老厝邊

Open Now

Now Closed

大角咀一帶有好多食店，今次嚟到呢間台式餐廳，一解對台灣美食嘅思念🥹唔識讀個「厝」字😂查字典先知係讀「噪」，「老厝邊」原來係台語，意思係「老鄰居」咁解。學到嘢🤓 滷肉飯(大)肉同飯嘅比例啱啱好，每一啖都食到香濃嘅滷肉。而且入口即溶，食到滷汁係滿滿嘅膠質精華👍🏻 香蔥油乾拌麵落咗醬油嘅拌麵並唔油膩，蔥油香氣撲鼻。加入生菜令拌麵冇咁單調，亦增加成碗拌麵嘅清新感。 起司肉鬆蛋餅通常如果餐牌有蛋餅，我都會點🤩起司肉鬆係招牌口味，配埋甜醬汁，極速KO！ 塔香鹹酥雞🌿外皮酥脆，雞肉嫩滑juicy。最鍾意九層塔都炸得脆卜卜，椒鹽鹹香惹味😋

假日中午經過老厝邊 ，見有位就入去試吓🇹🇼 食物款式選擇多，份量亦多，兩個人點一份飯麵加兩款小食已經好足夠🤰🏽😂🐥香噴噴炸雞排($38) 比預期大份，新鮮炸起十分酥脆😋🧀起司肉鬆蛋餅($38) 表層蛋皮滑，熱辣辣仲可以拉出邪惡芝士拉絲😈🐮眷村牛肉麵($68) 牛肉麵可選紅燒湯/麻辣湯/蒽油乾拌麵/麻辣乾拌，揀咗蒽油乾拌，味道濃郁，牛肉不錯😆🍚滷肉飯($32)味道香濃，好多豬腩肉😍飲品點咗🥭愛文芒果綠茶($28)同🍍鳳梨芒果冰沙($30)，個人覺得芒果綠茶嘅芒果味比較香濃

蔥油乾拌牛筋麵($45)所有麵食可以選擇紅燒/麻辣湯底、或者蔥油/麻辣乾拌. 我嗌左蔥油乾拌, 拌麵醬非常濃味, 每條麵都充份掛滿汁, 可能我食唔慣咁濃味所以覺得一般🙈餸方面有牛筋蘿白同小棠菜, 整體黎講份量合理, 下次再食我應該會要返紅燒湯底滷肉飯($40)Menu話大滷肉飯份量係細既1.3倍, 上枱都真係好大碗, 當午餐咁食既話一碗啱啱好. 滷肉同飯既比例合理, 唔會食哂滷肉仲有好多白飯淨超濃芋泥蛋餅($40)滿滿即芋泥係蛋餅中間湧出嚟, 視覺上已經好滿足😂芋泥真材實料同埋唔太甜, 配上點蛋餅既咸醬汁都唔會唔夾. 雖然芝士既存在感幾乎比芋泥完全沒殺, 但我覺得比起主食黎講蛋餅做得更加出色👍🏻😋

太耐沒有去旅行，想在香港找台灣的味道。於是在大角咀找到這間賣台灣美食的老厝邊。下午茶時間人流不算多，簡簡單單就搵到位。小店落單是以填紙仔形式，跟台灣早餐店的模式差不多。小店人氣之選:滷肉飯（小）滷肉飯食落沒有油膩感，肉噪的肉與脂肪比例適中，不會食一口就一口油。女生也不會太有罪惡感。整體的味道偏淡，而醬汁略嫌偏少，食到後面已沒有汁。起士肉鬆蛋餅蛋餅的份量偏少只有6件，但內層芝士夠熱可以拉絲，肉鬆也放了不少。其中醬油膏的味道加分，有台灣早餐店的味道。塔香鹽酥雞鹽酥雞的雞件塊塊都挺大件，而且外層炸得香脆內層肉嫩，雞肉食落不會覺得“柴”及油膩。但調味粉落太多偏咸。珍珠奶茶這杯珍奶沒有調整甜味及冰量的，但珍珠偏硬（喜歡偏軟身的珍珠），黑糖的甜味沒有，茶味太濃所以奶味被遮蓋飲落不明顯。感覺比起台式珍奶更像港式奶茶加珍珠。椰果蜂蜜檸檬味道普普通通很正常。整體：食物水平中等，環境舒服及地點就腳。雖然價錢不算最抵食，而且有部分菜式調整到香港人喜歡的口味，但間中去一去可以暫時一解無法去旅行的“鄉愁”。

差不多兩年沒有出國啦，好掛住台灣的美食，上網搵到這間小食店！這間小店的氛圍有台灣小店的感覺，味道雖然不及台灣的地道，但整體還是不錯的！.🍚滷肉飯（大碗)這碗飯的size有點震驚，價錢比細碗多幾蚊，但起碼多一倍，滷肉的份量非常多，肥瘦均勻食落好香，配半個滷蛋，食一半就見飽！建議女仔叫細碗就足夠！.🍗塔香鹹酥雞雞肉有肉汁，不會乾，但味道不像在台灣食的，少了那陣香味，像普通的炸雞！.🥚培根起司蛋餅芝士好多，做到拉絲效果，蛋餅皮香，配有酸甜的醬汁，食落比較唔膩！.🍽台式炸醬麵炸醬睇落似滷肉，但味道不一樣，炸醬偏甜，配有豆乾、青瓜絲，麵條係幼麵，撈勻食，好適合夏天！🧋蜂蜜檸檬愛玉非常解渴，不會太甜，有淡淡地檸檬香味，愛玉份量就比較少！.性價比高，價錢比較其他的平，想食台灣小食的可以去試試！

成日都覺得大角咀好多嘢食，今日中午見到有好多人排隊食呢間，一於就試吓呢間啦。🐄眷村紅燒牛肉麵 $62香港好少有台灣嘢整到真正台灣嘅味道，老厝邊係其中之一可以做到正宗台灣嘅味道。牛肉麵算係台灣菜入面一定要試嘅嘢。佢哋嘅牛肉望落紅紅地，肉身煮到好淋，好有牛肉味，可能因為尋晚食嗰個豬手印象太深刻，今日食呢個牛肉仲以為自己係食緊豬手，正。麵身啱啱相反，口感好有彈性，同牛肉形成咗強烈對比。識我嘅人都知我本身個人好鍾意食辣嘢，配埋佢味秘製嘅香辣牛油喺湯底入面，成碗麵個層次即刻昇華咗。🍚滷肉飯 (小) $30台灣嘢緊係唔可以唔試滷肉飯。雖然係叫咗個細嘅滷肉飯，但份量一啲都唔少。肉身係半肥瘦，有啲入口即溶嘅感覺，飯就吸晒啲滷肉汁，整體味道唔錯。🐓塔香鹹酥雞 $38鹹酥雞炸皮薄，食落香口唔油膩，鹹鹹香香咁。雖然係炸物係鹹酥雞，但咬落去依然係好多肉汁。整體嚟講，塔香鹹酥雞絕對係值得一試嘅小食。🧀起司肉鬆蛋餅 $35蛋餅皮薄，肉鬆好多，多到爆晒出嚟。芝士呢，一樣都爆曬出嚟，份量真係比足。放入口入面之後，層次感相當豐富。🍳超濃芋泥蛋餅 $38同起司肉鬆蛋餅一樣，有芝士，有肉鬆，份量超多。不過今次再加埋芋泥，芋

疫情之下政府實施多項加強防控疫情的措施，想試吓呢間台灣菜，唯有大佬做外賣跑腿。星期四5:30等外賣客人寥寥可數，實在為疫情下嘅食肆感到心痛。15分鐘內外賣出爐，大佬急急腳返屋企開餐。是日大佬發辦ORDER一麵一飯一小食如下: -眷村紅燒牛三寶麵 – 外賣係麵同湯會同碗分隔，減底湯浸糊啲麵。湯底質稠味濃，有啲黏黏膠質感，香料味重仲感覺有啲藥材味，香氣濃郁。雪白麵條彈牙富有嚼勁，配上大量青蔥放落湯度，因為湯底比較濃稠，所以非常掛麵滋味十足。餸方面有索晒湯汁嘅蘿蔔，本身蘿蔔甜味都已經被濃湯淹沒。厚厚牛𦟌，軟硬適中，非常入味。金錢肚有嚼頭不黏牙，蜂巢位置滿滿咁藏晒啲濃湯汁惹味無窮。牛筋軟稔，食落有糯感，感覺膠質重。滷肉飯(大) – 飯面佈滿粒粒狀入晒味嘅五花腩粒，肥而不膩的滷肉口感豐富，味濃郁，甜咸適中可口，而且醬汁份量四溢充斥晒成碗米飯。配上唔太酸嘅醃青瓜片，食落爽脆幫助中和油膩感。加上半隻滷蛋，份量都幾滿足。起司肉鬆蛋餅 - 餅皮夾上蛋皮，加上惹味偏甜嘅肉鬆同咸香適宜嘅芝士，令口感和味道都更上一層樓，每一啖都帶著煙煙韌韌嘅感覺，相信現場即食會更好味。當日全單85折抗疫，希望各良心食肆要撐落

近排大角咀好多新餐廳，而老厝邊就係其中一間主打台灣菜🇹🇼，店內裝修都好有懷舊台灣風味，非常用心😊😊野食方面，首先叫左個好呷炸物拼盤 (包括甜不辣 ，花枝丸，四季豆同玉米荀)味道都不錯，甜不辣夠哂脆，只係四季豆同玉米荀較為乾身🤔 👍🏻而推介嘅眷村紅燒牛三寶麵就真心值得一試，有非常入味嘅牛腩，夠淋夠彈牙嘅牛根同非常爽脆嘅牛肚🤩 湯會帶點中藥材味夠哂地道，麵身都夠煙靭，認真一流👍🏻👍🏻😋滷肉飯嘅滷水味非常突出，肉都夠鬆軟，雖然味道同台灣食都仲係差d，但都值得一試，仲要細碗份量都唔少，夠哂抵食😎 😎 相比起岩岩幾樣，推介嘅起司肉鬆蛋餅就略為失色😅 餅身唔夠鬆軟同薄，可能食慣起司煙肉，肉鬆好似唔太夠味，有點似餅皮同餡料分離左的味道 (當然可能係台灣起司煙肉蛋餅印象太深刻😂😂)🥤野飲方面，古早味冬瓜茶非常唔錯，唔太甜冬瓜味又夠潤。而青蛙下蛋就有d似珍珠奶茶同太甜，唔係飲開既山粉園+愛玉凍/ 黑糖啫喱製作，唔知係咪搞錯左😆😆總括黎講價錢相宜，味道唔錯，由其紅燒牛三寶麵同滷肉飯真心值得推介，行開不妨試下😋❗️更多美食分享, Follow Instagram: Foodmarker.hk , 可以比個li

大角咀開了一間新的台式食店，用了台語<老厝邊>作店名，解作老鄰居。店外店內裝修都充滿台灣風。賣的都是台灣經典的食品及飲品，選擇不少，價錢相宜。滷肉飯及台南擔仔麵都是台菜的經典菜式，滷肉飯雖然只是簡單將肥美的豬肉加上香濃醬汁，但送飯及送麵都是一流，如果滷肉可以再濃味多一點就更好了。細份對女士來說已經很足夠。擔仔麵最經典的地方是麵上有一隻蝦，再以肉燥跟蝦湯等調味，配上油麵，滷蛋，肉燥及芽菜，頗為正宗。起司肉鬆蛋餅，$35 大大份，蛋餅餅皮煎得煙韌，餡料有起司及肉鬆，蛋餅煎起後起司溶溶的，配撘很夾。香炸花枝丸，炸得香脆。最後配上一杯愛文芒綠茶配愛玉就更滿足。

一直都想過嚟試呢一間台灣野今日終於鼓起勇氣叫咗個外賣先講下滷肉飯我叫咗個細嘅滷肉飯，份量OK而且肥肉幾多，視覺上望落去唔錯㗎不過就清淡咗啲，啱晒我呢啲唔食鹹嘢嘅人簡單來講，魯肉嘅味道就比較清淡，冇咩味道，唔算出色，但係飯嘅份量好多，一定會飽叫咗個招牌肉鬆蛋餅味道一定唔夠某分店阿x來了好吃因為我叫外賣嘅關係，返到去芝士已經凝結成塊，但係食落都有芝士味，中中等等，份量還是OK的！蛋餅冇咩驚喜，可能係我要求太高，同埋一樣冇咩味道如果係鍾意食清淡嘅朋友仔，可以過嚟試一下呢間台灣野，因為好多台灣野都偏濃口味，而呢一間清清淡淡，唔錯㗎！堂食環境比較安靜，冇咩客人，因此餐廳非常清靜，想安安靜靜食個午餐，這裏也是一個很好的選擇