Pom's Kitchen & Deli (Moved) New Location

✨芝士蟹肉焗大啡菇蟹肉份量都幾多，作為餐前小食好唔錯✨意大利三色芝士脆餅三色芝士有藍芝士、水牛芝士、巴馬臣芝士上檯已經聞到陣香濃芝士味佢既特色係唔似傳統薄餅咁有厚厚既餅底而係用薄既脆餅代替脆脆既邊皮同芝士好夾仲無咁濟住個胃✨炭燒美國安格斯肉眼牛扒(10安士)叫左一個dinner set既肉眼扒套餐會有餐湯、法式蒜蓉包、野飲同甜品價錢都只係三百左右，都尚算合理塊扒要左5成熟，都真係做到~肉質嫩滑有肉味切開有肉汁而且勁厚勁大塊！配菜既薯仔同雜菜有煎過，但唔會過油容易入口，做得唔錯！✨藍莓芝士蛋糕估唔到跟餐送既蛋糕都有咁大件而且芝士味都幾濃幾滑總體而言係超出我預期2個叫左咁多野食埋單6百幾唔算好平始終叫左個3百幾既牛扒XD但依個質素係對得起個價格👍🏻

突然好想二人世界食西餐，聽同事講Pom’s Kitchen & Deli都唔錯。靜靜地傾下計，幾有情調，所以放工去試下。餐廳內光線暗暗的，真的如同事所講好有情調，適合情侶拍拖。另外有一些長枱，都適合一班朋友聚會。晚上有dinner set, 見到有海鮮拼盤好想食，但又好想試牛扒，所以今次先試set。先來了羅宋湯和蒜蓉包，羅宋湯茄味濃郁，蒜蓉包蒜味重，正！點了炭燒美國安格斯肉眼牛扒，七成熟燒得剛剛好。好有炭燒的香味，而且牛味濃，不用點汁都已經好好味！配菜有香草薯仔，薯仔煮得好香口，味道有驚喜！如果可以多幾粒就好了。另外點了香煎鵝肝牛肝菌扁意粉，一上菜已經聞到好香既鵝肝味，鵝肝好多汁，跟牛肝菌味道好夾。牛扒餐包一件朱古力芝士蛋糕，不會好甜、亦不會好漏，味道剛剛好，一個人可以食到一件！另外值得一提是餐廳服務質素非常好，員工好有禮貌，讓我感覺好舒服😌。

嗌左2個set dinner，炭燒美國安格斯肉眼牛扒（$308）同香煎鵝肝牛肝菌忌廉扁意粉（$188）。兩個餐都有餐湯、蒜蓉包同餐飲，貴d個餐另有甜品（但個朱古力蛋糕偏甜）。蒜蓉包幾香口、唔會太硬。炭燒肉眼扒最好食，嗌左5成但黎到都有d似7成，不過都ok既，炭燒味好出。意粉相比之下就失色d，但都算唔會太濕太爛、幾彈力。不過麻煩係只收現金，好彩confirm booking時有預先提我地既，如果唔係、今時今日出街食飯真係好少帶咁多現金🤦🏻‍♀️

平時好少去佐敦食嘢，今日經過恆豐中心後面嘅街道，見到一間頗有格調嘅西餐廳，試吓無妨！餐廳燈光比較暗，令人感覺幾舒服，另外長身掛咗一啲聖誕裝飾，非常應節。我哋叫咗兩個dinner set，包括蒜蓉同湯，蒜蓉包外脆內軟，湯係蘑菇湯，非常濃郁。肉眼扒一直係我嘅最愛，係餐牌見到有足足10安士嘅肉眼扒當然唔可以錯過。味道同賣相果然冇令我失望，肉眼扒同手掌差唔多大，非常厚身，食落去肉質非常鮮嫰，無咩筋。另外旁邊嘅配材有薯仔翠玉瓜同埋茄子，煎得唔會好乾，幾juicy。我哋亦叫咗意粉，名叫天使紅蝦香辣蒜片墨魚麵。我第一次食墨魚麵，麵條幼身，辣味令墨魚麵更有層次。蝦好大隻，吸左啲蒜味同辣味，正! 走嘅時候先發覺原來dinner set仲有蛋糕。我哋叫咗芝士蛋糕，賣相同味道都唔錯！

今晚同閨蜜提早慶祝聖誕節，她提議食這間西餐，正正在恒豐商場後面街，都好易揾！餐廳環境昏暗，增添節日氣氛！我們被安排坐在有高枱牆那邊，細細的高枱，配細細的高櫈，同隔離枱好近，地下有個放手袋的竹籃，正是同隔離枱的距離，我自問不是太肥（100磅左右），都覺得坐得好迫，好不舒服！等食物期間已不小心跌了幾次刀叉，而食物上枱時都不夠位放，迫住我們要快快食完枱頭食物，值得－提是上菜速度好快， 可媲美茶餐廳，所以我們今次用餐時間（包埋食甜品）都不用四十五分鐘便完成了！今晚有兩款套餐，有餐湯， 蒜蓉包，主菜同餐飲，其中－款多了 紐約芝士餅，我地點左兩款套餐各－！南瓜忌廉湯無咩南瓜味， 忌廉湯不夠creamy，－般！炭燒美國安格斯肉眼牛扒 牛扒size好大份，燒得剛好，肉質嫰滑，味道不錯配菜有 茄瓜 ，翠玉瓜 同薯仔，份量十足！牛油白酒大蜆意大利粉這個略嫌遜色，蜆不大無咩肉，還有少許沙，而且只有牛油香味，沒有白酒香味，至於意粉本人覺得略硬！整體比較普通，無驚喜紐約芝士餅口感硬了點，甜了點同 閨蜜只吃了兩啖便放棄了！