御鐵

Open Now

Now Closed

御鐵係一間日式鐵板燒店，星仔生日，我地都唔興送禮物，就食一餐好嘅當慶祝，見而家openrice訂座有8折，就黎哩度試下。御鐵分左兩張曲尺型嘅鐵板燒吧檯，可以容納倒十幾個食客，而唔會太迫。佢地有分一人餐同二人餐，每樣有兩款，人均消費其實唔差得遠，最大分別係主菜唔同，其他沙律、湯、甜品同餐茶都係一樣。我地最後揀左可以一次過食倒龍蝦同和牛嘅Otetsu Special Set($2,288/二人）。季節沙律 - 御鐵嘅沙律都比出面大份，一份等於平時兩份。沙律菜都好新鮮爽脆，仲加左粒龍珠果，沙律醋有三款揀，我揀左芥末醋，食落有少少wasabi恭鼻感，幾開胃刺激。香煎鱸魚 - 師傅喺爐魚煎到半熟時將魚皮起出，將魚皮燒到脆卜卜上碟時再放返上魚肉上面做裝有。魚肉幾滑，吸左下面嘅香橙汁，酸酸甜甜咁幾開胃。澳洲龍蝦 - 龍蝦有成隻打擘咁長，每人有半隻，龍蝦肉好彈牙，食時可以蘸埋旁邊用龍蝦膏整嘅醬汁，味道好濃郁。和牛薄燒 - 和牛係黎自熊本嘅A5和牛，師傅燒到五成熟，口感好薄好滑，中間包住左啲蔥花同蒜粒，令口感更加豐富，伴菜仲有番茄、啡菇同青椒仔，全部都仲好定juicy唔會燒到乾柴柴。鰹魚清湯 - 清湯真

居美嘅師兄留港已近兩年，因打算聖誕節回鄉，走前決意相約小肥試新野，於銅鑼灣仍在試業中嘅「御鐵」晚聚。佔用面積全層嘅鐵板燒專門店開揚光猛，以木為主嘅間隔清爽潔淨，木架及牆上簡單擺出帶有潮味嘅藝術品，足以散發出時尚嘅色彩。全店嘅散座均圍繞著鐵板爐，右方為開放式廚房及十二個高櫈吧位。左方正常高度嘅則為可容納九人嘅方形鐵板舞台。銀光閃閃嘅鐵板近師傅嘅一邊有個強勁嘅抽氣系統，師傅邊燒煮食物時，煙霧即被吸入去，堅有料到！每組客人均以透明膠板隔開，席上擺有齊備嘅自用餐具、乾濕紙巾及口罩套。印於散點餐牌嘅飲品項目共有三頁之多，主要為日本清酒、樽裝啤酒、果汁、汽水等。嘻嘻，食鐵板燒咁熱氣，埋位當然係要啤一啤佢啦！晚市主推四款一人及二人海陸套餐，兩口子就點咗有龍蝦食嘅「Otetsu Special Set」（$2,288/二人）。季節沙律：沙律新鮮爽脆，伴配酸酸甜甜嘅柚子醋尤其醒胃。季節魚：師傅每煮好一道餸都會由專人呈上並續一講解，詳盡得很。節令鱸魚嘅魚肉及魚皮係分開煎嘅，當中薄薄嘅魚皮一啲都唔油，食落好似薯片咁脆卜卜。香煎鱸魚魚肉軟熟，配上甜甜嘅香橙汁及輕盈嘅檸檬泡泡感覺十分清新。龍蝦：龍蝦源自澳洲，據

環境5分：西餐廳格局，一啲都唔迫，所有人都係面對住個鐵板燒同廚師，一目了然，非常悅目，滿分。衛生5分：成間舖頭都非常之乾淨，衛生一樣畀滿分。 服務5分：服務員好friendly，加茶快，落單爽，每樣餸上時都會解釋清楚，都係滿分。味道5分：1)      季節沙律D菜非常新鮮，當中包括蘆筍，蕃茄，青瓜，多種外國生菜，配上番茄沙律汁零舍開胃。2)      廚師將塊魚皮切開，煎到好似薯片咁脆，鱸魚魚肉非常嫩滑。3)      超級大隻澳洲龍蝦，廚師先將佢切開一半，然後慢慢响客人面前煎熟佢，非常賞心悅目，半隻龍蝦切成3至4塊，啖啖肉非常爽口好味。4)      大大塊薄嘅和牛入面鋪滿蒜同蔥，捲起黎煎，非常嫩滑同埋香口，和牛油脂非常好味。5)      清湯有粒帶子响入面吊下味，非常滿足。6)      鐵板燒嘅炒飯非常好食，最特別係之後飯上面放滿好多新鮮嘅魚子，又凍又熱非常特別。7)      甜品芝麻雪糕跟紅豆食，又甜又健康。8)      跟餐要杯熱檸水最消滯。抵食5分：由頭食到尾有八款，一千蚊左右食齊龍蝦同和牛，乜都抵番哂。