Prime Pho (Moved) New Location

今日去左中環果邊行街，行完就係周圍搵野食，有朋友推薦過一間越南菜，話好好食，所以我地就去試下。Prime Pho 嘅鋪位唔算難搵，入到去發覺坐位唔多，同都坐滿咁濟。我地選擇左坐卡位，因為唔洗等。喱到嘅環境都好有格調，好似啲cafe咁。我地點左喱到嘅招牌菜，招牌Pho 特別同埋火燒牛腩撈檬，仲叫左兩個小食，分別係跟餐叫嘅自家製雞肝蜜糖多士同另點嘅牛油雞翼（因為我比較鐘意食雞翼，另點分量比較多，有五隻，跟餐加點得兩隻）。 野飲我地就點左特色檸檬茶同芫荽特飲。首先上嘅係野飲，個特色檸檬茶都幾特別，唔同我地平時係茶餐廳飮到果D咁，佢係用青檸整嘅，仲有D柑桔味，酸酸甜甜咁，幾開胃同幾好飲!!而我男朋友點果個芫茜特飲，我就飮左一啖，因為我本身唔鍾意芫茜，但我都覺得幾清新，男朋友就好鍾意，佢覺得好fresh。等左一陣，終於上main course 啦!!!! 係bar 枱見到廚司即叫即整(連雞翼同多士都係)，都覺得D野食一定好新鮮。首先上左招牌PHO特別，其實即係雜錦牛肉湯檬: 有生牛肉，牛腩片，牛脷，牛筋，牛柏葉，牛丸同扎肉，仲有蘿白。個湯底勁鮮甜好夠味但唔會太咸，D料真係不得了，好好味!!!!

這間越南餐廳是位於中環擺花街的一間小店，餐牌亦好簡單得一頁，發現原來非常抵食，凡叫牛肉粉或撈檬都可以跟餐追加小食同飲品，咁我地就可以叫多幾款小食試試～太正了我見到這裡用的牛肉是美國prime級，平時去火鍋店食價錢都好貴，所以一定要叫下，就叫左牛腩片湯河（$78）同埋火燒牛腩撈檬（$68），牛腩片湯河落左好大量莞茜，好香，蘿蔔好甜好大舊，有幾片prime牛肉，好有牛味，每塊都幾厚，好軟熟，肥膏唔多，食落入口即融，好鬆化～另一火燒牛腩撈檬都好豐富，有芽菜、莞茜、蒜香粹、生菜、酸蘿蔔，這裡的撈檬醬汁是特製，比出面的酸d又濃味，還有主角燒牛腩，牛腩的表面應該是火炙燒過表面，燒過的牛腩甜甜的，唔同的口感，同樣美味～跟餐叫左特式奶茶（+$9）同青檸梳打（+12），特式奶茶原來是越式拉茶，很好飲，濃濃的茶味伴著奶香味，又不會太甜，而青檸梳打是有青檸和薄河葉拌著，味道很清新～小食每款都想試試，所以還是都是跟餐叫好，叫左（+15）牛油雞翼、（+15）越式炸春卷同（+15）自家製雞肝蜜糖多士。牛油雞翼的外皮炸得脆卜卜，鎖住雞肉肉汁，味道不錯。越式炸春卷可以包埋生菜和酸蘿蔔一齊進食，更加美味。自家製雞肝蜜糖