Video
Exit F, Admiralty MTR Station
continue reading
Telephone
28208552
Introduction
An award-winning Cantonese restaurant, Summer Palace, inside the Island Shangri-La, is great for enjoying nostalgic Chinese dishes. Every dish from the menu highlights traditional flavors. During the Mid-Autumn Festival, the Summer Palace's mooncakes are quite popular.
continue reading
Awards and Titles
Michelin 1 Starred Restaurant (2018-2024), Michelin 2 Starred Restaurant (2009, 2013-2017)
Opening Hours
Today
11:30 - 15:00
18:00 - 22:00
Mon - Fri
11:30 - 15:00
18:00 - 22:00
Sat - Sun
11:00 - 15:30
18:00 - 22:00
Above information is for reference only. Please check details with the restaurant.
-
Online Booking Service Coming Soon
RELATED ARTICLES
Review (138)
拎住infinitecreditcard，即日起至2025年3月31號 憑卡就可享有特選餐牌買一送一優惠。前菜拼盤：海蜇冷鮑魚、黑松露雜菌芋盒、井崗山豆腐皮賣相符合酒店Standard，食物質素也是預期之上。 最特別是黑松露雜菌芋盒，炸得香亦吃到松露味而不油，配有菇的口感好突出。烏魚子蟹皇燴燕窩燕窩本來無味，因加入烏魚子而吊出鮮甜味道，加上杞子，感覺滋陰。海臘醬松茸鳕魚卷呢道菜考功夫，切藝鱈魚再包着松茸，輕輕沾上海臘醬，食到魚的清甜而又有一點濃味的點綴。冬林竹映精緻時蔬🤞🏻遠年陳皮焗肉排呢個肉排完全被陳皮的香與甘充分滲透，咬落去的肉質恰到好處，配上類似西蘭花非常好吃，大推！擔擔麵醬脆腸粉反倒呢個脆腸粉略為失望，煎腸粉下面是乾身的擔擔麵醬，兩者同樣是乾身，配不出一個好既味道及口感。 如果將醬改為液態性，相信可以入味。桂花川貝燉雪梨、椰汁紅豆糕秋冬無得輸系列來，雪梨🍐已很滋潤，加上桂花川貝，完全食唔停口呢。七星壽包因為呢餐慶祝momo生日， 所以早就叫定壽包同佢壽一壽。基本上我地只能一人食一個細包，壽包應該是親自焗，因包皮軟面香，蓮蓉唔算甜，當中亦按傳統有隻小黃，滿足。.
continue reading
多年來都是米芝蓮常客的港島香格里拉中菜廳”夏宮”，是我其中一間target list的餐廳，其實同集團其下中菜廳，不論九龍香格里拉“香宮”、嘉理酒店“紅糖”，以至深圳幾間同集團的中菜廳，都是有水準，各具特色，值得走一轉的餐廳。今次同幾位朋友來個午間小聚，就算是平日的中午，依然是座無虛席，除了在附近的上班族外，亦有好多應該是熟客，因為跟服務員有互動。 餐廳裝潢走傳統中式華麗路線，置身其中，不期然會把聲量收細。有朋友是餐廳的常客，菜色由他發辦準沒錯。既然是午餐，就由點心開始吧！水晶蝦餃皇好開心蝦肉吃得出沒經元素周期表蹂躪，蝦味的自然爽彈，又有少許筍絲，食落很清爽。雜菌鮑魚雞粒批水準好高，即叫即焗，自家製已經贏晒，起初望落仲以為係菠蘿包，餡料豐富，但包裹得啱啱好，沒有著大碼衫的口感，雜菌、鮑魚及雞粒比例恰好，誰也搶不了風頭，反而互相襯托。香麻叉燒酥同樣令人驚喜，薄薄的酥皮外層，拎上手有熱燙感，咬落完全感受到何謂酥化，內裡的叉燒餡料甜美，絲毫沒有焦位，最開心係醬汁好少，吃得出真材實料，外層沾上芝麻，令味道更香，是神來之筆。井崗山豆皮簡單的加入了蒜粒及紅椒，以醬油爆炒，看似平凡，但食落卻是滿有豆香，質感嫩滑，微微的辣更是挑起了食慾。脆皮燒腩仔芝麻皮一睇已知對辦，輕輕一咬，傳來清脆的聲音，五層肉相間分明，蘸點芥末更有提鮮的作用。清蒸瓜子班同行朋友無魚不歡，為保持新鮮，海魚基本上可以預訂，這條斤三四兩的野生海瓜子，由清蒸時間的掌握、醬油的調較（聽說師傅每天都調較新的專用醬油）以至薑蔥絲的清香，魚肉嫩滑到完美境界，特意加點白飯來加持，真美妙，可說是我近年來食過最佳的清蒸魚。豉油雞無雞不成宴，豉油雞好多地方都食到，夏宮用的是龍崗雞，體形啱啱好，太大隻便覺浸雞肉便難控制。整隻雞浸得飽滿入味，骨位見紅而不見血，雞肉嫩滑可口，豉油汁足以拌兩碗飯。六十年陳皮川貝燉鷓鴣乖乖的不得了，竟然用上了60年的陳皮，比我還要老，小小的一片，薄如紙張，色澤深黝，配以川貝鷓鴣，對氣管及肺部極之滋補，至少用上3，4個鐘去燉，味道及藥效都跑到湯裡去，大家切記要把湯渣都吃掉，尤其是那片陳皮，珍貴非常，對身體極好。蝦乾臘味煲仔飯第一個感覺係好大煲，臘味的油份滲人飯粒，邊位的飯焦在時間上拿捏的相當準繩，些微的焦香而不影響整體的飯香，拌和了醬油就更惹味。龜苓膏莫以為細細盅無料到，原來真係加入了龜板去熬製，一舀下去，竟然可以把湯匙彈起，有夠誇張的。入味已覺陣陣甘涼，在喉嚨中徐徐散開，回甘的感覺隨之而來，真心一句，確實是我係香港食過最好的龜苓膏，建議大家放棄落蜜糖，單純感受那種令喉嚨舒坦的反應。
continue reading
托朋友的福，終於有幸試試金鐘香格里拉米芝蓮一星中菜《夏宮》！餐廳裝修華麗，但以米芝蓮的標準來說，座位相距有點窄！服務態度方面很不錯，但如果更留意客人的需要會更好，例如茶水🫖要客人要求先加水！菜式方面，選擇困難及挑食的朋友們都以餐廳推介為主：1️⃣蜜汁叉燒：叉燒味道偏甜，而口感方面，較肥的肉質柔軟，較瘦的乾身「鞋」口，明顯廚師控制火候略為失色。2️⃣XO醬海鮮石鍋炒飯：炒飯材料豐富，米飯粒粒金黃，但調味較淡，XO醬味亦不明顯3️⃣松子上素鬆：新鮮的生菜包了秘製醬汁的蔬菜粒及松子，口感清新爽脆，不錯4️⃣清蒸東星斑：東星班蒸到有點過火，以致魚脊邊的魚肉不夠嫩滑，好在薑蔥豉油提升了魚鮮，補回了點分數！Overall 來說，整個晚餐質素都可以；但以這個價錢及對米芝蓮的expectation，就略為令人失望！
continue reading
10分有水準嘅點心 呢度飲茶分兩個時段 建議有興趣嘅人手先打電話訂位 我哋12:45去到 被通知last order係一點 所以我哋就等下一個時段～兩個人叫咗四個點心 最推介嘅係脆皮叉燒包 表面嘅墨西哥皮酥香微甜 中間嘅叉燒肉滿滿 唔係平時坊間剩係得醬汁同肥肉嗰種 包體軟糯 有彈性 超好食呀麻辣手撕雞腸粉軟滑 中間嘅手撕雞肉麻香微辣 主要應該係選用雞柳肉 一啲肥膏都冇 感覺好健康蝦餃每一節都感覺到滿滿嘅手工同誠意 好精緻又好完美 裏面嘅蝦肉爽滑彈牙 蛋黃千層糕個人唔太愛 因為係偏鹹嘅鹹蛋黃 個人更加喜歡偏甜嘅奶黃餡 所以覺得略嫌膩咗少少 但整體都好喜歡 絕對會再帶屋企人返去encore!
continue reading
家人們好喜歡飲茶食點心！成日嗌飲茶！人一世物一世！一於book間有質素既米芝蓮食府比佢哋試下。✅😀咸水角皮薄餡靚，鬆脆可口！餡料好足，真係有水準！素腸粉外皮煙韌有口感，賣相吸引，素食清清地！豬手入味又爽口，果然有水準！帶子蝦燒賣爽口既大蝦！豬肉餡料，層次即刻提升左！
continue reading