吃完都三成飽。法蘭克福腸油香四溢，雞塊、薯角也夠口，果然滋味。溫泉蛋煙肉野菌黃金卡邦尼扁意粉煙肉煎得香口，與carbonara配合得宜。扁意粉每口都沾滿醬汁，非常creamy，加上流心溫泉蛋更加惹味，但口感偏軟。西班牙黑毛豬肋骨黑毛豬肋骨份量比預期大份，加埋意粉真係食唔晒。ribs肉質嫩嫩、一點也不黏牙，醬汁也很入味。配上清清地的意粉、配菜，剛好balance.抹茶雪山心太軟加$25的雪山心太軟有2口味可選：朱古力、抹茶。一個餐還可以加2份，保證不用爭。抹茶心太軟流心程度蠻高，看著抹茶醬徐徐

同朋友搵Cafe book位食個飯，喺網上搵到呢間人氣之選，仲有貓貓可以玩。咁就梗係同朋友share一齊食，第一樣嚟嘅係卡邦尼意粉，意粉硬度適中，而且幾creamy，個溫泉蛋亦都整得唔錯，撈埋意粉一齊食更滋味。第二個主食叫左芝士黑松露忌廉意大利飯，佢啲芝士唔會好流，仲同個飯幾夾，黏住啲飯，總括來講都幾鐘意。然後仲叫咗個小食水牛城雞翼，同想像中有啲唔同，味道好似酸酸甜甜，同埋醬汁比較多，唔會覺得乾。飲品都有好多款揀，今日養生揀咗蜂蜜生薑茶，驅寒暖胃，普通正常。

面對疫境，識食梗要食良心小店「URBAN Cafe」，支持它渡過武漢肺炎這難關！進入「URBAN Cafe」前，你要先穿鞋套，再用酒精搓手。點解？因為它是一間貓Cafe！嘩！小店不但人多，貓更多！每隻貓的頸上都戴上名牌，毛色獨特，活潑可愛，吸引少男少女搶住為牠們拍寫真呢！食物方面，我倆揀了278元的二人套餐，有spaghetti有main course，非常豐富！是日餐湯：忌廉湯口感很creamy，餐前一碗很開胃！是日沙律：配菜是車厘茄和菠蘿，當中蔬果多沙律醬少，至啱怕肥的我！溫泉蛋煙肉野菌黃金卡邦尼扁意粉：點它的原因是那全碟精髓，即是爆醬溫泉蛋！用叉一篤一攪，嘩，蛋醬跟忌廉沾在一起，意粉殊一聲滑入口！巴馬火腿拉絲水牛芝士手工薄餅：一開四，二人份量剛剛好！芝士真的拉絲得很藕斷絲連，芝味濃郁，但略嫌巴馬火腿薄到透光！餐飲方面，套餐只限38元或以下飲品，所以我們分別加20元，轉叫水蜜桃冰沙和凍香草薄荷朱古力！水蜜桃冰沙：味道清甜，啖啖冰沙很涼快！凍香草薄荷朱古力：朱古力味香濃，雖然有片薄荷葉，但卻喝不出薄荷味！整晚一邊聚餐，一邊跟貓星人玩，好治癒！