Video
Read full review
2018-02-28
1510 views
今日收工就約埋女友食飯啦，佢就話想食西餐，咁我就一定支持佢呀！尖沙咀出名嘅西餐有好多，但係最後我都係選擇左 The grill room, 因為我食過，我真係係食過，食過佢銅鑼灣果間店，女友都讚好呀！穩陣起見當然就再試下佢啦！係openrice地圖帶領下，就終於搵到爵寓啦，一個非常新式建築物，唔好唸啦，上去啦！一上到去就見到佢個開放式廚房啦，開放式廚房入面都能夠清楚見到佢地設備非常齊全，而且開放式廚房事實上係非常專注清潔，因為如果有少少污糟都好容易見到，影響信心，咁我地第一眼望落去感覺都係非常之乾淨，都食得非常之有信心！望下個餐牌，個餐牌非常之豐富，係餐果度鍾意牛嘅話有安格斯或者牛臉肉，有燒雞，有豬腩肉及三文魚，如果選擇散叫嘅話就更多啦，會有羊及一些燴意粉，咁最後我地就選擇左兩個餐，分別係安格斯及豬腩肉啦！首先就係頭盤啦，我地都無選擇到湯，我地都選擇左前菜，首先係三文魚他他配香草乳酪汁啦，面頭係一d好新鮮嘅沙律菜，有紅毛菜，九芽菜，再加上乳酪汁，真係好開胃，而且沙律菜都好新鮮，而底部都有三文魚，三文魚都好香好滑。跟住就到另外一款前菜，巴馬火腿溫泉蛋配黑松露筍沙律啦，都係賣相咁好啦！露筍
係openrice地圖帶領下，就終於搵到爵寓啦，一個非常新式建築物，唔好唸啦，上去啦！
一上到去就見到佢個開放式廚房啦，開放式廚房入面都能夠清楚見到佢地設備非常齊全，而且開放式廚房事實上係非常專注清潔，因為如果有少少污糟都好容易見到，影響信心，咁我地第一眼望落去感覺都係非常之乾淨，都食得非常之有信心！
望下個餐牌，個餐牌非常之豐富，係餐果度鍾意牛嘅話有安格斯或者牛臉肉，有燒雞，有豬腩肉及三文魚，如果選擇散叫嘅話就更多啦，會有羊及一些燴意粉，咁最後我地就選擇左兩個餐，分別係安格斯及豬腩肉啦！
三文魚他他配香草乳酪汁
19 views
0 likes
0 comments
巴馬火腿溫泉蛋配黑松露筍沙律
19 views
0 likes
0 comments
跟住就到另外一款前菜，巴馬火腿溫泉蛋配黑松露筍沙律啦，都係賣相咁好啦！露筍係凍食嘅，食落去係會有d黑松露油味，都係一樣咁開胃啦，而隻溫泉蛋呀師傅就真係個時間控制得非常準確，完全係流心，同埋個蛋王都好香蛋味，食完e兩個前菜令到我就更加期望之後個主菜嘅來臨呀！
炭燒豬腩肉鹽味焦糖汁配青蘋果沙律
32 views
0 likes
0 comments
第一個主菜黎啦，由於我女友唔食牛肉關係，佢就選擇左個燒豬腩肉，碟菜式第一下放落枱果下個感覺都係好靚，師傅好用心咁落醬汁，但係係我角度就份量少左d,，而好彩我個女友就話夠食啦！咁e個菜式就係用爐黎燒豬腩肉，開頭感覺上都好似廣東燒肉，而材料就大家都係豬腩肉，但係西式同廣東式製法就應該有分別啦，首先係個醬汁都唔同啦，餐廳係用左焦糖汁，而廣東燒肉係點芥辣，西式個煮法個皮係脆，火喉都控制都剛剛好，唔會個皮就燒到好硬，而且都好香豬味，中間肥膏果個位非常香口，而豬肉部分都非常嫩口，真心係唔錯，幾好味，但係份量就稍為細少少，或者建議可以加多個薯條，而個青蘋果沙律都係一樣好清新，好甜，同豬都好夾。
Peach lemonade
18 views
0 likes
0 comments
Apple smash
16 views
0 likes
0 comments
好，跟住到apple smash 啦，主要成份有白蘭地，蘋果同檸檬，味道都係一樣，好濃同好香酒味，而糖漿份量都係一樣落得非常準確，兩杯嘅cocktails 都非常好飲，而現在餐廳都做緊個優惠，88蚊有兩杯，係要試下呀！
燒美國安格斯眼扒配薯泥雜菌
27 views
0 likes
0 comments
好啦，跟住就到我心目中嘅主角出場啦，燒美國安格斯眼扒配法式薯蓉啦，而我就點左5成熟，一放上枱我女友都話我果份非常大份，直頭有我隻手掌咁大呀！咁師傅就係用網紋扒爐去燒呀！燒得好靚，而且時間都係同之前果d菜式一樣，非常準確，係真係有5成熟，另外重會跟兩種醬汁來給客人調味，分別就係香草汁同埋燒汁，望落去肉紋都好靚，呈現大理石肉紋。咁就開始試下啦，切完之後都可以好清楚咁見到層次分明，表面係好深網紋，但係裡面都係見到紅肉色，咁食落去肉質都好鬆軟，好香牛肉味，但係佢果種鬆軟就絕對唔係茶記沙嗲咁樣那到佢地鬆晒，係真係有口感呀！我個人就比較喜歡點隻香草汁，點完之後更香牛味，而薯蓉就更加係錦上添花呀！食到我飽飽呀！
藍莓芝士餅
35 views
0 likes
0 comments
意式奶凍
20 views
0 likes
0 comments
之後就到甜品啦！甜品我地就選擇左意式奶凍同埋佢個時日甜品，時日甜品係藍莓芝士餅，藍莓芝士蛋糕感覺上就細舊左，但係事實上係貴精不貴多，個蛋糕好香藍莓味，芝士味都係有呀，而個餅底都好鬆軟，唔錯唔錯。跟住就到個意式奶凍啦，出面望入去都好靚，好似個小仙境咁樣，但係最遺憾就係我女友一啖都唔俾我試law, 佢之係話係佢杯茶，好味。總給就係e間餐廳係非常清潔，職員都非常專業，你有咩唔明白問佢地佢地都會樂意解釋返俾你地聽呀！而野食都好有水準，我覺得佢地個份量同埋timing 都非常準確，好有系統，雖然價錢唔係話好平，但係都算係合理的，會再黎呀！
Post
