浜滝

Open Now

Now Closed

浜滝位於九龍城褔佬村道，雖然舖面細細，但食物質素超高，絕對係內有乾坤！店內裝修、擺設都充滿日式經典居酒屋嘅味道，完全令人暫時忘卻出面嘅煩囂餐廳嘅主餐牌頁數唔多，但都有好多選擇，每一款都好吸引前菜叫左清酒煮蜆，必食每隻蜆都好厚肉，好鮮甜，淡淡酒香嘅湯好易入口，飲埋個湯底都唔怕！主菜就有醬油拉麵，湯底非常濃厚，配料亦好足，淨係半流心蛋都已經有一隻，絕不馬虎最特別係碗內放左熱石，令拉麵上枱時仲係滾湯，令每一啖都熱辣辣！串燒方面，極度推介燒鰻魚串肉質肥美，燒得恰到好處，配上鰻魚汁同紫菜，超級惹味

今晚忙過龍，餓到個肚打曬鼓先知道原來已經9:30，就立刻收捨去搵野食。最近天氣都好涷，餓起上黎個人都特別攰、個腦只係不停諗住要食啲熱辣辣既野，但具體食乜就真係摸不著頭腦。系條街行黎行去、雖然見到好多粥粉麵飯泰式韓式越式餐館仲開住，但都係無法打動我今晚既芳心。直至我見到有一塊非常燦眼既招牌強行映入我瞳孔 - 「浜滝」...嗯、此刻我完全無去諗到呢個名係同海產有意思。只知道係日式餐館就衝左入去，個腦只諗住「日式豬扒丼」10:00pm 入到去，拉開趟門就有位樣似16-7歲既靚仔哥哥招呼左我埋枱，臨收工前仲有單拖客黎到都仲咁態度親切，抵讚。咁夜黎到仍然見到有兩枱人食緊飯、即係個爐仲未收，好彩。餐廳環境有啲仿照日式小酒館既設計，但所有既枱都係西式酒吧既高腳枱櫈，好fusion。牆上仲有部大電視、播住日左新聞台。我唔知有幾多人識聽日文或睇得明、但令場內添上左薄薄一層日本氣氛。總好過播啲咩英超西甲、嘈到暈，至憎。Menu上既菜式唔多，計埋飲品都係得十頁左右。搵黎搵去都搵唔到豬扒丼、初時有啲失望、但見到拉麵果頁幾正、岩晒我依家有餓又涷既狀態。個「制霸拉麵」睇落好似幾正、想挑戰下點制霸法但可惜話無曬。最

每一次黎到九龍城，第一下諗食咩，就會係泰國菜，但今次就同男友唔想食泰國菜，於是行行下，發現左呢間居酒屋感覺好重嘅浜淹。呢度以飲酒同小食居多，唔算好多選擇，反而令人驚訝既係酒既款式真係幾多下，仲好特別tim！店內都放置左好多唔同款式既酒，好特別，同時好吸睛呢。先點上了一杯黑啤酒(HK$50)，平日很少飲黑啤的，因為不喜歡那苦澀味，可是在OP看到很多人推薦這個黑啤，也就試試看吧。這個黑啤真的好不錯，香濃的麥香味，飲後口腔留左一股的麥香很舒服，而且入口醇滑，加上比起一般的黑啤苦澀味低很多，女生也易入口呢！配酒小吃，看到了螢光魷魚漬(HK$68)當然就不能錯過，弄得不好吃的話便會有腥味，試過曾經有一次點過弄得很差勁的，那種腥味，真的吃不入口。這裡一客只有數條，經過醃製後，味道很好，很出色。而且口感煙煙"umum"，實在不夠喉，真的好好吃，推薦！接下來的是骰仔和牛(HK$128)，本身想點海膽白茄子的，可惜當天海膽售罄了，因此轉戰和牛。骰仔和牛的份量都挺多，以呢個價錢來說都幾抵食，牛粒仍然保持Juicy，燒得剛剛好，加上牛味都幾濃下，加埋小店伴上既汁混蘿蔔蓉，減低左油膩感tim~再點了一條燒金目

之前係facebook見到九龍城新開一間熱石拉麵🍜，覺得好特別就特登過嚟九龍城呢間食，終於唔係食泰國菜店裏比較細，啲凳都係一啲高凳冇椅背，所以坐得麻麻，食食吓都有唔少人係出邊等位，所以食完就走。如果約咗朋友想食餐飯傾計，依間未必適合。至於個熱石拉麵，雖然有個熱石係麵入邊係特別，但食落去質感同普通麵冇咩分別⋯⋯⋯⋯所以可以試下其他野食😂

同屋企人去開九龍城就順便食埋飯，依頭都算幾多食肆揀，不過屋企人比較偏好日本料理，最後見到店員已係門外熱情招待，就入去食餐飯喇～門面頗為簡約，以居酒屋做招來，睇落去比較清，唔會好花巧，而屋企人都比較中意樸素為主。環境睇落去雖比較簡約，但又帶有幾分懷舊感覺，牆上貼上左宮崎駿系列同其他電影既紙質海報，而另一邊則係一個文滿日本酒既牆架，睇落既簡潔又有風格濃厚醬油拉麵，剛剛上菜既時候湯底不斷起泡，原來湯底有一塊火山熱石助熱，不過整體溫度唔會燙口，保持係微暖狀態，湯底豬骨味好重，亦好有膠質感，拉麵有彈性，食落去爽口，而叉燒味道偏淡，有微微既脂肪，口感嫩身～溏心蛋一分為二，有半流心效果，口感嫩滑，蛋漿味非常濃郁炸小海老，好少機會食到既炸小海老，份量好多價錢好實惠，另外伴有檸檬同海鹽調味，海蝦仔炸得好脆，可以連殼一齊食，因為海蝦仔本身既味道都比較淡，加上鹽同檸檬汁就岩岩好，岩晒口痕既人食～櫻花海老豆腐，佈滿左好多木魚花係面層，望落去好有大坂燒既感覺，豆腐以常溫送上，口感幼滑，配上木魚花同小海蝦做調味，係唔錯既配搭。忌廉薯餅，第一次食到既忌廉薯餅，外面炸至金黃色好脆身，內裡係熱辣辣凝固左既忌廉同薯粒，忌

之前見朋友來這裡食、好似幾好味、今晚就決定來試試。一入門口就看到放在桌面的一排日本威士忌、眼前一亮、但再細看下、原來是沒有年份的。（忘記影相 😓） 濃厚醬油拉麵 ～ 来到時見湯底還不停有氣泡（冒出）、心感奇怪、怎麼會這樣熱呢？ 原來在湯底放了一片熱辣辣的火山石卵。先試試湯底、好濃豬骨湯味、膠質感好強、但也因此原因、湯底越食越濃、越食越杰、口感變了似撈麵的感覺、而且也因此變得過鹹，叉燒又因為太薄、湯底太濃、完全食不到有什麼味道，糖心蛋、口感幾好。麵質彈牙煙韌、只是湯底過份杰、越食越口喝。最喜歡還是那片紫菜、很香紫菜味。因過度杰而直接影響到整體的表現、實在有點畫蛇添足的感覺。 東京風醤油沾麵 ～ 因麵跟湯分開上，雖然湯的溫度很高，但因為麵本身溫度比較涼；配合起來就降低了湯的溫度。也因湯底太濃、叉燒太薄身而變得沒有味道。 九州產活蠔 ～ 自己對蠔一向也不是太大興趣、所以只叫了一隻比老婆大人食、聽她說幾新鮮、還有小小海水味。 螢光鱿魚 ～ 外表已好吸引、醃製過的螢光魷魚、鹹鹹鮮鮮、也是吸引。之後聽朋友說、那裡的黑啤幾好飲、可惜因要食藥、只好留待下次有機會先再試試了。

九龍城總算是小弟的美食後花園，從老家步行至此，都不稍十分鐘的腳程。今天因工作的關係，路過這所新開張的拉麵小店，在這嚴厲的寒冬下，實在不能抵抗熱呼呼豬骨濃湯的引誘。原來這所拉麵店剛開業不久，應該是九龍城首間拉麵專門店，以拉麵和居酒屋的理念結合為主題。由日本師傅親自主理，湯底用上豬骨及雞，每天熬製六小時，並提供不少季節限定佐酒小吃。店舖裝修簡約，滿是高腳檯子，面積佔地萬五餘呎，還有二樓閣樓，但甚少供客入內。濃厚醬油拉麵 ($78)不如一般拉麵店，湯底的濃度不設選擇，但我硬要選擇了硬身麵底。此碗給端上時，有如火山爆發似的，不停有氣泡洶湧而出，熱呼呼的程度完全是意料之外，驚喜不已，在冷漠嚴寒中送上貼心暖意。癲狂的火山爆發是源於湯底置了熱熾熾的火山石卵，原意是保持湯底的味道。不過洶湧的熱情，往往總是嚇怕他人的，待它冷靜沉澱下來，才能細意品嚐。當然，吃拉麵，品嚐湯底是最先決的。湯底湯底呈淡淡的咖啡色，膠質豐碩誘人，濃稠漿口，味道恰到好處，嚴冬中暖胃不二之選。如果說湯底是主角，叉燒可以說是第二主角。此叉燒特別之處是呈粉紅色的，有如害羞少女的嫣紅。肉質細滑柔嫩，肥肉油脂甚少，感覺蠻健康似的。第三主角的