Video
Read full review
2022-07-24
453 views
舖頭名有seaside，仲要係海港城LCX，等我諗住會見到海景，好彩味道搭救🤩，食飽飽心滿意足先慢慢出去行海旁睇維港夜景🌃啦～🌖蟹肉泡菜意粉 $182一上枱就已經有驚喜！明明話係蟹肉意粉，點會估到佢會係成隻蟹咁上碟！蟹🦀️肉未算飽滿，但都叫做有少少肉食，外殻較薄，尚算易剝；意粉伴有蟹肉絲，份量同口感上都算係有存在感；味道稍辣但又唔係泡菜嘅酸辣，係個意料之外唔錯嘅配搭。🌖濟州柑橘炸雞有骨半份 $118份量頗足，除左雞件之外仲有幾條炸年糕；雞件唔算厚粉，稱唔上肉嫩多汁但起碼唔係又乾又柴；柑橘醬甜酸味適中，仲有粒粒果皮有啲𡁻頭👍🏻。🌗韓式豬手半份 $158豬手皮厚而不油膩，仲好Q彈添～紫蘇葉增添清新嘅感覺；配上泡菜更有一重爽脆口感，唯泡菜份量偏少，食落要就住就住唔得爽快😅。🌕水果忌廉三文治 $62驚喜之作🤩！食到最後超飽嘅時候再食呢份三文治都覺得非常好味😋！水果完熟香甜但又唔會熟到爛，忌廉質感唔算幼滑，帶有芝士味，略帶鹹味更顯出水果嘅甜美，味道黎講呢個配搭真係不得了！！🌖提拉米蘇蛋糕 $68最後真係飽到不行了，但為食嘅我都係要叫多份tiramisu拎走留返第二日食。好彩有叫到咋！味道真❤️唔錯，
蟹肉泡菜意粉
$182
30 views
0 likes
0 comments
🌖蟹肉泡菜意粉 $182
一上枱就已經有驚喜！明明話係蟹肉意粉，點會估到佢會係成隻蟹咁上碟！蟹🦀️肉未算飽滿，但都叫做有少少肉食，外殻較薄，尚算易剝；意粉伴有蟹肉絲，份量同口感上都算係有存在感；味道稍辣但又唔係泡菜嘅酸辣，係個意料之外唔錯嘅配搭。
濟州柑橘炸雞有骨半份
$118
27 views
0 likes
0 comments
🌖濟州柑橘炸雞有骨半份 $118
份量頗足，除左雞件之外仲有幾條炸年糕；雞件唔算厚粉，稱唔上肉嫩多汁但起碼唔係又乾又柴；柑橘醬甜酸味適中，仲有粒粒果皮有啲𡁻頭👍🏻。
韓式豬手半份
$158
4 views
0 likes
0 comments
🌗韓式豬手半份 $158
豬手皮厚而不油膩，仲好Q彈添～紫蘇葉增添清新嘅感覺；配上泡菜更有一重爽脆口感，唯泡菜份量偏少，食落要就住就住唔得爽快😅。
水果忌廉三文治
$62
18 views
0 likes
0 comments
🌕水果忌廉三文治 $62
驚喜之作🤩！食到最後超飽嘅時候再食呢份三文治都覺得非常好味😋！水果完熟香甜但又唔會熟到爛，忌廉質感唔算幼滑，帶有芝士味，略帶鹹味更顯出水果嘅甜美，味道黎講呢個配搭真係不得了！！
提拉米蘇蛋糕
$68
20 views
0 likes
0 comments
🌖提拉米蘇蛋糕 $68
最後真係飽到不行了，但為食嘅我都係要叫多份tiramisu拎走留返第二日食。好彩有叫到咋！味道真❤️唔錯，手指餅唔會有太苦嘅咖啡☕️味，芝士軟滑唔會太膩，令人一啖接一啖，一個人食晒一份都綽綽有餘！
濟州柑橘乳酪
$68
31 views
0 likes
0 comments
🌖濟州柑橘乳酪 $68
造型夠晒特別！基本上每枱都會order 最少一杯～外貌夠搶眼之餘味道又好新奇有趣，一入口有柑橘🍊嘅香甜，突然之間乳酪走出嚟搶一搶鏡，兩者味道不停穿插。
夢幻紫薯牛奶
$48
12 views
0 likes
0 comments
🌖夢幻紫薯牛奶 $48
杯底表面黐滿綿滑嘅紫薯泥，紫薯味非常重。記得飲用前要先攪勻，如果唔係紫薯同牛奶🥛味會非常分離。如想紫薯味更重，可先吸嗓少許牛奶再攪拌，不過記得一兩啖好啦，否則牛奶會變得太濃稠。
Post
