豚道樂 (大河道) (Closed)

從日本旅遊回來便想念著日式拉麵了，便在附近找找。 看到這間有餃子吃，便和家人去一試。 看到門外貼著"炸物暫停"，沒關係，反正我們只想吃餃子和拉麵。這個店不是很大，除了吧台的椅子有一點點靠背外，其他座位都沒有靠背，座位也比較窄。  我們坐在吧枱位置算是較好了，還免費提供手機充電。  一切都還好，直至我們的食物來到。 發覺兩碗也是只有兩片肉，就是沒給我們做“特上”了，於是請女店員幫忙跟進。  稍後，她端來我們的2份“特上”加餸，但發現那裡只有兩片肉，而餐牌上說“特上”是包括兩款豬肉的，2份怎會只是1份1片肉？ 應該就是給少了。 再找剛才那位女店員跟進，她竟說不是兩款肉也給，是隨便給一款。 我說：不是吧！  她沒等我說完便走開了。 甚麼？ 那餐牌上寫的"特上"包括豬肩肉, 豬腩肉, 紫菜x2, 溏心蛋半隻，沒有 “/”這個符號，怎麼會是隨便給一款？  我們也不想再為一片肉跟她爭拗，於是繼續吃完便走，反正也不會再光顧。 老實說，別說服務態度，這裡的麵質不錯﹝我選曲的、硬的﹞。 但黑蒜湯吃不出黑蒜香﹝丁麵的黑蒜味比它還要香﹞，芥末味也是比較奇怪。 反正只是很濃很油的湯。 餃子也是失敗，不知道是放

因為就快出發去日本，最近都忙住整理行程，安排下係日本食d乜，當中搵左好多食拉麵既餐廳，越搵越想食。。。今日就唔理咁多，食番餐拉麵頂下癮先！朋友之前已經推介過我食呢間豚道樂，趁今日過開黎荃灣，就同男朋友黎會一會佢。我地好好彩，未夠7點黎到，仲有位✌🏻，坐左陣7點已經full 晒，仲有其他客人要等位。自己剔order紙好方便，想要乜口味、加減配菜，都係自己話事。湯底都有咁多款，揀d期間限定就岩晒，驚下次再黎無得食。首先黎左飲品，爽！左: 信州蘋果梳打右: 山梨桃梳打特上松葉蟹海老蕃茄湯拉麵 (曲麵、硬麵):先試啖湯，湯頭有濃郁蝦味加上少少蕃茄味，夾起拉麵都可以掛住d湯汁，加上曲麵咬勁足、有彈性，成碗麵味道豐富鮮甜。當然仲要講下d配料，🍜松葉蟹肉: 好多，食晒拉麵以為無啦，點知仲有係底，好鮮甜，啖啖肉，無諗過拉麵店會有咁新鮮既蟹肉食。🍜豬腩肉x1，豬肩肉x2: 特別要講下豬肩肉，係香港未食過一間拉麵整既豬肉/叉燒咁好食，個樣睇落無乜脂坊，但食落勁淋又滑，有肉味，本身無太多調味，但索上湯汁更加好食。另外豬腩肉都不錯，不過豬肩肉太有驚喜，難免被比下去。🍜其他配菜有，2塊紫菜、半隻溏心蛋、紫洋蔥，

對豚道樂有兩個評價：靚裝+足料裝修真係又靚又有心思。長枱上嘅天花掛住劍球同櫻花，將空間劃分。拉麵舖有木牌寫菜名一啲都唔特別，呢度特別在用滑板代替木牌，誇張突出，甚具玩味。仲有充電位。拉麵方面可能係海老湯嘅關係，味濃而且幾鹹，唔係話個個香港人都啱口味。但呢度啲拉麵比起好多舖頭足料。我碗松葉蟹海老蕃茄湯拉麵已經自動係特上價，即係有蛋、紫菜等等。因為個湯本身都幾鹹，所以蕃茄味唔算好出，但都睇到湯底偏紅。蟹量驚人！本來以為呢啲gimmick嘢都係少少蟹碎就算。點知食完蟹腳仲有大量蟹肉，圖中未計浸咗喺湯入面嘅蟹肉。可以揀幼/粗身麵。溏心蛋有水準，錢加得過。阿爸食嘅係海老拉麵。湯底應該就係我嗰碗減蕃茄，味一樣偏鹹。大量蝦米，帶鹹香，如果個湯本身清啲應該會更發揮到佢哋嘅用途。拉麵入面嘅叉燒吸咗湯汁油脂味唔太突出，所以呢客蒜蜜叉燒反而更好。蜜味香甜，燒過嘅腩肉有油香。小食種類幾多，可惜較特別嘅炸物今日冇。呢個...拉麵常客應該唔陌生。我就第一次飲嘅...飲佢都係滿足吓好奇心，如果唔好奇嘅就揀過第二款啦。想坐好啲食碗拉麵不妨嚟吓，不過講到拉麵本身就要視乎你哋係咪嗜鹹喇。

「拉麵台風」屹立於荃灣的大河街多年， 久久未見有其他拉麵店敢與「台風」正面交鋒， 但近年係同一條街竟然開設了另一家拉麵店－「豚道樂」，成為「台風」的競爭對手～😳😎 其實小編並沒有吃過「拉麵台風」， 因為眼見食物圖片已經覺得是比較港式的日本拉麵，🙈🙊 但「豚道樂」店內外都散發着濃厚的日本氣氛， 餐牌上的拉麵全都是九州風， 店外和「台風」一樣長期有食客排隊入座， 見咁受歡迎，便和拉麵達人一試其真偽～😏 「豚道樂」裝潢以工業為主題， 牆壁裝潢成紅色貨櫃般，甚有風味，🤘🏾 但也不失日本風格，🇯🇵 餐廳門口掛着不少用木製成的日系小飾物， 鎢絲燈下倒吊着日本叫作「劍玉」的小玩意， 連調味架也擺放了幾隻熊本熊🐻作伴，好可愛呢！ 座位方面，除了有拉麵店常見的吧檯外， 中間位置還有幾張4人長枱， 即使三五成群來也可以坐得舒適。☺️ 和一貫拉麵店一樣，枱頭有冷水供應， 枱底有掛鈎方便食客擺放隨身物品， 值得一讚的是店家還貼心地提供android和iphone充電線， 當我們吃東西時，電話也可以一齊補給。😂 「豚道樂」主打九州豚骨拉麵， 湯底以大量豬脊骨、筒骨和蔬菜熬成， 配低鹼水直身幼麵，香濃黏嘴

正藉放工時間同朋友黎到豚道樂食拉麵人龍好長但可能岩岩一輪走大概等左10分鐘左右就安排入座😊店舖比較細 但裝修好日式 同朋友都好鍾意店舖仲好細心有iphone同andriod線係每張枱 比客人自己叉叉電之餘 電話都可以叉一叉😚 抵讚！-特上日本芥辣拉麵 ($93)當然要嗌特上啦特上會多左我至愛嘅溏心蛋、紫菜 有齊腩肉同肩肉wasabi拉麵真係一次都未試過 但一試即刻愛上💚湯底比我想像中濃 𠽌𠽌聲將麵條流進口內 芥末味隨之直衝鼻腔呢種少少刺激嘅感覺令我吃得特別過癮😋叉燒好多塊 而且好大塊！唔會話得肥肉 好得我歡心-特上魚介豚骨拉麵 ($98)朋友嘅魚介湯底會相對濃味鰹魚味好鮮 一飲已經覺得比平時豬骨湯底多左層味道但同時都好重口味食哂飲埋湯會有極口渴嘅感覺😂-真係太肚餓 貪心嘅兩人決定試哂三款小食😂-炙燒芝士豚肉 ($18)芝士會同舊肉有少少分離兩者似係做唔到朋友 食唔到芝士溶係塊豚肉嘅感覺😢但欣賞芝士好香 同上面嘅七味粉亦都好夾-韓式蜜味叉燒 - 肩 ($25)超推介呢個蜜味叉燒蜜汁完全係包裹住成舊叉燒兩者融為一體 蜜汁完全係吊到成個味出黎❤️大愛呢個！-日式餃子 ($30)餃子做到皮貼肉

荃灣都有好幾間拉麵，之前食過呢度的芥末拉麵幾有創意又好味，今次見有期間限定，當然要食啦。一期一會，雞白湯與豚骨湯混合的湯頭，味道濃香鮮甜。另外，也有平日限定的魚介豚骨拉麵和週末限定的海老湯拉麵，很多限定的拉麵。我點了特上雞豚白湯拉麵和山梨桃梳打；朋友點了特上魚介豚骨湯拉麵和信州蘋果梳打。還點了三款小食，超級滿足。等待食物時，留意到餐廳提供的即磨芝麻，一陣可以加落拉麵同食。朋友的信州蘋果梳汁 $21，好香蘋果味，甜甜地又有充足汽，食完熱辣辣的拉麵，再飲真係好爽好舒服。我的山梨桃梳打 $21，有陣陣香甜桃味，也很清爽解渴。特上雞豚白湯拉麵 $95，期間杯數限定，雞與豚製成的濃郁湯頭太吸引。有雞的鮮甜味，混合豚骨湯的香濃風味，兩者很夾很美味，而且湯底濃稠得來，不太鹹。食到一半，我加了即磨芝麻，令味道更加香，芝麻很配雞豚湯。兩款拉麵都有豬腩肉和豬肩肉，一次食到兩種肉感，很貼心很抵食。豬腩肉炙燒表面，豬脂溶化更香口，腩肉入口快要溶，肥美香濃，食完不算很膩。豬肩肉薄切，所以保留肉的咬感，而又不會太厚身令口感更韌，反而肉質柔軟香腍。溏心蛋非常入味，而且半熟效果剛好，蛋黃很香很濃。我們都選了札幌風曲麵

今日去荃灣搵野食! 見到有間細細既拉麵店好似唔錯! 入去來一個午餐!哩度地方唔算太大, 好采黎到唔洗等位! 哈哈!而我覺得哩度好好呀! 每張高枱都有得叉電!睇下佢既餐牌~有好多唔同既拉麵食!我地就揀左特上黑蒜油拉麵同埋特上海老湯拉麵!特上海老湯拉麵讚呀！湯底特濃！好好味呀！好重蝦既味道，又好多好多櫻花蝦...正！佢既豬肩肉好好味！而我選擇左曲麵！彈牙好味！特上黑蒜油拉麵既湯底又係濃濃的! 而哩碗我就揀左幼麵!幼麵都唔錯呀! 同樣都彈牙爽口!原來特上既意思係有埋紫菜同埋流心蛋!可惜咁啱佢今日冇豬腩肉~下次一定要試下!另外小食我叫左我最愛既芝士~炙燒芝士豚肉!細細碟份量啱啱好! 用芝士溶化係豚肉上~正呀!最後飲個平果梳打~滿足呀!

第一次黎 地點有點難搵但好彩最後都搵到跟一般拉麵店一樣 都有不同既湯底 小食一人一張點餐紙 可以慢慢選自己獨特口味既拉麵正呀芝士迷必愛一人一塊就perfect..我同朋友一人一半share...唔太夠喉 哈哈 但口感好正 芝士又拉絲 豬又林 餃子 好地道 同平時係香港食到既口感唔太同好香好有份量好足料 超有口感 大大隻 誠意推介我見好多客人都有點餃子 辛辣味噌拉麵 不錯呀 香濃 辣辣地 令人愈食愈想食架 鍾意食辣既朋友可以一試加左隻10蚊既溏心蛋 yummy都係加左隻溏心蛋湯底好濃魚味 唔錯呀 又唔重味精我好欣賞佢個湯底 係限定黎架 要試就快d去試下啦不過唯一我覺得失望既就係我選左豬腩肉佢既豬腩肉冇入口即溶既感覺 只有彈牙 有點難咬如果我選左豬肩肉就perfect la。。豬肩肉會林d..好味d整體用餐感覺唔錯 誠意推介

最近睇關西攻略睇到小妹我心癢癢...好想去旅行啊...可惜無假又無錢...中午時分係荃灣同客傾完野 見到豚道樂都幾多人幫襯 唔蝕入去試下先😂十款口味任君選擇 㨂完再㨂配料等拉麵途中 當然要影下熊本熊啦😍等左陣 特上黑蒜油豬肩肉拉麵熱辣辣送到超香濃嘅蒜油味 配上香脆嘅炸蒜豬肩肉望落有點肥 但入口軟林唔油膩拉麵口感爽彈 湯底非常濃郁 正👍🏼友人㨂選左特上海老湯豬肩肉拉麵原以為海老係大蝦 原來係櫻花蝦😂細細隻又幾打耳喎😂友人略嫌湯底有點咸⋯食拉麵當然唔夠飽啦 叫左啲小食陪食香煎餃子 底部煎得脆脆的 幾好食韓式蒜蜜味叉燒(肩) 蒜蜜均勻查係叉燒上甜甜咸咸的 肉質軟林 好食👍🏼重叫左罪惡感比較重嘅炙燒芝士豚肉勁多芝士鋪係豚肉面 芝士面加左7味粉調味豚肉亦非常有咬口 好食到encore左😂飲品方面 餐廳嘅汽水係來自日本的招財貓樽好靚 飲落比波子汽水甜少少但都可以一試嘅😙😙😙