牛気 (希慎廣場)

Open Now

Now Closed

天氣突然轉冷，同男朋友異口同聲咁想去打邊爐！好耐都無食餐好！於是男朋友話不如去食任食日式火鍋！🤤我地揀左極試美國牛小排個個set, 加左$20轉七龍珠湯底！一入到去，坐底後待應話可以出去拎火鍋配料！😇d火鍋配料都幾高質！唔係普通凍肉舖買到既丸！最愛黑色既墨魚丸同麻辣丸！其他菇菌同菜都洗得好乾淨同新鮮🥂另外仲有沙律，日式前菜同甜品！講返個湯底！本身都唔知有七龍珠湯，係待應話剩返兩個，問我地會唔會試下！竟然個湯底味唔濃好清淡下！個鍋本身跟好多菜！食菜先都岩，因為碌左牛之後湯底就會變得肥！之後就食牛肉啦！牛小排切得好薄，食落好淋，一d都唔韌！不過第二轉既牛肉就多肥d!本身想飯後食個奶凍，可惜中途已經無曬，唯有試下佢個雪糕！雪糕唔夠奶味，有的似雪芭！

牛気是我比較喜歡的極上靚牛火鍋放題專門店，印象是材料上盛，物有所值。任食火鍋放題當然好，不過價錢一般比較貴，而且有時會覺得heavy左。牛気最近在銅鑼灣希慎廣場14樓又開新店，路過發現午市火鍋放題認真超值抵食，價錢唔算貴，亦都唔heavy，當然要試一試。新店地方寬敞，佈置依然典雅，環境舒適，坐得舒服。午市精選套餐60分鐘自助放題由$88起(平日$78)，有6款牛肉和海鮮配搭。此外亦有七款不同湯底選擇，有北海道昆布湯、番茄濃湯，三文魚味噌湯、昆布辛口地獄湯、韓式辛味泡菜湯、博多豬骨湯和壽喜燒。午市套餐由A餐到F餐，選了個經經濟濟B餐美國牛肩肉($108)(平日$98)，其他套餐有美國豚腩肉、嚴選澳洲和牛、極上美國牛小排、特級美國豚腩和極上海鮮套餐(大海蝦、青口、帆立貝、廣島蠔和魷魚)等。除了套餐肉類限量供應外，其他自助火鍋配料及大堂食品/飲品，無限量供應，任君選擇。另有各式醬油可自行配搭。套餐B限量供應的美國牛肩肉，色澤鮮紅，牛味充沛，肉質嫩滑。其他火鍋配料有墨汁墨魚丸、韓式年糕、白魚蛋、爆濃芝士丸、章魚丸和餃子等。墨汁墨魚丸十分爽口彈牙，其他丸類亦都不錯。蔬菜火鍋配料既新鮮，而且款式甚

約咗個舊朋友食飯，知佢喺食肉獸，亦都算識食，所以，諗過一喺食日式燒肉，一喺食日式涮涮鍋，仲要揀放題嗰類，因為，睇朋友身形就知幾擦得吓，放題點食都喺一個價。天氣轉涼，燒肉又比較熱氣，最終，一行3人就選定希慎嘅「牛氣」，貪其水準有保持，食材選擇多。入到餐廳內，原來地方幾大，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。我哋被安排坐得較入嘅卡位，更靜侷，方便我哋傾偈。晚市有多種套餐選擇，由$178-$378，視乎所揀嘅肉類級數，以及有無配海鮮，餐內全部肉類或海鮮無限制添加任食，當然大前提喺唔好嘥嘢啦，其他配菜、飲品、甜點自助放題食邊款套餐都包，唯一注意同枱所有人要點同一價位套餐。本應喺90分鐘放題，依家中價嗰兩款就加時到120分鐘，而最貴嗰兩款就更加不設限時。既然難得咁耐無見，就梗喺揀款無限時嘅「極上澳洲和牛+海鮮」（$378+10%）慢慢嘆，並滿足友人識食嘅要求。論到涮涮鍋，先介紹吓有咩湯底，分別有7款：北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色。原來，依家仲可以加$10變成鴛鴦湯底，划算到