Pom's Kitchen & Deli (Moved) New Location

見到好多人推介既西餐廳，呢日放工後黎睇下質素如何🤫入到去裝潢帶點工業風，環境都寬倘舒服，不過坐低一陣就已經全場爆滿，真係誇張得很，好彩有提前訂檯者🤤▪️ 炭燒美國安格斯肉眼牛扒（10安士）（7/10）💲318 (Special Dinner Set)呢個晚市套餐係包左是日餐湯、法式蒜蓉包、精選甜品、餐飲🤔個餐湯係西式既粟米蘿蔔湯，頗為濃味🥘法式蒜蓉包烘到暖笠笠脆身，入口有香口嘅蒜蓉味😍主菜既肉眼上枱都幾大塊同厚身，落單叫咗五成熟，可能炭燒嘅關係，食落覺得似七成熟左右，同埋中間咁岩有條筋位🙈勝在炭燒焦香味都幾強烈，肉味又無被遮蓋，唔需要點燒汁都夠味🍴伴碟嘅有薯仔粒、翠玉瓜、秋葵😛見人哋精選甜品通常係藍莓芝士蛋糕，但呢日轉左係藍莓千層蛋糕，甜甜嘅藍莓醬同埋忌廉層次分明，但餅皮可以再濕潤多一點🫐▪️ 香辣海鮮墨魚汁意大利粉（7/10）💲228 (Dinner Set)呢個晚市套餐就包左是日餐湯、法式蒜蓉包、餐飲😌海鮮就有大蝦、魷魚、三文魚碎，個墨魚汁味道突出，顏色夠曬黑，會食到成個咀都係黑麻麻，而意大利粉偏向硬身有彈性🍝整體配搭感覺不過不失，如果辣些少就更好🌶🔎 整體評分（7/10）

佐敦成日都有啲隱世美食，隱藏係小巷之中依日友人帶我黎到依間餐廳食晚飯，話評價唔錯想試下喎時間尚早，所以位置任坐餐廳格調唔錯有少少歐陸時尚風餐廳間左一部分係一個玻璃室，有高枱或普通枱俾人坐，感覺舒服餐廳有晚市套餐同埋主餐牌，以上俾大家睇既係套餐餐牌如果想叫扒餐的話，係會包埋蛋糕架，但由於我地想叫個小食，所以就叫左一個意粉餐，同埋單點左一份牛扒，免得浪費食物餐湯既忌廉湯，味道較平時既為淡，質地較稀。蒜蓉包味道唔錯，剛剛焗熱辣辣水牛雞翼好惹味小小酸帶點辣，係水牛雞翼既味道雞翼外脆內軟，好味道第一道主菜到依味白酒牛油鮮大蜆意大利粉賣相好靚好有霸氣大約有十隻蜆圍住啲意粉一上枱已經發出陣陣白酒牛油味意粉煮得不錯，唔太腍亦唔太硬，表面睇起上黎好似好乾咁但其實唔係，有白酒牛油汁係底令意粉反而較濕，整體味道幾好第二味主菜係安格斯肉眼牛扒，係足十安士以木板上賣相更有外國風我地叫既係七成熟，煎得不錯，牛唔會太有穌味，肉眼咬落較鬆，牛味濃放係底既有幾舊煎薯仔同埋幾片煎瓜，煎薯仔幾有驚喜表皮係脆既跟餐送既檸檬茶，正常質素整體而言，餐廳服務幾好，上餐快，裝修有格調，價錢唔平但都有一定水準，如果經過開佐敦依頭值得試