Brick by Brick

Open Now

Now Closed

雖然隱藏係蘇豪區嘅小巷入面但都有好多人發現到佢🙈🙈夜晚9點去食都好多人✿ 秘製馬來西亞咖喱喇沙湯麵配雜錦海鮮 $132 ✿上枱就比滿滿嘅芽菜同海鮮震撼左🦐🐙🦑入面配料仲有溏心蛋 豆卜 啲湯嘅味入曬去 好正🥹佢嘅面底係摻摻 份量好夠 2個人都夠食✿ 火熱砂煲肉骨茶 $165 ✿原個砂煲上 黎到嘅時候仲係煮緊🔥好香濃嘅藥材味 入面仲要係用豬軟骨食嗰陣唔會有細骨 好貼心☺️☺️除左湯入面嘅豆卜 菇同生菜 佢亦配左油炸鬼同蒜香米餅✿ 脆炸梅子一口炸雞 $112 ✿個雞炸得好香脆唔油膩(⁎⁍̴̛ᴗ⁍̴̛⁎)熱辣辣嘅炸雞 配上梅子粉 同泰式辣醬酸酸甜甜好開胃🤤🤤食物份量好足 2個人好夠食😌店員服務好好 舖頭仲有2隻狗狗🐶可以同佢哋玩😍餐廳11月5號就要結業了‼️疫情一路走來都不易 快d去支持一下啦🥲💪🏾希望將來係另一個選址可以再見❤️

放假去中環食lunch，見到呢間好有心思嘅小店，就去食下。❣️喇沙、肉骨茶全部係自家製，真材實料唔會落味精，食到食材嘅真正味道❣️餐廳好細心，店員服務好好，令人好舒服❣️特別推介肉骨茶配上嘅蒜泥！🍲火熱砂煲肉骨茶$165（必點！）- 係馬來西亞x新加坡風味，砂鍋滾著上，熱辣辣飲落去好舒服- 入面嘅肉煲到好淋香，帶有微微甜香，唔會死濃，仲好多菜，感覺好補身健康- 必食肉骨茶附上嘅蒜泥，係餐廳特別調配，加濃個肉骨茶之餘，味道更惹味🍜珍寶大蜆拼海蝦喇沙 $142- 喇沙同樣係自家調配，湯底吸曬海鮮甜味，多蜆得來蜆肉飽滿鮮甜，湯底濃香微辣，幾正！🥚秘製酒香溏心蛋$42- 整到入味，酒香味夠濃🦪日式吉列炸蠔$116- 炸皮夠脆，入面蠔肉香口。肉骨茶同喇沙都幾出色，有機會會再來！

-{中環馬拉菜🍜}🤤秘製馬來西亞娘咖哩喇沙湯麵🤤 ($102)嗌左鱻魚三寶😍最鐘意魚腐肉🫡另外隻蛋都係流心的☺️麵底係摻摻軟硬適中😛個湯重香料味多啲😜唔錯嘅☺️👖褲評: 8/10🤤 啤酒煮青口配蒜蓉包 🤤 ($208)個汁偏甜 之後有啲酒味出黎😉肉就幾實淨 而蒜蓉包硬啲 重蒜味嘅同埋好多塊😂👖褲評: 8/10🤤 火熱砂煲肉骨茶 🤤 ($158)一定要落埋蒜泥！啲肉好腍中間夾左好多軟骨😙而豆卜都汲湯 但可以再重味啲🤓👖褲評: 7.8/10位置係小巷入面～野食最鐘意喇沙😝而店員都好細心介紹每款菜式☺️性價比: 7.5/10服務: 8/10環境: 7.5/10🚩 Brick by Brick 🚩地址: 中環士丹頓街21號地庫#fuudjai #fuudjai中環 #fuudjai東南亞菜

同事介紹放Lunch過來食，餐店雖然在半山上斜，但沿天橋中環至半山自動扶梯直上，好輕易到達。店子地方不大，外觀與西餐廳無異，但原來有馬拉野食的。午市主打馬來西亞喇沙及肉骨茶，亦有日式丼飯。秘製馬來西亞咖哩喇沙湯麵(珍寶蜆配大蝦) $143湯底味道微酸辣且芳香，有別於其他偏重椰奶味，飲落醒胃，麵底係摻摻麵即油麵溝米粉，加埋芽菜口感豐富。好多珍寶蜆好鮮甜，大蝦亦都新鮮彈牙，配料仲有好索汁的豆和半隻溏心蛋，正。火熱砂煲肉骨茶 $128上枱熱騰騰的，好香藥材味，湯味濃郁易入口隔晒油，湯汁下飯好好味，無味精添加，飲得健康養生。主角肉骨用了豬軟骨取代一般的排骨，骨肉好淋可以連骨食一煲清底，砂煲保持熱度，食完暖身，冷天食更正。仲有好多海鮮菇、金菇、生菜、油炸鬼和的豆卜。檸檬薏米水 +$25薏米水祛濕清熱又健康，加了檸檬汁味道就無咁寡。桔仔話梅梳打 $25醒神開胃又好飲。

曾經喺馬拉食過碗肉骨茶，甘香回味令人念念不忘💗喺香港雖然有好幾間標榜無限添飲，但一直食唔番嗰種味🥺估唔到喺中環Soho區嘅小巷入面，小店「Brick by brick」竟然搵得返呢種正宗味道🥰.🍴火熱砂煲肉骨茶🍖💰$128以砂煲熱辣辣呈上🔥呢度肉骨菜偏向馬來西亞口味，藥材與豬肉巧妙地結合，味道清香甘甜☺️以慢火經多小時熬製嘅豬軟骨既入味又軟嫩，肥瘦恰到好處，沾埋秘製蒜蓉醬簡直一絕🤤跟餐仲有個飯，肉骨茶下飯一流，食完個人即刻暖笠笠😚同埋肉骨茶亦有去濕作用，適合回南天時進食，夠養生😎.🍴秘製馬來西亞湯麵 配 脆炸梅子一口雞💰$88有別於外面較重椰奶味，呢度嘅喇沙湯頭比較清新輕盈🍀由於湯頭用新鮮蔬菜每日熬製，喇沙帶蔬菜鮮甜味😙另外唔會好辣，食唔到辣嘅朋友都可以食到😌炸雞外皮酥脆內裡肉質嫩滑，加上灑上梅子粉嘅關係，酸甜味立即提升食慾😋.☕️話梅桃膠羅漢果水💰跟餐加$25好香話梅味得來又帶羅漢果嘅清甜味，底下仲有滿滿嘅桃膠，啱哂鍾意食桃膠嘅🐻.🍵檸檬薏米水💰跟餐加$25檸檬薏米水健脾去濕，啱晒而家飲👍🏻唔會好甜，夠健康.小店由兩夫妻經營👩🏼‍🤝‍👨🏻，老闆娘積極與客人互動，主動介紹每一款食物嘅特色🍽

中環 lunch食飯真係好多人🙉 有時行遠啲去Soho搵食 訂埋位唔駛等😌呢間位置有啲隱蔽🤫 但係小店出品非常用心😍 感受到呢區難得嘅誠意💕菜式亦比較特別 有馬來西亞菜食‼️ 亦都有西餐~ menu會不定時更換😌❣️火熱砂煲肉骨茶 $128好開心係豬軟骨唔係排骨 好多肉食又有骨膠原😉砂煲上保溫 呢個建議share會更開心⁽⁽٩(๑˃̶͈̀ ᗨ ˂̶͈́)۶⁾⁾配料係豆卜同好多菇 仲有油炸鬼 超脆勁索湯‼️最癲係店員介紹呢個湯佢哋隔晒所有油 超有心機 真係一滴油都唔見😨 藥材味幾補又唔會感覺燥熱🥰❣️秘製馬來西亞咖喱叻沙湯麵 配脆炸梅子一口雞 $88呢個真係抵食🤤 店員話叻沙係吉隆坡煮法 湯底用左比較多菜 飲落比較清 辣度低 令人一啖接一啖♡︎(°´ ˘ `°)/ 麵底原來係摻摻 麵同米粉都有👍🏻 雙重享受🤣一口雞有成五件 應該用梅子醃咗 酸酸地肉亦都比較鬆軟 有啲似台灣夜市嘅鹽酥雞😍呢個天氣食到一碗暖暖嘅麵仲要咁足料 真係滿足🤤❣️話梅桃膠羅漢果茶❣️泰式香茅班蘭葉薑茶健康特色又好飲 香茅茶好似做完Spa會飲果種😛桃膠好少見 好養生 食完成餐都仲感覺好 light✅

𝐒𝐎𝐇𝐎區既馬來西亞菜🇲🇾酒吧餐廳🍻🍽一諗起💭馬來西亞野食🇲🇾🥢喇沙🍜 • 肉骨茶🍲一定走唔甩啦~•~•~•~•~•~•~•~•~•~•~•~•~•~•~•~•~•~•~• ▪火熱砂煲肉骨茶 Signature Malaysian Bakuteh ($128)砂煲上🍲，上枱個時仲滾緊🔥比平時食到既肉骨茶唔同💁🏻‍♀️唔用🙅🏻‍♀️一字排，用豬軟骨🐷熬𝟐-𝟑日先用，夠晒淋🧏🏻‍♀️(雖然叫🐖豬軟骨，但平時出面食有𝐝位都係硬，唔夠軟，但依到夠軟可以成舊清👏🏻)入面仲有豆卜 • 菇菇🍄最細心💕位係大廚👨🏻‍🍳會撇左湯面層油先出菜。藥材香味夠濃，但唔難入口，餐廳仲講明無味精😌另外配有💁🏻‍♀️脆脆油炸鬼 : 可以點湯🥢秘制蒜泥醬 : 好正，點豬軟骨肉一流🧄本身係配白飯🍚，不過我想食米粉，餐廳都好好俾我轉🤍.▪秘製馬來西亞咖喱喇沙湯麵 • 惹味肥牛堆 Spicy Beef Short Plate Curry Laksa ($98)辣醬膽係餐廳👨🏻‍🍳自己炒🌶講明🙅🏻‍♀️唔會額外加糖，有甜味係用左好多蔬菜🥬而且佢地係馬來西亞🇲🇾既喇沙，椰奶份量比較少🥥所以食完，飲埋湯都唔會好滯🙆🏻‍♀️米粉🤍同油麵💛兩溝本

餐廳：Brick by Brick地區：中環地址：中環士丹頓街21號地庫日期：30/10/2021時間：13:15人數：2人 等位： 0mins 秘製馬來西亞咖哩喇沙湯麵: 叻喱喇沙湯底味道香濃又唔會膩，亦都唔會太辣，米粉熟度剛好，搭配索晒湯汁嘅豆卜、芽菜食，簡直一流！😋另外佢嘅喇沙仲有多隻溏心蛋，都幾正🤩脆炸梅子一口雞：即叫即炸，表面上有少量孜然粉加埋梅子醬做適量調味，食落熱辣辣又香脆🤣火熱砂煲肉骨茶：依個肉骨茶真心厲害！👍🏻個湯底藥材味道濃烈同幾重白胡椒味，連本身唔太好藥材味嘅我都覺得好正好好味😋豬軟骨入口唔洗咀嚼太多就化開，而且有滿滿嘅金菇、豆卜，搭配勁脆嘅油炸鬼同白飯食，真係健康又滿足🥳話梅桃膠桃羅漢果茶：話梅、羅漢果味好出，飲落覺得好開胃好養生😂泰式香茅班蘭葉薑茶：無糖製作，淡淡嘅薑味，飲落非常清爽！另外店主話Menu會不定時更換，亦介紹咗幾款炸物比我哋試，有多春魚、紫薯、蠔，都係即叫即炸，啱晒平時happy hour食呀！

好多餐廳話自己隱世，因為本身位置偏僻，而呢間 #Brickbybrick 就真係隱蔽，因為地址寫士丹頓街，但實質喺俊榮里入口。小店對住公園，雖然喺中環區但好安靜，有避世嘅感覺，不過行兩步就去到中環電梯，好方便。老闆娘推介肉骨茶，佢話好多人以為肉骨茶冬天先啱食，其實夏天都要補，成日飲凍嘢、濕重嘅人食返個就最啱啦！另外仲有可以配唔同配料嘅喇沙，同樣都係心機之作。火熱砂煲肉骨茶 $128肉骨茶以砂鍋上枱，保持熱度之餘，香氣撲鼻，以藥材同大量蔬菜熬製嘅湯頭香濃帶鮮甜，後勁有白糊椒嘅微辣。特別以豬軟骨代替一般排骨，避免骨碎影響口感，非常細心。一煲有4-5舊，入味得嚟軟骨都好淋身，記得蘸蒜泥醬同吃，配菜有菇菌、豆卜同生菜，配一碗白飯，吃罷超滿足！唔好錯過油炸鬼，浸一浸湯即刻食得。秘製馬來西亞咖喱喇沙湯麵配雜錦海鮮 $108香港好多喇沙店，不過好多人都唔知分好多版本，咖喱、亞參、東海岸等等，唔同款式風味略有不同，而小店就炮製咖喱喇沙版，味道上咖喱味重啲，椰味少啲，入口辣度好舒服，唔會太膩，同米粉、油麵好。材料方面，有多款海鮮，青口、蝦、帶子、墨魚仔等等，全部都帶海鮮鮮味，好滿足。話梅桃膠羅漢果茶話梅