磯野水產

Open Now

Now Closed

朋友的工作過了試用期, 便說著要帶我去吃餐好的慶祝慶祝, 原來是來磯野水產. 店裡枱與枱之間的間隔寬闊, 絲毫沒有擠逼的感覺. 中間的枱用來放工具及濱燒之用, 編排頗有心思. 先上的第一道是沙律沾鯷魚醬, 先打開胃口. 朋友知我好酒, 所以點了這款生蠔用清酒給我, 熟悉清酒的我亦未見過. 清酒的酒體柔順, 酸度高, 不會太重的花香影響蠔味, 入口像白酒多於像清酒, 十分有趣. 店員推介了北九州的下關生蠔, 看殼大隻吸引. 點了6隻一試. 蠔肉雖不夠大隻, 但鮮甜而帶微微海水味, 始終過了產季, 但質素合格有餘. 赤蝦刺身向來便宜又好吃, 這裡的赤蝦鮮甜無雪味, 沒有投訴. 吃剩的赤蝦頭, 著店員拿去酥炸, 更覺香口好吃. 盤子裡奉上今晚的海鮮大餐. 有蝦, 鮑魚, 蜆, 帆立貝, 蟹腳, 龍蝦. 豐富之極. 先上的是磯煮鮑魚而後上的是濱燒鮑魚. 肉質上磯煮較保留原汁及肉質柔軟. 濱燒較乾身但香味更突出, 沾少許柚子胡椒更好吃. 文烚蜆又大隻肉質又柔軟, 裡頭的汁特別鮮甜, 是這晚最愛吃的其中一道. 接著上的清酒及牛油濱燒活帆立貝, 清酒的酒香帶出貝類的鮮甜味. 而牛油則濃郁及香口, 上

之前很多次的紀念日都係食扒或法式私房菜，現在年紀開始大了，胃口少了，又想趁難得兩人晚餐吃小朋友吃不到的食物，所以最近兩次都選擇了日本菜。這次選擇了日本燒。入到去不久，店員為我們詳細解釋餐廳主打濱燒，亦介紹餐牌上其中兩個海鮮拼盆及各海鮮的建議煮法，大部分海鮮都有兩件及兩個煮法，兩個拼盆最大分別是，一個配時令魚(當晚是喜之次，還有....忘記了)，另一款主打龍蝦。我們選擇了龍蝦拼盆然後再加鯛魚、活北寄貝、清酒再加兩個甜品，而每款海鮮我們都選了兩種不同方法處埋。店員首先送上前菜，是蔬菜配鯷魚醬如果我沒記錯的話，醬頗鹹，所以點少少即可。之後會先把所叫的海鮮放到盆上，好讓你影靚相。首先是龍蝦刺身及活北寄貝刺身，兩款都很爽甜接著是磯燒鮑魚，醬汁濃度剛剛好再來原條鯛魚刺身，當晚其實有4條不同的魚可供選擇，其中這款鯛魚適合刺身，我又想吃刺身，所以選了這條燒龍蝦，配餅乾味道剛剛好天婦羅蝦，難得有咁大的牡丹蝦做天婦羅，連埋蝦頭送清酒一流想健康一點，所以選了野菜蟹鍋，無乜味之後還有燒3款貝殼類海鮮，當中以鮑魚及黑松露牛油帶子最好味最後是甜品，兩款甜味都後濃味，適合重口味的朋友。

身痕又想食浜燒野菜配鯷魚醬一路keep住溫度嘅鯷魚醬真係好好味，魚味濃郁，就算啲野菜條食晒，但一刻個鯷魚醬未食完，都唔可以拎走佢！！！和牛他他蓉沙律 ($188)配上羅馬生菜及紫菜，嫩滑嘅生和牛肉入面有青瓜粒、生洋蔥粒及黑椒，用羅馬生菜或紫菜包住食，前者索索聲好爽口，後者都係索索聲不過口感細膩啲；就算我唔鍾意食生牛肉，用呢個方法包住食感覺會冇咁raw，非常易入口金目鯛刺身 ($128)肉色偏紅，輕輕炙過嘅外層必晒啲魚油出嚟，食落有魚油香又夠厚身，好滿足時令活蠔刺身 ($158)比較少食西非蠔，食落好Creamy，海水味唔濃淡，肉身夠肥！北寄貝濱燒 ($198)之前喺樓下食過濱燒北寄貝，超級鍾意！所以訂位嗰陣訂埋要兩隻，煮熟後啲肉吸晒酒味，鮮味更突出，口感爽口彈牙磯野海鮮盛合 寶 ($998)鹽燒葫鯛聽都未聽過呢種魚，大廚用一夜干呢個方法處理，所以條魚嘅鮮味依然非常非常突出，肉質結實；魚皮嘅口感好得意，理論上鹽燒後係應該好脆㗎嘛，但佢偏煙韌，要用少少力先切得開，食落鹹鹹哋，好好味！濱燒白貝肉厚口感鮮嫩，無砂無渣鮑魚分別磯煮及濱燒，前者睇落好深色，但入味得嚟唔會好鹹，呢個主要係食鮑魚嘅軟綿

好喜歡食海鮮，尤其係日本濱燒，所以又來呢間前菜 $30好開胃嘅前菜，雜菜(青瓜、西芹、白蘿蔔、紅蘿蔔、生菜)切成一條條，再點鯷魚醬，呢個醬混合咗沙甸魚同多春魚做成，小小咸香，好好味，一邊食，一邊聽店員介紹當天嘅新鲜食材和牛他他蓉沙律 $188和牛他他配上羅馬生菜同紫菜，嫩滑嘅生牛肉加入咗青瓜粒、生洋蔥粒同黑椒，可以分別放响羅馬生菜或紫菜上面食，兩者口感好不同，羅馬生菜好爽口，紫菜好有食刺身嘅感覺，我就比較喜歡夾紫菜金目鯛刺生 $128厚切嘅金目鯛，肉色白裡透紅，外皮輕輕炙過，魚油出了，好香口，仲有小小炭燒香，時令活蠔刺身 $158來自西非嘅蠔，有些Creamy，海水味淡，非常爽甜，幾滴檸檬汁，提升鮮味北寄貝濱燒 $198之前响另一間食過濱燒北寄貝，一試難忘，今日要再試，白寄貝加入昆布同清酒，北寄貝吸咗酒味，好鮮甜，仲好爽口彈牙又添磯野海鮮盛合 – 寶 $998今次都係食呢個，而今日嘅季節活魚係葫鯛，會鹽燒，白貝就選了濱燒，帶子一隻清酒煮，另一隻牛油黑松露煮、鮑魚就一隻磯煮，一隻濱燒、赤蝦選了天婦羅、蟹加咗$100做粥，鹽燒葫鯛第一次食呢隻魚，用了一夜干呢個方法處理，一夜干係日本北海道漁

我帶咗個朋友去一間我都比較鍾意嘅日本餐廳洗塵，呢間係喺銅鑼灣 軒尼詩道525號 嘅磯野水產。我鍾意嘅係呢度啲水產非常新鮮， 我叫咗個二人套餐再加隻活生生嘅龍蝦和一些小食。一開始佢哋將成盤水產連埋隻龍蝦拿上嚟畀我哋睇。 賣相好靚，最搞笑嘅就係當我地影影下相時，隻食龍蝦突然間飛奔向前， 跳咗出嚟令到我哋嚇咗一嚇，也抱腹大笑。。。赤蝦刺身非常鮮甜，彈口。 個蝦頭攞咗去炸，非常脆口。蝦膏超多好甘香。鮑魚好鮮甜，不用汁也好好味。佢有兩種食法，一種係磯煮， 不太鹹並帶點甜味。第二種係濱燒， 口感有點乾但係鮮甜度並不減弱。味噌蟹甲羅燒， 即係燒蟹蓋。超好味! 佢哋將蟹膏用火燒熟， 並且以青瓜配襯一齊食。又香又甜又惹味，食完一份真係好想再食第二份!活帆立貝濱燒，加埋啲牛油醬汁，又彈牙又可口。 牛油和帆立貝真係絕配!最值得一提就係個活龍蝦刺身同埋甲羅燒龍蝦頭。 刺身鮮甜唔使講。最有賣點就係佢哋嘅甲羅燒龍蝦頭。 醬汁，龍蝦膏再加少少龍蝦肉一齊真係絕配! 好好味啊!最後佢哋嘅番薯雪糕非常香甜，令我諗番起以前喺北海道食嘅日本燴番薯。呢間餐廳真係非常值得再來。雖然價錢有點貴，但係物有所值，我會再來。