夏宮

Open Now

Now Closed

家姐在手術前，同佢食餐好啲，約班姐妹就揀咗呢度，之前想約佢吔，次次都訂唔到位，今次早的訂，才知要分2輪，選1時半時段，早些到達，所有客人都在門口等夠鐘才可入席： 香煎素鵝$168， 不是煙燻的， 不是香脆，冷盤 腐皮甜， 紅蘿蔔絲滿滿五穀糙米炒飯 $280， 冬菇粒粟米粒香芹黑米紅米白米，香口乾身，爽 脆皮炸子雞半隻 $350， 熱門之選， 果然有道理， 細雞，肉嫩皮薄，無肥膏 ，雞味濃。 香脆豆腐魚蓉卷$84， 魚肉溝埋啲豆腐去炸，長條形， 像肥長春卷，外香脆豆腐味濃， 加魚肉有口感。 欖菜肉鬆四季餃$84， 雖然冇乜特別,將欖菜豆角釀咗落隻餃， 就喜歡欖菜 。梅菜叉燒蒸腸粉$100， 雖然唔係那種晶莹皮，但好有米味， 叉燒夠香夠多，嫌梅菜不夠。黑蒜竹笙上素餃$84， 期待粒黑蒜，但係太少！ 蛋黃千層糕$75， 賣相是正， 質彈軟， 鹹甜適中， 蛋黃味都好濃及豐富，係少咗啲椰絲味！

我個人對食物嘅美味程度重要過環境，所以真的較少去酒店搵嘢食，今次有張酒店coupon 用下，就選擇左喺夏宮食 lunch, 因為我覺得lunch 比較 free d, 晚餐好似好隆重咁其實 lunch 都比較爆，我哋兩人就真係只安排到2人枱俾我哋，我見人哋兩人都可以坐4人方枱，但好彩張枱都係大嘅，環境亦闊落Welcome tea… 玫瑰花茶，但其實唔知做咩本來都諗住食二人套餐，但原來套餐嘅兩款點心唔係自己揀而且每人得兩粒，所以最後決定叫兩個餸，再加3個點心呢個叉燒包真係非常非常非常之好味 暖暖哋，皮薄，叉燒好味，好有份量當然要試下佢嘅蝦餃燒賣啦，燒賣上面有好大粒帶子，感覺上好抵 當然味度質素都很好，$100 一籠，即$25 一粒，酒店黎講接受到喎！成三百幾蚊半隻嘅炸子雞當然唔可以唔好食啦 咁又真係幾好食嘅，好香好脆口另一個餸明明係食東坡肉煲，但個樣出黎係梅菜扣肉煲有點奇怪，但梅菜好甜，不用飯一齊食都得，肉就可再淋d 仲好總括嚟講，點心價錢相對性價比都高，但不大多款選擇，餸菜價錢都係酒店價格吧，我覺得價錢貴好食係應該嘅，如果嗰啲店價錢唔貴又好食就係攞獎架啦，同埋會大排長龍了！

一早已book 了港島香格里拉酒的夏宮,慶祝史加力媽媽生日,今次人數總共10人.我們訂了一個agnes b. 蛋糕, 這裡需要切餅費HKD150.00當然去之前會上open rice睇下食評,以下就是當晚的菜單 :荷葉飯-炒得唔乾又唔濕,但略欠荷葉味乳豬件-睇到介紹必食,尚可以. order時會問是否每人一件 餚肉- 又是必食,我覺得一般啦,但有人說幾好食.趣皮牛腩-比我想像中差,好油又唔趣, 反而八月居還好煎蓮偶片-幾好味鎮江骨-可以啦,但無乜特色,夠腍炸子雞-皮夠趣,但無乜雞味