Terrace in seaside (海運大廈)

Open Now

Now Closed

得閒無事約舊朋友下午茶嚟到喱間 Terrace in Seaside。餐廳裝潢以淺木色為主，門前擺咗棵柑橘樹，未入門口已經見到侍應戴住頂Cute到爆嘅柑橘帽，所以一坐低就點咗杯《濟州柑橘乳酪》襯返吓。講到明「Chill Time」就梗係要點「Chill Dishes」啦，於是點了《布拉塔芝士沙律》和《粒粒魚籽與三文魚蛋黃醬飯卷》。布拉塔沙律水果新鮮開胃，BurrataCheese 大大嚿圓轆轆擺正中間賣相唔錯；飯卷嘅三文魚籽爆大粒，個醬好足料有啲似吞拿魚沙律，簡直驚喜又飽肚。跟住仲點了個$88嘅兒童餐，唔太記得個餐有乜，只記得跟餐嘅迷你版《清甜柑橘窩夫》既可愛又好食。講到最尾要講返杯乳酪，味道酸甜甜幾清新，拳頭咁大嘅柑橘就包咗返屋企做飯後果，估唔到又真係幾清甜噃！

✨醬燒牛肉紫菜包飯（$88）個人很喜歡吃韓式壽司，有很多蔬菜配搭醬燒牛肉，吃起來健康又美味。✨牛面肉蛋包飯（$138）牛面肉味道甜甜的，份量很多，蛋包飯職員會幫忙把蛋切開，看著流心的蛋醬流下來口水都在流了。✨醬油蒜頭炸雞（無骨，$108）醬油蒜頭醬黏黏的，吃起來會有蒜味，讓我驚喜的是有年糕和薯條。✨濟州柑橘乳酪（$68）看到吃的人桌面都有這杯飲料，我也點來試試，就是帶有柑橘味道的乳酪，酸酸的很開胃很Fresh。✨水果忌廉三文治（$62，時令水果）我是為了這道菜而來的，沒有讓我失望，有三款水果，甜點版的三文治很棒！水果配搭忌廉和麵包，真的沒得輸！

✰燒醬油黑毛豬白切肉🐷 軟嫩 入味😋肉質軟嫩，肥瘦適中，唔需要用力去咬，味道偏甜，醬油味入晒去個肉到，外邊有小小火灸味。用生菜🥬包埋生蒜片🧄同泡菜一齊食，就中和左個甜味同油膩感，加上生蒜片🧄同泡菜既辣，成個味道豐富左好多😋佢仲有個大醬既，但我個人麻麻地，加左就變左太濃味，個味唔太夾🙂✰牛面肉蛋包飯🐮🍚 夠腍 入味😋燉得夠腍夠入味，肉質都嫩滑，牛味濃😋蛋包飯，蛋夠滑嫩，夠濕潤，蛋香加上牛肉汁，令成個飯更有層次😋✰濟州柑橘無骨炸雞🍗 清新 但甜🙂炸雞🍗夠酥脆，夠熱，夠juicy‧個濟州柑橘汁🍊有D似柚子蜜撈落炸雞到咁，味道又幾夾，個柑橘味🍊有令到舊炸雞清新左，但食多幾舊會覺得太甜。如果你平時都鍾意食西檸雞既朋友，應該都會ok 依個炸雞🙂佢入邊仲有D年糕，有D硬，唔好食，其實我覺得唔放入去仲好🙂✰清甜柑橘窩夫🍊 不過不失🙂外皮有一定脆度，入邊質地夠鬆軟，窩夫既口感係做得唔錯。柑橘係清甜既，加埋個cream同柑橘汁係ok 既，但就係無wow既感覺，好似個酸澀味差小小咁🙂✰濟州柑橘乳酪🍊 唔特別🙂乳酪味不會好酸，有D柑橘味果粒，但柑橘味唔夠出。Presentation 係幾得意既，成個柑橘篤左係

濟州柑橘乳酪（$68）呢款濟州柑橘乳酪真係好Jeng，柑橘嘅清新味同埋滑嫩嘅乳酪完全融合埋一齊，食落一種平衡嘅口感同味道。蜂蜜牛油炸雞（有骨$118半份）呢隻蜂蜜牛油炸雞真係好味！皮脆肉嫩嘅雞肉配上香甜嘅蜂蜜牛油，一口咬落去即係一種香脆嘅享受，真係好好味！玫瑰醬大蝦扁意粉（$98）呢碟大蝦扁意粉配上玫瑰醬，好普通，個人覺得唔洗試～奶油芝士辣炒年糕（$82）呢碟辣炒年糕加埋奶油同芝士，味道濃郁又香辣。奶油芝士同濕潤嘅年糕配合得恰到好處，每一口都係一種令人欲罷不能嘅美味。📍Terrace in seaside (海港城) (尖沙咀)尖沙咀廣東道3-27號海港城海運大廈2樓OT233號舖

同朋友喺海港城行街，行到攰想搵間餐廳坐低食嘢。可能本身都無乜期望，入到嚟估唔到都幾好食喎！餐廳喺得海港城，環境呢啲不在話下，講返少少背景畀大家參考，我同朋友兩個人去食，人均大約$300左右～開波介紹下啲嘢食先！燒醬油黑毛豬白切肉配大醬生菜｜$228其實見到白切肉蛋包飯好似好吸引，但因為我同朋友都係小鳥胃，覺得食唔哂就無叫到，最後叫咗呢個白切肉配生菜。黑毛豬白切肉大大舊，食落啖啖肉，一啲唔油膩仲好Juicy，啲肉嘅肥瘦比例啱啱好，入口即溶，加埋生菜仲有種更加清新嘅感覺！韓國蜆肉飯｜$192見係招牌就嗌咗一個嚟試下，微辣都幾開胃嘅，而且海鮮味都好濃下🤣不過因為個人唔係特別鐘意蜆肉，如果對蜆肉特別有興趣都不妨一試！濟洲柑橘乳酪｜$68呢杯嘢飲有成個唔知係柑橘定橙係上面都幾得意🍊，如果想要嚟打卡就啱哂！味道方面都幾清新嘅，但老實講就係一杯柑橘乳酪，另外朋友叫咗杯柚子檸檬梳打，都一樣係比較fresh，但見無咩特別就無影低了～清甜柑橘窩夫｜$98最後用甜品作結，估唔到呢個甜品先係精髓所在！窩夫厚度十足🧇，上面嘅柑橘酸甜清新，再淋埋酸酸甜甜嘅柑橘醬，食完咁多嘢用嚟解膩就啱哂！

海港城海運大廈呢間性價比高既韓國過江龍餐廳，簡約風配襯大自己氣息既食店，店員一致特別易認既服裝同頭套，令到餐廳更有可愛感白切肉蛋包飯 $125半熟既蛋包飯由店員上檯後切開，切開後蛋汁隨即流出黎，金黃色既雞蛋包住下面既係炒飯配以紅蘿蔔粒。而白切肉淋上特製醬汁非常香濃，6大片既豬腩肉經過灸燒令表面有焦香脆感，食落好彈牙，由其皮位QQ彈彈，非常好食奶油芝士辣炒年糕 $82年糕份量多，放左一堆芝士同蒜蓉再加辣醬一齊炒，微辛既口感加上香濃既蒜香好吸引。鍋底仲有配放幾塊韓國魚片，吸晒成個醬汁勁入味至臻蜂蜜無花果窩夫 $188食完主食食埋個大大份既甜品！無花果草莓配上蜂蜜蜜片，再以一大埋濃厚既忌廉放上窩夫，成個窩夫變得非常立體有形！窩夫即叫即製，食落好香蛋味而且好脆既口感。配埋個無花果果醬淋上去，甜度剛剛好既味道瞬間就將成個窩夫解決晒，好正柚子檸檬梳打 $42濟州柑橘乳酪 $68兩杯飲品都好好飲，柚子檸檬夠清新唔會太酸。柑橘乳酪外表好吸引，而且粒粒既柑橘果肉同果汁混合埋乳酪好開胃同解膩

難怪這麼多女孩子光顧，菜式擺盤精緻，很適合喜歡影相打卡上傳到社交網站的人，味道也有水準，值得再三光顧。🥩🍳🍞🍚1️⃣烤牛肉蛋包飯 $125🍳侍應在食客面前把蛋切開，然後蛋漿四散，包着下面的飯。蛋煮得很滑，但淡茂茂，沒什麼味。🥩其實是一般香港火窩的肥牛，澆上濃郁的醬汁，有點鹹。🍚醬汁炒飯底，是淡淡的茄汁味，吃起來濃淡適中，味道最吸引。🥘這道菜，牛肉或蛋，單獨放進口的話，不是太濃就是太淡，都失色。只有飯味道ok，但總不可只吃飯沒有餸菜吧。把濃味的牛肉、適中的飯、淡味的蛋，混在一起同時品嘗，就是最佳搭配。💃🏻就似小花暖，眼睛被嫌分得太開👁️ 👁，鼻子👃🏼形狀被彈大又怪，只有心口車頭燈耀眼奪目。雖然局部欣賞有好有壞落差又大，不過，懂得欣賞她的整體，便會發掘出小花暖是一流的，與烤牛肉蛋包飯同理。🇰🇷💣🐔 - 🍯🧈2️⃣韓式炸雞 - 蜂蜜牛油味(有骨半份$118)整個菜式賣相很吸引，但第一口給我的感覺是雞肉不夠嫩滑，幸好也不至於乾柴的程度，何況蜂蜜牛油醬汁出色，是好吃的😋。炸雞配有年糕與薯條🍟，年糕摻有炒香了的白芝麻，香氣四溢，還沾到蜂蜜牛油醬，味道很棒👍🏾。薯條🍟香脆，吃起來好像有點酸酸甜甜的味道

之前都黎過呢間打卡😆樣樣野食都好精緻，另一個fd睇到我嘅相佢又話要試，所以今次陪左佢黎✨韓式豬手半份🍖 $158豬手厚肉軟腍，醃得好入味，我就覺得唔洗另外蘸大醬已經好夠味。拎埋生菜🥬、紫蘇葉、泡菜、蒜同青陽辣椒包住食好似食緊韓燒咁😋✨青醬大蝦意粉🦐$112估唔到上碟咁靚仔，大蝦開邊🤩帶少少蒜鹽辣味，青醬好濃郁，好足料。仲有好多冬菇片同沙律伴碟，清新✨蜂蜜牛油炸雞🍗 $108揀左半份無骨炸雞，雖然唔知點解無骨仲平過有骨，不過正合我意🤣鍾意啖啖肉，皮脆唔油膩，上面加蜜糖簡直係畫龍點睛！！蜂蜜味道天然，甜得黎係會想繼續食果種，年糕意外地炸得好好，脆脆地入面又軟糯✨水果忌廉三明治🥪$68本身諗住叫仲夏菠蘿忌廉三文治，不過菠蘿賣晒所以就轉左士多啤梨🍓細細件作為甜品剛剛好，奶油味濃郁✨提拉米蘇🍰$68 Tiramisu 有淡淡咖啡味，仲放左lady fingers係底，偏甜，味道正常✨熱情金菠蘿沙冰🍍$68 沙冰飲左一半仲係好凍，成個感覺好夏天，清甜解渴✨濟州柑橘乳酪🍊$68 之前飲過，乳酪味加柑橘好特別，酸酸甜甜而且唔會膩

終於終於去韓國不是夢，再唔洗淨係眼睛去旅行🤩 （（不過我就未去得住……😢Anyway我又去左食韓國野啦，之前細佬生日想食呢間韓國餐廳，所以就請左佢食…… 每樣野都幾有水準😳難怪要排隊入去同有限時💚青醬大蝦意粉 $112佢個青醬較得好好，basil味好夠，然後又唔會過分重味而產生「太膩」嘅感覺☺️ 然後意粉係用左扁意粉，同青醬煮到入哂味～ 之後大蝦都鮮甜，質感爽口彈牙，完全唔霉同埋一啲冇腥味，仲有少少似平時食龍蝦意粉嘅龍蝦😆🐷韓式豬手 $158半份都超多！完全冇諗過佢會比生菜同香葉我地！😳 真係第一次食韓式豬手都用菜包形式🤣 豬手肥瘦均勻，骨膠原滿滿～ 用菜包同埋蘸上韓式豆瓣醬又可減少飽濟感，不過我自己鍾意唔用菜包多啲～🍯蜂蜜牛油炸雞 $118半份都係依然咁多～ 蜂蜜牛油味雖然都甜甜地，但唔會覺得膩～同埋無骨炸雞真係炸到脆卜卜，而且入面啲肉都好嫩滑好juicy~旁邊仲有即炸薯條同年糕，樣樣都咁香脆可口同惹味🥰🥪仲夏清甜菠蘿忌廉三文治 $68超級期待又超級推介嘅甜品！因為一直都想食鮮果三文治🤩 而呢個三文治好有驚喜😍個皮唔係麵包黎～係白色蛋糕皮～然後重點係啲cream同菠蘿！啲cream係純

見呢度咁多好評又係過江龍，諗住都唔會太差點知…🤦🏻‍♀️平日傍晚來，不用排隊。試咗推介嘅菜式熱情金菠蘿沙冰 $68 （無影相） 濟州柑橘乳酪 $68 味道正常，但份量好少，加埋一要成70幾蚊好貴，唔值呢個價gimbap 傳統紫菜包飯 $72 賣相不錯，味道唔太好，gimbap都可以整到咁….😵 韓國蜆肉飯 $138 除咗蜆肉同飯，仲有蛋煎蝦。味道還好環境衛生一般，不停有蚊螆，仲飛落d野食度🫠🫠🫠服務一般，d staff 好似成日唔知發生咩事咁🤦🏻‍♀️埋單差不多$380/2人，每人$190 ，唔值呢個價，性價比👎🏻

應該係26/07/2022去捉住海港城Coupon尾巴的。因為太忙所以今日至發表。海港城真係有不少食店都唔錯，平又有貴又有🙂近期發現呢間新食店唔錯，真係值得推介一下🙂店不大所以坐位不多，環境算okay，想影相係困難的，因為多人又細面積，所以唯一係食。店員態度係正常的👍🏻正常已經係好吧🙂我哋兩人點了三樣嘢，辣蟹肉意粉、濟州柑橘炸雞同濟州柑橘乳酪。本人對帶有橙味嘅嘢特別有興趣，所以便隨著自己興趣去選擇。最後都發覺冇揀錯😋濟州柑橘炸雞超級好味，味道醒胃之餘雞件係大大嚿，而且非常有肉汁👍🏻濟州柑橘乳酪又是非常之好飲，真係一啖就想飲晒😋最後辣蟹肉意粉，夠辣都係好食嘅。整體來講，今餐好滿足，但最回味都係兩款柑橘味嘅嘢😋已經同自己講，一定要再嚟食😋😋😋

朋友send左哩間黎話想試，馬上行！叫左最出名既菠蘿沙冰同柑橘乳酪兩杯都好好飲!!!!! 個人覺得柑橘再好飲啲蜆肉飯唔錯，飯底味道不過不失但材料搭夠，啲蜆肉真係好多，仲有四隻蝦士多啤梨Tiramisu就真係normal，無特別但又係材料搭夠，每啖都可以有一大舊士多啤梨送，甜而不漏職員仲送左個前菜，係一兜仔既薯仔沙律，都好食揀左平日2點左右去，唔洗等位限時90分鐘中間坐左1個左右，職員同我哋講臨時冷氣有事要維修，麻煩我哋全部客提早離座因為職員都好有禮貌，無hard feeling我哋拎埋杯野出去飲期待下次再去試埋個炸雞

由開張到而家一直都人氣高企嘅韓國過江龍海邊渡假feel cafe。星期六有啲雨一點前去到好彩唔駛等位，由門口、室內佈置、到餐具等都係好靚好清新嘅韓國風格。🍊醃漬紅菜頭(餐前小食)✏️顏色好靚，加咗蛋黃醬味道好夾。🍊蟹肉泡菜意粉(HK$182)✏️賣相好吸引，同menu嘅相片一模一樣，隻蟹雖然唔係好大但係蟹肉新鮮結實，意粉汁都混合咗蟹肉蟹羔，加上泡菜嘅微辣，濃厚鮮味。🍊濟州柑橘乳酪(HK$68)✏️外型十分之可愛討好，橙味都幾明顯而且好清新，如果杰啲同埋用返玻璃杯就仲好。去之前都有睇過韓國本店嘅社交平台, 知道佢哋係真係對住個海非常chill好正咁；香港店呢方面係有分别，不過勝在地點方便，隨時都可以去食啦。😆

餐廳裝修行簡約風，米白色為主調感覺幾舒服，但係位置唔多同埋坐得比較密🥺/傳統紫菜飯卷 $72/飯卷好足料😳牛肉同埋菜比例幾好🤣/蜂蜜牛油無骨炸雞(半份) $108/炸雞好有驚喜😍皮脆肉嫩，好juicy👌🏻無骨炸雞真係啖啖肉🙈 蜂蜜牛油嘅鹹味甜味balance唔錯，食落唔會覺得好油膩！薯條同埋年糕都好好食🤣/濟州柑橘乳酪 $68/飲品賣相吸睛😳有半個橙係上面😂 個人覺得佢味道偏酸🤔可能係咁啱個柑橘唔夠甜之後加埋乳酪就更加酸🫢整體黎講性價比幾高，炸雞最值得推介🤩 食野仲要冇限時😲可以慢慢食👌🏻

舖頭名有seaside，仲要係海港城LCX，等我諗住會見到海景，好彩味道搭救🤩，食飽飽心滿意足先慢慢出去行海旁睇維港夜景🌃啦～🌖蟹肉泡菜意粉 $182一上枱就已經有驚喜！明明話係蟹肉意粉，點會估到佢會係成隻蟹咁上碟！蟹🦀️肉未算飽滿，但都叫做有少少肉食，外殻較薄，尚算易剝；意粉伴有蟹肉絲，份量同口感上都算係有存在感；味道稍辣但又唔係泡菜嘅酸辣，係個意料之外唔錯嘅配搭。🌖濟州柑橘炸雞有骨半份 $118份量頗足，除左雞件之外仲有幾條炸年糕；雞件唔算厚粉，稱唔上肉嫩多汁但起碼唔係又乾又柴；柑橘醬甜酸味適中，仲有粒粒果皮有啲𡁻頭👍🏻。🌗韓式豬手半份 $158豬手皮厚而不油膩，仲好Q彈添～紫蘇葉增添清新嘅感覺；配上泡菜更有一重爽脆口感，唯泡菜份量偏少，食落要就住就住唔得爽快😅。🌕水果忌廉三文治 $62驚喜之作🤩！食到最後超飽嘅時候再食呢份三文治都覺得非常好味😋！水果完熟香甜但又唔會熟到爛，忌廉質感唔算幼滑，帶有芝士味，略帶鹹味更顯出水果嘅甜美，味道黎講呢個配搭真係不得了！！🌖提拉米蘇蛋糕 $68最後真係飽到不行了，但為食嘅我都係要叫多份tiramisu拎走留返第二日食。好彩有叫到咋！味道真❤️唔錯，