Bamboo Thai (如心廣場一期)

Open Now

Now Closed

早排一家三口出街經過如心1期見好耐冇食過泰國菜望落Bamboo Thai個環境都舒服，餐廳以木同埋竹嚟到做裝潢，而且寬敞，岩晒我地呢d推住BB車嘅人食😂即刻決定就入去食野，點知喜出望外🤩今次我哋叫咗以下幾樣嘢沙嗲雞串燒(5串): 串燒嘅雞肉口感香滑，沙嗲醬香濃，有椰香味得來又散發花生味，配合得非常好👏🏻火山排骨(小): 招牌菜選用豬頸骨，啖啖肉，容易拆肉，份量好多！味道方面啱啱好，泰式香料非常入味，青檸蒜汁非常開胃❤️飛天通菜: 火候控制得啱啱好，唔會太老，炒得非常惹味，唔會太辣岩晒我口味👍🏻泰式火車頭和牛炒飯: 非常足料嘅炒飯，和牛口感非常好，唔會太過油膩，炒飯都粒粒分明❤️椰子雪葩(2球): 椰子味香濃，味道清新👍🏻食完飯用嚟中和返岩岩好，雪葩入邊仲加左椰子乾增加口感，真係好好味😍飲品我就揀咗九層塔青檸梳打，老公就揀左泰式奶茶🥤整體而言，呢間泰菜既食物質素真係高～而且價錢都算親民👍🏻 CP值幾高❤️非常值得一試❤️題外話，餐廳所有職員都超級Nice呀女係咁同d staff打招呼同派飛吻😂

🕖時段-星期四夜晚之前經過餐廳見都多人等 所以預早幾日book枱 當日7點幾到已見到有啲人係門口排緊_▫️火山排骨(小) $138呢個係餐廳最出名推介既菜式 嗌左細份試 點知一上都幾大份 有5-6大舊排骨 疊到成座山咁⛰ 上菜時比埋 濕紙巾 膠手套 🧤一開頭就咁食覺得無咩特別 原來要自己點碟個湯汁(可能啲煮個時啲肉唔夠入味?) 配埋個汁香口好多！面啲肉好淋 但入面真係要有心機拆同"損"骨😂食落唔算辣 整體係幾好食但無好特別驚艷🤭可能期待過高了_▫️清新柚子蝦沙律 $78menu得兩款沙律 都幾足料同多蝦🦐_▫️芒果糯米飯 $78冰凍椰子雪葩🥥 配熱辣辣既糯米飯🍚 芒果夠甜🥭 portion唔大 4人食一人得一兩啖 啱做飯後甜品 如果多啲椰汁就更好😗_🍽環境4人卡位幾闊落舒服 餐廳當日8:45pm last order, 9:30pm就話閂門要離開 雖然係足夠時間食 但就好似想坐多陣傾下計都唔得咁

Bamboo Thai 🥰泰國🇹🇭CP值超高火山排骨近排小編約咗朋友去荃灣行街街，經過見到呢一間泰國餐廳，之前已經有好多foodie推介過佢嘅火山排骨所以就入去試吓啦🤣黃金蝦餅$75有四舊，蝦餅炸得香脆，而且蝦肉爽彈🧡幾鍾意佢嘅醬汁，有少少似冬陰功嘅調味，酸酸甜甜非常醒胃😍大蝦🍤米紙卷$68同樣份量都係有四舊，有一隻蝦喺入面，配菜有青瓜絲🥒甘荀絲🥕同埋米粉🤣食落好爽脆清新👍🏻個人認為如果有埋少少水果喺入面就更加好啦🤭火山排骨（小） $118CP值超高之選😍首先視覺效果非常震撼，排骨真係好多‼️成座山咁‼️調味方面比較酸，排骨軟淋入味，每一舊都有好多肉同埋連住少少根🧡同以前喺泰國食嘅味道一模一樣😍而且份量非常多，絕對夠三個人分享食都得🤣泰式大蝦炒金邊粉$112係一個質素正常嘅金邊粉，不過佢嘅大蝦🍤真係好大隻同埋爽彈😘環境方面，餐廳裝修好有泰國特色，而且座位寬闊有唔少嘅卡位坐，所以都坐得幾舒服😘總括然而，小編認為火山排骨真係一個必點嘅選擇！CP值非常之高，今次點左四樣嘢食買單都係$400左右，所以絕對係聚會穩陣之選🤣 Bamboo Thai (如心廣場) (荃灣)荃灣楊屋道8號如心廣場一期1樓

行過如心廣場，本來想試吓非常出名嘅段純貞牛肉麵，但望見門口嗰條早早出現嘅超長人龍，唯有放棄呢個念頭，轉戰呢間同樣人氣旺盛嘅泰國菜，門口有得拎飛，行一陣街返嚟就差唔多可以入座。餐廳食物選擇唔少，仲有啲比較少見嘅菜式，例如黃薑脆炸魷魚、招牌冬陰雞翼、泰式紅咖喱魚餅同火山排骨之類，而且價錢唔貴，嗌多幾個小菜都唔會肉赤。魚餅一客四件，加入紅咖喱同泰式香料，香口彈牙，配上酸酸甜甜嘅泰式醬汁，非常開胃。冬陰公湯酸辣醒神，香料嘅味道亦夠重，而且材料豐富，非常抵食。見幾乎每枱都有嗌呢道火山排骨，當然要湊下熱鬧，一上枱果然氣勢十足，份量超大，細份嘅都足夠三四個人分享。排骨每件都大大件，煮到夠哂軟腍，配上特製嘅酸甜醬汁同大量蔥蒜，惹味開胃。泰式大蝦炒金邊粉份量雖然唔算多，但炒得乾爽夠火候，大蝦亦可口彈牙。先生食泰國菜一定唔少得青檸梳打，加入九層塔取代一般會用到嘅薄荷葉，令到成件事更加泰式，清爽解渴。玫瑰黑糖薑茶係我嘅至愛，香甜暖胃，最適合飯後慢慢嘆。餐廳嘅食物質素唔錯，而且夠晒創新，價錢亦合理，加上舒適嘅環境同優質嘅服務，係享受泰菜嘅好選擇。

呢間在荃灣新開咗分店的泰國餐廳真係超多人幫襯，由於已暫時停止預約，晚餐拿籌號後等咗 1 小時先可以入座！因為知道這餐廳供應的不是一般的泰國菜式，我和小夥伴們入座前已經想好咗心儀的 dishes, 我哋 order 咗以下呢啲美食：火山排骨(小): 係 signature dish, 雖然係 small size ，上菜後發覺都幾大碟，啲排骨堆到火山咁，相當有氣勢！ 🌋🌋🌋 醃過啲排骨酸酸辣辣的，挺入味！ 而且口感軟腍，啲肉不費吹灰之力就輕易咬開，淋上充滿葱和蒜蓉的酸辣汁，真係好美味，果然名不虛傳！ 🤤🤤🤤泰式紅咖喱魚餅： 熱辣辣上桌，魚肉很爽口彈牙，最精彩的是食落真係有紅㗎喱味，必吃推介 😋😋😋軟殻蟹米紙卷： 呢個真係可以用外冷內熱嚟形容，煙煙韌韌的半透明米紙裹著青瓜、紅蘿蔔，再配上金香鬆脆熱呼呼的軟殼蟹，口感一流！ 🥒🥕🦀泰式火車頭和牛炒飯： 啲炒飯粒粒分明很有嚼勁，和牛肉份量都幾多而且很 juicy 又肉質鮮嫩，味道香濃！ 👍🏻👍🏻👍🏻馬拉盞通菜：這道通菜是很有水準的，菜很嫰綠，很入味！ 作為一個通菜控都可以把其放到較後位置先講，就知上面介紹嗰幾個 dishes 有幾 yummy!

非一般泰菜！好有驚喜嘅新派菜式...泰好食...食完已經想再食😜卡位私隱度高😎座位好舒適！服務質素好仲好有效率！讚👍🏽兩個人叫咗：泰式肉碎生菜包🥬：每逢食泰菜都係必點！豬肉碎炒香加上微微辣的確好惹味😋呢度仲有配埋脆咯咯豬皮夾埋生菜一齊食，口感豐富我鍾意❤️清新柚子蝦沙律 🥗：同個名一樣好清新😜超多柚子，啲柚子又甜勁多汁！大蝦配埋索晒味嘅木瓜絲，好味道😋泰式火車頭和牛炒飯🍚：味道會濃味啲但啱哂我口味，和牛夠哂多，肉嫩一啲都唔韌👍🏽火山排骨🍖：全晚重中之重就係佢啦🤩🤩一入到餐廳見到枱枱都有一碟，一定係招牌菜啦！果然係有原因...堅係好好食💯酸酸辣辣嘅汁加上大量葱茜蒜，排骨炆到好淋好入味，唔洗用力就已經離晒骨，開胃又唔油膩，完美🤗我哋叫咗細size都係$118，上菜以為係大size添！好鬼抵食😬😬

一直都好想食火山排骨！今次終於拉到朋友一齊試試！餐廳樓底高，卡位舒適。泰式紅咖喱魚餅 $68泰式魚餅彈牙無腥味，淡淡紅咖喱香，調味恰到啱啱好，唔會過鹹。當中有粒粒爽脆食材，增添口感。旁邊酸酸甜甜既醬汁有啲似醃蘿蔔嘅味道，加埋爽口既醃蘿蔔絲，作為前菜相當開胃。泰式大蝦炒金邊粉 $112金邊粉麵質唔會煮到好軟爛，食落幾有咬口，亦唔會炒得過濕。就咁食會覺得味道偏淡，當加埋旁邊嘅花生碎、辣椒粉同青檸，酸辣開胃。芽菜爽口，蝦大隻肉質彈牙。泰式虎蝦檳榔菜包 $88有驚喜！檳榔菜中包有Caramelised coconut、薑、柚子、虎蝦，酸甜交織，香口清新，略嫌檳榔葉有啲鞋口。火山排骨（小）$118雖然係小既火山排骨，但上枱個下相當震撼，份量超大！餐廳好貼心咁提供左手套，直接用手食真係方便過用筷子好多！仲好爽添！排骨肉質軟腍唔柴，醬汁酸酸地 好開胃，仲好香蒜味。食下食下發現骨既比例較肉高，所以兩個人都唔洗怕食唔晒！椰林飄香 $42沙冰消暑解辣一流！淡淡椰奶同菠蘿香，少甜左之後甜度啱啱好。玫瑰黑糖薑茶 $42薑茶微辣暖胃，唔會太濃太辣，相當容易接受。薑茶中加有粒粒玫瑰，飲落淡淡花香。

來到荃灣西才發覺好吃的真多！今天就吃個泰國菜吧。泰式生蝦刺身（$148）是吃泰菜必選，生蝦刺身共八件，配上辣椒、蒜頭及醬汁真好吃！軟殼蟹米紙卷（$88）比較少見，軟殼蟹香脆，被脆口的蔬菜及軟腍的米紙包著，配上醬汁，口感味道都很豐富呢！火山排骨（小 $118）非常澎拜，一大堆排骨！很驚喜的是醬汁/湯底酸酸甜甜，很是開胃入味，排骨又煮得軟腍入味，推介喔！招牌蟹肉臘腸炒飯（$128）看似簡單，味道豐富又足料，兩個人輕鬆吃完！龍眼椰子冰（$42）足料，就是略甜。紅豆珍多冰（$42）同樣足料，也不錯呢！店員有禮，桌子之間隱私度高，食物質素也很好呢！

實在太耐無約朋友聚下了。今日難得放假，就約咗個老朋友，兩個去荃灣食個chill lunch，跟住行下海之戀嘅DonDon。如心廣場嘅Bamboo Tai開業無耐，已經好多人幫襯。不論餐廳環境、食物質素同價錢都非常之好。宜家就等小弟講下我地食咗啲咩啦。泰式生蝦刺身生蝦刺身好新鮮，好傳統嘅做法，配一片蒜片同一片辣椒片，再加埋汁醬，令蝦嘅味道更鮮味。冬蔭公唔好膠睇佢細細碗，材料都非常多，大蝦、草菇、雜菌等等。湯嘅味道非常鮮甜，酸酸甜甜、再加少少辣，飲完依個冬蔭公，夠哂醒胃。火山排骨(小)打卡必點嘅店鋪招牌菜。店舖好細心，附埋手套俾食客。用手拎住一件件骨咁食當然最滋味啦。唔想用手食，其實一樣可以。因為肉煲到腍哂，好容易就可以骨肉分離。豬肉配埋酸酸甜甜嘅湯汁食，非常之好味。招牌蟹肉臘腸炒飯蟹肉撈埋臘腸，原來都好match。炒飯嘅菜係幼露荀。用露荀嚟炒飯確係好少見，但出奇地好味。