浜滝

Open Now

Now Closed

又過嚟九龍城呢邊😆好掛住呢間居酒屋食物✨花魚一夜干薄鹽口味唔太咸，燒烤過嘅花魚味道新鮮，肉質鮮嫩、油質豐富,而且肉多刺少💪🏻✨月見葡萄豚肉石鍋飯石鍋飯嘅蛋一定唔可以全熟😏因為佢嘅蛋黃係要來撈飯🥘蛋液混合飯同豚肉超級好食👍🏻👍🏻✨秘製炸雞超脆嘅雞～～又juicy😘小小咸多多脆呀！✨花畑鍋超級靚呀😍綠色嘅菜配上紅色嘅豚肉捲到好似花咁🌹🌷好吸引呀！然後肉味滲入啲菜度啲菜就好好食

串燒爐頭香氣四溢，勁似去咗日本街頭嘅小店。📍月見雞肉漢堡串呢串雞肉漢堡串上面有個完美嘅蛋黃，就好似皎潔嘅月亮安坐喺雞肉漢堡串上面 🌝 雞肉漢堡質地鬆軟多汁，調味入味，咬落去肉汁四溢，蛋黃一破開就流晒出嚟，同雞肉完美融合，香濃得嚟又唔會太漏。呢個組合簡直係味蕾嘅享受，絕對係要嗌嘅招牌！📍日本雞腎串雞腎串外表金黃微焦，灑上少少海鹽提味，一啖咬落去，腎臟嘅獨特香氣即刻爆發 😍 腎串新鮮無腥味，烤得恰到好處，外脆內嫩，有啲彈牙，配埋啲海鹽，鹹香夠晒味！就算唔係內臟控都會鍾意呢種細膩嘅口感，絕對係考驗師傅功力嘅一道菜式！📍牛肉壽喜燒鍋壽喜燒一上枱已經香氣四溢，鍋仔裝住啲滾燙嘅湯底，牛肉片薄得見光，蔬菜擺放整齊 🥘 牛肉新鮮無比，甫入口就化，根本唔使咀嚼！湯底甜中帶鹹，層次豐富，吸收晒牛肉精華，連埋啲蔬菜都變得超有味道。最後剩低啲湯底配白飯，簡直係人生一大享受！📍阿波美雞翼串阿波美雞翼串醃製入味，表皮金黃焦香，一咬落即刻聽到脆卜卜嘅聲音 👌 雞翼油香四溢但唔會過膩，肉質鮮嫩多汁，骨邊嘅肉特別香甜。師傅嘅火候控制得好好，外皮夠晒脆，入面嘅肉仲保持住多汁，一啖接一啖停唔到口！📍極聖山田錦純米大吟釀呢支

近宋皇臺站嘅呢間Hamataki居酒屋，餐廳內掛滿左各款和式旗幟，仲有幅好靚好colourful嘅壁畫裝飾，的確令我諗起真係日本街頭啲居酒屋！野食方面，款食非常多。沙律、刺身、燒物全部都勁吸引。日本蠔只係$48一隻好鬼抵！我嗌左兩隻食，真心大隻又鮮甜。超推介！壽司款其中有兩款，精緻到我覺得好難忘同超級欣賞，就係海膽拖羅花多士，同埋神戶和牛海膽蟹卷。海膽同拖羅都係超鮮甜，量又多，加埋魚子醬成件事好高級好正😍多士脆卜卜，成舊啪落口口感豐富好好食！和牛係3成熟左右，入口即溶嘅口感，和牛上面嘅海膽又係好多，然後都有魚子醬。擺得咁靚可見餐廳真係好有誠意。好值得再黎！

其實都好懶寫食評，除非真係好差或者好好食！今次呢個屬於好好食果隻！點好食法？ 我一個星期去左兩次，咁肯定係好食啦！先講環境/裝修，好有氣氛，好有日本feel，但當然唔夠尖沙咀d高級日本餐廳靚，如果你要fine dinning果隻既，呢間餐廳未必啱你！入主題，講返食物，果個左口魚裙邊真係不得了，真係必食，如果我話係我食過最好食嘅，又好似有啲假，所以留返大家自己判斷，但真係必定要order! 個半熟龍蝦配海膽又係推介啦！重有個魚子醬喺面既海螺薯仔南瓜沙律都好出色，好推介！聽朋友講，d熟食都好唔錯，下次會去試吓！當呢篇食評出街嘅時候，我已經去咗第三次，老闆仲好好人，俾咗個折頭我

最近天氣越嚟越凍，前排成日都去打邊爐，所以今日反而想食啲精緻啲嘅海鮮。今日黎到浜淹，因為覺得佢坐得舒服，同朋友好耐冇見傾吓偈，個環境非常之適合。我哋今次一共叫左四樣嘢，因為朋友鍾意食海鮮，所以最主要都係以海鮮為主。首先叫咗個怪物之令和同兵庫縣活蠔，因為朋友非常鍾意食蠔，而佢嘅蠔都好新鮮，真係貼近喺日本食嘅味道。然後叫咗一個三文魚牛油果沙律，牛油果嘅份量好多，加埋三文魚嘅鮮味，非常之吸引。然後叫咗個味辛黑梅螺，螺肉好鮮甜，一啲都唔腥，而且辣辣地咁樣非常開胃。

今日又係九龍城開工，放工同事話一齊食dinner，我第一間諗到嘅就係呢間超有日本特色嘅呢間小店，最鍾意呢度嘅店面同埋內部裝修都好有日本居酒屋風格，喺入面食嘢都覺得好開心。首先一坐低就叫咗唐楊墨魚咀同花魚一夜干，呢兩個都係去居酒屋一定要叫嘅嘢，呢度個墨魚嘴炸得好酥脆，而一夜干亦都整得好好食，唔會太鹹。鮭魚牛油果沙律個樣超級震撼，將我最鍾意嘅兩樣嘢放埋一齊，好creamy，好好味。半熟海龍燒都係另一經典之作，龍蝦口感爽脆新鮮，真係一人食一隻都未夠！神戶和牛扒油脂分布一流，食落唔會太硬，但係亦有啲口感，牛味一流！

今日出job喺附近，自己一個又唔知食乜好🥺化咗靚靚妝梗係唔想去食茶餐廳啦😗上次同大佬嚟食呢一度，我覺得好relax好舒服💕👍🏻所以再黎食⭐️今日好彩有得坐吧枱🕺🏻我想飲酒㗎🥺不過踩住對高踭鞋，驚酒精影響我行路😂返屋企仲有地鐵要搭～～食物首先嗌個小食枝豆🫱因為坐喺studio化咗四個鐘頭妝😂好肚餓佢呢個枝豆本身好清甜，但外邊灑少少鹽就更好食！半熟海膽龍蝦可能因為我同佢講我好肚餓😂所以佢話海膽同埋龍蝦今日新鮮到貨～好快有得食，問我試唔試…咁啱班friend喺個group度講上次佢哋聚會食馬糞海膽，我就嗌一份然後打卡俾佢哋睇😂師傅特登砌返隻龍蝦出嚟🤭好好食！海膽好鮮甜～龍蝦又好爽聖誕老人仔好得意💕

冬至那天，由於中餐廳已經擁擠，我們轉去一家名人最愛的日式餐廳。一進門，濃濃的日本味撲面而來，經理熱情地安排了小包廂，像老朋友般親切。我們決定遠離生魚片的領域，全體改點熟食，結果每道菜都美味得讓人懷疑是不是廚師偷偷加了什麼魔法佐料。大分直送火灸平目魚邊 ($158)  :  這道來自大分的新鮮平目魚，經過火灸處理，外層微微焦香，內裡卻保留了鮮美的海味，肉質細緻嫩滑，彷彿在口中輕柔溶解。每一口都帶著大海的氣息，仿佛一場與海風的親密接觸，讓人不禁想要再多來一口。海螺南瓜薯仔沙律 ($98) : 這道沙律彷彿將秋冬的味道包裹在每一口中。海螺肉脆嫩，與綿密的南瓜和薯仔完美結合，口感層次豐富，細膩的風味一口接一口，帶來清新卻又不失溫暖的感覺。特色半熟海龍燒 ($798) : 半熟的龍蝦肉與新鮮海膽交織出無與倫比的美味，龍蝦肉鮮嫩彈牙，海膽則帶來濃郁的海洋鮮香。每一口都是奢華的享受，而龍蝦頭更能繼續發揮它的魔力，煮成一碗鮮美的龍蝦粥，完美無瑕。櫻花蝦牛肉泡菜石鍋飯($158) : 這道石鍋飯如同一道火焰般熱烈，櫻花蝦與牛肉的結合帶來濃郁的香氣，配上微辣的泡菜，每一口都是滿滿的幸福感，底層的鍋巴脆香可

今次同朋友去咗試吓日本嘢，我們叫左：厚切和牛牛舌 厚切和牛牛舌質地細膩，肉味濃郁，經過恰到好處炭燒，外表微微焦脆，內部卻保持著多汁的鮮嫩。搭配簡單的鹽和檸檬汁就已經好Perfect啦 原條伊佐目刺身 原條伊佐目刺身展示了海鮮的新鮮與純粹。魚片切得薄而均勻，透出誘人的光澤。鮮美的口感在舌尖融化，伴隨著清新的海味，令人神清氣爽。搭配傳統的醬油和芥末，能進一步提升其鮮香This time, I went with my friends to try some Japanese dishes. We ordered:Thick-cut Wagyu Beef TongueThe thick-cut Wagyu beef tongue has a delicate texture and rich flavor. It is perfectly grilled over charcoal, with a slightly crispy exterior while remaining juicy and tender inside. Simply pairing it with salt and

今日同朋友嚟咗食呢間串燒居酒屋，有幾款食物我覺得真係幾好食。都係佢哋嘅燒物。大分自送火炙平目魚平目魚經過火炙，佢裏面嘅魚油會完全釋放出來。師傅將來自大分嘅平目魚邊，用火槍逼出魚油，再將啲魚油源源本本留喺個碟上邊。點少少豉油Wasabi就已經係一道美食。日本銀杏串白果可能唔係咁多人食，但係呢個日本銀杏師傅將佢燒到煙煙韌韌完全唔似銀杏嘅質地。加上佢係甘香嘅唔會好苦。鹽燒日本淮山串另一個串燒又係日本野菜，就係佢哋嘅鹽燒日本淮山，佢哋燒到啱啱熟，仍然保持一啲爽脆嘅口感，外皮焦焦地釋放出香氣，係我未試過食淮山有咁嘅口感。

今日過咗九龍城，見到呢間居酒屋唔錯，就入咗去醫肚見到推薦凍鮑魚，我又幾鍾意食就叫咗一份鮑魚非常彈牙又有鮮味，仲好貼心切好晒一口size冰涼口感配上海鮮嘅甜味，係味蕾嘅享受！😚另外再叫咗份燒日本雞尾，呢啲嘢唔係到到地方有而燒得好食嘅更加唔簡單佢處理雞尾上做得好好，無騷味之餘仲有好香雞味而家大大舊！令人好滿足～～😍最後叫咗份鐵板炭燒地獄雞腿肉，聽個名好得人驚咁🤣食落其實係天堂😉😉炭燒嘅香味好出雞腿肉好嫩滑，用鐵板上保持溫度食到最後一舊都仲係暖粒粒！下次再嚟九龍城一定會再幫襯🤤

天氣凍想食熱野，就去左九龍城食日式串燒🍢九龍城好多日本餐廳,揀左好耐最後揀左起依到食串燒大阪燒餅好多木魚碎起面， 好足料👍🏻個粉漿配埋燒汁好好味 煎得好香脆雞軟骨串雞軟骨燒得好脆好香口😋有咬口有口感燒雞全翼燒得好香又無燶，味道岩岩好，吾會好咸雞胸軟骨串軟骨好好味，好有咬口又爽口又脆日本雞皮雞皮好香口👍🏻燒到脆卜卜好鬼正😊整體嚟講,餐廳質素不錯職員有禮,座位坐得舒服就算自己一個嚟寫都唔會尷尬

@hamataki__izakaya 日本居酒屋 🍶 多款刺身串燒選擇 🍢 佐酒小食 🍻🐙 紫菜章魚刺身盛刺身盛合 款式豐富 🐟 油甘魚 緊實嫩滑三文魚 肥美柔軟 🐚 冷鮑魚 鮮甜有嚼勁紫菜章魚 🌊 厚肉柔軟 富有彈性 帶有咸鮮🍢 佐賀縣鳥之提燈稀有部位 雞卵巢和未孵化的蛋 好像提著燈籠 🏮蛋黃保持半生熟 🐣 輸卵管烤到全熟 帶點焦脆🐓 雞肉漢堡串 (月見)免冶雞肉 🍗 焦香 鬆軟 保留肉汁 月見串燒 🍳 搭配醬油 生雞蛋黃 蛋香濃郁 🐣 增加風味 豐富口感📍九龍城福佬村道59號地下A號舖 🇭🇰

九龍城除左出名泰國菜，原來都有出色既日本菜架。餐廳佈置好靚，日本風格濃厚。食物種類都幾多，有刺身，飯，拉面同埋燒物都有。明太子燒大菇明太子愛好者見到呢個，真係好難抗拒。 一開始唔知會唔會細細舊，唔夠食。一上台見到份量好足，2個人分黎食都岩岩好。明太子醬鹹香惹味，上面仲有D櫻花蝦，建議大家食前可以撈勻先食! 大啡菇燒得香口，一咬落去好juicy。呢個我絕對會encore! 阿波美雞翼串阿波美雞係走地雞，肉質出名係咬口，而且雞肉脂肪比較少。肉質鮮嫩可口。雞翼燒得好香，外面雞皮帶少少焦脆，咬到肉位係好嫩滑，唔會乾身。厚切神戶和牛牛舌牛舌爽口，配埋蔥粒感覺冇咁膩!

一入到去，輕鬆又舒適嘅環境令人即刻放鬆，木質裝潢加上柔和燈光，營造出一種親切又溫暖嘅氛圍。📍炸秋刀魚骨外脆內嫩，鹹香嘅味道令人一口接一口。📍唐揚墨魚嘴好驚喜，口感彈牙，外面嘅炸衣金黃香脆，搭配特製醬汁，真係唔想停口！📍黃油杜蠣香濃嘅黃油味配上新鮮嘅蠣肉，簡直係完美嘅搭配，每一口都好滿足。員工嘅服務，佢哋親切又專業，隨時面帶微笑，仲會主動介紹菜式，令整個用餐體驗更加愉快，無論係食物定係氛圍都令人滿意。