糖水檔1987

Open Now

Now Closed

細個嘅時候父母曾經帶過我去佐敦食糖水檔🫢 呢日好想食返當時童年嘅滋味 就同哥哥嚟回味一下☺️ 原來而家已經係第三代嘅甜品舖啦自家製XO醬炒蘿蔔糕見到人人都嗌呢一款食物 我地又跟風試吓先😝 呢度嘅XO醬真係好惹味呀 我地已經冇另外加辣 但都有返咁上下辣㗎喇 仲有蝦米喺入面🫢 呢度嘅炒蘿蔔糕都幾大份 仲配埋炒芽菜 平衡返XO醬嘅辣味貝兒公主即係楊枝甘露配椰果 蘆薈 我地再額外加咗日式小丸子 楊枝甘露本身已經好豐富 有西米同碌柚肉😝 我覺得加咗蘆薈感覺更清新 咁多配料一齊有多種層次😉 日式小丸子好煙韌 係我好鍾意嘅質感😍灰姑娘呢個就係生磨芝麻糊配燉蛋白 呢個懷舊甜品好有驚喜😳 個芝麻糊好滑 而且稠杰度剛好 同底下嘅燉蛋白一齊食 好養顏☺️ 燉蛋白有少少甜甜地 令人忍唔住一啖接住一啖咁食 呢個甜品我仲額外加芝麻湯圓 入面嘅芝麻餡料好多 好似要流晒出嚟咁😺擂沙可可面頭灑滿咗可可粉 煙韌嘅外皮入面原來係芝麻湯圓😮 芝麻同可可嘅味道出奇地夾 真係想嗌多一份嚟到第三代嘅糖水檔 坐得更舒適 但又保留到少少懷舊感 真係幾唔錯👍🏻 尤其係食物質素保持到水準 去完西九龍文化區過嚟食就啱晒😙 因為就係喺柯士甸站附近

小店正正係柯士甸同佐敦交界，小店前身係間已經開30多年的糖水舖，依加交由兩人接手繼續經營。店內裝修保留住舊式糖水舖既簡單風格，位置唔算多，不過好岩朋友小聚。 ⦁XO醬炒蘿蔔糕 $36XO醬好多蝦米微辣，仲有好多芽菜，食落好香口。 ⦁吉列炸香蕉 $32切塊香蕉🍌一共六粒，外皮有層薄薄的吉列炸漿，入面就系啖啖香蕉果肉。加上係即叫即整，熱辣辣，好惹味！ ⦁豉油王炒麵 $26尼個炒麵份量好多，一樣都係大量芽菜，但唯一同出面唔同，就係加左乾既辣椒粉，可以調配大中小辣，比較平時既辣醬勁加香口。🌶️食辣必加乾辣椒粉‼️ ⦁桃膠木瓜雪耳 $38尼款簡直係我秋冬必點既甜品之一，木瓜鮮甜多汁仲大大粒，而桃膠雪耳夠晒養顏！ ⦁灰姑娘 $39聽到灰姑娘，就關黑白色的事。就系芝麻糊mix燉蛋白，蛋白滑嫩香甜，而芝麻糊磨得粗幼適宜，食落又唔算好甜。✨建議熱食！ ⦁芝士撈麵套餐 $59如果想再飽肚d，可以叫埋佢地果麵餐。我就揀左芝士撈麵，佢唔係印尼撈麵加芝士，而系好似韓國果種芝士麵帶點辣。果餐仲配埋小食同飲品，煙燻鴨胸味香唔油，而杞子菊花茶甜度適中！

就嚟放幾日連假夜晚去玩食番個宵夜先夠滿足🤣呢間小店唔只可以食糖水 仲可以食熱食前身係做左35年嘅糖水鋪最近有年青人接手老店 加入熱食夜晚唔食甜野都可以黎同朋友聚腳🥳揀熱食 炸物 小炒 麵食👏🏻小店面積唔大裝修同食物都有一定水準👍🏻.🌟灰姑娘 $39糖水改嘅名都好得意😆仲有啲杞子做點綴賣相吸引芝麻糊磨到好細滑芝麻糊中間有陣陣蛋白既甜味❣️底層有燉蛋白配合，質感夠滑💕好香蛋味 冇比芝麻糊蓋過食完都唔會好膩一黑一白有好大對比食落兩者配合得宜👏🏻好有驚喜❤️超推薦💯.🌟XO醬炒蘿蔔糕 $36蘿蔔糕每舊都一口size方便食用XO醬炒到好香😍份量亦好多每件蘿蔔糕都沾到XO醬好惹味💕辣辣地幾過癮🌶墊底有好多芽菜好爽口 不過食完好濃味嘅蘿蔔糕就覺得芽菜比較淡味同油膩🙈.🌟鹽燒牛舌 $32牛舌有4塊切成一口size咬落有牛味 唔會太韌好重油脂香味👍🏻.📍 糖水檔1987 (佐敦)佐敦文匯街25號文景樓地下C號舖