泰廚泰國菜館

Open Now

Now Closed

今日出嚟旺角嘅寵物街想睇吓有冇得意嘅狗仔，睇完玩完一輪就開始肚餓，喺天橋行旁既泰廚既串燒實在太香太吸引啦，一於入去嘆番個下午茶先大家估下呢碗粉幾多錢？係28 ！$28！，扎肉都有四塊，仲有舊大白蘿蔔仲要送咗杯香茅冰，呢個價錢會唔會真係太抵，話晒旺角都係旺區，而碗粉既道都相當唔錯，性價比非常高，真心推薦比大家朋友就叫左橙色炒金邊粉由於呢度嘅下午茶實在太平，我都唔太好意思就咁埋單，所以我決定嗌返個海鮮幫幫老闆青口夠晒入味，如果辣椒膏可以再辣啲就好啦果然我個鼻係冇介紹錯，每串都只係$15，我叫左2串雞，2串豬，串燒一d都唔乾，個沙嗲醬仲有好濃既花生味最後仲可以一蚊食埋個甜品，實在太抵啦

早幾日突然好想食泰菜，即刻諗起呢間，食過幾次都好好味，今晚又黎食每次黎都啱啱有位，好lucky今晚胃口好好，兩個女仔叫左四樣，夠$200可以加1蚊換一樣小食，好抵叫左個開胃菜泰式酸辣鳯爪沙律酸味同辣味恰到好處，鳯爪都唔算少沙嗲串燒 (豬/雞）個沙嗲醬好濃好足夠，每舊肉都可以沾到醬汁，好惹味，雞肉好淋，一啲都唔嚡，豬都幾好馬拉盞炒通菜呢個菜略嫌油左少少，食到尾全部都係油同啲有啲鹹泰式炒金邊粉呢個味道都係啱啱好，不過唔夠乾身，有啲一舊舊夠$200可以換一款小食我次次都係會揀生蝦如果個醬可以辣少少就好喇

晚上和家人約好到旺角通菜街的*泰廚*食飯，媽媽特別喜歡來這裡用膳，因餐廳優惠吸引。滿200元就可以用1元選一款特定食品，這次我們點了500多元， 可以選兩款。冬陰大頭蝦湯～湯面雖紅，但不算太辣，入口帶有蝦肉鮮甜味，酸酸辣辣把身體的寒意都驅走 。泰式豬手～人不多，來一份例牌的嘗嘗， 豬皮滑嫩，豬手炆得軟淋， 醬汁酸甜開胃，最特別是配有鹹菜，用來送飯一流。泰式烏頭～是日特價， 烏頭用明火暖著，魚湯內配有黃芽白，秀珍菇， 大蒜等配菜，味道鮮美。泰式木瓜沙律和泰式粉絲沙律都富有泰國特色， 酸甜可口，同樣是加1 元就可換購， 可說是非常超值，也是泰廚長期排隊滿座的原因。

泰廚泰國菜館位於旺角嘅鬧市中。距離地鐵站只係5分鐘嘅路程，附近購物設施一應俱全。購物完很行到攰就又想試下泰國嘢就試下。😋係餐廳門口見到火爐炮製串燒，店員非常注意衛生帶上口罩及手套烹煮串燒。👍🏻入餐廳後，餐廳有兩層，裏面掛咗好多泰國嘅鎖匙扣作為裝飾，亦有不少泰國擺設，仿如置身泰國當地一樣。👍🏻既然係門口見到佢個串燒爐咁當然要嗌下串燒啦。😋我就嗌咗個燒雞串同埋燒豬串，另外左嗰個青咖哩雞肉配上薄餅。主食就揀咗個炒金邊粉，再加埋個泰式豬手。見餐廳做緊推廣，惠顧滿兩百蚊就可以加一蚊揀選指定的菜式。咁我就用一蚊加咗個泰式生蝦。好抵啊！😋率先想上臺嘅係泰式生蝦 ，生蝦好新鮮，有四隻，再夾埋辣椒仔同蒜蓉片 再加上特調醬汁，好好味。😋再來的就是泰式炒通菜，份量非常大碟，有微辣，充滿獲氣，菜也夠嫩。泰式青咖哩個咖哩好正宗，甜甜微辣。裏面好多配料，有青豆，小矮瓜，雞肉亦份量多。再配上個薄餅香脆酥化，味道一流！😋之後就到泰式金邊粉，泰式金邊粉裏面，有蝦，雞肉，豬肉，再配上去個青檸汁酸酸甜甜，非常之好味。串燒配上沙爹汁好香口。而串燒係即叫即整，所以夠曬熱。雞肉同豬肉非常嫩口。泰式豬手例牌份量都好大碟配上個酸菜芥

位處金魚街頭的泰廚地點方便，因此我們一行四人再來光顧她們推出滿200可選一款1元的超值小食第一款是泰式粉絲沙律，香辣而粉絲很入味另一款是泰式木瓜沙律，爽脆而開胃然後點了冬蔭大頭蝦湯，辣味十足味道亦正宗泰式豬手想不到的軟滑且味道亦不錯菠蘿炒飯份量足炒得亦香，建議多加入菠蘿炒金邊粉味道適中，花生醬配合得宜香茅豬扒飯的豬扒十分香脆鬆化，多多飯也能食光泰式濕炒河味道不濃且有不少蔬菜泰式明爐烏頭鮮甜且火喉十足總的來說，這家泰菜館位置方便，員工友善，而價格亦合理，經過附近不妨一試

同班朋友約左10世先約到既飯局，終於食到。由於有位朋友話窮，提意搵d唔算太貴既野食，經同事推薦，就黎泰廚泰菜試下啦。7點前到左，但原來限時食90分鐘，咁我地又未齊人，費時入去先等齊人先入。 可自己都係做呢行，所以都明限90分鐘既道理，但同行朋友就麻麻地。。。不過講真旺角區地鋪如果唔限你時間，點會可以回到本呢？好啦到左差唔多7點半終於人齊，入座啦，入到去都真係幾full 得幾張枱係冇坐人，不過好快都坐爆。4個人一共食左5百幾蚊，平靚正，又抵食，唔錯，要返去讚下同事冇介紹錯😋

平時經過旺角，都有食開呢間泰國菜嘅街邊串燒，難得和朋友收工來旺角行街，又想食泰國菜就入去食個靚飯。本身7:00pm開咗四人枱，二樓都接近爆滿，有啲不好意思最後兩位朋友甩底，比我地二人霸左四人卡位，好彩侍應都冇趕我地走啫！首先一埋位，即刻點個大椰青，解渴之用，亦係泰國菜必備！菠蘿炒飯，大大份有好多隻蝦，又有其他海鮮，菠蘿夠甜，成個炒飯又有肉鬆，夾埋好香！泰式炒芥蘭，本身已經試咗碟泰式炒通菜，有少少少少辣味，適合唔食得辣嘅人，成碟仲係青綠色，夠哂新鮮，雖然係炒但唔多油。炒金邊粉又係正宗得黎，又啱我同朋友口味，微微酸味，加上金邊粉好爽口，唔會太淋，炒得啱啱好！加埋花生碎口感一流！呢間真係好好食，難怪長時間都滿座，街邊不停有人等候啦！

剛剛在泰國回來香港，泰國的美食實在太吸引，令我難以抗拒。昨晚，決定與友人回味下泰國菜。在旺角鬧市，每間餐廳也塞滿了人，當然這間泰廚也不例外，我們只好在門口等待入座。看見門口有位職員在燒串燒，香味噴噴的。進座後，裡面有大大個電視讓顧客看。而餐廳都很熱鬧溫暖，客人都坐滿了座。我們點了4樣食物一枝啤酒，食物上菜的速度十分快。青咖哩海鮮炒飯 $79青咖哩味重，味道很夠辣。炒飯不會乾。炒金邊粉 $68金邊粉呈鮮橙色，很有特色。雖然口味遷就了香港人的口味，但味道也很特別和諧。它不會辣，不會很甜。而配料十分多，有蛋，韮菜，芽菜，蝦，青檸，花生。泰式濕炒河(雞) $68河粉不會一pat pat， 而我特別要讚的是，它的雞肉很多，肉身夠厚，又很嫩滑，咬感十分豐滿。同是味道也很鮮甜，值得一試!馬拉盞炒雜菜 $67 很大碟，不像其他泰國菜館一樣，只會給兩三款菜。而這裡有很多款菜，例如 有菜心、椰菜、西蘭花、菇、蘿蔔、芥蘭，等等不同的菜類。溫馨一提，這味菜會有點辣，不吃辣的朋友要注意喔。象啤 $16在香港能喝到象啤，回味著泰國的味，令人忘懷。整體而言，以旺角這個旺區來說，價錢不算是很貴。與朋友來一嚐，也可以~

泰國菜可算是香港人夏日用膳的好選擇, Tony 今次走進這人氣極高的泰廚泰國餐廳. 晚餐時段店外已有不少食客等候, 輪候時間未算太長, 建議2-4人用膳, 會比較快. 等候時, 傳來餐廳門外的串燒的香氣更令人垂涎.餐廳的食材用料相當新鮮, 特別是海鮮. 味道貼近傳統風味, 當中的沙嗲串燒更是推介菜式.乾炒咖哩海鮮亦值得一試. 整體服務衛生亦令人滿意. 串燒(雞)雞肉外層燒得香口, 內裡仍嫩滑, 配上帶辣的沙嗲醬, 非常惹味!! 推介p.s. 沙嗲醬另有不辣選擇, 下單時請與店員查詢生蝦刺身(優惠)新鮮生蝦加上帶辣醬汁, refreshing豬頸肉沙律豬頸肉經燒烤後亦不“鞋”口, 配上大量香料, 不錯.乾咖哩炒海鮮咖哩香濃帶有椰奶香, 比一般咖哩 “傑”身, 值得一試.馬拉盞通菜鑊氣十足, 唯略為過咸, 適合送飯炒金邊粉麵質彈牙爽口, 味道平衡, 可惜金邊粉有點碎. 泰式火車炒飯飯粒炒得夠乾身, 加上菜粒增添口感.

今日要同老公出旺角整牙，咁就泊係始創先。老公心血來潮話想飲冬陰公，想開飯睇下就近泰菜，就揀左金魚街街尾一間泰菜啦。之前係附近等巴士都被佢既串燒香味吸引，因為佢既串燒檔係店外。好彩去到有位，唔駛等。但佢都幾多人下，樓上仲有一層。睇完餐牌我都叫左一個泰式炒金邊粉、燒豬頸肉、馬拉盞肥牛炒通菜、冬蔭功大頭蝦湯同燒和牛肉串。本身叫和牛串時，侍應話未開串燒爐，最後佢一開，侍應都即時問番我地仲要唔要 ，d阿姐態度都好好。豬頸肉最先到，好似好大碟，豬頸肉好淋身，醃得好入味，另外我地超喜歡佢點豬頸肉個汁，酸酸地有d青檸同香茅既味令人好鬼開胃馬拉盞肥牛炒通菜同埋炒金邊炒都隨後送上，d通菜好新鮮個汁又惹味。至於炒金邊粉，成碟紅當當，一食落口好清新，有少少香茅味，碟上仲配左一少片青檸同一堆花生碎，撈埋之後成碟野仲有層次左添，相信廚房係個汁都下左不少功夫。冬蔭功同和牛串最後到，湯一到我同老公都嘩然，因為大頭蝦真係好大呀，湯對我黎講偏辣，老公就覺得剛剛好，香草味重，感覺好Thai style。而和牛串一黎到我地覺得好特別，因為唔係沙嗲口味，碟上同和牛肉上有d綠色既汁，和牛肉之間仲夾住洋蔥同青椒，食落去會覺得好fr

當想食泰國菜，我第一時間都會諗起呢間餐廳。。。幾個月之前都食過一次。。。覺得食物都幾地道。。。幾好味。。。所以今次當有朋友說想食泰國。。我都帶她來試一試。。。我們雖然已2點到了，但食店內依然人頭湧湧。。。食店分為上層和下層，今次被安排到上層位置。。位置都多的。。。最緊要不用等位便可入座了。。lucky青檸梳打。。十分地道。。餐廳會調配青檸汁和青檸 。。。之後會配上一支梳打。。。自行加到杯中。。。青檸味十分醒胃。。而且這隻支裝梳打十分夠汽不錯不錯。。。這杯珍多冰 。。。內有很多綠色啫喱條。。。令口感大增。。而且椰汁十分香濃。。每一啖都會飲到濃濃椰汁。。而且仲可以吸入啫喱。。。十分喜愛這杯泰式珍多冰。。。馬拉盞炒通菜。。。份量大大碟味道香濃，帶點點微辣。。。所以會令人愈食愈想食。。除外，通菜炒得很好。。脆脆地，又不會好難咬。。口感不錯不過我們最欣賞都是這個調味得很好，很地道小食拼盤。。。這裡有得點選大拼盤或小拼盤。。因為我們得2人進食。。所以我們點選了小拼盤小拼盤內小食6款。。分別有炸蝦片。。炸魚餅。。炸蝦餅。。炸春卷。。雞肉串。。豬肉串。。各有特色。。而且十分香脆可口。。。炸蝦片十分

吊頸都要抖下氣，忙完之後緊係要食番d鐘意嘅野獎勵下自己啦，我一向都好鐘意食泰國菜，因為d野食都好開胃，味道都岩我口味。今日閒日差唔多夜晚9點左右食，出面都有人排隊。呢到消費滿200蚊仲有一份小食送，我地就簡左生蝦。生蝦仲配左個汁，酸酸地點黎食都幾開胃，而且蝦都唔會腥，做前菜開下胃都唔錯。我地仲叫左個大嘅小食拼盤，拼盤有蝦餅、蝦片、魚肉餅、串燒、春卷，想樣樣都食d個話就要叫呢個啦。當中比較特別既係個蝦片，蝦味妹濃，同平時食開嘅蝦片好唔同，但個蝦餅就普通，唔夠彈牙。串燒係有豬同雞串，雞串好好食，肉都好滑而且個汁係有d椰奶味，味道好夾又唔會乾爭爭，但個豬就好韌唔係幾好食。平時係出面食泰式嘅燒豬頸肉都好好食，所以今次都叫左，但係呢到既燒豬頸肉就唔推薦大家食啦，有d乾同韌，最重要嘅係一d都唔香，食落去冇咩味。炒金邊粉推薦大家可以試下，甜甜地咁好香好好食，佢仲加左d芽菜同雞肉，食落去口感都幾豐富，而且又唔會有油膩嘅感覺。另外，食泰國野就緊係要叫生菜包肉碎，呢到既就一般，不過不失啦，只係d生菜大得濟，食得有d麻煩。野飲大家都係叫青檸梳打同醎檸梳打最後都係每人100蚊左右，真係好抵食，而且又好味，唔怪

好方便嘅位置，喺正行人天橋嘅隔離，又近金魚街，未有位去附近行吓都唔會覺得悶。通常呢啲茶餐廳嘅裝修整嘅食物係特別出色，唔知呢度點呢？冬瓜湯叫咗個set lunch，送餐湯。有好多芹菜，味道清甜冇味精，有少少肉粒增加口感炒金邊粉食泰國嘢點可以唔食金邊粉呢，醬汁平均沾滿每一條金邊粉，所以成碟都係橙色，顏色非常吸引；炒得幾乾身，炒蛋、肉絲、豆腐干及蝦嘅數量都足夠，旁邊有好多花生碎，撈埋晒嚟食口感豐富，再搾啲檸檬汁，整體更加清新，酸酸哋好開胃馬拉盞炒通菜未食過咁入味嘅馬拉盞炒通菜，仲帶少少辣，菜夠爽脆，所以重口味嘅大口仔食到嘴都甩埋。可惜我少少辣都唔食得，所以食咗少少就放棄了。隔離枱嘅幾位客人見到我哋呢度菜咁震撼，都忍唔住加單試吓，其中一位食辣嘅，聽到佢話完全唔辣..... 所以唔食辣嘅朋友要留意喇蝦醬炒飯有蝦膏炒飯及蝦醬炒飯，咁究竟有咩分別呢？兩者嘅材料都係銀蝦&鹽，都要經過曬嘅工序，不過蝦膏較濃縮，蝦醬所含嘅鹽比蝦膏多一倍，所以食蝦膏主要係食蝦嘅清甜，同時喺曬蝦膏前會多一個發酵工序，失去水分，味道自然會更濃烈；所以大口仔揀咗食鹹啲嘅蝦醬炒飯，米飯粒粒分明，香氣四溢；飯面有一大塊炒蛋，豆粒、肉

位於旺角東的泰國餐廳，很適合數位中學同學的聚會 等位人數不少，幸好餐廳有閣樓，不至於眾人企到腳軟 看到最近有這個特別推廣！每$200可加$1點一款，所以我們決定叫$600，那就可以點三款了 冬蔭公大頭蝦湯 ($75)感覺這裡的泰國菜都根據香港人口味，作了適當的調整。本應讓人感覺很辣的冬蔭公，這個反而令人覺得鮮甜味更出，有點像蕃茄湯的感覺 大頭蝦的大小沒令人失望，湯的味道都能確切顯示其新鮮的程度！生蝦刺身用了$1就買了的生蝦刺身，質素卻沒有「一分錢一分貨」，反而是很出色的一道頭盤！蒜片、辣椒、特製汁料，配上新解生蝦一隻，即成為惹味爽口的一道泰式刺身 回味無窮！肉碎生菜包 ($72)必須一讚的是肉碎同生菜的份量十足，足夠六人吃！（而我們只有四個人...）所以可以大快朵頤！這裡的肉碎生菜包跟外邊吃的有點不同，它有挺重的香茅葉味。香茅味帶甘，喜不喜歡它就見仁見智了。馬拉盞炒通菜 ($67)吃太多肉，必須要點一道菜作調劑 泰國菜必吃小菜之一－－馬拉盞炒通菜。很簡單的一道菜。新鮮通菜、惹味馬拉盞、充滿鑊氣的大鍋一炒，色、香、味俱全的菜就能呈上台，亦成為了眾人狂搶的目標 黃咖哩雞肉 (

每次經過都會俾門口d串燒香味吸引住~今次一於約埋朋友一齊試下呢間泰國菜館!原來每日佢地都會有一款菜做特價朋友最鐘意食泰式金邊粉, 佢話一定要叫一個俾佢食!味道ok, 都算大碟另外叫左個咖哩蟹~咖哩唔辣, 味道濃郁最估佢唔到既係有伊麵底, 好似去飲宴咁!反而蟹既份量唔多, 個麵食落感覺都幾肥!最後仲叫左個馬拉盞炒通菜~老實講係好食既, 好惹味, 比其他泰國茶館炒得好味得多!不過就偏咸左少少, 送飯一流!!!珍多冰不過不失!