ROYAL INN

Open Now

Now Closed

Royal Inn喺尖沙咀The One入面，出名裝修華麗，打卡一流，最近仲新出咗日式綿綿冰添，就過嚟試下佢哋嘅晚餐平日晚餐都係睇返All Day Menu，就試咗意粉、牛扒同甜品意大利風乾煙肉蕃茄意粉 $138- 擺盤精緻，份量適中- 意粉汁有粒粒蕃茄肉- 意粉偏硬身，唔會腍啤啤- 煙肉足料，有咬口炭燒8oz安格斯裙柳牛扒 $298- 熟度order咗medium，出到嚟合適，唔會過熟- 切好上，大概有9-10大塊- 牛扒上面已經灑咗海鹽吊味，另外都附上牛扒汁- 肉質軟嫩- 配酸忌廉焗薯，焗薯值得一讚，好少餐廳連配菜都咁認真，配以酸忌廉上，而且原個薯仔切咗好多薄片去焗，食落有酸忌廉薯片嘅感覺～綠茶綿綿刨冰 (green tea kakigori) $108另外有雜莓、蜜瓜口味，都好吸引- 好少餐廳有得order刨冰類甜品，今次試嘅綿綿刨冰有驚喜- 配料包括: 雲尼拿雪糕、綠茶寒天、麻糬、紅豆，特別係綠茶寒天淡淡茶香- 冰底應該係牛奶冰，本身跟一小杯濃縮綠茶汁上，自己淋上去，就可以自行調較濃度~- 份量都幾大，適合3-4個朋友分享~

最近朋友生日，於是上網特登搵咗呢間靚靚歐式宮廷風café 同佢慶祝🎉入面有好多花花，牆身有歐陸式雕刻，而地面係黑白棋盤風格，真係超適合打卡✨*意大利風乾煙肉蕃茄意粉 $138擺盤好靚～上面插咗朵小花花💐蕃茄醬好濃郁，食得出醬入面伴有蕃茄蓉同埋煙肉，所以食落去口感豐富咗～本身叫煙肉怕會有啲鹹，結果食落去係啱啱好，煙肉嘅鹹香令蕃茄嘅酸甜味更加突出😋*炭燒8oz安格斯裙柳牛扒 $298牛扒我地叫咗五成熟，所以食落好嫩，完全唔韌😍而且佢同普通煎嘅牛扒唔同，食落去有炭燒獨有嘅香氣～焗薯切開成一片片，外皮酥香，薯仔肉好綿軟，配埋酸忌廉別有一番風味😚*Mixedberry / Chocolate banana smoothie $52兩杯沙冰都好適合夏天！雜莓味好清新，完全唔會有消毒藥水味🤤朱古力香蕉味好濃郁，朱古力控就千奇唔好錯過🍫

餐廳：Royal INN地點：尖沙咀The ONE菜式：法國菜餐牌：晚市有全日餐牌，有主菜，意粉，意大利飯，牛扒，side dishes，海鮮，湯，開胃菜，甜品，飲品。呢度都有套餐，酒。炭燒8oz安格斯裙柳牛扒 $298 另加一炭燒8oz安格斯裙柳牛扒擺盤唔錯，牛扒已經切好11片，等你唔洗自己切。叫左五成熟，中間顏色粉嫩。牛扒肉嫰多汁有牛味，另上燒汁可調味。伴有兩粒原粒車厘茄同一大隻薯仔，薯仔面頭加上忌廉同煙肉碎，好飽肚。西班牙黑毛豬鞍架 $248 另加一西班牙黑毛豬鞍架都係已經切好五大片，另外仲有一支骨。肉質算嫩，帶少少肥膏，少少乾身，點燒汁一齊食就好。伴有新鮮鬼佬西蘭花，羽衣甘藍，車厘茄片，薯仔同橄欖粒。今餐特別鍾意個牛扒。裝修非常之有法國特色，有一道大大巴黎凱旋門，而且仲放滿鮮花絲花。環境氣氛唔錯。

Royal inn充滿着法國🇫🇷氣氛，餐廳用華麗宮庭做主題，門口有法國凱旋門、古典水晶燈，仲有花花打卡位，而夜晚燈光暗暗地，好似置身於巴黎浪漫之中，亦具有高貴精緻嘅歐陸風格。牛油香煎蟹餅🦀 $138外層香脆，內層啖啖蟹肉，外脆內軟，加上蕃茄、芒果、洋蔥粒沙律做配襯，令蟹肉味道升華。鮮黑松露野菌意大利飯🍄 $188上面加左香濃既芝士片，每粒意大利飯都沾滿黑松露同cream，仲有大大粒大啡菇，野菌味重。意大利飯口感軟硬適中，有口感豐富，而份量都算大。炭燒8oz安格斯裙柳牛扒🥩 $2987成熟牛扒岩岩好，控制得好，香濃牛味，而肉質嫩滑，好juicy。再配上焗薯仔，有酸忌廉同煙肉粒，配搭好味！整體來講，環境高雅，服務態度良好，食物好味，算大份，岩哂情侶拍拖同約朋友打卡。🌟推薦指數：8/10💰人均消費：$300📍地點位置：尖沙咀彌敦道100號The ONE1樓L121號舖

今日約左舊同事放工去Royal INN食飯 因為平日較少食西餐，加上食物質素有驚喜嘅關係，喺度記錄下。餐廳喺The ONE 1樓盡頭，離遠已經公到間餐廳佈置好靚，好適合打卡。我地坐喺餐廳「戶外」自成一角嘅dining area，唔怕比人望到嘅話都幾好feel，可以望到九龍公園園景（男女約會request坐室內，氣氛同佈置會更好）。今日有set dinner menu，不過我地散叫。餐廳推介牛油香煎蟹餅，我地二話不說叫咗先。落單叫牛扒時，侍應問我地要唔要加埋bone marrow，一於加埋啦，再嗌多個Risotto。Appetizer↘牛油香煎蟹餅 $138好精緻！好濃蟹味，上面嘅toppings有芒果同蕃茄，酸酸地夾埋一齊食好開胃。Main course↘ 炭燒8oz安格斯裙柳牛扒 + 燒牛骨髓　$298 + $68我地要5成熟，出到黎熟左啲，但都好食到牛扒嘅高質素同嫩滑。上枱已經切埋件，好方便。牛扒仲跟左個焗薯，平時出面食焗薯，好多時薯皮都唔好食，而呢度嘅薯皮好香脆。至於bone marow，上枱後5分鐘仲見到好多泡泡喺骨髓面頭，因為好熱呀！平日鐘意食bone marrow既朋友一定

The ONE呢間打卡餐廳Royal INN成日都座無虛席，今日特意訂咗枱，約埋一排冇見嘅閨蜜嚟一齊食個飯打個卡。門外已經有靚靚嘅打卡位，當然要影返幾張Selfie先入去開餐。呢度唔單止環境靚，食物都值得推介，首先我哋就揀咗炭燒8oz安格斯裙柳牛扒，份量又多擺盤又靚。我哋揀咗5成熟，出面啲餐廳好多時都會加碼煎耐啲，我試過幾乎全熟😅，不過呢度就控制得啱啱好，而且更顯肉味。另外仲有焗薯作配菜，上面加有酸忌廉同火腿片，薯仔口感香滑，配埋少少酸忌廉味道更加突出，係一個好好嘅配菜。另外我哋仲揀咗鮮黑松露野菌意大利飯，賣相擺盤精緻，份量相當多，每啖意大利飯都充滿濃濃嘅黑松露味道。除咗有黑松露，仲有原隻大啡菇，非常厚身，咬落仲幾Juicy，飽肚又有益。而且仲有刨出嚟嘅黑松露片，如果鍾意食黑松露嘅朋友真係唔可以錯過。最後我哋仲食埋甜品，用杯上嘅Tiramisu賣相特別精緻，而且仲食得好方便。Tiramisu入面有層次，仲有濃濃嘅咖啡香，為今晚嘅晚餐作一個完美嘅句號。