The Grill Room (The Humphreys)

Open Now

Now Closed

在尖沙咀的高級西餐選擇固然數不勝數，但想與朋友輕鬆自在地共進晚餐，反倒較難找到價廉物美的西餐選擇，若非上網搜尋大概亦不會發現這間位於樓上的中價西餐廳。顧名思義The Grill Roon主要以炭烤菜餚為招牌，餐牌上不乏林林總總的選擇如燒美國安格斯牛扒、燒羊架及燒豬扒等，我們二人則點了三份主菜分享。燒吞拿魚扒配香草意大利黃瓜 ($188)吞拿魚扒色澤粉嫩，散發陣陣炭燒氛香，不過個人覺得略微過熟令肉質較乾，而意大利黃瓜則以香草、小茴香、檸檬及麻油烹調，清香爽脆，更有少量煙肉令味道更加豐富。紅酒燴牛面肉配黑松露野菌薯蓉 ($258)以往曾在其他餐廳享用牛面肉乾韌得有如牛𦟌一樣，而這份卻是令我對牛面肉徹底刮目相看，肉質極之軟嫩鬆化，甚至能輕易以叉子分開，肥美豐腴之餘相當入味，一旁更有綿密細滑的黑松露野菌薯蓉作配菜。炭燒豬腩肉鹽味焦糖汁配青蘋果沙律 ($218)切成六大件的豬腩肉層次分明，不過豬皮過厚放涼後比較硬實，而且下層瘦肉相對乾韌，加上鹽味焦糖汁燒製令更添一點甜香，入口肥而不膩，巧妙地配合清新的青蘋果沙律中和油膩感。

早幾日諗住請個朋友食飯，諗咗好耐都唔知食咩好。有朋友介紹話The Grill Room唔錯，環境舒適，價錢又唔貴。好，一於咁話。搭lift上去一開門，就已經係餐廳。成個開放式廚房係度睇住廚師燒扒，特別吸引。未食已經覺得好正😋 跟手一坐低，我哋即刻點左兩杯Mocktails, RUBY SUNRISE 同BEACH BABE.再慢慢睇menu. 原來我朋友係唔食羊同牛嘅🤣🤣唯有點豬同雞啦🤪 點咗：•炭燒豬腩肉鹽味焦糖汁配青蘋果沙律嘩，不得了～超好食😍皮脆香囗，豬肉肥瘦啱啱好，一d 都唔油膩，再配埋青蘋果沙律一齊食好開胃。•葡式香辣燒雞配黑松露薯條未送到上枱已經聞到陣陣炭燒嘅香味。但望到隻雞嘅時候，齋睇個樣好似好嚡咁,但食落又唔係喎。仲幾滑添，真係估佢唔到。黑松露薯條就普普通通，冇咩特別。•是日湯 （蘑菇忌廉湯）菇味香濃，忌廉幼滑。•蒜蓉牛油烤蔬菜蒜蓉味香，牛油味重，正。

有個理由慶祝去食好野終於可以黎呢到食，平日Book左八點半，去到仲見到坐滿大半個場，證明個熱潮仲未退。餐廳中間係開放式廚房，而左右兩旁係座位位置，以雲石配金屬嘅裝潢夠時尚，坐得又舒服，好岩姊妹們傾計好地方。服務好好，上菜速度快又會講係咩菜。野食相當有質素，特別係肉類表現好出色。兩個人叫左三樣，加一後，每人平均$300。 特色主題燒吞拿魚車厘茄杏仁片沙律 $128吞拿魚只燒到表面熟帶有燒肉嘅香味，而中間仲係生淋身，令到口感好好。沙律菜配上醋酸酸地好開胃，再加上杏仁嘅香口。 香草白酒煮青口配黑松露薯條 $198一盆大約有十五十六個青口，無腥無沙，帶有陣陣香草香味又咸咸地，加上檸檬，個鮮味更出，而且，煮得岩岩好，唔會鞋。薯條新鮮炸出，外脆內軟，黑松露好平均分布薯條上，唔會過濃過多。 炭燒豬腩肉鹽味焦糖汁配青蘋果沙律 $218 一碟有六舊，個皮好脆，肉嘅脂肪層係入口即溶，成個比焦糖汁包圍住，個焦糖汁有少少似樂家杏仁糖嘅味，入口甜甜地再配上青蘋果一齊食，多左蘋果清甜味更加好食。

朋友生日 book咗呢間都幾出名嘅西餐慶祝🥳Book咗6點 未有好多人店員安排我地坐bar枱對住個廚房同水吧 睇住廚師煎扒又幾得意🤪叫咗兩份扒一個前菜share廚師同店員都幾快手 好快有得食🤩首先上個前菜 擺得好靚！隻温泉蛋睇到都知入面啲蛋汁幾正🤤🤤🤤蛋汁加埋Parma ham嘅鹹味撈埋好好味🤤黑松露味都幾重都幾招牌嘅牛扒🤩好正 幾淋 唔會韌到咬唔開有類似燒烤汁同薄荷醬點牛扒就咁食可以食到原汁原味🥰點醬都唔錯個黑松露薯泥都係重點🤤好味！推介呢個🤤🤤🤤份量都幾多豬腩肉本身比較膩 但配埋個醬都幾清新🥰豬腩肉好淋 個皮幾脆🤩沙律都好味 青蘋果汁好開胃🥳🥳另外叫咗兩杯cocktail👉🏼Apple Smash ($88) Burnt Lemon ($88)味道都唔錯 鍾意甜啲重啲嘅apple smash多啲🤓

有人在尖沙咀接收工，男人話要鋸扒喎，即刻上網睇下附近有咩正野。The Grill Room位於堪富利士道中間位置，喺一幢比較新既大廈"爵寓"2樓，樓上係Service Apartment。我地坐喺吧枱位置，鍾意可以望住廚師煮野食同出菜，由其望到煎牛扒既過程都幾治癒。我地見牛扒份量都幾大份，叫咗一個沙律兩主菜，另加咗燒大蝦（兩隻）。🔸巴馬火腿配溫泉蛋黑松露露筍沙律🔸四樣野都係我好鍾意既食物，一次過滿足哂我四個願望。首先係大大隻溫泉蛋，蛋黃好濃蛋味，同黑松露好夾。BB露筍好嫩口，巴馬火腿係比較偏咸嗰隻，但係同清新BB露筍一齊食會互相加分👍👍👍加埋一齊食Very Good!🔸炭燒豬腩肉鹽味焦糖汁配青蘋果沙律🔸豬腩肉燒得啱啱好唔過火, 個皮燒得好脆, 我好鍾意個鹽味焦糖汁, 甜甜地既汁反而令到豬腩肉無咗肥膩感, 配埋醋汁沙律啱啱好。🔸燒美國安格斯肉眼扒配黑松露薯蓉🔸一路食一路睇到廚師燒牛扒已經覺得好正, 睇住真係燒唔係煎架, 深深既格仔紋勁大塊扒睇見都流口水。 我地鍾意七成熟無乜血水, 好開心真係做到想要既七成熟。 本身會配兩款汁, 一款係香草汁, 另一款係燒汁, 兩款汁都好味, 但男人覺得燒

同女朋友週年紀念去食晚飯，去前已大概睇過大家推介，基本上「豬腩肉」係一致好評，當然要試，結果冇令我地失望，或者係本身我對呢個菜式冇乜期望，因為坊間既「豬腩肉」水準黎黎去去都唔會太大分別，所以呢個的確係有令我驚艷到，佢可以話肥瘦適中，加上佢既焦糖汁都幾入味，確係令到呢個菜式有加到分。另一網上較多好評既係「安格斯肉眼配薯泥」，我同女朋友都係唔食太生之人，點了7成熟，扒本身可能已醃了一段時間，基本上已入曬味，偏鹹，變相令到跟果兩隻汁唔太發揮到啲咩效用，不過整塊扒來說都係唔差，符合佢既價格。意粉方面點了「燒大蝦配香草蕃茄汁扁意粉」，本人唔太好大蝦，所以比女朋友solo食左，佢亦冇咩特別comment，意粉亦唔需要特別評論，因為香草蕃茄汁配意粉都唔會死錯人，基本上一定match。飲品點了兩杯MILKSHAKE，士多啤梨&榛子，亦冇乜特別評語，唯一評語就話飲品偏貴吧，不過都符合西餐廳既價錢。原本想試埋甜品，不過已飽到冇戰鬥力，放棄了。**||有一點要提提大家||**基本上我響openrice睇呢間餐廳既評分時，絕大部分人對餐廳食物質素評分是高的，主要扣分都係響服務方面，所以依家幫大家打定針，大家如

需要到尖沙咀作物理治療，所以晚餐也選擇在尖沙咀。再一次經過尖沙咀這街道，今天來試一下二樓的餐廳。才步出電梯，已是餐廳的範圍，眼前是個小小接待處，後面則是開放式廚房。由於我是一個人，店員安排我坐在開放式廚房前的吧枱。感覺不錯，可以看到廚師們煮食，而且也很舒適。枱上簡單的兩張餐牌，設計上也花了點心思，感覺不錯。最後選擇了炭燒豬腩肉鹽味焦糖汁配青蘋果沙律Pork Belly salted caramel pork jus, green applesalad，三文魚他他配香草乳酪汁Salmon TT smoked salmon, sashimi salmon, yoghurt, dill, egg，意式奶凍 TGR Panna Cotta。約等了十分鐘，先送上三文魚他他，整份前菜堆砌成有如一個小山，並不是平放著，色彩雖不算豐富，造型上已經很是吸引，很有立體感。被三文魚他他的造型吸引，只顧著拍照的時候，主菜炭燒豬腩肉已經送上，炭燒味香濃，注意力即時轉移到主菜上。燒好的豬腩肉整齊的分成六塊，再放上青蘋果沙律，感覺就是一濃一清的味道，看來兩者非常配合。三文魚他他上的沙律並不是什麼特出，只是一般沙律，

阿林：對於無肉不歡的我來說，這裡不失為一個好選擇，豬牛羊雞海鮮的菜式俱備。首先吃了半生吞拿魚沙律 ($98)，原以為是吞拿魚Tataki，怎料幾乎全熟，有點乾。幸好上面放置了青瓜和蕃茄，配上青檸汁，總算變得清新開胃。兩道主菜均為肉類。豬腩肉 ($218)，皮雖香脆，咬下去卻因有點厚度而不夠爽快。豬腩偏肥，有些人可能會覺得油膩。醬汁為鹽味焦糖，味道不俗。安格斯肉眼 ($318)，選擇了medium rare。迎面撲來炭燒味，肉質頗為軟嫩，只是脂肪不大鬆軟。燒汁與羅勒醬之間，個人比較喜歡後者。配菜是黑松露薯蓉，黑松露份量不算吝嗇，但薯蓉可以更幼滑。我是一個重口味的人，惟是次的豬腩肉加安格斯，也確實令我有點膩滯。

假日去尖沙咀逛街最頭痛的就是找位置吃晚餐。今次去了一間樓上扒房，於尖沙咀港鐵站A2出口走一段小路就到，地點交通非常方便。餐廳位於一棟服務式公寓的二樓，餐廳內的坐位可以清楚看到廚房工作，透明度高，感覺很乾淨，令人很放心食物的衛生安全。至於食物方面，香草燒羊架配烤蔬菜 (Roast Lamb Rack) - 食落一點也沒有羶味，值得一讚！份量亦很足，兩個人分享剛好。炭燒豬腩肉鹽味焦糖汁配青蘋果沙律 (Pork Belly with salted caramel pork jus & green apple salad) -豬腩肉配特制焦糖汁出奇地夾，加上青蘋果沙律中和豬腩肉的咸與醬汁的甜，令這道菜變得更出色！

今日收工就約埋女友食飯啦，佢就話想食西餐，咁我就一定支持佢呀！尖沙咀出名嘅西餐有好多，但係最後我都係選擇左 The grill room, 因為我食過，我真係係食過，食過佢銅鑼灣果間店，女友都讚好呀！穩陣起見當然就再試下佢啦！係openrice地圖帶領下，就終於搵到爵寓啦，一個非常新式建築物，唔好唸啦，上去啦！一上到去就見到佢個開放式廚房啦，開放式廚房入面都能夠清楚見到佢地設備非常齊全，而且開放式廚房事實上係非常專注清潔，因為如果有少少污糟都好容易見到，影響信心，咁我地第一眼望落去感覺都係非常之乾淨，都食得非常之有信心！望下個餐牌，個餐牌非常之豐富，係餐果度鍾意牛嘅話有安格斯或者牛臉肉，有燒雞，有豬腩肉及三文魚，如果選擇散叫嘅話就更多啦，會有羊及一些燴意粉，咁最後我地就選擇左兩個餐，分別係安格斯及豬腩肉啦！首先就係頭盤啦，我地都無選擇到湯，我地都選擇左前菜，首先係三文魚他他配香草乳酪汁啦，面頭係一d好新鮮嘅沙律菜，有紅毛菜，九芽菜，再加上乳酪汁，真係好開胃，而且沙律菜都好新鮮，而底部都有三文魚，三文魚都好香好滑。跟住就到另外一款前菜，巴馬火腿溫泉蛋配黑松露筍沙律啦，都係賣相咁好啦！露筍

是日集體飯聚, 賀生日, 友人探定情報, 訂好下午6點入席早食鳥之特別優惠.巴馬火腿配溫泉蛋黑松露幼露荀沙律俾壽星一人獨享隻蛋, 佢話口中溶化溫暖, 火腿油香到無朋友, 當晚其他人好明顯係綠葉, 就食露荀, 嫰綠脆爽.特色主題沙律配車厘茄巴馬火腿蛋就話得一隻, 叫多碟, 車厘茄巴馬火腿可以分啦, 巴馬火腿油香香草燒羊架配烤蔬菜先上我的至愛: 羊, 第一道入正題的GRILL菜色, 已經做到野, 喚醒我的味蕾, 嫰口唔羶. 紅酒黑松露野菌燴牛臉頰肉配法式薯蓉無諗過一間主打GRILL的ROOM, 會煮到度只溶係口, 唔容係碟的牛臉頰肉慢煮三文魚配香草乳酪汁食完個只溶係口同羊架, 相比之下就中規中矩, 慢煮有心機, 香草乳酪汁可以清新番條脷, 再會下一盤.炭燒豬腩肉鹽味焦糖汁配青蘋果沙律好有風味的豬腩, 三層分明, 1分脆皮, 2分香油, 4分肉, 一咬即破, 大愛是日燒肉, 的確有青蘋果平衡一下, 可以再力奔向下一GRILL. 燒美國安格斯肉眼配薯蓉泥雜菌話明The Grill Room, 前面都未係重點, 牛扒係靈魂, 見真章.  5成熟, 剛剛好, 香嫰肉汁夠 Juicy, 本身質地好,